Yawˇshuˆ 15:14 - Akha

¹⁴ Aˬnaˬkaˆ-euˬ zaˬ deuˬ uˆ deuˬ pyeuꞈ-eu Sheˬshaiˇ aˇ jeuˬ, Aˬhiˇmaˬ aˇ jeuˬ hawˇ-eu Taˬlaˬmehˇ aˇ jeuˬ-ahˇ Gaˬlehˆ teh doˆ-euˬ meh.

Yawˇshuˆ 15:14 Referans Kwoze

Yaˇ kʼaˬ daˇ 1:20

Moˇseˬ neh dawˬ biꞈ taˬ-euˬ loꞈ-ehˇ, Gaˬlehˆ-ahˇ Heˬbyoˬ meuˬ biꞈ-euˬ meh. Meuˬ kʼoeˇ meuˬ laꞈ kʼoeˇ jawˇ-eu Aˬnaˬkaˆ-euˬ zaˬ deuˬ uˆ deuˬ pyeuꞈ-eu aˇ jeuˬ smˇ jeuˬ-ahˇ aˬ yawꞈ teh doˆ-euˬ meh.

Yaˇ kʼaˬ daˇ 1:10

Giˇliˇyaˆaˬbaˬ meuˬ lehˇ kuˇ-eu Heˬbyoˬ meuˬ-ahˇ jawˇ-eu Kaˬnaˬ tsawˇ haˬ deuˬ jawˇ gaˇ aˬ yawꞈ maꞈ le-awˇ, guiˇ deuˆ leˇ-euˬ meh. Sheˬshaiˇ aˇ jeuˬ, Aˬhiˇmaˬ aˇ jeuˬ hawˇ-eu, Taˬlaˬmehˇ aˇ jeuˬ-ahˇ, kʼoeˇ gaˇ aˬ yawꞈ maꞈ deuˆ gʼaˬ-euˬ meh.

Yawˇshuˆ 11:21

Kʼoeˇ ngeh yamˬ-ahˇ, gawˬ jawˬ gawˬ duˇ doe ni jaˆ-eu meuˬ deuˬ pyeuꞈ-eu Heˬbyoˬ meuˬ, Deˬbeuˬ meuˬ hawˇ-eu Aˬnaˬbaˆ meuˬ-ahˇ maˬ ehˇ, Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ gawˬ jawˬ gawˬ duˇ doe ni maˬ ehˇ, Yawˇshuˆ le-awˇ, kʼoeˇ gaˇ jawˇ-eu Aˬnaˬkaˆ lehˇ kuˇ-eu huiˬ dui goˇ dui dui-eu tsawˇ jeuˬ-ahˇ laˆ luˬ laˆ seˇ nehˬ-euˬ meh. Aˬ yawꞈ maꞈ hawˇ-eu aˬ yawꞈ maꞈ-euˬ meuˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni, Yawˇshuˆ neh laˆ luˬ laˆ seˇ nehˬ-euˬ meh.

Bawˇtsahˬ 13:33

Aˬnaˬkaˆ-euˬ zaˬ deuˬ uˆ deuˬ pyeuꞈ-eu huiˬ dui goˇ dui dui-eu tsawˇ haˬ deuˬ-ahˇ kʼawꞈ nga maꞈ mawˇ yaꞈ-euˬ ma. Aˬ dui yawˬ haˇ yawˬ ha paˇ haw ngeh, nyehˇ bahˇ hui ni tehꞈ-ehˇ ahˇ gaˇ duˇ nya. Aˬ yawꞈ maꞈ aˬ dui-ahˇ paˇ haw law hawˇ kʼawꞈ, kʼoeˇ hui tehꞈ nga lehˇ duˇ tehꞈ-a.”

Dawˬmehˬ 9:2

Aˬ yawꞈ maꞈ-euˬ meuˬ deuˬ huiˬ dui dui-awˇ, meuˬ meuˬ lahˇ kʼawꞈ mˬ-ahˇ tuˆ-eu meh.

Yawˇshuˆ 11:22

Iˇsaˬleˬlaˆ miˇ kʼahˬ laꞈ kʼoeˇ Aˬnaˬkaˆ tsawˇ jeuˬ tiˬ gʼaˬ-iˬ maˬ jawˇ ni pyeuꞈ-iˇ-euˬ meh. Ehˇ kʼawꞈ, Gaˬzaˬ meuˬ, Gaˬdaˇ meuˬ hawˇ-eu, Aˬshaˬdoˇ meuˬ-ahˇ ui cuiˆ na dzeˇ yaꞈ-euˬ meh.

2 Saˬmeuˬlaˆ 21:16

Nyiˬ jawꞈ-i dzehˬ ni kah-eu guiˬ shuiˇ gahˬ baꞈ luꞈ-awˇ, mi cehˇ yaw shuiꞈ tiˬ kahˇ shaꞈ luꞈ-eu Iˇshaˬbiˇbeˬnoˆ lehˇ myahˇ-euˬ huiˬ dui dui-eu tsawˇ haˬ tiˬ gʼaˬ, Daˬbiˇ-ahˇ aˬ yawꞈ sehꞈ nya ma lehˇ noeˬ luꞈ-eu meh.