Yawˇshuˆ 17:1 - Akha

¹ Yoˇsehˆ-euˬ aˬ li aˬ yuiꞈ gʼaˬ pyeuꞈ-eu Maˬnaˇseˬ-euˬ zaˬ deuˬ uˆ deuˬ-ahˇ, Yawˇdaˬ lawˇ baˬ nahˇ ma ga kʼehˬ paw miˇ kʼahˬ biˇ nehˬ-euˬ meh. Giˇlaˆ-euˬ aˬ da Maˬkiˬlaˇ-aˬ, Maˬnaˇseˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-awˇ, guiˇ deuˆ-eu kʼaˆ dui dui-eu tsawˇ haˬ pyeuꞈ-eu miˇ neh, Yawˇdaˬ lawˇ baˬ nahˇ ma doˆ kʼehˬ paw jaˆ-eu Giˇlaˆ hawˇ-euˬ Baˬshaˬ meuˬ aˬ yawꞈ-ahˇ biˇ oꞈ nehˬ-euˬ meh.

Yawˇshuˆ 17:1 Referans Kwoze

Bawˇtsahˬ 26:29

Maˬnaˇseˬ tsawˇ jeuˬ-aˬ, heu loꞈ-ehˇ meh. Maˬnaˇseˬ-euˬ aˬ li Maˬkiˬlaˇ-aˬ, Giˇlaˆ-euˬ aˬ da pyeuꞈ-awˇ, aˇ jeuˬ heu deuˬ dawˬ tawˆ luꞈ, Giˇlaˆ o neh jeuˬ le o le-euˬ meh.

Aˇ dahˬ 41:51

Kʼoeˇ ngeh, “Ngaˬ neh tahˬ puˬ-eu shaˬ-eu zahˬ-eu jeˬ hawˇ-eu, ngaˬ da-euˬ nymˇ jiˇ gaˇ kawˆ ngaˇ ngehˇ ni, Miˬyehˇ jahˇ nehˬ laꞈ-euˬ nga” lehˇ Yoˇsehˆ ehˇ-awˇ, aˬ li aˬ yuiꞈ gʼaˬ-ahˇ Maˬnaˇseˬ lehˇ myahˇ nehˬ-euˬ meh.

Aˇ dahˬ 50:23

Eˇpaˬleˬ-euˬ zaˬ deuˬ hawˇ-eu oeˬ paˬ oeˬ ma deuˬ mawˇ le ngeh keuˆ ni, aˬ yawꞈ dehꞈ keuˆ-euˬ meh. Maˬnaˇseˬ-euˬ aˬ li Maˬkiˬlaˇ-euˬ zaˬ deuˬ-ahˇ kʼawꞈ, aˬ yawꞈ maˬ shiˇ mi naˆ-ehˇ aˬ yawꞈ-euˬ miˬ sawˇ zaˬ deuˬ laꞈ kʼoeˇ ha ahˇ nehˬ yaꞈ-euˬ meh.

Aˇ dahˬ 46:20

Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu Yoˇsehˆ hawˇ-eu Aˬseˇnaˆ aˬ nyaꞈ dzeˇ zaˬ-aˬ, Maˬnaˇseˬ hawˇ-eu Eˇpaˬleˬ lehˇ myahˇ-euˬ aˬ li nyiˬ li jawˇ-eu meh. Yoˇsehˆ-euˬ nymˇ dahˬ Aˬseˇnaˆ-aˬ, Heˬliˬpawˇliˆ meuˬ-ahˇ piˇ ma geuꞈ luꞈ-eu Pawˇtiˇpeˬlaˇ-euˬ aˬ buˇ meh.

Aˇ dahˬ 48:18

“Nawˇ aˬ laꞈ baꞈ daˆ taˬ-euˬ maˬ tsaˬ nga da-oˇ. Heu gʼaˬ aˬ li aˬ yuiꞈ gʼaˬ meh. Heu gʼaˬ-euˬ uˬ duˬ kʼoeˇ taˆ nawˬ-euˬ aˇ maˇ laꞈ baꞈ daˆ paˇ-awˬ” lehˇ, Yaˬkoˆ-ahˇ Yoˇsehˆ ehˇ nehˬ-euˬ meh.

