Yawˇshuˆ 13:25 - Akha

²⁵ Aˬ yawꞈ maꞈ-euˬ miˇ kʼahˬ laꞈ kʼoeˇ, Yaˬzeuˬ meuˬ, Giˇlaˆ miˇ kʼahˬ-ahˇ jaˆ-eu meuˬ dawˬ tawˆ luꞈ hawˇ-eu, Laˬbah meuˬ-euˬ nahˇ ma doˆ kʼehˬ paw Aˬyawˬ meuˬ-ahˇ keuˆ ni jaˆ-eu Aˬmoˬ miˇ kʼahˬ tiˬ paˆ ahˇ leˇ-euˬ meh.

Yawˇshuˆ 13:25 Referans Kwoze

2 Saˬmeuˬlaˆ 12:26

Aˇ yamˬ kʼoeˇ yamˬ-ahˇ, Aˬmoˬ tsawˇ jeuˬ-euˬ meuˬ meuˬ ma pyeuꞈ-eu Laˬbah meuˬ-ahˇ Yoˇbaˬ guiˇ deuˆ luꞈ-awˇ, deuˆ gʼaˬ-eu dawˬ peh peh laˇ-euˬ meh.

2 Saˬmeuˬlaˆ 11:1

Tsahˬ gaˆ ahˇ le-awˇ, miˇ kʼahˬ sahˬ paˬ deuˬ guiˇ mˇ-eu aˇ yamˬ keuˆ laˇ ngeh, Daˬbiˇ-aˬ, aˬ yawꞈ-euˬ guiˇ maꞈ kʼoeˇ taˆ aˬ yuiꞈ geuꞈ-eu deuˬ hawˇ-eu Yoˇbaˬ-ahˇ, Iˇsaˬleˬlaˆ guiˇ maꞈ bi sheuˬ-awˇ pyehˬ gʼeh-euˬ meh. Aˬmoˬ tsawˇ haˬ deuˬ-ahˇ aˬ yawꞈ maꞈ guiˇ deuˆ gʼaˬ-awˇ, Laˬbah meuˬ-ahˇ loꞈ jawˬ-euˬ meh. Ehˇ kʼawꞈ, Daˬbiˇ aˬ yawꞈ gʼaˬ-aˬ, Yeˬluˇsaˬlehˬ meuˬ-ahˇ jawˇ yaꞈ-euˬ meh.

Dawˬmehˬ 3:11

(Sahˬ paˬ Awˇgaˆ-aˬ, Leˬpeˬ tsawˇ jeuˬ-euˬ sahˬ paˬ deuˬ laꞈ kʼoeˇ aˇ saˬ saˬ-eu gʼaˬ pyeuꞈ-eu meh. Aˬ yawꞈ-ahˇ duˬ pahˬ-eu mawˇ dmˬ kʼaˬ lo neh taꞈ-awˇ, yaw mahˇ paw gʼoeˬ caˆ byah-awˇ, yaw jeˇ paw oeˬ caˆ byah-eu meh. Mawˇ dmˬ kʼoeˇ hmˬ-aˬ, Aˬmoˬ tsawˇ haˬ deuˬ-euˬ Laˬbah meuˬ-ahˇ iˬ nah keuˆ ni jaˆ luꞈ-eu meh.)

Bawˇtsahˬ 32:35

Aˬtaˬyawˇshoˬpaˬ meuˬ, Yeˬzeuˬ meuˬ, Yoˇbeˬhaˇ meuˬ,

Aˬmoˆ 1:14

Kʼoeˇ miˇ neh, Laˬbah meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ-ahˇ ngaˇ keuˬ dzeh ma. Kʼoeˇ naˇ, guiˇ deuˆ ngeh nah yaw kʼaˆ-ehˇ guˇ-eu teˇ saˇ ya gaˬ-awˇ, jaˬ lehˇ lehˇ ma baw-eu loꞈ-ehˇ guiˇ deuˆ dui dui tehꞈ-a.

