Yawˇshuˆ 15:19 - Akha

¹⁹ “Ngaˇ iˇ cuꞈ lah deuˬ geuꞈ mawꞈ-eu ma. Nawˬ neh ngaˬ-ahˇ biꞈ-euˬ miˇ tsaˬ-aˬ, gui coˇ ni gʼeh-eu miˇ tsaˬ meh” lehˇ, Aˬkaˆsahˬ ehˇ kʼoꞈ nehˬ-euˬ meh. Kʼoeˇ naˇ, laꞈ taˆ paw jaˆ-eu iˇ cuꞈ lawˇ gawˆ deuˬ maˬ ehˇ, laꞈ oˆ paw jaˆ-eu iˇ cuꞈ lawˇ gawˆ deuˬ maˬ ehˇ, aˬ yawꞈ-ahˇ Gaˬlehˆ biꞈ-euˬ meh.

Yawˇshuˆ 15:19 Referans Kwoze

2 Gawˇliˬtu 9:5

Kʼoeˇ miˇ neh, ngaˬ-euˬ gʼawˇ mawˇ naw maꞈ jawˇ gaˇ maˬ oe mi naˆ-ehˇ, naw maꞈ neh damˬ ma lehˇ ehˇ taˬ-euˬ loꞈ-ehˇ bi laˆ dah taˬ jiˇ-eu gʼaˇ duˬ, aˬ nyiˇ heu deuˬ-ahˇ jeˬ huˬ kʼehˇ gʼeh leꞈ-eu tsaˬ-eu duˇ lehˇ ngaˇ noeˬ-eu ma. Kʼoeˇ miˇ neh, ngaˇ oe keuˆ ngeh naw maꞈ laˆ uiˬ gʼaˬ jiˇ-awˇ, aˬ cawˬ ehˇ-eu miˇ neh damˬ-eu maˬ ngeuˇ-ehˇ, yawˬ ha nui ma keuˆ-awˇ damˬ-euˬ jeˬ pyeuꞈ-eu gaˇ kawˆ aˬ cawˬ-ahˇ mawˇ leˇ tehꞈ-a.

1 Saˬmeuˬlaˆ 25:27

Ngaˬ-ahˇ gʼawˬ shaˬ gaˬ-eu laꞈ kʼoeˇ, ngaˬ neh yuˇ laꞈ-euˬ laꞈ sawˬ heu deuˬ-ahˇ ha geuꞈ-awˇ, nawˬ-euˬ tsawˇ haˬ deuˬ-ahˇ biꞈ-awˬ.

Dawˬmehˬ 33:7

Yuˇdaˆ gaˇ kawˆ Moˇseˬ ehˇ-eu, “Yuˇdaˆ tsawˇ jeuˬ-euˬ shaˇ dawˬ-ahˇ, Sahˬpaˬ Miˬyehˇ naˇ haˬ nehˬ-awˬ. Iˇsaˬleˬlaˆ tsawˇ jeuˬ deuˬ-ahˇ, aˬ yawꞈ maꞈ bi gʼoꞈ gm leˇ-awˬ. Muiˇ-eu deuˬ neh maˬ bi gʼaˬ ni, Sahˬpaˬ Miˬyehˇ caw ba nehˬ-awˬ.”

Aˇ dahˬ 33:11

Aˬ joˆ-ehˇ gʼeh-awˇ neh kʼawꞈ, ngaˬ neh nawˬ-ahˇ kʼaˇ biꞈ nehˬ laꞈ-euˬ jeˬ-ahˇ ha geuꞈ nehˬ laꞈ-awˬ. Miˬyehˇ ngaˬ-ahˇ gʼawˬ shaˬ gaˬ-eu laꞈ kʼoeˇ, ngaˇ kʼaˇ loˬ-eu jeˬ tiˬ byah tiˬ loꞈ biꞈ laꞈ-euˬ meh” lehˇ ehˇ-awˇ, Iˇsawˇ maˬ geuꞈ kʼoeˇ maˬ juˬ ni, Yaˬkoˆ neh dehˬ ahˇ nehˬ-euˬ meh.

Aˇ dahˬ 12:9

Kʼoeˇ naˇ, tiˬ gaˇ saˇ-iˬ tiˬ gaˇ aˬ yawꞈ jawˇ jawˇ-ehˇ, Kaˬnaˬ miˇ kʼahˬ laꞈ oˆ paw pyawˬ-ahˇ iˇ ka gʼeh-euˬ meh.

Yawˇshuˆ 15:18

Oeˇ mˇ baˇ ngeh nah, “Nawˬ da-ahˇ yaˇ ma tiˬ kawˬ shaˇ-awˬ” lehˇ Aˬkaˆsahˬ-ahˇ Awˇdaˬneˬlaˇ ehˇ nehˬ-euˬ meh. Kʼoeˇ naˇ, Aˬkaˆsahˬ mahˬ tahˬ laˆ dziˬ luꞈ-eu yaꞈ ka-iˇ ngeh, “Aˬ jeˬ geuꞈ mawꞈ-eu nya buˇ-oˬ” lehˇ Gaˬlehˆ naˇ haˬ-euˬ meh.

Yawˇshuˆ 15:20

Heu-aˬ, Yuˇdaˆ tsawˇ jeuˬ-euˬ aˇ jeuˬ aˇ ca deuˬ-ahˇ biꞈ tsehˆ tsehˆ nehˬ-euˬ miˇ kʼahˬ pyeuꞈ-eu meh.