Yawˇshuˆ 17:11 - Akha

¹¹ Aˬshaˬ hawˇ-eu Iˇsaˬkaˬ miˇ kʼahˬ laꞈ kʼoeˇ jaˆ-eu Behˬshahˬ meuˬ, Iˇbaˬleˬ meuˬ hawˇ-eu, meuˬ kʼoeˇ nyiˬ meuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ meuˬ zaˬ deuˬ maˬ ehˇ, (iˬ ma laˆ shaˆ lawˇ deh-ahˇ jaˆ-eu) Dawˇlaˆ meuˬ, Eˬdawˇlaˆ meuˬ, Taˬnehˇ meuˬ, Meˬgiˇdoˬ meuˬ hawˇ-eu, kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ maˬ ehˇ, Maˬnaˇseˬ miˇ kʼahˬ-ahˇ taꞈ-eu meh.

Yawˇshuˆ 17:11 Referans Kwoze

1 Laˬsaˬbaˬ 7:29

Maˬnaˇseˬ-euˬ zaˬ deuˬ uˆ deuˬ-aˬ, Behˬshahˬ meuˬ, Taˬnehˇ meuˬ, Meˬgiˇdoˬ meuˬ, Dawˇlaˆ meuˬ hawˇ-eu, meuˬ heu deuˬ-euˬ jawˬ jawˬ-ehˇ jaˆ-eu pu deuˬ-ahˇ keuˆ ni uˆ lahˇ-euˬ meh. Jawˇ duˬ heu deuˬ dawˬ tawˆ luꞈ, Yaˬkoˆ-euˬ aˬ li Yoˇsehˆ-euˬ zaˬ deuˬ uˆ deuˬ-euˬ jawˇ duˬ pyeuꞈ-eu meh.

2 Sahˬpaˬ 9:27

Kʼoeˇ loꞈ-ehˇ pyeuꞈ luꞈ gaˇ sahˬ paˬ Aˬhaˬziˇ ya mawˇ ngeh, mahˬ laˆ lawˬ dziˬ-awˇ, Behˬhaˬgaˬ paw cehˆ-euˬ meh. Yeˬhuˇ gʼaˬ aˬ yawꞈ-euˬ mehˬ nah teh-awˇ, “Aˬ yawꞈ-ahˇ gʼeh sehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ dawˬ biꞈ-euˬ meh. Kʼoeˇ naˇ, Eˇbaˬleˬ meuˬ dawˬ peh jaˆ-eu Guˇluˆ meuˬ-ahˇ le-eu gaˇ ma caw caw-ehˇ, aˬ yawꞈ mahˬ laˆ lawˬ teh-awˇ sehˇ daˆ leꞈ ngeh, aˬ yawꞈ maꞈ aꞈ yawꞈ-ahˇ beuˆ zaw-euˬ meh. Ehˇ kʼawꞈ, Meˬgiˇdoˬ meuˬ-ahˇ keuˆ ni aˬ yawꞈ le gʼeh leꞈ-awˇ, kʼoeˇ gaˇ shiˇ tsehˆ leˇ-euˬ meh.

Yaˇ kʼaˬ daˇ 5:19

Meˬgiˇdoˬ lawˇ gawˆ dawˬ peh Taˬnehˇ meuˬ-ahˇ, sahˬ paˬ deuˬ guiˇ deuˆ le-euˬ meh. Kaˬnaˬ sahˬ paˬ deuˬ guiˇ deuˆ le kʼawꞈ, pyuˇ maˬ deuˆ za geuꞈ gʼeh nya-a.

Yaˇ kʼaˬ daˇ 1:27

Maˬnaˇseˬ tsawˇ jeuˬ-aˬ, Behˬshaˬ meuˬ, Taˬnehˇ meuˬ, Dawˇlaˆ meuˬ, Eˇbaˬleˬ meuˬ, Meˬgiˇdoˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-ahˇ jawˇ-eu tsawˇ haˬ deuˬ-ahˇ maˬ teh doˆ-a. Kaˬnaˬ tsawˇ haˬ deuˬ kʼoeˇ gaˇ jawˇ daˆ leꞈ-euˬ meh.

Yawˇshuˆ 12:23

iˬ ma laˆ shaˆ lawˇ deh-ahˇ jaˆ-eu Dawˇlaˆ meuˬ, Gaˬliˬlehˇ miˇ kʼahˬ-ahˇ jaˆ-eu Gawˇiˆ meuˬ hawˇ-eu,

Jaceuq 83:10

Eˬdawˇlaˆ meuˬ dawˬ peh aˬ yawꞈ maꞈ-ahˇ nawˇ deuˆ gʼaˬ-awˇ, aˬ yawꞈ maꞈ-euˬ gʼawˇ mawˇ miˇ tsa ga buꞈ-euˬ meh.

