Yawˇshuˆ 14:15 - Akha

¹⁵ Aˇ yamˬ kʼoeˇ yamˬ maˬ keuˆ laˇ-euˬ kʼoeˇ, Heˬbyoˬ meuˬ-ahˇ Aˬbaˬ meuˬ lehˇ kuˇ-euˬ meh. (Aˬbaˬ-aˬ, Aˬnaˬkaˆ tsawˇ haˬ deuˬ laꞈ kʼoeˇ aˬ cawˬ naˆ maˬ tseˇ huiˬ dzehˬ-eu gʼaˬ pyeuꞈ-eu meh.) Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ, guiˇ maˬ deuˆ ni coꞈ ngehˇ ni jaˆ-euˬ meh.

Yawˇshuˆ 14:15 Referans Kwoze

Yawˇshuˆ 11:23

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Miˇ kʼahˬ kʼoeˇ kʼahˬ Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ-awˇ, tsawˇ jeuˬ aˬ yawꞈ jeuˬ yawꞈ gʼaˇ duˬ, dehˬ biˇ nehˬ-euˬ meh.

Aˇ dahˬ 23:2

Kaˬnaˬ miˇ kʼahˬ Heˬbyoˬ meuˬ laꞈ kʼoeˇ aˬ yawꞈ ziˇ dehꞈ jiˇ-euˬ meh. Aˬ yawꞈ shiˇ ngeh, Aˬbyaˬhaˬ tsawˇ ngoeˇ ngoeˇ-euˬ meh.

Yaˇ kʼaˬ daˇ 3:11

Miˇ kʼahˬ kʼoeˇ kʼahˬ laꞈ kʼoeˇ, oeˬ tseˇ kʼoꞈ keuˆ ni guiˇ maˬ deuˆ-ehˇ nui saˇ oꞈ-euˬ meh. Kʼoeˇ naˇ, Awˇdaˬneˬlaˇ shiˇ-euˬ meh.

Yawˇshuˆ 15:13

Yawˇshuˆ-ahˇ Sahˬpaˬ Miˬyehˇ dawˬ biꞈ nehˬ-euˬ loꞈ-ehˇ, Yuˇdaˆ tsawˇ jeuˬ Yeˬpuˬnehˇ-euˬ aˬ li Gaˬlehˆ-ahˇ Yuˇdaˆ miˇ kʼahˬ laꞈ kʼoeˇ jaˆ-eu Heˬbyoˬ meuˬ biꞈ-euˬ meh. Heˬbyoˬ meuˬ-aˬ, Aˬnaˬkaˆ-euˬ aˬ da Aˬbaˬ-euˬ meuˬ pyeuꞈ-eu meh.

Yaˇ kʼaˬ daˇ 8:28

Kʼoeˇ loꞈ-ehˇ, Iˇsaˬleˬlaˆ tsawˇ haˬ deuˬ Miˇdiˬyaˬ tsawˇ haˬ-ahˇ deuˆ gʼaˬ-awˇ, guˆ kʼaˇ maˬ za ni pyeuꞈ-iˇ-euˬ meh. Giˇdoˬ shiˇ ngeh keuˆ ni, oeˬ tseˇ kʼoꞈ byah ni, miˇ kʼahˬ kʼoeˇ kʼahˬ laꞈ kʼoeˇ guiˇ maˬ deuˆ-ehˇ nui saˇ oꞈ-eu jeˬ jaˆ-euˬ meh.

Yaˇ kʼaˬ daˇ 5:31

Sahˬpaˬ Miˬyehˇ-oˇ, nawˬ-ahˇ muiˇ-eu deuˬ dawˬ tawˆ luꞈ, kʼoeˇ loꞈ-ehˇ shiˇ luꞈ-uˇ. Ehˇ kʼawꞈ, nawˬ-eu cawˬ deuˬ-aˬ, doˆ laˇ luꞈ-eu nahˇ ma loꞈ-ehˇ bya luꞈ-uˇ.” Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ, oeˬ tseˇ kʼoꞈ byah ni guiˇ maˬ deuˆ-ehˇ nui saˇ oꞈ-eu jeˬ jaˆ-euˬ meh.

Yaˇ kʼaˬ daˇ 3:30

Kʼoeˇ ngeh nah, Mawˇbaˆ miˇ kʼahˬ-ahˇ Iˇsaˬleˬlaˆ tsawˇ haˬ deuˬ deuˆ gʼaˬ-awˇ, Iˇsaˬleˬlaˆ miˇ kʼahˬ laꞈ kʼoeˇ, yehꞈ tseˇ kʼoꞈ byah ni guiˇ maˬ deuˆ-ehˇ nui saˇ oꞈ-eu laꞈ kʼoeˇ ya dehꞈ ya jawˇ-euˬ meh.

