Yawˇshuˆ 18:10 - Akha

¹⁰ Kʼoeˇ naˇ, Yawˇshuˆ shehˆ tsaˬ tsaˬ-eu laꞈ kʼoeˇ, Sahˬpaˬ Miˬyehˇ nehˬ-ehˇ mehˬ bawˬ mˇ-awˇ, dzeˇ luꞈ-eu tsawˇ jeuˬ aˬ yawꞈ jeuˬ yawꞈ-ahˇ miˇ kʼahˬ biˇ nehˬ-euˬ meh.

Yawˇshuˆ 18:10 Referans Kwoze

Gʼaˬkʼehˇ 13:19

Kaˬnaˬ miˇ kʼahˬ laꞈ kʼoeˇ jawˇ-euˬ tsawˇ jeuˬ shiꞈ jeuˬ-ahˇ aˬ yawꞈ laˆ cawˆ nehˬ-awˇ, aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ biꞈ-euˬ meh.

Yawˇshuˆ 18:6

Miˇ kʼahˬ shiꞈ paˆ paˆ-euˬ gaˇ kawˆ aˇ baˇ boꞈ doˆ-awˇ, ngaˇ jawˇ gaˇ yuˇ laꞈ-awˬ. Naw maꞈ gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ mehˬ bawˬ mˇ-awˇ, shehˆ tsaˬ tsaˬ-eu laꞈ kʼoeˇ, naw maꞈ-ahˇ miˇ kʼahˬ biˇ nehˬ ma.

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

Yoˇhaˬ 17:2

Aˬ jeˬ miˇ neh ehˇ naˇ, nawˬ neh aˬ yawꞈ-ahˇ kʼaˇ a nehˬ taˬ-euˬ tsawˇ haˬ dawˬ tawˆ luꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ biꞈ nya ni, miˇ tsaˬ tsawˇ jeuˬ dawˬ tawˆ luꞈ kʼoeˇ taˆ aˬ yawꞈ-ahˇ nawˇ baoˬ biꞈ taˬ-euˬ meh.

Maꞈtehˬ 27:35

Aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-awˇ, aˬ yawꞈ-euˬ mehˬ tsoeˬ deuˬ-ahˇ, aˬ yawꞈ maꞈ yaw kaˬ shehˆ tsaˬ tsaˬ-awˇ biˇ geuꞈ-euˬ meh.

Yeˬsaˬgeˬlaˇ 48:29

“Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ jeuˬ deuˬ-ahˇ miˇ kʼahˬ kʼoeˇ kʼahˬ ya biˇ nehˬ meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 47:22

Kʼoeˇ-aˬ, mˬ maˬ maˬ byaˆ zaˇ ziˇ naw maꞈ-ahˇ oꞈ-eu jeˬ biˇ meh. Naw maꞈ miˇ tsaˬ biˇ ngeh, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ hawˇ-eu, heu gaˇ dehꞈ le-euˬ tsawˇ haˬ deuˬ-ahˇ kʼawꞈ ya biˇ oꞈ nehˬ meh. Aˬ yawꞈ maꞈ-ahˇ Iˇsaˬleˬlaˆ miˇ kʼahˬ zaˬ lehˇ ya sawˇ-awˇ, shehˆ tsaˬ tsaˬ-eu laꞈ kʼoeˇ miˇ tsaˬ biˇ geuꞈ ngeh, aˬ yawꞈ maꞈ-ahˇ kʼawꞈ ya bi oꞈ leˇ meh.

Dawqdaq 18:18

Shehˆ tsaˬ tsaˬ-awˇ jahˇ tsaˬ geuꞈ-eu jeˬ-aˬ, baoˬ huiˬ-eu tsawˇ haˬ deuˬ-euˬ iˬ dehˬ iˬ ceh la miˆ-eu meh.