1 Sahˬpaˬ 9:15

Sahˬ paˬ Sawˇlaˬmoˬ-aˬ, Uˬ duˬ tahˬ nymˇ nymˇ ma tsoˆ gaˇ maˬ ehˇ, sahˬ paˬ jawˇ-eu hawˇ nymˇ tsoˆ gaˇ maˬ ehˇ, meuˬ-euˬ nahˇ ma doˆ kʼehˬ paw coeˇ-ahˇ miˇ tsaˬ pi dzm gaˇ maˬ ehˇ, Haˬzawˇ meuˬ, Meˬgiˇdoˬ meuˬ hawˇ-eu Geˬzeuˬ meuˬ heu deuˬ tsoˆ muiˬ gaˇ maˬ ehˇ, tsawˇ haˬ paˆ nehˬ-awˇ myawˬ kʼaˆ bi mˇ-euˬ meh.

1 Saˬmeuˬlaˆ 31:10

Aˬ yawꞈ-euˬ guiˇ deuˆ-eu keu ka-ahˇ Aˬshaˇtaˬyoˇ miˬ yehˇ ma-euˬ uˬ duˬ tahˬ nymˇ-ahˇ bi jaˆ-awˇ, aˬ yawꞈ-euˬ gʼawˇ mawˇ-ahˇ, Behˬshaˬ meuˬ-euˬ meuˬ lahˇ kʼoeˇ taˆ taꞈ myahˬ-awˇ bi jaˆ-euˬ meh.

1 Saˬmeuˬlaˆ 28:7

Kʼoeˇ ngeh, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ Sawˇluˆ dawˬ biꞈ-awˇ, “Ngaˬ-ahˇ zaˬ miˬ zaˬ nyiˇ paˬ tiˬ gʼaˬ poˆ mawˇ nehˬ laꞈ-awˬ. Ngaˇ aˬ yawꞈ-ahˇ naˇ haˬ haw la” lehˇ ehˇ nehˬ-euˬ meh. “Eˬdawˇlaˆ meuˬ-ahˇ nyiˇ paˬ tiˬ gʼaˬ jawˇ meh” lehˇ, yaw huiˬ yaw mahˇ kʼoeˇ deuˬ aˬ yawꞈ-ahˇ ehˇ kʼoꞈ nehˬ-euˬ meh.

Yawˇshuˆ 11:2

laꞈ taˆ paw pyawˬ-ahˇ, gawˬ jawˬ gawˬ duˇ deuˬ-ahˇ jawˇ-eu sahˬ paˬ deuˬ-ahˇ maˬ ehˇ, Gaˬliˬlehˇ lah laꞈ oˆ paw Yawˇdaˬ deh kʼawꞈ-ahˇ jawˇ-eu sahˬ paˬ deuˬ-ahˇ maˬ ehˇ, gawˬ jawˬ dawˬ dahˬ-ahˇ jawˇ-eu sahˬ paˬ deuˬ-ahˇ maˬ ehˇ, iˬ ma laˆ shaˆ lawˇ deh paw Dawˇlaˆ meuˬ-euˬ dawˬ peh jawˇ-eu sahˬ paˬ deuˬ-ahˇ maˬ ehˇ, dawˬ tsaꞈ tsaꞈ ahˇ gʼeh-euˬ meh.

Zaˬkaˬliˇ 12:11

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ laꞈ kʼoeˇ tsawˇ ngoeˇ ngoeˇ-euˬ kʼoeˇ-aˬ, Meˬgiˇdoˬ deh ga-ahˇ jaˆ-eu Haˬdaˬleˬmoˬ-ahˇ tsawˇ ngoeˇ ngoeˇ nehˬ-eu loꞈ-ehˇ teˇ saˇ kʼaˆ dui dui tehꞈ-a.

2 Laˬsaˬbaˬ 35:22

Ehˇ kʼawꞈ, Yawˇshiˆ gʼaˬ guiˇ deuˆ ma lehˇ noeˬ tsehˆ-awˇ, Miˬyehˇ neh Neˬkawˇ-ahˇ bi ehˇ-euˬ dawˬ-ahˇ maˬ naˇ haˬ ni, aˬ cawˬ maˬ bi haw siˬ-eu gʼaˇ duˬ mehˬ tsoeˬ pyehˇ-awˇ, Meˬgiˇdoˬ deh ga-ahˇ guiˇ deuˆ-iˇ-euˬ meh.

1 Laˬsaˬbaˬ 6:70

Nahˇ ma ga kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ laꞈ kʼoeˇ, Aˬneˬlaˆ meuˬ, Biˇlamˬ meuˬ hawˇ-eu, meuˬ kʼoeˇ nyiˬ meuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ, aˬ yawꞈ maꞈ-ahˇ biˇ nehˬ-euˬ meh.

1 Saˬmeuˬlaˆ 31:12

nui ma kʼaˬ dui dui-eu tsawˇ haˬ deuˬ doˆ laˇ-awˇ, uˬ ciꞈ miˇ lah-ehˇ Behˬshaˬ meuˬ-ahˇ iˇ-euˬ meh. Meuˬ meuˬ lahˇ-ahˇ taꞈ myahˬ taˬ-euˬ Sawˇluˆ-euˬ gʼawˇ mawˇ hawˇ-eu, aˬ yawꞈ-euˬ aˬ li deuˬ-euˬ gʼawˇ mawˇ-ahˇ aˬ yawꞈ maꞈ baꞈ ka-awˇ, Jaˬbehˆ meuˬ-ahˇ baꞈ kʼoꞈ gʼeh-awˇ, miˬ dzaˬ dzah-euˬ meh.

