Yawˇshuˆ 17:16 - Akha

¹⁶ Aˬ yawꞈ maꞈ ehˇ-eu, “Gawˬ jawˬ gawˬ duˇ miˇ kʼahˬ kʼoeˇ nga maꞈ gʼaˇ duˬ yaw suꞈ meh. Deh saˇ-ahˇ jawˇ-eu Kaˬnaˬ tsawˇ haˬ deuˬ shmˇ mahˬ laˆ lawˬ jaˆ-eu meh. Behˬshahˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jawˇ-eu tsawˇ haˬ deuˬ maˬ ehˇ, Yeˬzaˬleˬlaˇ deh kʼawꞈ-ahˇ jawˇ-eu deuˬ maˬ ehˇ, shmˇ mahˬ laˆ lawˬ jaˆ-eu meh.”

Yawˇshuˆ 17:16 Referans Kwoze

1 Sahˬpaˬ 4:12

Aˬhiˇluˆ-euˬ aˬ li Baˬnaˬ-aˬ, Taˬnehˇ meuˬ, Meˬgiˇdoˬ meuˬ hawˇ-eu, Yeˬzaˬleˬlaˇ meuˬ laꞈ oˆ Zaˬleˬdaˬ meuˬ dawˬ peh jaˆ-eu Behˬshahˬ meuˬ-euˬ gahˬ kaˬ ahˇ leˇ-ehˇ, Aˬbeˬlaˇmeˬhawˇlahˬ meuˬ hawˇ-eu Yawˇkaˬmeˬ meuˬ-ahˇ keuˆ ni haw-eu pyaˆ-eu gʼaˬ geuꞈ-euˬ meh.

Yaˇ kʼaˬ daˇ 4:3

Yaˬbiˬ-aˬ, shmˇ mahˬ laˆ lawˬ gʼoeˬ yaˇ laˇ jawˇ-awˇ, Iˇsaˬleˬlaˆ tsawˇ haˬ-ahˇ gʼawˬ shaˬ maˬ gaˬ ni kʼehˬ nehˬ kʼaˆ nehˬ-eu laꞈ kʼoeˇ, nyiˬ tseˇ kʼoꞈ uˆ lahˇ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ, caw ba le-awˬ lehˇ guˇ guˇ-ehˇ ngoeˇ-euˬ meh.

Yaˇ kʼaˬ daˇ 6:33

Kʼoeˇ naˇ, Miˇdiˬyaˬ tsawˇ haˬ deuˬ, Aˬmaˬlehˇ tsawˇ haˬ deuˬ hawˇ-eu, nahˇ ma doˆ kʼehˬ paw jawˇ-eu tsawˇ jeuˬ dawˬ tawˆ luꞈ uiˬ leˇ-awˇ, Yawˇdaˬ lawˇ baˬ tsehˆ doˆ laꞈ-awˇ, Yeˬzaˬleˬlaˇ deh kʼawꞈ-ahˇ taˆ tsoˆ-awˇ naˬ luꞈ-eu meh.

Yawˇshuˆ 17:18

Gawˬ jawˬ gawˬ duˇ miˇ kʼahˬ kʼoeˇ naw maꞈ za tehꞈ-a. Kʼoeˇ-aˬ, aˇ bawˇ sahˬ kʼaˆ tehꞈ-ehˇ pyeuꞈ kʼawꞈ, heu dzeˇ kʼoeˇ dzeˇ doˆ ni naw maꞈ tuˇ deˬ geuꞈ-awˬ. Kaˬnaˬ tsawˇ haˬ deuˬ-aˬ, shmˇ mahˬ laˆ lawˬ deuˬ jaˆ-awˇ, gʼaˬ kʼaˆ-eu tsawˇ jeuˬ pyeuꞈ kʼawꞈ, aˬ yawꞈ maꞈ-ahˇ naw maꞈ teh doˆ nya tehꞈ-a.”

