Yawˇshuˆ 15:8 - Akha

⁸ Kʼoeˇ naˇ, Yeˬbuˇ tsawˇ jeuˬ-euˬ meuˬ pyeuꞈ-eu Yeˬluˇsaˬlehˬ meuˬ jaˆ-eu gawˬ duˇ-euˬ laꞈ oˆ paw, Hiˬnoˬ deh kʼawꞈ nyiˬ paˆ-ehˇ le gʼeh leꞈ-awˇ, deh kʼawꞈ kʼoeˇ kʼawꞈ-euˬ nahˇ ma doˆ kʼehˬ paw Leˬpeˬ deh kʼawꞈ-euˬ uˬ gʼmˬ-ahˇ jaˆ-eu gawˬ duˇ uˬ du-ahˇ le daˆ-euˬ meh.

Yawˇshuˆ 15:8 Referans Kwoze

Yawˇshuˆ 18:16

Kʼoeˇ gaˇ neh naˇ, Leˬpeˬ deh kʼawꞈ-euˬ uˬ gʼmˬ-ahˇ Hiˬnoˬ deh kʼawꞈ kʼoeˇ taˆ jaˆ-eu gawˬ jawˬ-euˬ dawˬ dahˬ paw iˇ gʼeh-euˬ meh. Kʼoeˇ naˇ, Yeˬbuˇ gawˬ jawˬ dahˇ teˇ laꞈ oˆ jaˆ-eu Hiˬnoˬ deh kʼawꞈ caw caw-ehˇ, laꞈ oˆ paw jaˆ-eu Eˬloˇgeˬ meuˬ-ahˇ iˇ-euˬ meh.

Yawˇshuˆ 15:63

Ehˇ kʼawꞈ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ haˬ deuˬ-ahˇ Yuˇdaˆ tsawˇ haˬ deuˬ maˬ teh doˆ nya-a. Yeˬbuˇ tsawˇ haˬ kʼoeˇ deuˬ iˬ nah keuˆ ni, Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ kʼoeˇ gaˇ jawˇ luꞈ-eu meh.

Yaˇ kʼaˬ daˇ 19:10

Ehˇ kʼawꞈ, aˬ zaˬ gʼaˬ tiˬ miˇ maˬ paˇ yaꞈ bya mawꞈ-eu miˇ neh, mahˬ tahˬ laˆ nyiˬ mawˇ-ahˇ kʼaˆ daˬ baꞈ daˆ-awˇ, aˬ yawꞈ-euˬ ma nyiˇ sheuˬ-awˇ, Yeˬluˇsaˬlehˬ meuˬ lehˇ kuˇ-eu Yeˬbuˇ meuˬ paw le gʼeh leꞈ-euˬ meh.

Yawˇshuˆ 18:28

Zeˬlaˬ meuˬ, Haˬeˇlehˆ meuˬ, (Yeˬluˇsaˬlehˬ lehˇ kʼawꞈ kuˇ-eu) Yeˬbuˇ meuˬ, Giˇbyaˬ meuˬ, Giˇliˇyaˆyeˬlmˬ meuˬ, heu tseˇ oeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh. Heu-aˬ, Beˬyaˬmiˬ tsawˇ jeuˬ deuˬ za-euˬ miˇ kʼahˬ pyeuꞈ-eu meh.

2 Sahˬpaˬ 23:10

Tsawˇ haˬ tiˬ gʼaˬ-iˬ, Moˇlehˆ miˬyehˇ-ahˇ yawˬ ha-euˬ aˬ buˇ aˬ li maˬ ya lawˇ-eu gʼaˇ duˬ, Hiˬnoˬ deh kʼawꞈ-ahˇ jaˆ-eu Tawˇpehˆ lehˇ kuˇ-eu lawˇ ciꞈ zaˬ deuˬ-euˬ lawˇ duˬ kʼoeˇ tsahˇ kʼawꞈ, sahˬ paˬ Yawˇshiˆ neh laˆ cawˆ-euˬ meh.

Yaˇ kʼaˬ daˇ 1:21

Ehˇ kʼawꞈ, Beˬyaˬmiˬ tsawˇ jeuˬ-aˬ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ jeuˬ-ahˇ maˬ teh doˆ-ehˇ, Yeˬbuˇ tsawˇ jeuˬ hawˇ-eu Beˬyaˬmiˬ tsawˇ jeuˬ tiˬ kawˆ loꞈ-ehˇ jawˇ daˆ leꞈ-euˬ meh.

Yeˬlaˬmiˇ 19:14

Kʼoeˇ naˇ, Sahˬpaˬ Miˬyehˇ ngaˬ-ahˇ kʼehˇ gʼeh-awˇ, aˬ yawꞈ-euˬ gʼaˇ duˬ bi ngehˬ dah-iˇ-euˬ Tawˇpehˆ lehˇ kuˇ-eu jawˇ duˬ kʼoeˇ tsahˇ-ahˇ neh ngaˇ doˆ laˇ-awˇ, Uˬ duˬ tahˬ nymˇ nymˇ ma-euˬ kmˇ cehˇ laꞈ kʼoeˇ yawꞈ-awˇ, tsawˇ haˬ dawˬ tawˆ luꞈ-ahˇ heu loꞈ-ehˇ ehˇ nehˬ-euˬ ma.