1 Laˬsaˬbaˬ 2:23

Ehˇ kʼawꞈ, Geˬshuˇlaˆ miˇ kʼahˬ hawˇ-eu Aˬlamˬ miˇ kʼahˬ-aˬ, Yaˬiˇlaˆ pu, Jeˇnaˆ pu hawˇ-eu, dawˬ peh jaˆ-eu meuˬ deuˬ ahˇ leˇ-ehˇ, kʼoeˇ gaˇ jaˆ-eu meuˬ koꞈ tseˇ meuˬ-ahˇ deuˆ gʼaˬ-euˬ meh. Kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ, Giˇlaˆ-euˬ aˬ da Maˬkiˬlaˇ-euˬ zaˬ deuˬ uˆ deuˬ tehꞈ meh.

Yaˇ kʼaˬ daˇ 5:14

Eˇpaˬleˬ miˇ kʼahˬ-ahˇ neh deh kʼawꞈ paw, Beˬyaˬmiˬ tsawˇ jeuˬ hawˇ-eu aˬ yawꞈ maꞈ-euˬ tsawˇ haˬ mehˬ nah, aˬ yawꞈ maꞈ oe-euˬ meh. Aˬ yuiꞈ geuꞈ-awˇ uˆ lahˇ-eu deuˬ Maˬkiˬlaˇ-ahˇ neh oe ka-awˇ, yaw huiˬ yaw mahˇ deuˬ Zeˬbuˬluˬ-ahˇ neh oe ka-euˬ meh.

Dawˬmehˬ 21:17

Aˬ li aˬ yuiꞈ gʼaˬ-aˬ, aˬ yawꞈ gaˬ dzehˬ-eu ma-euˬ zaˬ maˬ ngeuˇ kʼawꞈ, jeˬ biˇ biˇ nehˬ ngeh, nui deuˬ myaˆ maˬ tseˇ nyiˬ bymˇ ya biꞈ dzehˬ meh. Tsawˇ haˬ aˬ geu gʼaˬ maˬ kaˬ, yawˬ ha-euˬ aˬ li aˬ yuiꞈ gʼaˬ-ahˇ aˬ yuiꞈ gʼaˬ-euˬ jawˇ duˬ-ahˇ taˬ-awˇ, aˬ yawꞈ za geuˇ-eu jeˬ biˇ, zahˇ sahˇ kʼoꞈ kʼaˇ jaˆ-eu loꞈ-ehˇ ya biꞈ meh.

Bawˇtsahˬ 32:33

Kʼoeˇ naˇ, Aˬmawˇliˆ sahˬ paˬ Siˇhoˬ-euˬ miˇ kʼahˬ dawˬ tawˆ luꞈ hawˇ-eu Baˬshaˬ sahˬ paˬ Awˇgaˆ-euˬ miˇ kʼahˬ dawˬ tawˆ luꞈ maˬ ehˇ, miˇ kʼahˬ kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ deuˬ hawˇ-eu kʼoeˇ-euˬ gahˬ kaˬ deuˬ maˬ ehˇ, Gaˆ tsawˇ jeuˬ, Luˇbeˬ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ-ahˇ Moˇseˬ biꞈ nehˬ-euˬ meh.

Bawˇtsahˬ 27:1

Yoˇsehˆ-euˬ aˬ li Maˬnaˇseˬ, Maˬnaˇseˬ-euˬ aˬ li Maˬkiˬlaˇ, Maˬkiˬlaˇ-euˬ aˬ li Giˇlaˆ, Giˇlaˆ-euˬ aˬ li Heˬpaˬ, Heˬpaˬ-euˬ aˬ li Zeˬloˇpeˬhaˇ meh. Maˬhaˬlahˬ, Noˇaˬ, Hawˇgaˬlaˇ, Miˇlaˬkah hawˇ-eu Teuˇzaˬ heu deuˬ-aˬ, Zeˬloˇpeˬhaˇ-euˬ aˬ buˇ deuˬ meh.

