Yawˇshuˆ 13:2 - Akha

² Za paˬ-ehˇ gʼeh-eu miˇ kʼahˬ kʼoeˇ-aˬ, Piˇliˇtiˆ miˇ kʼahˬ, Geˬshuˇlaˆ miˇ kʼahˬ hawˇ-eu,

Yawˇshuˆ 13:2 Referans Kwoze

Yawˇshuˆ 13:11

Giˇlaˆ meuˬ maˬ ehˇ, Geˬshuˇlaˆ hawˇ-eu Mawˇkah gahˬ kaˬ maˬ ehˇ, Heˬlaˬmoˬ gawˬ jawˬ jawˬ lah ni maˬ ehˇ, Saˬleˬkaˬ-ahˇ keuˆ ni ahˇ-eu Baˬshaˬ gahˬ kaˬ dawˬ tawˆ luꞈ maˬ ehˇ, miˇ kʼahˬ kʼoeˇ kʼahˬ laꞈ kʼoeˇ jaˆ-eu meh.

Yawˇlaˆ 3:4

“Duˇlu meuˬ, Siˇdoˬ meuˬ hawˇ-eu, Piˇliˇtiˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ-oˇ, naw maꞈ ngaˬ-ahˇ aˬ jeˬ jahˇ-eu lehˇ gʼeh te. Naw maꞈ ngaