Yawˇshuˆ 18:19 - Akha

¹⁹ Kʼoeˇ gaˇ neh naˇ, Behˬhawˇgaˬlaˇ meuˬ-euˬ laꞈ taˆ paw gawˬ jawˬ dahˇ teˇ nyiˬ tsehˆ-ehˇ, Yawˇdaˬ lawˇ baˬ yoeˇ uˇ duˬ pyeuꞈ-eu Shiˇ-eu iˬ ma laˆ shaˆ lah gʼmˬ-ahˇ iˇ dahˬ-euˬ meh.

Yawˇshuˆ 18:19 Referans Kwoze

Yawˇshuˆ 15:2

Laꞈ oˆ paw dzeˇ dzaˬ miˇ kaˬ-aˬ, Shiˇ-eu Iˬ ma laˆ shaˆ lah dahˬ-ahˇ neh,

Aˇ dahˬ 14:3

Sahˬ paˬ heu ngaˬ gʼaˬ gm leˇ-awˇ, Siˇdmˬ deh ga ga ma-ahˇ, aˬ yawꞈ maꞈ-euˬ guiˇ maꞈ deuˬ-ahˇ tiˬ gaˇ tehꞈ-ehˇ kuˇ uiˬ taˬ-euˬ meh. Kʼoeˇ ngeh yamˬ-ahˇ, Siˇdmˬ deh ga ga ma-aˬ, nymˬ-mˇ Shiˇ-euˬ iˬ ma laˆ shaˆ jaˆ luꞈ-eu kʼoeˇ tsahˇ nyiˬ paˆ-ehˇ jaˆ-euˬ meh.

Iˇsaˬyaˇ 11:15

Iˇjiˇtuˆ miˇ kʼahˬ-euˬ laˆ shaˆ lahˇ gʼoꞈ-ahˇ, Sahˬpaˬ Miˬyehˇ bi gui-iˇ-awˇ, Uˇpaˬlaˇ lawˇ baˬ tsiˇ-iˇ ni, aˬ yawꞈ jaˬ lehˇ yaw lahˇ bi baw-euˬ miˇ neh, tsawˇ haˬ yawˬ gʼaˬ na luꞈ tsehˆ doˆ nya-eu gawˆ laꞈ shiꞈ gawˆ tehꞈ-ehˇ dzeˇ laˇ tehꞈ-a.

Yawˇshuˆ 12:3

Gaˬliˬlehˇ lah-ahˇ neh Yawˇdaˬ deh kʼawꞈ caw caw-ehˇ, Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu Behˬjaˬshiˇmoˇ meuˬ-ahˇ neh Piˇsaˬgaˬ gawˬ jawˬ-ahˇ keuˆ ni, miˇ kʼahˬ kʼoeˇ kʼahˬ tehꞈ meh.

Yawˇshuˆ 3:16

iˇ cuꞈ yoeˇ-eu naˬ leˇ-awˇ, Zaˬleˬdaˬ dawˬ peh jaˆ-eu Aˬdaˬ meuˬ-ahˇ keuˆ ni dahˬ goˇ daˆ leꞈ-euˬ meh. Shiˇ-eu iˬ ma laˆ shaˆ paw yoeˇ ka-eu iˇ cuꞈ tsiˇ jaˆ ni tsiˇ leˇ-awˇ, Iˇsaˬleˬlaˆ tsawˇ haˬ deuˬ Yeˬliˇkoˇ meuˬ dawˬ peh lawˇ baˬ tsehˆ doˆ nya-euˬ meh.

Dawˬmehˬ 3:17

Aˬ yawꞈ maꞈ-euˬ miˇ kaˬ nahˇ ma ga kʼehˬ paw dzeˇ dzaˬ-aˬ, Yawˇdaˬ lawˇ baˬ-ahˇ keuˆ ni pyeuꞈ-awˇ, laꞈ taˆ paw jaˆ-eu Gaˬliˬlehˇ lah-ahˇ neh aˇ dahˬ beh-awˇ, laꞈ oˆ paw jaˆ-eu Shiˇ-eu iˬ ma laˆ shaˆ-ahˇ neh nahˇ ma doˆ kʼehˬ paw jaˆ-eu Piˇsaˬgaˬ gawˬ jawˬ dawˬ dahˬ-ahˇ keuˆ ni meh.

Bawˇtsahˬ 34:3

Naw maꞈ miˇ kʼahˬ laꞈ oˆ paw pyawˬ-euˬ miˇ kaˬ-aˬ, Ziˇnaˆ bawˇ tsahˬ bawˇ dahˇ-ahˇ neh Eˬdoˬ miˇ kʼahˬ-euˬ miˇ kaˬ-ahˇ keuˆ ni meh. Laꞈ oˆ paw pyawˬ miˇ kaˬ kʼoeˇ-aˬ, Shiˇ-eu Iˬ ma laˆ shaˆ lah dahˬ paw coeˇ-ahˇ neh aˇ dahˬ beh-eu meh.

Aˇ dahˬ 19:25

Meuˬ kʼoeˇ nyiˬ meuˬ hawˇ-eu gaˇ dahˬ gaˇ dzeˇ deh ga dawˬ tawˆ luꞈ maˬ ehˇ, kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ maˬ ehˇ, yaw dehꞈ kʼaˇ dehꞈ-eu jeˬ dawˬ tawˆ luꞈ hawˇ-eu sahˬ lahˬ aˇ bawˇ dawˬ tawˆ luꞈ maˬ ehˇ, Sahˬpaˬ Miˬyehˇ neh laˆ cawˆ jiˇ-euˬ meh.

Yawˇshuˆ 18:18

Kʼoeˇ naˇ, Yawˇdaˬ deh kʼawꞈ kʼoeˇ taˆ jaˆ-eu gawˬ jawˬ dahˇ teˇ nyiˬ tsehˆ-ehˇ laꞈ taˆ paw le daˆ-awˇ, deh kʼawꞈ-ahˇ paˇ iˇ uˇ gʼeh-euˬ meh.

Yawˇshuˆ 18:20

Yawˇdaˬ lawˇ baˬ-aˬ, nahˇ ma doˆ kʼehˬ paw-euˬ miˇ kaˬ meh. Heu-aˬ, Beˬyaˬmiˬ tsawˇ jeuˬ za-euˬ miˇ kʼahˬ kʼoeˇ kʼahˬ-euˬ miˇ kaˬ meh.