Yawˇshuˆ 13:30 - Akha

³⁰ Aˬ yawꞈ maꞈ-euˬ miˇ kʼahˬ-aˬ, Maˬhaˬneˬ-ahˇ neh aˇ dahˬ beh-awˇ, Baˬshaˬ sahˬ paˬ Awˇgaˆ-euˬ miˇ kʼahˬ pyeuꞈ-eu Baˬshaˬ miˇ kʼahˬ kʼahˬ lah ni maˬ ehˇ, Baˬshaˬ miˇ kʼahˬ laꞈ kʼoeˇ jaˆ-eu Yaˬiˇlaˆ-euˬ pu koꞈ tseˇ pu maˬ ehˇ, ahˇ leˇ taˬ-euˬ meh.

Yawˇshuˆ 13:30 Referans Kwoze

Yawˇshuˆ 13:26

Aˬ yawꞈ maꞈ-euˬ miˇ kʼahˬ-aˬ, Heˬshaˬboˬ meuˬ-ahˇ neh, Laˬmaˆmiˇzaˬpeˬ meuˬ hawˇ-eu Beˬtoˇneˬ meuˬ-ahˇ keuˆ ni maˬ ehˇ, Maˬhaˬneˬ meuˬ-ahˇ neh Lawˇdeˬbaˬ meuˬ-ahˇ keuˆ ni maˬ ehˇ, jeˇ-eu meh.

Bawˇtsahˬ 21:33

Kʼoeˇ naˇ, Iˇsaˬleˬlaˆ tsawˇ haˬ deuˬ Baˬshaˬ meuˬ paw le-eu gaˇ ma caw caw-ehˇ le-euˬ meh. Baˬshaˬ sahˬ paˬ Awˇgaˆ hawˇ-eu aˬ yawꞈ-euˬ guiˇ maꞈ deuˬ Iˇsaˬleˬlaˆ tsawˇ haˬ deuˬ-ahˇ Eˬdiˇliˇ meuˬ-ahˇ guiˇ deuˆ le-eu lehˇ oe-euˬ meh.

Yawˇshuˆ 13:29

Maˬnaˇseˬ tsawˇ jeuˬ tiˬ paˆ-ahˇ Moˇseˬ miˇ kʼahˬ biˇ nehˬ-awˇ, biꞈ tsehˆ tsehˆ nehˬ-euˬ meh.

Yawˇshuˆ 17:6

Aˬ jeˬ miˇ neh ehˇ naˇ, Maˬnaˇseˬ-euˬ zaˬ deuˬ uˆ deuˬ laꞈ kʼoeˇ, kʼaˬ dzeˇ zaˬ deuˬ maˬ ehˇ, zaˬ miˬ zaˬ deuˬ maˬ ehˇ, miˇ kʼahˬ jeˬ biˇ za-euˬ meh. Giˇlaˆ miˇ kʼahˬ-aˬ, dzeˇ-eu Maˬnaˇseˬ-euˬ zaˬ deuˬ uˆ deuˬ-ahˇ biꞈ-euˬ meh.

Aˇ dahˬ 32:3

Yaˬkoˆ-aˬ, aˬ yawꞈ oe luꞈ-eu gaˇ kawˆ Eˬdoˬ miˇ kʼahˬ-ahˇ jawˇ-eu aˬ yawꞈ-euˬ aˇ doˆ Iˇsawˇ-ahˇ bi tsaꞈ gaˬ-iˇ-eu gʼaˇ duˬ, aˬ yawꞈ-euˬ zaˬ kʼaˆ deuˬ-ahˇ mehˬ hu paw kʼehˇ gʼeh-euˬ meh.

Dawˬmehˬ 3:4

Kʼoeˇ ngeh, aˬ yawꞈ maꞈ-euˬ meuˬ koꞈ tseˇ meuˬ, tiˬ meuˬ-iˬ maˬ bi dzeuˇ-iˇ ni aˬ dui maꞈ deuˆ geuꞈ-awˇ, Baˬshaˬ meuˬ-ahˇ jawˇ-eu sahˬ paˬ Awˇgaˆ uˆ lahˇ-eu Aˬgawˆ miˇ kʼahˬ kʼahˬ lah ni aˬ dui maꞈ deuˆ za-euˬ ma.

Dawˬmehˬ 3:10

Baˬshaˬ meuˬ-ahˇ jawˇ-eu sahˬ paˬ Awˇgaˆ-euˬ miˇ kʼahˬ dawˬ tawˆ luꞈ-ahˇ aˬ dui maꞈ deuˆ za-euˬ ma. Miˇ kʼahˬ kʼoeˇ-aˬ, yaw goˇ-ahˇ jaˆ-eu deh saˇ kʼoeˇ taˆ tsoˆ taˬ-euˬ meuˬ deuˬ, Giˇlaˆ hawˇ-eu Baˬshaˬ gahˬ kaˬ nahˇ ma doˆ kʼehˬ paw jaˆ saˬ saˬ-iˇ-euˬ Saˬleˇkaˬ hawˇ-eu Eˬdiˇliˇ meuˬ-ahˇ keuˆ ni meh.”

Yawˇshuˆ 21:38

Gaˆ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, buˬ-iˇ law-iˇ-eu meuˬ tiˬ meuˬ pyeuꞈ-eu, Giˇlaˆ gahˬ kaˬ-ahˇ jaˆ-eu Laˬmoˆ meuˬ, Maˬhaˬneˬ meuˬ, Heˬshaˬboˬ meuˬ hawˇ-eu, Yaˬzeuˬ meuˬ meh.