2 Sahˬpaˬ 9:37

Aˬ yawꞈ-ahˇ tsawˇ haˬ tiˬ gʼaˬ-iˬ maˬ haw siˬ nya-ehˇ pyeuꞈ-iˇ ngeh keuˆ ni, aˬ yawꞈ-euˬ shaˬ jiˇ tiˬ gaˇ tiˬ jehꞈ-ehˇ, aˬ nyoˬ mawˇ neˇ keˬ loꞈ-ehˇ ga tehꞈ-a’ lehˇ ehˇ taˬ-euˬ jaˆ-eu meh.”

2 Sahˬpaˬ 9:10

Yeˬzaˬbeˬlaˇ-ahˇ baꞈ pahˬ nehˬ-eu gʼaˬ maˬ jawˇ ni, Yeˬzaˬleˬlaˇ meuˬ dawˬ peh aˬ kuiˬ neh bi dzaˬ jiˇ tehꞈ-a’ lehˇ ehˇ-eu meh.” Miˬyehˇ gʼaˇ duˬ ngehˬ dah-eu zaˬ guˬ kʼoeˇ gʼaˬ-aˬ, kʼoeˇ loꞈ-ehˇ ehˇ gʼaˬ naˇ doˆ-iˇ-awˇ, cehˆ byoˆ-euˬ meh.

1 Sahˬpaˬ 21:23

Yeˬsaˬbeˬlaˇ-euˬ gʼawˇ mawˇ-ahˇ kʼawꞈ, Yeˬzaˬleˬlaˇ meuˬ laꞈ kʼoeˇ aˬ kuiˬ neh bi dzaˬ tehꞈ-a lehˇ Sahˬpaˬ Miˬyehˇ ehˇ-eu meh.

1 Sahˬpaˬ 21:1

Yeˬsaˬleˬlaˇ meuˬ-ahˇ jaˆ-eu sahˬ paˬ Aˬhaˆ-euˬ nymˇ dawˬ peh, Naˬboˆ lehˇ myahˇ-euˬ tsawˇ haˬ tiˬ gʼaˬ-euˬ aˬ gaꞈ yaˇ kmˇ tiˬ kmˇ jaˆ-eu meh.

1 Sahˬpaˬ 18:46

Kʼoeˇ ngeh, Sahˬpaˬ Miˬyehˇ-euˬ baoˬ Eˇliˇyaˆ kʼoeˇ taˆ keuˆ le-euˬ meh. Aˬ yawꞈ-euˬ mehˬ tsoeˬ joꞈ-ahˇ yaw muiˬ paˬ-ehˇ dzahˬ ziꞈ-awˇ, Yeˬsaˬleˬlaˇ meuˬ-ahˇ le-eu gaˇ ma kahˇ li, Aˬhaˆ-euˬ mehˬ hu aˬ yawꞈ cehˆ-euˬ meh.

Yaˇ kʼaˬ daˇ 4:13

aˬ yawꞈ-euˬ shmˇ mahˬ laˆ lawˬ gʼoeˬ yaˇ laˇ hawˇ-eu aˬ yawꞈ-euˬ tsawˇ haˬ dawˬ tawˆ luꞈ-ahˇ kuˇ-awˇ, Gawˇiˆ miˇ kʼahˬ Haˬloˇshehˆ meuˬ-ahˇ neh, Giˇshoˬ lawˇ baˬ-ahˇ pyehˬ gʼeh-euˬ meh.

Yawˇshuˆ 19:18

Aˬ yawꞈ maꞈ-euˬ miˇ kʼahˬ laꞈ kʼoeˇ, Yeˬzaˬleˬlaˇ meuˬ, Sheˬsuˇlawˆ meuˬ, Shuˇneˬ meuˬ,

Yawˇshuˆ 17:11

Aˬshaˬ hawˇ-eu Iˇsaˬkaˬ miˇ kʼahˬ laꞈ kʼoeˇ jaˆ-eu Behˬshahˬ meuˬ, Iˇbaˬleˬ meuˬ hawˇ-eu, meuˬ kʼoeˇ nyiˬ meuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ meuˬ zaˬ deuˬ maˬ ehˇ, (iˬ ma laˆ shaˆ lawˇ deh-ahˇ jaˆ-eu) Dawˇlaˆ meuˬ, Eˬdawˇlaˆ meuˬ, Taˬnehˇ meuˬ, Meˬgiˇdoˬ meuˬ hawˇ-eu, kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ maˬ ehˇ, Maˬnaˇseˬ miˇ kʼahˬ-ahˇ taꞈ-eu meh.

