Yawˇshuˆ 18:1 - Akha

¹ Miˇ kʼahˬ kʼoeˇ kʼahˬ-ahˇ aˬ yawꞈ maꞈ deuˆ za gʼaˬ ngeh, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ Shiˇloˬ meuˬ-ahˇ uiˬ leˇ-awˇ, Sahˬpaˬ Miˬyehˇ-euˬ Sehˬ gʼawˆ tsoˆ-euˬ meh.

Yawˇshuˆ 18:1 Referans Kwoze

Yawˇshuˆ 19:51

Piˇ ma Eˇlaˬzaˬ, Nuˬ-euˬ aˬ li Yawˇshuˆ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ, Shiˇloˬ meuˬ-ahˇ Sahˬpaˬ Miˬyehˇ jawˇ-eu Sehˬ gʼawˆ gʼoˆ kʼehˬ dawˬ peh shehˆ tsaˬ tsaˬ-eu laꞈ kʼoeˇ, Sahˬpaˬ Miˬyehˇ-ahˇ mehˬ bawˬ mˇ-awˇ, miˇ kʼahˬ heu deuˬ biˇ nehˬ-euˬ meh. Aˬ yawꞈ maꞈ kʼoeˇ loꞈ-ehˇ jahˇ-awˇ, miˇ kʼahˬ biˇ-euˬ meh.

1 Saˬmeuˬlaˆ 1:3

Peˬniˇnaˬ gʼaˬ zaˬ jawˇ le kʼawꞈ, Haˬnahˬ gʼaˬ zaˬ maˬ jawˇ le-a. Eˇlaˬkaˬnaˬ-aˬ, aˬ yawꞈ kʼoꞈ yawꞈ Laˬmahˇ meuˬ-ahˇ neh Shiˇloˬ meuˬ-ahˇ le-awˇ, Sahˬpaˬ Miˬyehˇ-ahˇ uˬ duˬ tahˬ-awˇ lawˇ-eu shehˇ-eu meh. Hawˇpaˬniˇ hawˇ-eu Piˇnaˬhaˇ lehˇ myahˇ-euˬ Eˇliˆ-euˬ aˬ li nyiˬ li, Shiˇloˬ meuˬ-ahˇ piˇ ma geuꞈ luꞈ-eu meh.

Yawˇshuˆ 21:2

Kʼoeˇ gaˇ, Kaˬnaˬ miˇ kʼahˬ Shiˇloˬ meuˬ laꞈ kʼoeˇ, Leˬbiˇ tsawˇ haˬ aˬ yuiꞈ aˬ tsu kʼoeˇ deuˬ ehˇ-eu, “Nga maꞈ jawˇ-eu gʼaˇ duˬ meuˬ deuˬ hawˇ-eu, nga maꞈ-euˬ jeˬ zaˬ deuˬ gʼaˇ duˬ meuˬ kʼoeˇ deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ nga maꞈ-ahˇ ya biꞈ meh lehˇ, Moˇseˬ-ahˇ gʼoe-awˇ Sahˬpaˬ Miˬyehˇ neh dawˬ biꞈ taˬ-euˬ jaˆ-eu meh.”

Yeˬlaˬmiˇ 26:6

Naw maꞈ kʼoeˇ loꞈ-ehˇ maˬ naˇ haˬ ni jawˇ te lehˇ ngeuˇ naˇ, Shiˇloˬ meuˬ-ahˇ jahˇ nehˬ-euˬ loꞈ-ehˇ, Uˬ duˬ tahˬ nymˇ nymˇ ma heu nymˇ-ahˇ ngaˇ jahˇ nehˬ-awˇ, miˇ tsaˬ tsawˇ jeuˬ dawˬ tawˆ luꞈ yaˬ kʼehˇ kʼaˇ yaˬ ngeh, meuˬ heu meuˬ-euˬ tsawˇ myahˇ-ahˇ dawˬ daˬ daˬ-awˇ yaˬ gaˇ keuˆ tehꞈ-a.”

Yawˇshuˆ 22:9

Kʼoeˇ naˇ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ heu deuˬ, aˬ yawꞈ maꞈ-euˬ miˇ kʼahˬ paw gʼoꞈ-iˇ-euˬ meh. Iˇsaˬleˬlaˆ tsawˇ jeuˬ nui deuˬ-ahˇ, Kaˬnaˬ miˇ kʼahˬ Shiˇloˬ meuˬ-ahˇ bi jawˇ yaꞈ-awˇ, Sahˬpaˬ Miˬyehˇ neh Moˇseˬ-ahˇ gʼoe-awˇ aˬ yawꞈ maꞈ-ahˇ biꞈ taˬ-euˬ loꞈ-ehˇ, aˬ yawꞈ maꞈ neh za-euˬ miˇ kʼahˬ pyeuꞈ-eu Giˇlaˆ miˇ kʼahˬ-ahˇ aˬ yawꞈ maꞈ gʼoꞈ-iˇ-euˬ meh.

