Yawˇshuˆ 15:55 - Akha

⁵⁵ Maˬoˬ meuˬ, Gaˬlaˬmeˬlaˇ meuˬ, Ziˇ paˬ meuˬ, Yuˇtah meuˬ,

Yawˇshuˆ 15:55 Referans Kwoze

1 Saˬmeuˬlaˆ 25:2

Maˬoˬ meuˬ laꞈ kʼoeˇ smˇ muiˬ muiˬ dui dui-eu tsawˇ haˬ tiˬ gʼaˬ jawˇ-eu meh. Gaˬlaˬmeˬlaˇ meuˬ laꞈ kʼoeˇ, aˬ yawꞈ-euˬ deh yaˇ hawˇ-eu mˇ myawˬ gʼawˬ mya ni jaˆ-eu meh. Yawˇ smˬ heˇ mawˇ hawˇ-eu ciꞈ myehꞈ tiˬ heˇ mawˇ jawˇ-awˇ, Gaˬlaˬmeˬlaˇ meuˬ-ahˇ aˬ yawꞈ yawˇ caꞈ hm tehˬ luꞈ-eu meh.

1 Saˬmeuˬlaˆ 23:25

Kʼoeˇ ngeh, Sawˇluˆ hawˇ-eu aˬ yawꞈ-euˬ tsawˇ haˬ deuˬ Daˬbiˇ-ahˇ poˆ leˇ-euˬ meh. Ehˇ kʼawꞈ, gaˇ kawˆ kʼoeˇ Daˬbiˇ ya gaˬ-awˇ, Maˬoˬ bawˇ tsahˬ bawˇ dahˇ laꞈ kʼoeˇ jaˆ-eu lo guˇ tehꞈ-ehˇ gʼeh-eu gawˬ jawˬ tiˬ jawˬ kʼoeˇ taˆ le daˆ-euˬ meh. Kʼoeˇ loꞈ-ehˇ le daˆ taˬ-euˬ gaˇ kawˆ Sawˇluˆ paˇ ya gaˬ ngeh, Daˬbiˇ-euˬ mehˬ nah paˇ teh leˇ-euˬ meh.

Yawˇshuˆ 15:24

Ziˇpaˬ meuˬ, Teˬlmˬ meuˬ, Beˬlawˆ meuˬ,

Iˇsaˬyaˇ 35:2

Kʼaˇ shuiꞈ deh yaˇ caˇ dawˬ caˇ-awˇ, laˬ kʼaˬ cehˇ-awˇ guˇ tehꞈ-a. Kʼaˇ shuiꞈ deh yaˇ kʼoeˇ Leˬbaˬnoˬ gawˬ jawˬ loꞈ-ehˇ, haw muiˬ dui dui laˇ-awˇ, Gaˬlaˬmeˬlaˇ gawˬ jawˬ hawˇ-eu Shaˬloˬ deh kʼawꞈ loꞈ-ehˇ, miˇ tsaˬ miˇ muiˬ muiˬ laˇ tehꞈ-a. Sahˬpaˬ Miˬyehˇ-euˬ yaw shehꞈ kʼahˬ sehˇ, huiˬ-eu mahˇ-eu jeˬ hawˇ-eu baoˬ-ahˇ, yawˬ gʼaˬ na luꞈ ya mawˇ tehꞈ-a.

2 Laˬsaˬbaˬ 26:10

Deh ga doe ni kʼawꞈ, ziꞈ dah ni gʼeh-eu loꞈ-eu nymˇ goˇ deuˬ tsoˆ taˬ-awˇ, iˇ cuꞈ lah gʼawˬ mya ni duˬ taˬ-euˬ meh. Aˬ jeˬ miˇ neh ehˇ naˇ, nahˇ ma ga kʼehˬ paw gawˬ jawˬ dawˬ dahˬ hawˇ-eu deh ga deuˬ-ahˇ, aˬ yawꞈ jeˬ zaˬ gʼawˬ mya ni cu taˬ-euˬ meh. Ka dzaˬ ka dawˇ-eu paw aˬ yawꞈ nui ma ahˇ-eu loꞈ-ehˇ gawˬ jawˬ gawˬ duˇ doe ni aˬ gaꞈ yaˇ kmˇ mˇ-eu gʼaˇ duˬ maˬ ehˇ, miˇ muiˬ muiˬ-eu miˇ tsaˬ deuˬ yawꞈ ngehꞈ-ehˇ maˬ bi jaˆ ni mˇ dzaˬ-eu gʼaˇ duˬ maˬ ehˇ, miˇ kʼahˬ zaˬ deuˬ-ahˇ aˬ yawꞈ gʼaˬ biꞈ-euˬ meh.

1 Sahˬpaˬ 18:42

Aˬhaˆ dzaˬ-eu dawˇ-eu lehˇ doˆ-iˇ ngeh, Gaˬlaˬmeˬlaˇ gawˬ jawˬ uˬ du Eˇliˇyaˆ daˆ leˇ-awˇ, aˬ yawꞈ-euˬ aˬ kuiˇ pawˬ tsuiꞈ yaw kaˬ-ahˇ uˬ duˬ ahˇ leˇ ngeh keuˆ ni miˇ tsa awˆ byaˆ-euˬ meh.