Yeˬsaˬgeˬlaˇ 21:20

Gaˇ ma tiˬ kahˇ-aˬ, mi cehˇ kʼoeˇ kahˇ-ahˇ, Aˬmo tsawˇ jeuˬ-euˬ Laˬbah meuˬ-ahˇ toeˬ mehˬ-awˇ, yawˬ kahˇ yawˬ-aˬ, Yuˇdaˆ miˇ kʼahˬ hawˇ-eu paˇ tsoˆ muiˬ taˬ-euˬ Yeˬluˇsaˬlehˬ meuˬ-ahˇ bi toeˬ mehˬ-awˬ.

Yawˇshuˆ 21:39

Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh.

Dawˬmehˬ 2:19

Kʼoeˇ naˇ, Lawˇtaˬ-euˬ zaˬ deuˬ uˆ deuˬ pyeuꞈ-eu Aˬmoˬ tsawˇ jeuˬ jawˇ-eu miˇ kʼahˬ dawˬ peh naw maꞈ le keuˆ tehꞈ-a. Aˬ yawꞈ maꞈ-ahˇ naw maꞈ taˬ laˆ bahˬ nehˬ. Guiˇ kʼawꞈ taˬ deuˆ nehˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˇ kʼahˬ naw maꞈ-ahˇ ngaˇ maˬ biꞈ’ lehˇ ehˇ-eu meh.”

Bawˇtsahˬ 21:32

Kʼoeˇ naˇ, Moˇseˬ tsawˇ haˬ pyehˬ gʼeh-awˇ, Yaˬzeuˬ meuˬ-ahˇ guiˇ deuˆ leˇ-eu gʼaˇ duˬ bi pyehˆ tseˇ haw leˇ-euˬ meh. Meuˬ kʼoeˇ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jaˆ-eu meuˬ deuˬ-ahˇ Iˇsaˬleˬlaˆ tsawˇ haˬ deuˬ deuˆ gʼaˬ-awˇ, kʼoeˇ gaˇ jawˇ-eu Aˬmawˇliˆ tsawˇ haˬ deuˬ-ahˇ teh dzeh-euˬ meh.

Yawˇshuˆ 13:11

Giˇlaˆ meuˬ maˬ ehˇ, Geˬshuˇlaˆ hawˇ-eu Mawˇkah gahˬ kaˬ maˬ ehˇ, Heˬlaˬmoˬ gawˬ jawˬ jawˬ lah ni maˬ ehˇ, Saˬleˬkaˬ-ahˇ keuˆ ni ahˇ-eu Baˬshaˬ gahˬ kaˬ dawˬ tawˆ luꞈ maˬ ehˇ, miˇ kʼahˬ kʼoeˇ kʼahˬ laꞈ kʼoeˇ jaˆ-eu meh.

Yawˇshuˆ 13:24

Gaˆ tsawˇ jeuˬ-ahˇ Moˇseˬ miˇ kʼahˬ biˇ nehˬ-awˇ, biꞈ tsehˆ tsehˆ nehˬ-euˬ meh.

Yawˇshuˆ 13:26

Aˬ yawꞈ maꞈ-euˬ miˇ kʼahˬ-aˬ, Heˬshaˬboˬ meuˬ-ahˇ neh, Laˬmaˆmiˇzaˬpeˬ meuˬ hawˇ-eu Beˬtoˇneˬ meuˬ-ahˇ keuˆ ni maˬ ehˇ, Maˬhaˬneˬ meuˬ-ahˇ neh Lawˇdeˬbaˬ meuˬ-ahˇ keuˆ ni maˬ ehˇ, jeˇ-eu meh.

2 Saˬmeuˬlaˆ 24:5

Aˬ yawꞈ maꞈ Yawˇdaˬ lawˇ baˬ tsehˆ doˆ-awˇ, Gaˆ miˇ kʼahˬ laꞈ kʼoeˇ, Aˬyawˬ meuˬ-euˬ laꞈ oˆ paw naˬ-euˬ meh. Kʼoeˇ gaˇ neh naˇ, laꞈ taˆ paw pyawˬ-ahˇ jaˆ-eu Yaˬzeuˬ meuˬ-ahˇ le-euˬ meh.