Jaceuq 78:66

Aˬ yawꞈ-ahˇ muiˇ-eu deuˬ-ahˇ aˬ yawꞈ deuˆ gʼaˬ-awˇ, mˬ maˬ maˬ byaˆ zaˇ ziˇ daˬ bi ga-euˬ meh.

1 Sahˬpaˬ 14:2

Kʼoeˇ ngeh, Yeˬyawˇbamˬ aˬ yawꞈ-euˬ miˬ zaˬ-ahˇ heu loꞈ-ehˇ ehˇ nehˬ-euˬ meh. “Nawˬ-ahˇ aˬ cawˬ maˬ haw siˬ nya ni mehˬ tsoeˬ dm paˇ-awˇ, ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ tehꞈ-a lehˇ ehˇ-euˬ gʼaˬ pyeuꞈ-eu Miˬyehˇ gʼaˇ duˬ ngehˬ dah-eu Aˬhiˇyaˬ jawˇ-eu Shiˇloˬ meuˬ-ahˇ iˇ-awˬ.

1 Sahˬpaˬ 2:27

Kʼoeˇ naˇ, Aˬbyaˬdaˬ-ahˇ Sahˬpaˬ Miˬyehˇ-euˬ gaˇ mˇ-euˬ piˇ ma maˬ bi geuꞈ ni, Sawˇlaˬmoˬ neh teh dzeh-awˇ piˇ ma Eˇliˆ hawˇ-eu aˬ yawꞈ-euˬ zaˬ deuˬ uˆ deuˬ gaˇ kawˆ, Shiˇloˬ meuˬ-ahˇ Sahˬpaˬ Miˬyehˇ neh ehˇ taˬ-euˬ dawˬ bi byah laˇ-euˬ meh.

1 Saˬmeuˬlaˆ 1:24

Aˬ li kʼoeˇ li aˬ coeˇ gʼehˆ laˇ ngeh, Shiˇloˬ meuˬ-ahˇ ciˬ gʼeh-euˬ meh. Smˇ kʼoꞈ byah-eu mawˇ neˇ mawˇ gaw zaˬ tiˬ mawˇ, cehˇ meu smˇ pehˬ hawˇ-eu, aˬ gaꞈ dzaˇ uiˇ tiˬ byah ni dahˬ-eu shaˬ kʼoˆ iˇ puˬ tiˬ siˬ aˬ yawꞈ yuˇ gʼeh-euˬ meh. Aˬ li zaˬ nahˬ Saˬmeuˬlaˆ-ahˇ, Shiˇloˬ meuˬ-ahˇ jaˆ-eu Sahˬpaˬ Miˬyehˇ-euˬ nymˇ-ahˇ aˬ yawꞈ ciˬ gʼeh-euˬ meh.

Yaˇ kʼaˬ daˇ 18:31

Miˬyehˇ-ahˇ uˬ duˬ tahˬ-eu sehˬ gʼawˆ kʼoeˇ, Shiˇloˬ meuˬ-ahˇ kʼaˇ jaˆ kʼoeˇ keuˆ ni, Miˇkaˬ-euˬ tahˬ pahˬ aˬ ma mawˇ kawˇ kʼawꞈ kʼoeˇ gaˇ jaˆ-euˬ meh.

1 Sahˬpaˬ 14:4

Yeˬyawˇbamˬ-euˬ miˬ zaˬ-aˬ, Shiˇloˬ meuˬ-ahˇ jaˆ-eu Aˬhiˇyaˬ-euˬ nymˇ-ahˇ iˇ-euˬ meh. Aˬhiˇyaˬ tsawˇ mawˬ mawˬ dui dui laˇ-awˇ, myaˆ nuiˆ maˬ mawˇ nya-a.

Yaˇ kʼaˬ daˇ 21:19

Kʼoeˇ naˇ, “Tiˬ kʼoꞈ tiˬ poˆ Shiˇloˬ meuˬ-ahˇ Sahˬpaˬ Miˬyehˇ-euˬ bawˬ-iˬ gʼeh-eu aˇ yamˬ dawˬ peh peh laˇ luꞈ meh” lehˇ aˬ yawꞈ maꞈ shaˇ noeˬ luꞈ-eu meh. (Shiˇloˬ meuˬ-aˬ, Beˬdeˬlaˇ meuˬ-euˬ laꞈ taˆ paw hawˇ-eu Leˬboˇnaˬ meuˬ-euˬ laꞈ oˆ paw jaˆ-awˇ, Beˬdeˬlaˇ meuˬ hawˇ-eu Sheˬkmˬ meuˬ yaw kaˬ-ahˇ jaˆ-eu gaˇ ma-euˬ nahˇ ma doˆ kʼehˬ paw jaˆ-eu meh.)

