Yawˇshuˆ 15:17 - Akha

¹⁷ Gaˬlehˆ-euˬ aˬ nyiˇ Gaˬnaˆ-euˬ aˬ li Awˇdaˬneˬlaˇ neh meuˬ kʼoeˇ meuˬ-ahˇ deuˆ gʼaˬ-euˬ meh. Kʼoeˇ miˇ neh, Gaˬlehˆ-aˬ, aˬ yawꞈ-euˬ aˬ buˇ Aˬkaˆsahˬ-ahˇ, Awˇdaˬneˬlaˇ-ahˇ bi mˇ dzaˬ-iˇ-euˬ meh.

Yawˇshuˆ 15:17 Referans Kwoze

Yaˇ kʼaˬ daˇ 3:9

Kʼoeˇ naˇ, Iˇsaˬleˬlaˆ tsawˇ haˬ deuˬ ngoeˇ ngoeˇ-ehˇ guˇ-eu miˇ neh, aˬ yawꞈ maꞈ-ahˇ bi ka kʼoꞈ-eu gʼaˇ duˬ, Sahˬpaˬ Miˬyehˇ tsawˇ haˬ tiˬ gʼaˬ pyehˬ gʼeh-euˬ meh. Tsawˇ haˬ kʼoeˇ gʼaˬ-aˬ, Gaˬlehˆ-euˬ aˬ nyiˇ Gaˬnaˆ-euˬ aˬ li Awˇdaˬneˬlaˇ pyeuꞈ-eu meh.

Yaˇ kʼaˬ daˇ 1:13

Gaˬlehˆ-euˬ aˬ nyiˇ Gaˬnaˆ-euˬ aˬ li Awˇdaˬneˬlaˇ gʼaˬ, meuˬ kʼoeˇ meuˬ-ahˇ deuˆ gʼaˬ-euˬ meh. Kʼoeˇ miˇ neh, Gaˬlehˆ-aˬ, aˬ yawꞈ-euˬ aˬ buˇ Aˬkaˆsahˬ-ahˇ, Awˇdaˬneˬlaˇ-ahˇ bi mˇ dzaˬ-iˇ-euˬ meh.

Yaˇ kʼaˬ daˇ 3:11

Miˇ kʼahˬ kʼoeˇ kʼahˬ laꞈ kʼoeˇ, oeˬ tseˇ kʼoꞈ keuˆ ni guiˇ maˬ deuˆ-ehˇ nui saˇ oꞈ-euˬ meh. Kʼoeˇ naˇ, Awˇdaˬneˬlaˇ shiˇ-euˬ meh.

Yawˇshuˆ 14:6

Tiˬ nah-aˬ, Yuˇdaˆ tsawˇ haˬ tiˬ deuˬ Giˇlaˇgaˬlaˇ-ahˇ Yawˇshuˆ jawˇ gaˇ laˇ-euˬ meh. Tsawˇ haˬ kʼoeˇ deuˬ nehˬ-ehˇ laˇ-euˬ Gaˬnaˆ aˇ jeuˬ Yeˬpuˬnehˇ-euˬ aˬ li Gaˬlehˆ gʼaˬ, Yawˇshuˆ-ahˇ ehˇ-eu, “Kaˬdeˬshaˇbaˬneˬ lehˇ kuˇ-eu jawˇ duˬ-ahˇ, aˇ nyaꞈ-euˬ gaˇ kawˆ Moˇseˬ-ahˇ Sahˬpaˬ Miˬyehˇ ehˇ nehˬ-euˬ nawˇ siˬ nya meh.

1 Laˬsaˬbaˬ 2:49

Aˇ nah, ma nyiˇ kʼoeˇ gʼaˬ aˬ li nyiˬ li paˇ ciˬ-awˇ, aˬ yawꞈ-euˬ aˬ li Shahˇpaˬ lehˇ myahˇ-euˬ gʼaˬ Maˬdaˇmaˬnahˬ meuˬ teˬ-awˇ, Sheˬbah lehˇ myahˇ-euˬ gʼaˬ Maˬkaˬbeˬnaˬ meuˬ hawˇ-eu Giˇbaˬ meuˬ teˬ-euˬ meh. Gaˬlehˆ-aˬ, Aˬkaˆsahˬ lehˇ myahˇ-euˬ aˬ buˇ tiˬ buˇ kʼawꞈ jawˇ-eu meh.

Bawˇtsahˬ 32:12

Sahˬpaˬ Miˬyehˇ-ahˇ saˇ jaˇ maˬ puiˬ-euˬ Gaˬnaˆ aˇ jeuˬ Yeˬpuˬnehˇ-euˬ aˬ li Gaˬlehˆ hawˇ-eu Nuˬ-euˬ aˬ li Yawˇshuˆ maˬ ngeuˇ naˇ, tiˬ gʼaˬ-iˬ maˬ ya le keuˆ-a lehˇ ehˇ taˬ-euˬ meh.

Yawˇshuˆ 15:16

“Giˇliˇyaˆseˬpeuˬ meuˬ-ahˇ deuˆ gʼaˬ-eu gʼaˬ, aˬ yawꞈ-euˬ aˬ buˇ Aˬkaˆsahˬ-ahˇ bi sheuˬ dahˬ dzaˬ ma” lehˇ Gaˬlehˆ ehˇ-eu meh.

1 Laˬsaˬbaˬ 4:13

Gaˬnaˆ-aˬ, Awˇdaˬneˬlaˇ hawˇ-eu Seˬlehˇyaˬ lehˇ myahˇ-euˬ aˬ li nyiˬ li jawˇ-eu meh. Awˇdaˬneˬlaˇ-aˬ, Haˬdah hawˇ-eu Mawˇnawˇdehˇ lehˇ myahˇ-eu aˬ li nyiˬ li jawˇ-eu meh.

1 Laˬsaˬbaˬ 27:15

Ba la tseˇ nyiꞈ siˬ tiˬ siˬ-ahˇ gaˇ ya mˇ-eu aˇ muˇ tseˇ nyiꞈ muˇ tiˬ muˇ kʼoeˇ taˆ aˬ yuiꞈ geuꞈ-eu gʼaˬ-aˬ, Neˬtawˇpaˬ meuˬ-ahˇ jawˇ-eu Awˇdaˬneˬlaˇ aˇ jeuˬ Heˬlaˬdehˇ meh. Aˬ yawꞈ-euˬ aˇ muˇ zaˬ nyiˬ muiˇ oeˬ heˇ gʼaˬ byah-eu meh.