1 Saˬmeuˬlaˆ 25:7

Nawˇ yawˇ caꞈ hm tehˬ luꞈ-eu gaˇ kawˆ ngaˇ ya gaˬ-euˬ ma. Nawˬ-euˬ yawˇ bo-eu tsawˇ haˬ deuˬ nga maꞈ nehˬ-ehˇ jawˇ ngeh, nga maꞈ tiˬ jeˬ-iˬ maˬ jahˇ nehˬ-aˬ. Aˬ yawꞈ maꞈ Gaˬlaˬmeˬlaˇ meuˬ-ahˇ kʼaˇ jawˇ-eu nmˇ kaˬ, aˬ yawꞈ maꞈ-euˬ myawˬ tiˬ jeˬ-iˬ maˬ bi byoˆ-aˬ.

Yawˇshuˆ 15:54

Hmˇtahˬ meuˬ, Heˬbyoˬ meuˬ, Ziˇawˆ meuˬ, heu gʼoeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

Yawˇshuˆ 15:56

Yeˬzaˬleˬlaˇ meuˬ, Yawˇkaˬdeˬ meuˬ, Zaˬnoˇaˬ meuˬ,

Yawˇshuˆ 21:16

Aˬiˇnaˆ meuˬ, Yuˇtah meuˬ hawˇ-eu, Behˬsheˬmehˇ meuˬ heu deuˬ meh. Meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ nehˬ-euˬ meh. Yuˇdaˆ miˇ kʼahˬ hawˇ-eu Suˇmoˬ miˇ kʼahˬ laꞈ kʼoeˇ aˬ yawꞈ maꞈ-ahˇ biꞈ nehˬ-euˬ meuˬ deuˬ-aˬ, meuˬ heu gʼoeˬ meuˬ meh.

1 Saˬmeuˬlaˆ 15:12

Yawˬ nah yawˬ uˬ shawˬ yaw naꞈ-ehˇ, Sawˇluˆ jawˇ gaˇ le-eu lehˇ Saˬmeuˬlaˆ doˆ-iˇ-euˬ meh. Sawˇluˆ Gaˬlaˬmeˬlaˇ meuˬ-ahˇ le dzeuˇ-awˇ, aˬ yawꞈ-ahˇ bi noeˬ keuˆ-eu gʼaˇ duˬ kʼaˬ lo tiˬ siˬ kaˬ tuˇ gʼaˬ-awˇ, Giˇlaˇgaˬlaˇ meuˬ paw paˇ le gʼeh leꞈ-euˬ gaˇ kawˆ Saˬmeuˬlaˆ ya gaˬ-euˬ meh.

1 Saˬmeuˬlaˆ 23:24

Kʼoeˇ naˇ, tsawˇ haˬ kʼoeˇ deuˬ doˆ-iˇ-awˇ, Sawˇluˆ-euˬ mehˬ hu Ziˇpaˬ meuˬ-ahˇ gʼoꞈ-iˇ-euˬ meh. Daˬbiˇ hawˇ-eu aˬ yawꞈ-euˬ tsawˇ haˬ deuˬ-aˬ, Yuˇdaˆ miˇ kʼahˬ bawˇ tsahˬ bawˇ dahˇ-euˬ laꞈ oˆ dzaˬ-ahˇ jaˆ-eu Maˬoˬ bawˇ tsahˬ bawˇ dahˇ laꞈ kʼoeˇ, ciˬ cuˇ ni jaˆ-eu deh kʼawꞈ-ahˇ jawˇ luꞈ-eu meh.

2 Saˬmeuˬlaˆ 23:35

Gaˬlaˬmeˬlaˇ meuˬ-ahˇ jawˇ-eu Heˬzaˬloˆ, Aˬlaˆ meuˬ-ahˇ jawˇ-eu Paˬlai,

Yawˇshuˆ 19:26

Aˬlamˬmeˬlehˆ meuˬ, Aˬmaˆ meuˬ hawˇ-eu Miˇshaˬlaˇ meuˬ heu deuˬ ahˇ-eu meh. Nahˇ ma ga kʼehˬ paw, Gaˬlaˬmeˬlaˇ meuˬ hawˇ-eu Shiˇhoˬliˇbaˬnaˆ meuˬ-ahˇ keuˆ ni meh.

1 Laˬsaˬbaˬ 2:42

Yeˬlaˬmeˬlaˇ-euˬ aˬ nyiˇ Gaˬlehˆ-euˬ aˬ li aˬ yuiꞈ yuiꞈ saˬ gʼaˬ-aˬ, Meˬshaˬ lehˇ myahˇ-euˬ meh. Meˬshaˬ-euˬ aˬ li Ziˇpaˬ, Ziˇpaˬ-euˬ aˬ li Maˬleˇshaˬ, Maˬleˇshaˬ-euˬ aˬ li Heˬbyoˬ meh.

1 Laˬsaˬbaˬ 2:45

Shaˬmai-euˬ aˬ li Maˬoˬ pyeuꞈ-awˇ, Maˬoˬ-euˬ aˬ li Behˬzuˇlaˆ meh.

2 Laˬsaˬbaˬ 11:8

Gaˬdaˇ meuˬ, Maˬleˇshaˬ meuˬ, Ziˇpaˬ meuˬ,