Gʼaˬkʼehˇ 7:45

Aˬ dui maꞈ-euˬ aˬ poeˬ aˬ bawˇ kʼoeˇ deuˬ, aˬ yawꞈ maꞈ-euˬ aˬ da deuˬ-euˬ laꞈ-ahˇ neh sehˬ gʼawˆ kʼoeˇ hmˬ za-awˇ, aˬ yawꞈ maꞈ mehˬ hu paw le gʼeh leꞈ-eu nehˬ-ehˇ Miˬyehˇ neh bi teh doˆ-euˬ tsawˇ jeuˬ deuˬ-euˬ miˇ kʼahˬ yuˇ geuꞈ-eu lehˇ Yawˇshuˆ nehˬ-ehˇ aˬ yawꞈ maꞈ le ngeh jawˇ, sehˬ gʼawˆ kʼoeˇ gʼawˆ baꞈ gʼeh-euˬ meh. Kʼoeˇ naˇ, sehˬ gʼawˆ kʼoeˇ Daˬbiˇ-euˬ ziˇ-ahˇ keuˆ ni kʼoeˇ gaˇ jaˆ-euˬ meh.

Yawˇshuˆ 18:2

Iˇsaˬleˬlaˆ tsawˇ haˬ deuˬ laꞈ kʼoeˇ, miˇ kʼahˬ jeˬ biˇ maˬ za-euˬ tsawˇ jeuˬ shiꞈ jeuˬ jawˇ luꞈ-eu meh.

Yawˇshuˆ 18:8

Kʼoeˇ naˇ, miˇ kʼahˬ aˇ baˇ kawˆ boꞈ leˇ-eu tsawˇ haˬ deuˬ doˆ le-euˬ meh. Aˬ yawꞈ maꞈ-ahˇ Yawˇshuˆ mehˬ nehˬ tsoˆ nehˬ-eu, “Miˇ kʼahˬ kʼahˬ lah ni cah doe leˇ-awˇ, miˇ kʼahˬ aˇ baˇ boꞈ-awˇ ngaˇ jawˇ gaˇ gʼoꞈ le-awˬ. Kʼoeˇ naˇ, heu gaˇ Shiˇloˬ meuˬ-ahˇ, Sahˬpaˬ Miˬyehˇ-ahˇ ngaˇ mehˬ bawˬ mˇ-awˇ, shehˆ tsaˬ tsaˬ-eu laꞈ kʼoeˇ, naw maꞈ-ahˇ miˇ kʼahˬ biˇ nehˬ ma.”

Yawˇshuˆ 22:12

Kʼoeˇ loꞈ-ehˇ ehˇ gaˇ Iˇsaˬleˬlaˆ tsawˇ haˬ deuˬ ya gaˬ ngeh, nahˇ ma doˆ kʼehˬ paw baˬ-ahˇ jawˇ-eu Iˇsaˬleˬlaˆ tsawˇ jeuˬ kʼoeˇ deuˬ-ahˇ guiˇ deuˆ-iˇ-eu lehˇ, tsawˇ haˬ aˇ maꞈ dawˬ tawˆ luꞈ Shiˇloˬ-ahˇ laˇ uiˬ jiˇ-euˬ meh.

2 Saˬmeuˬlaˆ 7:6

Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ ka kʼoꞈ doˆ nehˬ laꞈ-euˬ nah-ahˇ neh aˇ dahˬ beh-awˇ, iˬ nah keuˆ ni uˬ duˬ tahˬ nymˇ laꞈ kʼoeˇ ngaˇ maˬ ya jawˇ haw-aˬ. Sehˬ gʼawˆ laꞈ kʼoeˇ tehꞈ-ehˇ jawˇ jawˇ-ehˇ cah-euˬ ma.

Neˬhaˬmiˇ 9:24

Kaˬnaˬ miˇ kʼahˬ-ahˇ aˬ yawꞈ maꞈ deuˆ gʼaˬ-euˬ meh. kʼoeˇ gaˇ jawˇ-eu tsawˇ haˬ deuˬ-ahˇ nawˇ gʼaˬ-euˬ meh. Kaˬnaˬ sahˬ paˬ hawˇ-eu miˇ kʼahˬ zaˬ deuˬ kʼoeˇ taˆ, kʼaˇ jahˇ mawꞈ-eu jeˬ jahˇ nehˬ nya-eu baoˬ, nawˬ-euˬ tsawˇ haˬ deuˬ-ahˇ nawˇ biꞈ-euˬ meh.