Aˇ dahˬ 35:27

Aˬbyaˬhaˬ hawˇ-eu Iˇtsaˆ-euˬ jawˇ duˬ pyeuꞈ-eu Heˬbyoˬ meuˬ dawˬ peh jaˆ-eu Mamˬliˬ meuˬ-ahˇ, aˬ yawꞈ aˬ da Iˇtsaˆ jawˇ gaˇ Yaˬkoˆ iˇ-euˬ meh.

Aˇ dahˬ 37:14

“Nawˬ-euˬ aˇ doˆ deuˬ aˬ joˆ-ehˇ jawˇ luꞈ nga lehˇ haw-iˇ-awˇ, ngaˬ-ahˇ paˇ tsaꞈ gaˬ laˇ-awˬ” lehˇ, Yoˇsehˆ-ahˇ Yaˬkoˆ ehˇ nehˬ-euˬ meh. Yaˬkoˆ-aˬ, Yoˇsehˆ-ahˇ Heˬbyoˬ meuˬ paw neh bi iˇ-euˬ meh. Sheˬkmˬ meuˬ-ahˇ Yoˇsehˆ iˇ keuˆ-awˇ,

Yawˇshuˆ 14:14

Heˬbyoˬ meuˬ-aˬ, iˬ nah keuˆ ni, Gaˬnaˆ aˇ jeuˬ Yeˬpuˬnehˇ-euˬ aˬ li Gaˬlehˆ-euˬ zaˬ deuˬ uˆ deuˬ-euˬ meuˬ pyeuꞈ-eu meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ saˇ jaˇ ziꞈ-eu laꞈ kʼoeˇ naˇ haˬ geuꞈ-euˬ meh.

Yawˇshuˆ 21:11

Yuˇdaˆ miˇ kʼahˬ gawˬ jawˬ gawˬ duˇ-ahˇ jaˆ-eu, nymˬ-mˇ Heˬbyoˬ meuˬ lehˇ kuˇ-eu Aˬbaˬ meuˬ hawˇ-eu kʼoeˇ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ, aˬ yawꞈ maꞈ-ahˇ biꞈ-euˬ meh. (Aˬbaˬ-aˬ, Aˬnaˬkaˆ-euˬ aˬ da meh.)

Neˬhaˬmiˇ 11:25

Yuˇdaˆ miˇ kʼahˬ zaˬ gʼawˬ mya ni, yawˬ ha-euˬ myawˬ kʼahˬ yaˇ kʼahˬ beh ziꞈ taˬ-euˬ dawˬ peh jaˆ-eu meuˬ deuˬ-ahˇ jawˇ-euˬ meh. Yuˇdaˆ tsawˇ jeuˬ deuˬ-aˬ, Giˇliˇyaˆaˬbaˬ meuˬ, Diˇboˬ meuˬ, Zeˬkaˆzeˬlaˇ meuˬ hawˇ-eu meuˬ kʼoeˇ deuˬ-euˬ tahˬ gʼoꞈ tahˬ jawˇ jaˆ-eu pu deuˬ-ahˇ jawˇ-euˬ meh.

Yawˇshuˆ 21:12

Ehˇ kʼawꞈ ni, meuˬ kʼoeˇ meuˬ-euˬ deh yaˇ deuˬ hawˇ-eu, meuˬ kʼoeˇ meuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-aˬ, Yeˬpuˬnehˇ-euˬ aˬ li Gaˬlehˆ-ahˇ biꞈ gʼaˬ taˬ-euˬ meh.

Yaˇ kʼaˬ daˇ 1:20

Moˇseˬ neh dawˬ biꞈ taˬ-euˬ loꞈ-ehˇ, Gaˬlehˆ-ahˇ Heˬbyoˬ meuˬ biꞈ-euˬ meh. Meuˬ kʼoeˇ meuˬ laꞈ kʼoeˇ jawˇ-eu Aˬnaˬkaˆ-euˬ zaˬ deuˬ uˆ deuˬ pyeuꞈ-eu aˇ jeuˬ smˇ jeuˬ-ahˇ aˬ yawꞈ teh doˆ-euˬ meh.

1 Saˬmeuˬlaˆ 30:31

Heˬbyoˬ meuˬ-ahˇ jawˇ-eu tsawˇ haˬ deuˬ meh. Aˬ yawꞈ hawˇ-eu aˬ yawꞈ-euˬ tsawˇ haˬ deuˬ kʼaˇ cah keuˆ-awˇ, jawˇ naˬ kʼaˇ mˇ-euˬ jawˇ duˬ-ahˇ jawˇ-eu tsawˇ haˬ deuˬ-ahˇ, aˬ yawꞈ laꞈ sawˬ biꞈ keuˆ nehˬ-euˬ meh.

1 Laˬsaˬbaˬ 6:4

Eˇlaˬzaˬ-ahˇ neh gui ka leꞈ-euˬ tsuiꞈ-aˬ, heu loꞈ-ehˇ meh. Piˇnaˬhaˇ, Aˬbiˇshahˬ,