Jaceuq 61:5

Miˬyehˇ-oˇ, ngaˇ saˇ jaˇ dzaˬ-euˬ dawˬ-ahˇ nawˇ ya gaˬ gʼaˬ-awˇ, nawˬ-ahˇ taˬ huiˬ-eu deuˬ-ahˇ biꞈ-eu jeˬ, nawˇ ngaˬ-ahˇ biꞈ laꞈ-euˬ meh.

Jaceuq 47:4

Aˬ yawꞈ gaˬ-eu tsawˇ haˬ deuˬ nui kʼahˇ shiˇ dui dui-eu miˇ kʼahˬ pyeuꞈ-eu, aˬ yawꞈ jawˇ-eu miˇ kʼahˬ kʼoeˇ kʼahˬ-ahˇ, aˬ dui gʼaˇ duˬ aˬ yawꞈ tseˇ doˆ nehˬ laꞈ-euˬ meh.

Yawˇshuˆ 19:51

Piˇ ma Eˇlaˬzaˬ, Nuˬ-euˬ aˬ li Yawˇshuˆ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, Shiˇloˬ meuˬ-ahˇ Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ dawˬ peh shehˆ tsaˬ tsaˬ-eu laꞈ kʼoeˇ, Sahˬpaˬ Miˬyehˇ-ahˇ mehˬ bawˬ mˇ-awˇ, miˇ kʼahˬ heu deuˬ biˇ nehˬ-euˬ meh. Aˬ yawꞈ maꞈ kʼoeˇ loꞈ-ehˇ jahˇ-awˇ, miˇ kʼahˬ biˇ-euˬ meh.

Yawˇshuˆ 18:8

Kʼoeˇ naˇ, miˇ kʼahˬ aˇ baˇ kawˆ boꞈ leˇ-eu tsawˇ haˬ deuˬ doˆ le-euˬ meh. Aˬ yawꞈ maꞈ-ahˇ Yawˇshuˆ mehˬ nehˬ tsoˆ nehˬ-eu, “Miˇ kʼahˬ kʼahˬ lah ni cah doe leˇ-awˇ, miˇ kʼahˬ aˇ baˇ boꞈ-awˇ ngaˇ jawˇ gaˇ gʼoꞈ le-awˬ. Kʼoeˇ naˇ, heu gaˇ Shiˇloˬ meuˬ-ahˇ, Sahˬpaˬ Miˬyehˇ-ahˇ ngaˇ mehˬ bawˬ mˇ-awˇ, shehˆ tsaˬ tsaˬ-eu laꞈ kʼoeˇ, naw maꞈ-ahˇ miˇ kʼahˬ biˇ nehˬ ma.”

Bawˇtsahˬ 34:16

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Yawˇshuˆ 18:9

Tsawˇ haˬ kʼoeˇ deuˬ miˇ kʼahˬ kʼahˬ lah ni cah doe-awˇ, meuˬ deuˬ-euˬ tsawˇ myahˇ boꞈ ahˇ jiˇ-awˇ, miˇ kʼahˬ aˬ joˆ-ehˇ biˇ paˆ-eu gaˇ kawˆ boꞈ doˆ-euˬ meh. Kʼoeˇ naˇ, Shiˇloˬ taˆ-ahˇ Yawˇshuˆ jawˇ gaˇ gʼoꞈ le-euˬ meh.

Yawˇshuˆ 18:11

Beˬyaˬmiˬ tsawˇ jeuˬ-ahˇ oꞈ-eu miˇ kʼahˬ-ahˇ aˬ cawˬ jeˬ hu biˇ nehˬ-euˬ meh. Miˇ kʼahˬ kʼoeˇ-aˬ, Yuˇdaˆ miˇ kʼahˬ hawˇ-eu, Yoˇsehˆ tsawˇ jeuˬ-euˬ miˇ kʼahˬ yaw kaˬ-ahˇ tsaˬ-eu meh.

