Yawˇshuˆ 14:4 - Akha

⁴ Yoˇsehˆ-euˬ zaˬ deuˬ uˆ deuˬ laꞈ kʼoeˇ, Maˬnaˇseˬ tsawˇ jeuˬ hawˇ-eu Eˇpaˬleˬ tsawˇ jeuˬ heu nyiˬ jeuˬ jawˇ-eu miˇ neh, Leˬbiˇ tsawˇ jeuˬ-ahˇ miˇ kʼahˬ maˬ biˇ nehˬ-ehˇ, aˬ yawꞈ maꞈ jawˇ-eu gʼaˇ duˬ meuˬ deuˬ, jeˬ zaˬ gaˆ kʼahˬ deuˬ hawˇ-eu, myawˬ taˬ duˬ tehꞈ-ehˇ biꞈ taˬ-euˬ meh.

Yawˇshuˆ 14:4 Referans Kwoze

Aˇ dahˬ 48:5

“Yoˇsehˆ-oˇ, Iˇjiˇtuˆ miˇ kʼahˬ laꞈ kʼoeˇ ngaˇ maˬ oe keuˆ mi naˆ-ehˇ heu gaˇ dehꞈ le-euˬ nawˬ li heu nyiˬ li kʼawꞈ, ngaˬ-euˬ zaˬ pyeuꞈ-eu ma. Luˇbeˬ hawˇ-eu Suˇmoˬ aˬ nyaꞈ nmˇ ngaˬ li pyeuꞈ-eu loꞈ-ehˇ, Eˇpaˬleˬ hawˇ-eu Maˬnaˇseˬ aˬ nyaꞈ nmˇ kʼawꞈ ngaˬ li pyeuꞈ-eu ma.

Aˇ dahˬ 41:51

Kʼoeˇ ngeh, “Ngaˬ neh tahˬ puˬ-eu shaˬ-eu zahˬ-eu jeˬ hawˇ-eu, ngaˬ da-euˬ nymˇ jiˇ gaˇ kawˆ ngaˇ ngehˇ ni, Miˬyehˇ jahˇ nehˬ laꞈ-euˬ nga” lehˇ Yoˇsehˆ ehˇ-awˇ, aˬ li aˬ yuiꞈ gʼaˬ-ahˇ Maˬnaˇseˬ lehˇ myahˇ nehˬ-euˬ meh.

Aˇ dahˬ 46:20

Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu Yoˇsehˆ hawˇ-eu Aˬseˇnaˆ aˬ nyaꞈ dzeˇ zaˬ-aˬ, Maˬnaˇseˬ hawˇ-eu Eˇpaˬleˬ lehˇ myahˇ-euˬ aˬ li nyiˬ li jawˇ-eu meh. Yoˇsehˆ-euˬ nymˇ dahˬ Aˬseˇnaˆ-aˬ, Heˬliˬpawˇliˆ meuˬ-ahˇ piˇ ma geuꞈ luꞈ-eu Pawˇtiˇpeˬlaˇ-euˬ aˬ buˇ meh.

Aˇ dahˬ 48:1

Aˇ nah aˇ yamˬ ui cuiˆ myahˇ laˇ ngeh, aˬ yawꞈ aˬ da jawˇ saˇ maˬ doˆ-eu gaˇ kawˆ Yoˇsehˆ ya gaˬ-euˬ meh. Kʼoeˇ miˇ neh, aˬ yawꞈ-euˬ aˬ li Maˬnaˇseˬ hawˇ-eu Eˇpaˬleˬ aˬ nyaꞈ nmˇ-ahˇ sheuˬ-awˇ, aˬ yawꞈ-euˬ aˬ da Yaˬkoˆ-ahˇ haw le-euˬ meh.

Bawˇtsahˬ 26:28

Maˬnaˇseˬ hawˇ-eu Eˇpaˬleˬ aˬ nyaꞈ nmˇ-euˬ aˬ da pyeuꞈ-eu Yoˇsehˆ-euˬ zaˬ deuˬ uˆ deuˬ pyeuꞈ-eu Yoˇsehˆ tsawˇ jeuˬ deuˬ-aˬ, heu deuˬ meh.

2 Laˬsaˬbaˬ 30:1

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ Baˬsaˬkaˬ bawˬ-iˬ gʼeh-eu gʼaˇ duˬ, “Yeˬluˇsaˬlehˬ meuˬ-ahˇ jaˆ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ laˇ-awˬ” lehˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ doe ni Heˬsaˬgiˇ bi tsaꞈ gaˬ-iˇ-awˇ, Eˇpaˬleˬ miˇ kʼahˬ hawˇ-eu Maˬnaˇseˬ miˇ kʼahˬ-ahˇ kʼawꞈ, sahˬ boꞈ boꞈ-awˇ kuˇ-euˬ meh.

Aˇ dahˬ 41:52

Kʼoeˇ naˇ, “Ngaˇ ya shaˬ ya zahˬ-euˬ miˇ kʼahˬ-ahˇ, Miˬyehˇ ngaˬ-ahˇ guiˬ lahˬ biꞈ-awˇ, zaˬ bi jawˇ le nehˬ laꞈ-euˬ nga” lehˇ aˬ yawꞈ paˇ ehˇ-awˇ, aˬ li aˬ nyiˇ gʼaˬ-ahˇ Eˇpaˬleˬ lehˇ myahˇ nehˬ-euˬ meh.

Aˇ dahˬ 48:6

Heu taꞈ naˇ, nawˇ aˬ li gʼawˬ mya li paˇ jawˇ le kʼawꞈ, aˬ yawꞈ maꞈ-ahˇ ngaˬ-euˬ zaˬ lehˇ maˬ paˇ sawˇ ma. Aˬ yawꞈ maꞈ-ahˇ oꞈ-eu jeˬ biˇ deuˬ-aˬ, Eˇpaˬleˬ hawˇ-eu Maˬnaˇseˬ-ahˇ taꞈ-awˇ, aˬ yawꞈ nyaꞈ aˬ yawꞈ maꞈ-ahˇ biꞈ tehꞈ-a.

Yawˇshuˆ 16:4

Yoˇsehˆ-euˬ zaˬ deuˬ uˆ deuˬ pyeuꞈ-eu Eˇpaˬleˬ tsawˇ jeuˬ hawˇ-eu, nahˇ ma ga kʼehˬ paw jawˇ-eu Maˬnaˇseˬ tsawˇ jeuˬ, miˇ kʼahˬ heu kʼahˬ za-euˬ meh.