Yawˇshuˆ 13:31 - Akha

³¹ Miˇ kʼahˬ kʼoeˇ kʼahˬ laꞈ kʼoeˇ, Giˇlaˆ miˇ kʼahˬ tiˬ paˆ paˆ maˬ ehˇ, Aˬshaˇtaˬyoˇ meuˬ hawˇ-eu Eˬdiˇliˇ meuˬ maˬ ehˇ, Awˇgaˆ-euˬ miˇ kʼahˬ pyeuꞈ-eu Baˬshaˬ miˇ kʼahˬ laꞈ kʼoeˇ jaˆ-eu meuˬ meuˬ ma deuˬ maˬ ehˇ, ahˇ leˇ taˬ-euˬ meh. Miˇ kʼahˬ heu deuˬ dawˬ tawˆ luꞈ, Maˬnaˇseˬ-euˬ aˬ li Maˬkiˬlaˇ-euˬ zaˬ deuˬ uˆ deuˬ tiˬ paˆ-ahˇ biꞈ nehˬ-euˬ meh.

Yawˇshuˆ 13:31 Referans Kwoze

Yawˇshuˆ 12:4

Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-awˇ uˆ lahˇ-euˬ Leˬpeˬ tsawˇ jeuˬ laꞈ kʼoeˇ dzeˇ yaꞈ-euˬ sahˬ paˬ Awˇgaˆ-ahˇ kʼawꞈ, aˬ yawꞈ maꞈ neh deuˆ gʼaˬ-euˬ meh.

Yawˇshuˆ 9:10

Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmawˇliˆ sahˬ paˬ nyiˬ gʼaˬ pyeuꞈ-eu Heˬshaˬboˬ sahˬ paˬ Siˇhoˬ hawˇ-eu Aˬshaˇtaˬyoˇ meuˬ-ahˇ jawˇ-eu Baˬshaˬ sahˬ paˬ Awˇgaˆ-ahˇ aˬ yawꞈ neh jahˇ nehˬ-euˬ gaˇ kawˆ kʼawꞈ nga maꞈ ya gaˬ-euˬ ma.

Yawˇshuˆ 13:12

Leˬpeˬ tsawˇ jeuˬ laꞈ kʼoeˇ dzeˇ yaꞈ-euˬ gʼaˬ pyeuꞈ-awˇ, Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-awˇ uˆ lahˇ-euˬ gʼaˬ pyeuꞈ-eu Awˇgaˆ-euˬ miˇ kʼahˬ dawˬ tawˆ luꞈ kʼawꞈ, kʼoeˇ gaˇ ahˇ leˇ-euˬ meh. Tsawˇ haˬ kʼoeˇ deuˬ-ahˇ Moˇseˬ deuˆ gʼaˬ-awˇ teh doˆ nehˬ-euˬ meh.

Yawˇshuˆ 13:32

Heu-aˬ, Mawˇbaˆ deh ga-ahˇ Moˇseˬ jawˇ luꞈ ngeh, Yeˬliˇkoˇ meuˬ hawˇ-eu Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu miˇ kʼahˬ-ahˇ aˬ joˆ-ehˇ biˇ-euˬ gaˇ kawˆ pyeuꞈ-eu meh.

Yawˇshuˆ 17:6

Aˬ jeˬ miˇ neh ehˇ naˇ, Maˬnaˇseˬ-euˬ zaˬ deuˬ uˆ deuˬ laꞈ kʼoeˇ, kʼaˬ dzeˇ zaˬ deuˬ maˬ ehˇ, zaˬ miˬ zaˬ deuˬ maˬ ehˇ, miˇ kʼahˬ jeˬ biˇ za-euˬ meh. Giˇlaˆ miˇ kʼahˬ-aˬ, dzeˇ-eu Maˬnaˇseˬ-euˬ zaˬ deuˬ uˆ deuˬ-ahˇ biꞈ-euˬ meh.

Yaˇ kʼaˬ daˇ 10:6

Iˇsaˬleˬlaˆ tsawˇ haˬ deuˬ-aˬ, Baˬlaˇ miˬ yehˇ hawˇ-eu Aˬshaˇtaˬyoˇ miˬ yehˇ deuˬ-ahˇ maˬ ehˇ, Siˇdoˬ miˬ yehˇ deuˬ-ahˇ maˬ ehˇ, Mawˇbaˆ miˬ yehˇ deuˬ-ahˇ maˬ ehˇ, Aˬmoˬ miˬ yehˇ deuˬ-ahˇ maˬ ehˇ, Piˇliˇtiˆ miˬ yehˇ deuˬ-ahˇ maˬ ehˇ, uˬ duˬ tahˬ-eu laꞈ kʼoeˇ, Sahˬpaˬ Miˬyehˇ mehˬ shi iˬ baˇ mˇ-euˬ meh. Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ ni byehˇ dzeh-euˬ meh.