Jaceuq 78:60

Tsawˇ haˬ zaˬ nehˬ-ehˇ aˬ yawꞈ jawˇ-euˬ jawˇ duˬ pyeuꞈ-eu, Shiˇloˬ meuˬ-ahˇ jaˆ-eu sehˬ gʼawˆ-ahˇ aˬ yawꞈ byehˇ dzeh-euˬ meh.

Yeˬlaˬmiˇ 26:9

“Nawˇ-aˬ, ya bi diˬ sehꞈ gaˇ keuˆ-eu ngaˇ. Uˬ duˬ tahˬ nymˇ nymˇ ma heu Shiˇloˬ meuˬ loꞈ-ehˇ ya pyeuꞈ-iˇ-awˇ, meuˬ heu meuˬ tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ gaˇ keuˆ ni bi laˆ cawˆ tehꞈ-a lehˇ, Sahˬpaˬ Miˬyehˇ -euˬ tsawˇ myahˇ uˬ moˆ aˬ jeˬ miˇ neh nawˇ dawˬ ngehˬ te” lehˇ guˇ-eu meh. Kʼoeˇ naˇ, tsawˇ haˬ dawˬ tawˆ luꞈ, ngaˬ-euˬ dawˬ peh ga uiˬ laˇ-euˬ meh.

Yeˬlaˬmiˇ 41:5

Sheˬkmˬ meuˬ, Shiˇloˬ meuˬ hawˇ-eu, Saˬmaˬliˆ meuˬ-ahˇ neh tsawˇ haˬ yehꞈ tseˇ gʼaˬ oe-euˬ meh. Aˬ yawꞈ maꞈ mehˬ mahˬ jehˆ dzeh-awˇ, mehˬ tsoeˬ cehˬ pyaˬ-awˇ, gʼawˇ mawˇ-ahˇ kahˬ naˇ taˬ-euˬ meh. Uˬ duˬ tahˬ nymˇ nymˇ ma laꞈ kʼoeˇ lawˇ-eu gʼaˇ duˬ, dzaˬ la gʼo cehˇ lawˇ-eu jeˬ hawˇ-eu yaw saw jeˬ aˬ yawꞈ maꞈ yuˇ leꞈ-euˬ meh.

Bawˇtsahˬ 32:22

Miˇ kʼahˬ kʼoeˇ kʼahˬ deuˆ za ngeh, naw maꞈ gʼoꞈ le nya meh. Aˬ jeˬ miˇ neh ehˇ naˇ, Sahˬpaˬ Miˬyehˇ-ahˇ maˬ ehˇ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-ahˇ maˬ ehˇ, mˇ nehˬ paˬ-ehˇ gʼeh-eu jeˬ, naw maꞈ mˇ byah gʼaˬ-euˬ meh. Kʼoeˇ naˇ, Yawˇdaˬ lawˇ baˬ nahˇ ma doˆ kʼehˬ paw baˬ-ahˇ jaˆ-eu miˇ kʼahˬ heu kʼahˬ, Sahˬpaˬ Miˬyehˇ naw maꞈ-ahˇ biꞈ tsehˆ nehˬ laꞈ tehꞈ-a.

Yawˇshuˆ 22:19

Naw maꞈ-euˬ miˇ kʼahˬ maˬ muiˬ maˬ shawˇ-eu miˇ neh, uˬ duˬ tahˬ kʼaˇ maˬ za naˇ, Sahˬpaˬ Miˬyehˇ-euˬ Sehˬ gʼawˆ jaˆ-eu aˬ yawꞈ-euˬ miˇ kʼahˬ-ahˇ laˇ-awˇ, nga maꞈ-ahˇ miˇ tsaˬ shaˇ laˇ-awˬ. Ehˇ kʼawꞈ, Sahˬpaˬ Miˬyehˇ-ahˇ puiˬ-eu maˬ ehˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-euˬ lawˇ duˬ uˬ taꞈ-ehˇ, lawˇ duˬ nui hmˬ gawˬ-eu laꞈ kʼoeˇ, nga maꞈ-ahˇ Sahˬpaˬ Miˬyehˇ-ahˇ puiˬ-eu tsawˇ haˬ bi pyeuꞈ-iˇ ni mˇ-eu maˬ ehˇ, taˬ gʼeh nehˬ laꞈ.

Yaˇ kʼaˬ daˇ 21:12

Jaˬbehˆ-euˬ aˇ jeuˬ laꞈ kʼoeˇ, miˬ daꞈ daꞈ shuiꞈ oeˬ yaˇ gʼaˬ aˬ yawꞈ maꞈ mawˇ-awˇ, Kaˬnaˬ miˇ kʼahˬ Shiˇloˬ meuˬ-ahˇ, aˬ yawꞈ maꞈ-euˬ taˆ jaˆ gaˇ sheuˬ kʼoꞈ laꞈ-euˬ meh.