Yawˇshuˆ 17:15 - Akha

¹⁵ Yawˇshuˆ ehˇ-eu, “Naw maꞈ tsawˇ haˬ aˇ dzehˬ-ehˇ myaˬ-eu miˇ neh, Eˇpaˬleˬ gawˬ jawˬ gawˬ duˇ miˇ kʼahˬ kʼoeˇ naw maꞈ gʼaˇ duˬ yaw suꞈ naˇ, Paˬyehˆ tsawˇ jeuˬ hawˇ-eu Leˬpeˬ tsawˇ jeuˬ deuˬ jawˇ-eu miˇ kʼahˬ-ahˇ iˇ-awˇ, aˇ bawˇ sahˬ kʼaˆ tuˇ deˬ-awˇ jawˇ-iˇ-awˬ.”

Yawˇshuˆ 17:15 Referans Kwoze

Aˇ dahˬ 14:5

Tseˇ oeˬ kʼoꞈ tiˬ kʼoꞈ keuˆ laˇ ngeh jawˇ, sahˬ paˬ Sheˬdawˇlawˇmaˬ hawˇ-eu aˬ yawꞈ-ahˇ nui ma taꞈ-eu sahˬ paˬ deuˬ oe ka-awˇ, Aˬshaˇteˬyoˇkaˬneˬ meuˬ-ahˇ jawˇ-eu Leˬpeˬ tsawˇ jeuˬ-ahˇ maˬ ehˇ, Haˬmaˇ meuˬ-ahˇ jawˇ-eu Zuˬzmˬ tsawˇ jeuˬ-ahˇ maˬ ehˇ, Kiˇlaˬdeˬ meuˬ-euˬ deh ga-ahˇ jawˇ-eu Eˇmiˬ tsawˇ jeuˬ-ahˇ maˬ ehˇ,

Aˇ dahˬ 13:7

Kʼoeˇ miˇ neh, Aˬbyaˬ-euˬ jeˬ zaˬ bo-eu tsawˇ haˬ deuˬ hawˇ-eu, Lawˇtaˬ-euˬ jeˬ zaˬ bo-eu tsawˇ haˬ deuˬ yaw kaˬ, tiˬ kʼehˬ maˬ taˬ ni dawˬ ja doˆ-eu meh. Aˇ yamˬ kʼoeˇ yamˬ-ahˇ, Kaˬnaˬ tsawˇ jeuˬ hawˇ-eu Paˬyehˆ tsawˇ jeuˬ kʼawꞈ, miˇ kʼahˬ kʼoeˇ kʼahˬ laꞈ kʼoeˇ jawˇ luꞈ-eu meh.

Luˇkaꞈ 12:48

Ehˇ kʼawꞈ, baw leˬ-euˬ nui kʼahˇ maˬ siˬ nya-eu miˇ neh bi diˬ paˬ-ehˇ gʼeh-eu jeˬ mˇ bahˬ-euˬ zaˬ kʼaˆ-aˬ, yaw kʼaˆ kʼaˆ-ehˇ diˬ gaˇ maˬ ya daˬ-aˇ. Gʼawˬ mya ni za-euˬ tsawˇ haˬ yawˬ gʼaˬ na luꞈ, gʼawˬ mya ni ya biꞈ tehꞈ-a. Kʼoeˇ myaˆ maˬ tseˇ biꞈ taˬ-euˬ tsawˇ haˬ-ahˇ, kʼoeˇ myaˆ maˬ tseˇ paˇ shaˇ kʼoꞈ tehꞈ-a.

Eˇzaˬlaˬ 9:1

Gaˇ kʼoeˇ deuˬ mˇ gʼaˬ jiˇ ngeh, Iˇsaˬleˬlaˆ tsawˇ haˬ aˬ yuiꞈ aˬ tsu tiˬ paˆ na deuˬ ngaˇ jawˇ gaˇ laˇ-awˇ, Iˇsaˬleˬlaˆ tsawˇ haˬ deuˬ, piˇ ma deuˬ hawˇ-eu Leˬbiˇ tsawˇ haˬ deuˬ-aˬ, aˬ yawꞈ maꞈ-euˬ dawˬ peh jawˇ-eu aˬ cawˬ tsawˇ jeuˬ deuˬ pyeuꞈ-eu Aˬmoˬ tsawˇ jeuˬ Mawˇbaˆ tsawˇ jeuˬ, Iˇjiˇtuˆ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Paˬyehˆ tsawˇ jeuˬ, Yeˬbuˇ tsawˇ jeuˬ, Aˬmawˇliˆ tsawˇ jeuˬ kʼoeˇ deuˬ hawˇ-eu aˬ yawꞈ maꞈ-euˬ jawꞈ dui dui-eu zahˇ sahˇ kʼoꞈ deuˬ-ahˇ maˬ dehꞈ beu ni, dehꞈ keuˬ dehꞈ sho luꞈ-eu gaˇ kawˆ ehˇ laˇ-euˬ meh.