Yawˇshuˆ 16:9

Maˬnaˇseˬ tsawˇ jeuˬ-euˬ miˇ kʼahˬ laꞈ kʼoeˇ jaˆ-eu meuˬ yaw nyiˇ deuˬ hawˇ-eu pu tiˬ paˆ na deuˬ kʼawꞈ, aˬ yawꞈ maꞈ-ahˇ biꞈ ahˇ nehˬ-euˬ miˇ neh, miˇ kʼahˬ heu kʼahˬ-ahˇ taꞈ-eu meh.

Yawˇshuˆ 12:21

Taˬnehˇ meuˬ, Meˬgiˇdoˬ meuˬ,

Yawˇshuˆ 17:10

Eˇpaˬleˬ miˇ kʼahˬ-aˬ, laꞈ oˆ paw jaˆ-awˇ, Maˬnaˇseˬ miˇ kʼahˬ-aˬ, laꞈ taˆ paw jaˆ-eu meh. Miˇ kʼahˬ kʼoeˇ nyiˬ kʼahˬ-euˬ nahˇ ma ga kʼehˬ paw Gʼahˇ ceh-euˬ iˬ ma laˆ shaˆ jaˆ luꞈ-eu meh. Aˬshaˬ miˇ kʼahˬ-aˬ, laꞈ taˆ paw nahˇ ma ga kʼehˬ paw pyawˬ-ahˇ jaˆ-awˇ, Iˇsaˬkaˬ miˇ kʼahˬ-aˬ, laꞈ taˆ paw nahˇ ma doˆ kʼehˬ paw pyawˬ-ahˇ jaˆ-eu meh.

Yawˇshuˆ 17:16

Aˬ yawꞈ maꞈ ehˇ-eu, “Gawˬ jawˬ gawˬ duˇ miˇ kʼahˬ kʼoeˇ nga maꞈ gʼaˇ duˬ yaw suꞈ meh. Deh saˇ-ahˇ jawˇ-eu Kaˬnaˬ tsawˇ haˬ deuˬ shmˇ mahˬ laˆ lawˬ jaˆ-eu meh. Behˬshahˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jawˇ-eu tsawˇ haˬ deuˬ maˬ ehˇ, Yeˬzaˬleˬlaˇ deh kʼawꞈ-ahˇ jawˇ-eu deuˬ maˬ ehˇ, shmˇ mahˬ laˆ lawˬ jaˆ-eu meh.”

2 Saˬmeuˬlaˆ 21:12

Giˇlaˆ miˇ kʼahˬ Jaˬbehˆ meuˬ-ahˇ jawˇ-eu tsawˇ haˬ deuˬ jawˇ gaˇ aˬ yawꞈ iˇ-awˇ, Sawˇluˆ hawˇ-eu aˬ yawꞈ-euˬ aˬ li Yawˇnaˆshaˬ-euˬ shaˬ yoeˬ yuˇ laˬ-iˇ-euˬ meh. Giˇlaˬbawˬ gawˬ jawˬ-ahˇ Sawˇluˆ-ahˇ sehꞈ ngeh nah, aˬ yawꞈ nyaꞈ da za-euˬ gʼawˇ mawˇ-ahˇ Piˇliˇtiˆ tsawˇ haˬ deuˬ neh Behˬshaˬ meuˬ laꞈ kʼoeˇ jaˆ-eu tsawˇ haˬ uiˬ leˇ bymˇ leˇ duˬ-ahˇ paꞈ gʼeu taˬ-euˬ gaˇ, Jaˬbehˆ meuˬ-ahˇ jawˇ-eu tsawˇ haˬ deuˬ neh baꞈ kʼoeˬ kʼoꞈ laꞈ-euˬ meh.

Yeˬlaˬmiˇ 49:2

Ehˇ kʼawꞈ, Aˬmoˬ tsawˇ jeuˬ-euˬ meuˬ meuˬ ma pyeuꞈ-eu Laˬbah meuˬ-ahˇ jawˇ-eu tsawˇ haˬ deuˬ guiˇ deuˆ le-eu teˇ saˇ ya gaˬ-awˇ, meuˬ cawˆ-iˇ-awˇ pu deuˬ miˬ dzaˬ bi keuˬ dzeh jiˇ ngeh keuˆ ni, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-euˬ aˇ yamˬ keuˆ le-eu dawˬ peh peh laˇ-euˬ meh. Kʼoeˇ ngeh jawˇ, Iˇsaˬleˬlaˆ tsawˇ haˬ deuˬ aˬ cawˬ-euˬ laꞈ-ahˇ ahˇ leˇ-euˬ yawˬ ha-euˬ miˇ kʼahˬ paˇ za kʼoꞈ tehꞈ-a.