Aˇ dahˬ 48:17

Eˇpaˬleˬ-euˬ uˬ duˬ kʼoeˇ taˆ Yaˬkoˆ-euˬ aˇ maˇ laꞈ baꞈ daˆ taˬ-euˬ gaˇ Yoˇsehˆ ya mawˇ ngeh, nui ma maˬ saˇ-a. Kʼoeˇ miˇ neh, Maˬnaˇseˬ-euˬ uˬ duˬ kʼoeˇ taˆ aˇ maˇ laꞈ bi baꞈ daˆ paˇ-eu lehˇ, Eˇpaˬleˬ-euˬ uˬ duˬ kʼoeˇ taˆ baꞈ daˆ taˬ-euˬ aˬ yawꞈ-euˬ aˬ laꞈ-ahˇ Yoˇsehˆ yuˇ-euˬ meh.

Yawˇshuˆ 17:2

Yawˇdaˬ lawˇ baˬ nahˇ ma ga kʼehˬ paw jaˆ-eu miˇ kʼahˬ-aˬ, Maˬnaˇseˬ tsawˇ haˬ nui deuˬ pyeuꞈ-eu Aˬbyeˇzaˬ, Heˬleˇ, Aˬsaˬliˇlaˆ, Sheˬkmˬ, Heˬpaˬ, Sheˬmiˇdaˬ aˬ ha maꞈ-ahˇ biˇ nehˬ-euˬ meh. Heu-aˬ, Yoˇsehˆ-euˬ aˬ li Maˬnaˇseˬ o neh jeuˬ le o le-euˬ aˬ li deuˬ pyeuꞈ-eu meh. Aˬ yawꞈ maꞈ-aˬ, yawˬ ha aˇ jeuˬ kʼoeˇ taˆ aˬ yuiꞈ geuꞈ-eu deuˬ meh.

Yeˬsaˬgeˬlaˇ 48:4

Naˬtaˬliˇ tsawˇ jeuˬ-euˬ miˇ tsaˬ laꞈ oˆ, Maˬnaˇseˬ tsawˇ jeuˬ-euˬ miˇ tsaˬ jaˆ-eu meh.

Aˇ dahˬ 41:52

Kʼoeˇ naˇ, “Ngaˇ ya shaˬ ya zahˬ-euˬ miˇ kʼahˬ-ahˇ, Miˬyehˇ ngaˬ-ahˇ guiˬ lahˬ biꞈ-awˇ, zaˬ bi jawˇ le nehˬ laꞈ-euˬ nga” lehˇ aˬ yawꞈ paˇ ehˇ-awˇ, aˬ li aˬ nyiˇ gʼaˬ-ahˇ Eˇpaˬleˬ lehˇ myahˇ nehˬ-euˬ meh.

2 Saˬmeuˬlaˆ 2:9

Kʼoeˇ gaˇ, Aˬbaˬnaˬ neh Iˇshaˬbawˇshehˆ-ahˇ, Giˇlaˆ miˇ kʼahˬ, Aˬshaˬ miˇ kʼahˬ, Yeˬzaˬleˬlaˇ miˇ kʼahˬ, Eˇpaˬleˬ miˇ kʼahˬ, Beˬyaˬmiˬ miˇ kʼahˬ hawˇ-eu, Iˇsaˬleˬlaˆ miˇ kʼahˬ dawˬ tawˆ luꞈ kʼoeˇ taˆ bi uˆ lahˇ-eu gʼaˇ duˬ, sahˬ paˬ ka nehˬ-euˬ meh.

Yeˬsaˬgeˬlaˇ 47:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ jeuˬ tseˇ nyiˬ jeuˬ ya biˇ geuꞈ-eu miˇ kʼahˬ kʼoeˇ kʼahˬ-euˬ miˇ kaˬ-aˬ, heu loꞈ-ehˇ meh. Yoˇsehˆ tsawˇ jeuˬ-ahˇ miˇ tsaˬ nyiˬ tsahˇ oꞈ-eu meh.