2 Saˬmeuˬlaˆ 5:22

Kʼoeˇ naˇ, Piˇliˇtiˆ tsawˇ haˬ deuˬ Leˬpeˬ deh kʼawꞈ-ahˇ paˇ oe-awˇ paˇ jawˇ le-euˬ meh.

2 Saˬmeuˬlaˆ 5:18

Piˇliˇtiˆ tsawˇ haˬ deuˬ-aˬ, Leˬpeˬ deh kʼawꞈ-ahˇ oe keuˆ-awˇ, kʼoeˇ gaˇ jawˇ-euˬ meh.

Doˆ-iˇ 33:2

Naw maꞈ-ahˇ bi sheuˬ gʼeh-eu gʼaˇ duˬ, mˬ taˆ gʼaˬ kʼehˇ tiˬ gʼaˬ ngaˇ pyehˬ gʼeh ma. Kaˬnaˬ tsawˇ jeuˬ maˬ ehˇ, Heˬtaˆ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, ngaˇ teh doˆ ma.

Aˇ dahˬ 15:20

Heˬtaˆ tsawˇ jeuˬ-euˬ miˇ kʼahˬ, Paˬyehˆ tsawˇ jeuˬ-euˬ miˇ kʼahˬ,

Yawˇshuˆ 17:14

Yoˇsehˆ-euˬ zaˬ deuˬ uˆ deuˬ Yawˇshuˆ-ahˇ ehˇ nehˬ-eu, “Aˬ jeˬ miˇ neh nga maꞈ-ahˇ nawˇ miˇ kʼahˬ tiˬ tsahˇ tehꞈ-ehˇ biꞈ nehˬ laꞈ te. Sahˬpaˬ Miˬyehˇ nga maꞈ-ahˇ guiˬ lahˬ biꞈ laꞈ-euˬ miˇ neh, nga maꞈ tsawˇ haˬ myaˬ dui dui-eu ma.”

Yawˇshuˆ 17:16

Aˬ yawꞈ maꞈ ehˇ-eu, “Gawˬ jawˬ gawˬ duˇ miˇ kʼahˬ kʼoeˇ nga maꞈ gʼaˇ duˬ yaw suꞈ meh. Deh saˇ-ahˇ jawˇ-eu Kaˬnaˬ tsawˇ haˬ deuˬ shmˇ mahˬ laˆ lawˬ jaˆ-eu meh. Behˬshahˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jawˇ-eu tsawˇ haˬ deuˬ maˬ ehˇ, Yeˬzaˬleˬlaˇ deh kʼawꞈ-ahˇ jawˇ-eu deuˬ maˬ ehˇ, shmˇ mahˬ laˆ lawˬ jaˆ-eu meh.”

2 Saˬmeuˬlaˆ 18:6

Daˬbiˇ-euˬ tsawˇ haˬ deuˬ deh ga-ahˇ doˆ-iˇ-awˇ, Eˇpaˬleˬ bawˇ tsahˬ-ahˇ, Iˇsaˬleˬlaˆ tsawˇ haˬ deuˬ nehˬ-ehˇ deuˆ ceh ceh-euˬ meh. Daˬbiˇ-euˬ tsawˇ haˬ deuˬ neh Iˇsaˬleˬlaˆ tsawˇ haˬ deuˬ-ahˇ deuˆ gʼaˬ-euˬ meh.

Yaˇ kʼaˬ daˇ 17:1

Aˇ nah aˇ yamˬ kʼoeˇ yamˬ laꞈ kʼoeˇ, Eˇpaˬleˬ miˇ kʼahˬ gawˬ jawˬ gawˬ duˇ paw, Miˇkaˬ lehˇ kuˇ-euˬ tsawˇ haˬ tiˬ gʼaˬ jawˇ-eu meh.