Yeˬlaˬmiˇ 7:12

Ngaˬ-ahˇ uˬ duˬ bi tahˬ-eu gʼaˇ duˬ, ngaˬ neh tseˇ doˆ beh beh-euˬ jawˇ duˬ pyeuꞈ-eu Shiˇloˬ meuˬ-ahˇ haw leˇ-awˬ. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ iˬ baˇ mˇ-euˬ baˬ da neh, aˬ yawꞈ maꞈ-ahˇ ngaˇ aˬ joˆ-ehˇ jahˇ nehˬ-euˬ nga lehˇ haw duˬ leˇ-awˬ.

Miˇkaˬ 2:5

Kʼoeˇ naˇ, Sahˬpaˬ Miˬyehˇ-euˬ tsawˇ haˬ deuˬ-ahˇ miˇ tsaˬ kʼoeˇ deuˬ paˇ biꞈ kʼoꞈ ngeh nah, naw maꞈ-ahˇ miˇ tsaˬ maˬ paˇ oꞈ meh.

Yawˇshuˆ 14:2

Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ jeuˬ gʼoeˬ jeuˬ uˬ taꞈ tiˬ paˆ-ahˇ, Yawˇdaˬ lawˇ baˬ nahˇ ma ga kʼehˬ paw jaˆ-eu miˇ kʼahˬ deuˬ-ahˇ, shehˆ tsaˬ bi tsaˬ geuꞈ-euˬ meh.

Yawˇshuˆ 14:5

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ miˇ kʼahˬ biˇ geuꞈ-euˬ meh.

Yawˇshuˆ 23:4

Nahˇ ma doˆ kʼehˬ paw Yawˇ daˬ lawˇ baˬ-ahˇ neh, nahˇ ma ga kʼehˬ paw Gʼahˇ ceh-eu iˬ ma laˆ shaˆ-ahˇ keuˆ ni jaˆ luꞈ-eu ngaˬ neh deuˆ gʼaˬ-euˬ tsawˇ jeuˬ deuˬ-euˬ miˇ kʼahˬ maˬ ehˇ, maˬ deuˆ gʼaˬ dah-euˬ tsawˇ jeuˬ deuˬ-euˬ miˇ kʼahˬ maˬ ehˇ, Iˇsaˬleˬlaˆ tsawˇ jeuˬ pyeuꞈ-eu naw maꞈ-ahˇ ngaˇ biꞈ gʼaˬ-euˬ ma.

1 Laˬsaˬbaˬ 24:5

Eˇlaˬzaˬ-euˬ zaˬ deuˬ uˆ deuˬ hawˇ-eu Iˇdaˬmaˬ-euˬ zaˬ deuˬ uˆ deuˬ nyiˬ jeuˬ luꞈ laꞈ kʼoeˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu yaw huiˬ yaw mahˇ deuˬ hawˇ-eu, guiˬ lahˬ saꞈ laˇ paw aˬ yuiꞈ geuꞈ-eu deuˬ jawˇ luꞈ-eu miˇ neh, aˬ yawꞈ maꞈ-ahˇ gaˇ biˇ paˆ nehˬ ngeh, shehˆ tsaˬ tsaˬ-awˇ biˇ nehˬ-euˬ meh.

Neˬhaˬmiˇ 11:1

Miˇ kʼahˬ-ahˇ uˆ lahˇ-eu aˬ yuiꞈ aˬ tsu deuˬ Yeˬluˇsaˬlehˬ meuˬ-ahˇ jawˇ-euˬ meh. Miˇ kʼahˬ zaˬ deuˬ laꞈ kʼoeˇ, muiˬ-eu shawˇ-eu Yeˬluˇsaˬlehˬ meuˬ-ahˇ bi jawˇ-eu gʼaˇ duˬ tseˇ zawꞈ-ahˇ tiˬ zawꞈ mehˇ beuˬ-awˇ tseˇ doˆ-euˬ meh. Kʼaˇ dzeˇ laˇ-euˬ deuˬ dawˬ tawˆ luꞈ meuˬ nui deuˬ-ahˇ jawˇ-euˬ meh.