1 Saˬmeuˬlaˆ 7:3

Iˇsaˬleˬlaˆ tsawˇ haˬ deuˬ-ahˇ Saˬmeuˬlaˆ laˇ ehˇ nehˬ-eu, “Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ jawˇ gaˇ gʼoꞈ laˇ ma lehˇ ngeuˇ naˇ, aˬ cawˬ tsawˇ jeuˬ-euˬ miˬ yehˇ dawˬ tawˆ luꞈ hawˇ-eu Aˬshaˇtaˬyoˇ miˬ yehˇ ma-euˬ tahˬ pahˬ aˬ ma mawˇ kawˇ-ahˇ naw maꞈ ya byehˇ dzeh yaꞈ meh. Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-ahˇ aˬ diˇ aˬ maˇ a nehˬ-awˇ, aˬ yawꞈ-ahˇ tehꞈ-ehˇ uˬ duˬ tahˬ-awˬ. Piˇliˇtiˆ tsawˇ haˬ-euˬ aˬ laꞈ laꞈ kʼoeˇ, naw maꞈ-ahˇ aˬ yawꞈ ka kʼoꞈ nehˬ laꞈ tehꞈ-a.”

1 Saˬmeuˬlaˆ 12:10

Kʼoeˇ ngeh, aˬ yawꞈ maꞈ Sahˬpaˬ Miˬyehˇ-ahˇ guˇ guˇ-ehˇ, heu loꞈ-ehˇ shaˇ-eu meh. “Miˬyehˇ-oˇ, nga maꞈ iˬ baˇ mˇ gʼaˬ-euˬ ma. Aˬ jeˬ miˇ neh ehˇ naˇ, nga maꞈ nawˬ-ahˇ byehˇ dzeh-awˇ, Baˬlaˇ miˬyehˇ-euˬ tahˬ pahˬ aˬ ma mawˇ kawˇ hawˇ-eu, Aˬshaˇtaˬyoˇ miˬyehˇ ma-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ ma. Muiˇ-eu deuˬ-euˬ aˬ laꞈ laꞈ kʼoeˇ, nga maꞈ-ahˇ ka kʼoꞈ nehˬ laꞈ-awˬ.

1 Laˬsaˬbaˬ 6:71

Geˬlaˬshoˬ aˇ jeuˬ-ahˇ biˇ oꞈ nehˬ-euˬ meuˬ deuˬ hawˇ-eu jeˬ zaˬ gaˆ kʼahˬ deuˬ-aˬ, heu deuˬ pyeuꞈ-eu meh. Nahˇ ma doˆ kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ laꞈ kʼoeˇ, Baˬshaˬ gahˬ kaˬ-ahˇ jaˆ-eu Goˬlaˬ meuˬ, Aˬshaˇtaˬyoˇ meuˬ hawˇ-eu, meuˬ kʼoeˇ nyiˬ meuˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

Jaceuq 60:7

Giˇlaˆ miˇ kʼahˬ ngaˬ-euˬ ma. Maˬnaˇseˬ miˇ kʼahˬ kʼawꞈ ngaˬ-euˬ ma. Eˇpaˬleˬ miˇ kʼahˬ ngaˬ-euˬ guiˇ deuˆ uˬ kʼoˆ pyeuꞈ-awˇ, Yuˇdaˆ miˇ kʼahˬ ngaˇ tuˆ tehˬ luꞈ-eu dzoeˬ dzaˬ gawˬ yoeˬ ma.

Yawˇshuˆ 17:5

Kʼoeˇ miˇ neh, Maˬnaˇseˬ tsawˇ jeuˬ-aˬ, Yawˇdaˬ lawˇ baˬ nahˇ ma doˆ kʼehˬ paw za taˬ-euˬ Giˇlaˆ hawˇ-eu Baˬshaˬ meuˬ uˬ taꞈ, tseˇ bymˇ paˇ za dzehˬ-euˬ meh.

Yaˇ kʼaˬ daˇ 5:17

Gaˆ tsawˇ jeuˬ Yawˇdaˬ lawˇ baˬ nahˇ ma doˆ kʼehˬ paw jawˇ yaꞈ-awˇ, Daˬ tsawˇ jeuˬ saˇ baoˬ dawˬ peh jawˇ yaꞈ-euˬ meh. Aˬshaˬ tsawˇ jeuˬ iˬ ma laˆ shaˆ lawˇ deh-ahˇ jawˇ yaꞈ-euˬ meh. Iˬ ma laˆ shaˆ lawˇ deh caw caw-ehˇ aˬ yawꞈ maꞈ jawˇ yaꞈ-euˬ meh.

Yeˬsaˬgeˬlaˇ 48:4

Naˬtaˬliˇ tsawˇ jeuˬ-euˬ miˇ tsaˬ laꞈ oˆ, Maˬnaˇseˬ tsawˇ jeuˬ-euˬ miˇ tsaˬ jaˆ-eu meh.