Yawˇshuˆ 13:8 - Akha

⁸ Luˇbeˬ tsawˇ jeuˬ, Gaˆ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ-aˬ, Sahˬpaˬ Miˬyehˇ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ-euˬ Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ za-euˬ meh.

Yawˇshuˆ 13:8 Referans Kwoze

Yawˇshuˆ 12:6

Sahˬ paˬ heu nyiˬ gʼaˬ-ahˇ Moˇseˬ hawˇ-eu Iˇsaˬleˬlaˆ tsawˇ haˬ deuˬ deuˆ gʼaˬ-euˬ meh. Sahˬpaˬ Miˬyehˇ-euˬ zaˬ kʼaˆ Moˇseˬ-aˬ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu, Maˬnaˇseˬ tsawˇ jeuˬ tiˬ paˆ-ahˇ, sahˬ paˬ kʼoeˇ nyiˬ gʼaˬ-euˬ miˇ kʼahˬ biꞈ-euˬ meh.

Yawˇshuˆ 22:4

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-ahˇ, nui saˇ za-eu jeˬ aˬ yawꞈ biꞈ gʼaˬ-euˬ meh. Kʼoeˇ miˇ neh, naw maꞈ geuꞈ ma lehˇ shaˇ-euˬ loꞈ-ehˇ, Sahˬpaˬ Miˬyehˇ-euˬ zaˬ kʼaˆ Moˇseˬ neh naw maꞈ-ahˇ biꞈ gʼaˬ-euˬ miˇ kʼahˬ pyeuꞈ-eu, Yawˇdaˬ lawˇ baˬ-euˬ nahˇ ma doˆ kʼehˬ paw baˬ-ahˇ jaˆ-eu naw maꞈ-euˬ miˇ kʼahˬ-ahˇ gʼoꞈ-iˇ-awˬ.

Yawˇshuˆ 4:12

Moˇseˬ neh ehˇ taˬ-euˬ loꞈ-ehˇ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ laꞈ kʼoeˇ, guiˇ deuˆ-eu gʼaˇ duˬ lehˬ hmˬ dah aˬ-euˬ tsawˇ haˬ deuˬ, Iˇsaˬleˬlaˆ tsawˇ haˬ nui deuˬ-euˬ mehˬ hu paw le dzeuˇ gʼeh leꞈ-euˬ meh.

Bawˇtsahˬ 32:19

Yawˇdaˬ lawˇ baˬ-euˬ kʼoeˇ baˬ-ahˇ kʼaˇ jaˆ-eu jeˬ nga maꞈ tiˬ jeˬ-iˬ maˬ geuꞈ. Aˬ jeˬ miˇ neh ehˇ naˇ, Yawˇdaˬ lawˇ baˬ-euˬ nahˇ ma doˆ kʼehˬ paw baˬ pyeuꞈ-eu heu baˬ-ahˇ nga maꞈ jeˬ biˇ za gʼaˬ-euˬ ma.”

Dawˬmehˬ 3:8

“Kʼoeˇ ngeh yamˬ-ahˇ, Yawˇdaˬ lawˇ baˬ nahˇ na doˆ kʼehˬ paw jaˆ-eu, Aˬnoˬ lawˇ baˬ-ahˇ neh Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Aˬmawˇliˆ sahˬ paˬ kʼoeˇ nyiˬ gʼaˬ-euˬ laꞈ-ahˇ neh, aˬ dui deuˆ za-euˬ ma.

Yawˇshuˆ 12:1

Yawˇdaˬ lawˇ baˬ nahˇ ma doˆ kʼehˬ paw, Aˬnoˬ deh kʼawꞈ-ahˇ neh Yawˇdaˬ deh kʼawꞈ caw caw-ehˇˬ, laꞈ taˆ paw Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ-awˇ jawˇ luꞈ-eu meh. Sahˬ paˬ nyiˬ gʼaˬ-ahˇ aˬ yawꞈ maꞈ deuˆ gʼaˬ-euˬ meh.

Yawˇshuˆ 13:7

Nymˬ-mˇ poˆ jawˇ-aˬ, Iˇsaˬleˬlaˆ tsawˇ jeuˬ gʼoeˬ jeuˬ hawˇ-eu Maˬnaˇseˬ tsawˇ jeuˬ tiˬ paˆ-ahˇ miˇ kʼahˬ heu biˇ nehˬ-awˇ, bi geuꞈ tsehˆ tsehˆ-awˬ.”

Yawˇshuˆ 13:9

Aˬnoˬ deh kʼawꞈ-euˬ uˬ gʼmˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ kʼoeˇ kʼawꞈ-euˬ gʼahˇ ceh jaˆ-eu meuˬ hawˇ-eu, Meˬdeˬbaˬ meuˬ-ahˇ neh Diˇboˬ meuˬ-ahˇ keuˆ ni, yaw goˇ-ahˇ jaˆ-eu deh saˇ kʼoeˇ deuˬ dawˬ tawˆ luꞈ meh.

1 Saˬmeuˬlaˆ 13:7

Tiˬ paˆ na deuˬ-aˬ, Yawˇdaˬ lawˇ baˬ cehˆ tsehˆ-awˇ, Gaˆ miˇ kʼahˬ hawˇ-eu Giˇlaˆ miˇ kʼahˬ-ahˇ cehˆ uˇ leˇ-euˬ meh. Sawˇluˆ-aˬ, Giˇlaˇgaˬlaˇ meuˬ-ahˇ jawˇ luꞈ-awˇ, aˬ yawꞈ mehˬ nah caw teh-eu deuˬ dawˬ tawˆ luꞈ yaw dzuˬ dzuˬ luꞈ-eu meh.