Yeˬlaˬmiˇ 19:6

Kʼoeˇ miˇ neh, jawˇ duˬ heu tsahˇ-ahˇ Tawˇpehˆ lehˇ maˬ ehˇ, Hiˬnoˬ deh kʼawꞈ lehˇ maˬ ehˇ, maˬ paˇ ya kuˇ haw-ehˇ, tsawˇ haˬ sehꞈ gahˬ-euˬ deh kʼawꞈ lehˇ ya kuˇ-eu aˇ nah aˇ yamˬ keuˆ le tehꞈ-a.

Yeˬlaˬmiˇ 19:2

oeˬ lahˬ tehˆ duˬ lahˇ kʼehˬ-ahˇ neh, Hiˬnoˬ deh kʼawꞈ-ahˇ iˇ doˆ gʼeh-awˬ” lehˇ ehˇ-eu meh. Kʼoeˇ gaˇ, aˬ yawꞈ neh bi ngehˬ-euˬ dawˬ deuˬ ngaˇ ya ngehˬ-eu meh.

Iˇsaˬyaˇ 17:5

Iˇsaˬleˬlaˆ miˇ kʼahˬ-euˬ aˇ gʼehˇ-aˬ, cehˇ yehˬ gʼaˬ-awˇ cehˇ nmˇ bi gʼoˆ jiˇ-euˬ, Leˬpeˬ deh kʼawꞈ-ahˇ jaˆ-eu yaˇ loꞈ-ehˇ, juiˇ kʼeu ni jaˆ tehꞈ-a.

2 Laˬsaˬbaˬ 28:3

Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ jawˇ uˇ leˇ ngeh, Sahˬpaˬ Miˬyehˇ neh bi teh doˆ-euˬ kʼoeˇ gaˇ jawˇ-eu tsawˇ oeˇ deuˬ-euˬ jawꞈ dui dui-eu zahˇ sahˇ kʼoꞈ-ahˇ aˬ yawꞈ dzaw geuꞈ-awˇ, Hiˬnoˬ deh kʼawꞈ-ahˇ yaw saw jeˬ doꞈ damˬ-awˇ, lawˇ-eu shehˇ-euˬ uˬ taꞈ, aˬ yawꞈ-euˬ aˬ li deuˬ-ahˇ miˬ dzaˬ dzah puiˆ-awˇ tahˬ pahˬ aˬ ma mawˇ kawˇ-ahˇ lawˇ nehˬ-euˬ meh.

2 Saˬmeuˬlaˆ 5:22

Kʼoeˇ naˇ, Piˇliˇtiˆ tsawˇ haˬ deuˬ Leˬpeˬ deh kʼawꞈ-ahˇ paˇ oe-awˇ paˇ jawˇ le-euˬ meh.

2 Saˬmeuˬlaˆ 5:18

Piˇliˇtiˆ tsawˇ haˬ deuˬ-aˬ, Leˬpeˬ deh kʼawꞈ-ahˇ oe keuˆ-awˇ, kʼoeˇ gaˇ jawˇ-euˬ meh.

Yaˇ kʼaˬ daˇ 1:8

Yuˇdaˆ tsawˇ haˬ deuˬ Yeˬluˇsaˬlehˬ meuˬ-ahˇ guiˇ deuˆ-awˇ, deuˆ gʼaˬ-euˬ meh. Kʼoeˇ gaˇ jawˇ-eu tsawˇ haˬ deuˬ-ahˇ sehꞈ-awˇ, meuˬ-ahˇ miˬ dzaˬ keuˬ dzeh-euˬ meh.

1 Laˬsaˬbaˬ 11:4

Sahˬ paˬ Daˬbiˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Yeˬluˇsaˬlehˬ meuˬ-ahˇ guiˇ deuˆ-iˇ-euˬ meh. Aˇ yamˬ kʼoeˇ yamˬ-ahˇ, Yeˬluˇsaˬlehˬ meuˬ-ahˇ Yeˬbuˇ meuˬ lehˇ kuˇ-awˇ, kʼoeˇ gaˇ jawˇ beh beh-euˬ tsawˇ jeuˬ pyeuꞈ-eu Yeˬbuˇ tsawˇ jeuˬ jawˇ luꞈ-eu meh.

Neˬhaˬmiˇ 11:30

Zaˬnoˇaˬ meuˬ, Aˬduˬlamˬ meuˬ hawˇ-eu meuˬ kʼoeˇ nyiˬ meuˬ-euˬ tahˬ gʼoꞈ tahˬ jawˇ jaˆ-eu pu deuˬ-ahˇ maˬ ehˇ, aˬ yawꞈ maꞈ jawˇ-euˬ meh. Laˬkiˇshaˬ meuˬ hawˇ-eu kʼoeˇ-euˬ dawˬ peh jaˆ-eu yaˇ kʼahˬ yaˇ lahˬ-ahˇ maˬ ehˇ, Aˬzeˬkaˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jaˆ-eu pu deuˬ-ahˇ maˬ ehˇ, aˬ yawꞈ maꞈ jawˇ-euˬ meh. Kʼoeˇ miˇ neh, Yuˇdaˆ tsawˇ jeuˬ-aˬ, laꞈ oˆ paw jaˆ-eu Beˬlaˇsheˬba meuˬ-ahˇ neh laꞈ taˆ paw jaˆ-eu Hiˬnoˬ deh kʼawꞈ-ahˇ keuˆ ni jawˇ byah taˬ-euˬ meh.