Yawˇshuˆ 17:18 - Akha

¹⁸ Gawˬ jawˬ gawˬ duˇ miˇ kʼahˬ kʼoeˇ naw maꞈ za tehꞈ-a. Kʼoeˇ-aˬ, aˇ bawˇ sahˬ kʼaˆ tehꞈ-ehˇ pyeuꞈ kʼawꞈ, heu dzeˇ kʼoeˇ dzeˇ doˆ ni naw maꞈ tuˇ deˬ geuꞈ-awˬ. Kaˬnaˬ tsawˇ haˬ deuˬ-aˬ, shmˇ mahˬ laˆ lawˬ deuˬ jaˆ-awˇ, gʼaˬ kʼaˆ-eu tsawˇ jeuˬ pyeuꞈ kʼawꞈ, aˬ yawꞈ maꞈ-ahˇ naw maꞈ teh doˆ nya tehꞈ-a.”

Yawˇshuˆ 17:18 Referans Kwoze

HeˬByehˇ 13:6

Kʼoeˇ miˇ neh, aˬ dui nui ma kʼaˬ duˬ ni gʼeh-eu laꞈ kʼoeˇ, “Sahˬpaˬ Miˬyehˇ ngehˬ gʼeh luꞈmeh. Ngaˇ tiˬ jeˬ-iˬ guˆ kʼaˇ maˬ za. Aˬcawˬ aˬ jeˬ jahˇ laˇ nya nmˇ” lehˇ ehˇ kaˇ-euˇ.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Lormav 8:37

Maˬ ngeuˇ. Aˬ dui-ahˇ gaˬ-eu gʼaˬ baˬ da neh kʼoeˇ deuˬ dawˬ tawˆ luꞈ-ahˇ aˬ dui yaw muiˬ paˬ-ehˇ gʼaˬ leˇ-euˬ ma.

Yawˇshuˆ 15:9

Kʼoeˇ gaˇ neh naˇ, Neˬpaˬtahˇ lawˇ kʼawꞈ-ahˇ neh, Eˇpaˬloˬ gawˬ jawˬ-ahˇ jaˆ-eu meuˬ deuˬ-ahˇ iˇ gʼeh-awˇ, (Giˇliˇyaˆyeˬlmˬ lehˇ kuˇ-eu) Baˬlahˬ meuˬ paw iˇ gʼeh-euˬ meh.

Yawˇshuˆ 20:7

Kʼoeˇ naˇ, Yawˇdaˬ lawˇ baˬ nahˇ ma ga kʼehˬ paw, Naˬtaˬliˇ miˇ kʼahˬ gawˬ jawˬ gawˬ duˇ paw Gaˬliˬlehˇ gahˬ kaˬ-ahˇ jaˆ-eu Geˬdeˬshaˆ meuˬ, Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu Sheˬkmˬ meuˬ, Yuˇdaˆ miˇ kʼahˬ gawˬ jawˬ gawˬ duˇ paw jaˆ-eu Heˬbyoˬ meuˬ heu deuˬ aˬ yawꞈ maꞈ tseˇ doˆ-euˬ meh.

Yawˇshuˆ 13:6

Miˇ kʼahˬ heu laꞈ kʼoeˇ, Leˬbaˬnoˬ gawˬ jawˬ deuˬ hawˇ-eu Miˇsaˬleˬpawˇmeˬ meuˬ yaw kaˬ-ahˇ jaˆ-eu gawˬ jawˬ gawˬ duˇ doe ni jawˇ-eu Siˇdoˬ tsawˇ haˬ deuˬ-euˬ miˇ kʼahˬ dawˬ tawˆ luꞈ ahˇ leˇ taˬ-euˬ meh. Iˇsaˬleˬlaˆ tsawˇ jeuˬ le gʼeh leꞈ-eu nehˬ-ehˇ, tsawˇ jeuˬ kʼoeˇ deuˬ-ahˇ ngaˇ teh doˆ ma. Ngaˬ neh nawˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ jeuˬ deuˬ-ahˇ nawˇ miˇ kʼahˬ ya biꞈ nehˬ meh.

Yawˇshuˆ 17:17

Eˇpaˬleˬ tsawˇ jeuˬ hawˇ-eu nahˇ ma ga kʼehˬ paw jawˇ-eu Maˬnaˇseˬ tsawˇ jeuˬ-ahˇ Yawˇshuˆ ehˇ nehˬ-eu, “Naw maꞈ tsawˇ haˬ aˬ diˇ aˬ maˇ myaˬ dui dui-awˇ, gʼaˬ kʼaˆ-eu meh. Miˇ kʼahˬ tiˬ tsahˇ tehꞈ-ehˇ naw maꞈ za-eu maˬ geuˇ-a.

1 Saˬmeuˬlaˆ 1:1

Eˇpaˬleˬ tsawˇ jeuˬ laꞈ kʼoeˇ, Eˇlaˬ kaˬnaˬ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu Laˬmahˇ meuˬ-ahˇ aˬ yawꞈ jawˇ-eu meh. Aˬ yawꞈ-aˬ, Zuˇpaˬ aˇ jeuˬ-ahˇ taꞈ-eu Toˇhuˇ aˇ jeuˬ aˇ ca tiˬ gʼaˬ pyeuꞈ-eu meh. Aˬ yawꞈ-euˬ aˬ bawˇ-aˬ, Eˇliˇhuˆ pyeuꞈ-awˇ, aˬ yawꞈ-euˬ aˬ da-aˬ, Yeˬloˇhamˬ meh.

2 Saˬmeuˬlaˆ 18:6

Daˬbiˇ-euˬ tsawˇ haˬ deuˬ deh ga-ahˇ doˆ-iˇ-awˇ, Eˇpaˬleˬ bawˇ tsahˬ-ahˇ, Iˇsaˬleˬlaˆ tsawˇ haˬ deuˬ nehˬ-ehˇ deuˆ ceh ceh-euˬ meh. Daˬbiˇ-euˬ tsawˇ haˬ deuˬ neh Iˇsaˬleˬlaˆ tsawˇ haˬ deuˬ-ahˇ deuˆ gʼaˬ-euˬ meh.

Aˇ dahˬ 49:24

Ehˇ kʼawꞈ, aˬ yawꞈ-euˬ kaˆ kaˆ poˆ maˬ byehˆ-iˇ-ehˇ, Aˬ yawꞈ-euˬ laꞈ du deuˇ dui dui ni, Iˇsaˬleˬlaˆ-ahˇ haw piˇ-eu yawˇ bo-eu yaw sahˇ, Yaˬkoˆ-euˬ Baoˬ huiˬ-eu Miˬyehˇ-euˬ baoˬ, aˬ yawꞈ-ahˇ caw ba-eu meh.

Dawˬmehˬ 33:17

Yoˇsehˆ mawˇ neˇ-euˬ gʼaˬ tsoꞈ-awˇ, nehꞈ nyoˬ uˬ coeˇ tsoꞈ gaˇ duˇ meh. Aˬ yawꞈ-euˬ uˬ coeˇ kʼoeˇ deuˬ-aˬ, Maˬnaˇseˬ-euˬ tiˬ heˇ hawˇ-eu, Eˇpaˬleˬ-euˬ tiˬ muiˇ coeˇ meh. Miˇ kʼahˬ tsawˇ jeuˬ dawˬ tawˆ luꞈ-ahˇ, uˬ coeˇ kʼoeˇ neh aˬ yawꞈ tahˬ-awˇ, mˬ dzeˇ miˇ dzeˇ teh dzeh-eu meh.”