Yawˇshuˆ 17:14 - Akha14 Yoˇsehˆ-euˬ zaˬ deuˬ uˆ deuˬ Yawˇshuˆ-ahˇ ehˇ nehˬ-eu, “Aˬ jeˬ miˇ neh nga maꞈ-ahˇ nawˇ miˇ kʼahˬ tiˬ tsahˇ tehꞈ-ehˇ biꞈ nehˬ laꞈ te. Sahˬpaˬ Miˬyehˇ nga maꞈ-ahˇ guiˬ lahˬ biꞈ laꞈ-euˬ miˇ neh, nga maꞈ tsawˇ haˬ myaˬ dui dui-eu ma.” Gade chapit la |
Ehˇ kʼawꞈ, Yoˇsehˆ ehˇ gaˇ Yaˬkoˆ maˬ naˇ haˬ-ehˇ, “Ngaˇ siˬ nya ma li-oˇ. Ngaˇ siˬ nya ma. Maˬnaˇseˬ-euˬ zaˬ deuˬ uˆ deuˬ kʼawꞈ, huiˬ-eu tsawˇ jeuˬ pyeuꞈ laˇ tehꞈ-a. Ehˇ kʼawꞈ, aˬ nyiˇ gʼaˬ aˬ yawꞈ naˆ maˬ tseˇ huiˬ dzehˬ-awˇ, aˬ nyiˇ gʼaˬ-euˬ zaˬ deuˬ uˆ deuˬ huiˬ dui myaˬ dui dui-eu tsawˇ jeuˬ deuˬ pyeuꞈ laˇ tehꞈ-a” lehˇ ehˇ-eu meh.
Kʼoeˇ ngeh nah, aˬ li kʼoeˇ nyiˬ li-ahˇ Yaˬkoˆ heu loꞈ-ehˇ dawˬ ngehˬ gʼeh nehˬ-euˬ meh. “Iˇsaˬleˬlaˆ tsawˇ haˬ deuˬ tiˬ gʼaˬ tiˇ gʼaˬ dawˬ ngehˬ gʼeh nehˬ ngeh, naw nyaꞈ-euˬ tsawˇ myahˇ ya kuˇ tehꞈ-a. Aˬ yawꞈ maꞈ tiˬ gʼaˬ tiˇ gʼaˬ guiˬ lahˬ biꞈ ngeh, Eˇpaˬleˬ hawˇ-eu Maˬnaˇseˬ aˬ nyaꞈ nmˇ-ahˇ duˇ ni, Miˬyehˇ naw maꞈ-ahˇ guiˬ lahˬ biꞈ luꞈ-uˇ lehˇ ya ehˇ tehꞈ-a.” Yaˬkoˆ-aˬ, Eˇpaˬleˬ-euˬ tsawˇ myahˇ-ahˇ jeˬ huˬ ehˇ-awˇ, Maˬnaˇseˬ-ahˇ naˆ maˬ tseˇ Eˇpaˬleˬ-ahˇ taˬ huiˬ nehˬ-euˬ meh.