1 Laˬsaˬbaˬ 6:81

Heˬshaˬboˬ meuˬ, Yaˬzeuˬ meuˬ hawˇ-eu, meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

1 Laˬsaˬbaˬ 26:31

Yeˬliˇyaˆ-aˬ, Heˬbyoˬ-euˬ zaˬ deuˬ uˆ deuˬ kʼoeˇ taˆ aˬ yuiꞈ geuꞈ-eu gʼaˬ meh. Daˬbiˇ sahˬ paˬ geuꞈ-euˬ oeˬ tseˇ kʼoꞈ kʼawˆ laˇ-awˇ, Heˬbyoˬ-euˬ zaˬ deuˬ uˆ deuˬ-ahˇ pyehˆ tseˇ haw ngeh, aˇ jeuˬ kʼoeˇ jeuˬ laꞈ kʼoeˇ tsawˇ myahˇ doˆ-eu yehˇ deuˬ, Giˇlaˆ miˇ kʼahˬ Yaˬzeuˬ meuˬ-ahˇ jawˇ luꞈ gaˇ ya mawˇ-euˬ meh.

Iˇsaˬyaˇ 16:8

Heˬshaˬboˬ meuˬ-ahˇ jaˆ-eu deh yaˇ deuˬ hawˇ-eu, Siˇbaˬmaˬ meuˬ-ahˇ jaˆ-eu aˬ gaꞈ yaˇ kmˇ deuˬ, bi laˆ cawˆ jiˇ-euˬ meh. Ciˇ ni Yaˬzeuˬ meuˬ-ahˇ cah keuˆ-awˇ, uˬ laꞈ kʼaˇ shuiꞈ deh yaˇ-ahˇ cawˬ keuˆ-awˇ, baw nmˬ iˬ ma laˆ shaˆ iˇ dzeuˇ taˬ-euˬ, mehˇ dui dui-eu aˬ gaꞈ baw duˆ kʼoeˇ deuˬ, miˇ kʼahˬ tsawˇ jeuˬ sahˬ paˬ sahˬ ma deuˬ neh, bi coeˇ tsehˆ jiˇ-eu meh.

Yeˬlaˬmiˇ 48:32

Yaˬzeuˬ meuˬ-ahˇ jawˇ-eu deuˬ gʼaˇ duˬ ngoeˇ-eu naˆ maˬ tseˇ, Siˇbaˬmaˬ meuˬ-ahˇ jawˇ-eu deuˬ gʼaˇ duˬ ngaˇ ngoeˇ ma. Siˇbaˬmaˬ meuˬ-oˇ, nawˇ-aˬ, Shiˇ-eu iˬ ma laˆ shaˆ kʼoeˇ taˆ uˬ laꞈ cawˬ tsehˆ gʼeh-awˇ, Yaˬzeuˬ meuˬ-ahˇ cawˬ keuˆ-euˬ aˬ gaꞈ baw duˆ-ahˇ duˇ-eu meh. Ehˇ kʼawꞈ, jawˇ la yamˬ-ahˇ siˬ-eu nawˬ-euˬ aˬ gaꞈ aˇ siˬ deuˬ bi laˆ cawˆ jiˇ-euˬ meh.

Yaˇ kʼaˬ daˇ 5:17

Gaˆ tsawˇ jeuˬ Yawˇdaˬ lawˇ baˬ nahˇ ma doˆ kʼehˬ paw jawˇ yaꞈ-awˇ, Daˬ tsawˇ jeuˬ saˇ baoˬ dawˬ peh jawˇ yaꞈ-euˬ meh. Aˬshaˬ tsawˇ jeuˬ iˬ ma laˆ shaˆ lawˇ deh-ahˇ jawˇ yaꞈ-euˬ meh. Iˬ ma laˆ shaˆ lawˇ deh caw caw-ehˇ aˬ yawꞈ maꞈ jawˇ yaꞈ-euˬ meh.

Iˇsaˬyaˇ 17:2

Suˇliˆ miˇ kʼahˬ laꞈ kʼoeˇ jaˆ-eu meuˬ deuˬ-aˬ, meuˬ coeˬ coeˬ-iˇ jiˇ-eu miˇ neh, yawˇ hawˇ-eu mawˇ neˇ gaˆ kʼahˬ pyeuꞈ-iˇ-awˇ, teh doˆ-eu gʼaˬ maˬ jawˇ ni gaˆ tehꞈ-a.