Yawˇshuˆ 15:1 - Akha

¹ Heu-aˬ, Yuˇdaˆ tsawˇ jeuˬ za-euˬ miˇ kʼahˬ pyeuꞈ-eu meh. Miˇ kʼahˬ heu kʼahˬ-aˬ, laꞈ oˆ paw Eˬdoˬ miˇ kʼahˬ dawˬ peh aˬ cawˬ laꞈ oˆ oˆ saˬ jaˆ-eu Ziˇnaˆ bawˇ tsahˬ bawˇ dahˇ-ahˇ keuˆ ni meh.

Yawˇshuˆ 15:1 Referans Kwoze

Yeˬsaˬgeˬlaˇ 47:19

“Laꞈ oˆ paw pyawˬ miˇ kaˬ-aˬ, Taˬmaˬ meuˬ-ahˇ neh dahˬ beh-awˇ, Meˬliˇbaˆ Kaˬdeˬshaˇ lawˇ gawˆ deuˬ jaˆ gaˇ neh, Iˇjiˇtuˆ lawˇ baˬ caw caw-ehˇ Gʼahˇ ceh-euˬ iˬ ma laˆ shaˆ-ahˇ keuˆ ni meh.

Yawˇshuˆ 14:2

Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ jeuˬ gʼoeˬ jeuˬ uˬ taꞈ tiˬ paˆ-ahˇ, Yawˇdaˬ lawˇ baˬ nahˇ ma ga kʼehˬ paw jaˆ-eu miˇ kʼahˬ deuˬ-ahˇ, shehˆ tsaˬ bi tsaˬ geuꞈ-euˬ meh.

Maˬkuˆ 3:8

Iˇduˇmehˇ miˇ kʼahˬ-ahˇ jawˇ-eu tsawˇ haˬ deuˬ, Yawˇdaˬ lawˇ baˬ nahˇ ma doˆ kʼehˬ paw kʼahˬ-ahˇ jawˇ-eu tsawˇhaˬ deuˬ hawˇ-eu, Duˇlu meuˬ hawˇ-eu Siˇdoˬ meuˬ-euˬ gahˬ kaˬ-ahˇ jawˇ-eu tsawˇ haˬ deuˬ kʼawꞈ caw teh luꞈ-eu meh. Yeˬsuˇ neh mˇ-euˬ gaˇ deuˬ gaˇ kawˆ aˬ yawꞈ maꞈ ya gaˬ-euˬ miˇ neh, Yeˬsuˇ jawˇ gaˇ aˬ yawꞈ maꞈ oe-euˬ meh.

Bawˇtsahˬ 20:16

caw ba le-awˬ lehˇ Sahˬpaˬ Miˬyehˇ-ahˇ nga maꞈ guˇ guˇ-ehˇ shaˇ-euˬ gaˇ kawˆ maˬ ehˇ, nga maꞈ-euˬ shaˇ dawˬ-ahˇ aˬ yawꞈ naˇ haˬ-awˇ, mˬ taˆ gʼaˬ kʼehˇ tiˬ gʼaˬ pyehˬ gʼeh leꞈ-euˬ laꞈ kʼoeˇ nga maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh bi sheuˬ doˆ nehˬ laꞈ-euˬ gaˇ kawˆ maˬ ehˇ, nawˇ siˬ nya jiˇ meh. Nawˬ-euˬ miˇ kʼahˬ laꞈ kʼoeˇ jaˆ-eu Kaˬdeˬshaˇ meuˬ-ahˇ nymˬ-mˇ nga maꞈ jawˇ luꞈ-eu ma.

Dawˬmehˬ 32:51

Aˬ jeˬ miˇ neh ehˇ naˇ, naw nyaꞈ nyiˬ mehˇ nmˇ luꞈ, Iˇsaˬleˬlaˆ tsawˇ haˬ deuˬ mehˬ shi ngaˬ-ahˇ saˇ jaˇ maˬ ziꞈ-aˬ. Ziˇnaˆ bawˇ tsahˬ bawˇ dahˇ-ahˇ jaˆ-eu Kaˬdeˬshaˇ meuˬ gaˇ dzeˇ Meˬliˇbaˬ lawˇ gawˆ dawˬ peh, Iˇsaˬleˬlaˆ tsawˇ haˬ deuˬ mehˬ shi naw nyaꞈ ngaˬ-ahˇ yaw zeu maˬ baw-eu jeˬ mˇ-euˬ meh.

Yawˇshuˆ 15:2

Laꞈ oˆ paw dzeˇ dzaˬ miˇ kaˬ-aˬ, Shiˇ-eu Iˬ ma laˆ shaˆ lah dahˬ-ahˇ neh,

Yawˇshuˆ 18:5

Miˇ kʼahˬ kʼoeˇ kʼahˬ-ahˇ, aˬ yawꞈ maꞈ gʼaˇ duˬ shiꞈ paˆ ya paˆ tehꞈ-a. Yuˇdaˆ tsawˇ jeuˬ-aˬ, laꞈ oˆ paw jaˆ-eu aˬ yawꞈ maꞈ-euˬ miˇ kʼahˬ-ahˇ ya jawˇ-awˇ, Yoˇsehˆ tsawˇ jeuˬ deuˬ-aˬ, laꞈ taˆ paw jaˆ-eu aˬ yawꞈ maꞈ-euˬ miˇ kʼahˬ-ahˇ ya jawˇ tehꞈ-a.

Yeˬsaˬgeˬlaˇ 48:7

Luˇbeˬ tsawˇ jeuˬ-euˬ miˇ tsaˬ laꞈ oˆ, Yuˇdaˆ tsawˇ jeuˬ-euˬ miˇ tsaˬ jaˆ-eu meh.

Aˇ dahˬ 35:23

Yaˬkoˆ-euˬ aˬ li tseˇ nyiꞈ li jawˇ-eu meh. Leˇaˬ o neh jawˇ le-euˬ aˬ li deuˬ-aˬ, Yaˬkoˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ, Suˇmoˬ, Leˬbiˇ, Yuˇdaˆ, Iˇsaˬkaˬ, Zeˬbuˬloˬ aˬ ha mehˇ nmˇ meh.

1 Sahˬpaˬ 8:65

Sawˇlaˬmoˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma-ahˇ shiꞈ nah keuˆ ni Sehˬ gʼawˆ-euˬ Bawˬ-iˬ gʼeh-euˬ meh. Laꞈ taˆ paw pyawˬ-ahˇ jaˆ-eu Haˬmaˆ gʼaˬ lahˇ-ahˇ keuˆ ni jawˇ-eu tsawˇ haˬ deuˬ hawˇ-eu, laꞈ oˆ paw Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni jawˇ-eu tsawˇ haˬ deuˬ uiˬ leˇ-awˇ, tsawˇ haˬ aˇ maꞈ myaˬ dui dui-euˬ meh.