Yawˇshuˆ 17:15

Yawˇshuˆ ehˇ-eu, “Naw maꞈ tsawˇ haˬ aˇ dzehˬ-ehˇ myaˬ-eu miˇ neh, Eˇpaˬleˬ gawˬ jawˬ gawˬ duˇ miˇ kʼahˬ kʼoeˇ naw maꞈ gʼaˇ duˬ yaw suꞈ naˇ, Paˬyehˆ tsawˇ jeuˬ hawˇ-eu Leˬpeˬ tsawˇ jeuˬ deuˬ jawˇ-eu miˇ kʼahˬ-ahˇ iˇ-awˇ, aˇ bawˇ sahˬ kʼaˆ tuˇ deˬ-awˇ jawˇ-iˇ-awˬ.”

Yawˇshuˆ 17:17

Eˇpaˬleˬ tsawˇ jeuˬ hawˇ-eu nahˇ ma ga kʼehˬ paw jawˇ-eu Maˬnaˇseˬ tsawˇ jeuˬ-ahˇ Yawˇshuˆ ehˇ nehˬ-eu, “Naw maꞈ tsawˇ haˬ aˬ diˇ aˬ maˇ myaˬ dui dui-awˇ, gʼaˬ kʼaˆ-eu meh. Miˇ kʼahˬ tiˬ tsahˇ tehꞈ-ehˇ naw maꞈ za-eu maˬ geuˇ-a.

1 Sahˬpaˬ 18:45

Aˇ yamˬ tiˬ kʼehˇ laˇ kʼehˬ laꞈ kʼoeˇ, zahˇ tsui ni gʼeh-eu mˬ dmˇ mˬ kʼoeˇ taˆ byah jiˇ-awˇ, jaˬ lehˇ baw-eu laꞈ kʼoeˇ, uˬ yehˇ yehˇ ma yehˇ le-euˬ meh. Sahˬ paˬ Aˬhaˆ-aˬ, aˬ yawꞈ-euˬ mahˬ laˆ lawˬ dziˬ-awˇ, Yeˬsaˬleˬlaˇ meuˬ-ahˇ gʼoꞈ-iˇ-euˬ meh.

Yeˬlaˬmiˇ 49:2

Ehˇ kʼawꞈ, Aˬmoˬ tsawˇ jeuˬ-euˬ meuˬ meuˬ ma pyeuꞈ-eu Laˬbah meuˬ-ahˇ jawˇ-eu tsawˇ haˬ deuˬ guiˇ deuˆ le-eu teˇ saˇ ya gaˬ-awˇ, meuˬ cawˆ-iˇ-awˇ pu deuˬ miˬ dzaˬ bi keuˬ dzeh jiˇ ngeh keuˆ ni, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-euˬ aˇ yamˬ keuˆ le-eu dawˬ peh peh laˇ-euˬ meh. Kʼoeˇ ngeh jawˇ, Iˇsaˬleˬlaˆ tsawˇ haˬ deuˬ aˬ cawˬ-euˬ laꞈ-ahˇ ahˇ leˇ-euˬ yawˬ ha-euˬ miˇ kʼahˬ paˇ za kʼoꞈ tehꞈ-a.

Yawˇshuˆ 15:56

Yeˬzaˬleˬlaˇ meuˬ, Yawˇkaˬdeˬ meuˬ, Zaˬnoˇaˬ meuˬ,

1 Saˬmeuˬlaˆ 29:1

Yeˬzaˬleˬlaˇ deh kʼawꞈ-ahˇ jaˆ-eu iˇ cuꞈ iˇ beuˆ dawˬ peh Iˇsaˬleˬlaˆ tsawˇ haˬ deuˬ taˆ tsoˆ-awˇ jawˇ ngeh, Piˇliˇtiˆ tsawˇ haˬ deuˬ yehˇ dawˬ tawˆ luꞈ-ahˇ, Aˬpyehˇ meuˬ-ahˇ sheuˬ keuˆ laꞈ-euˬ meh.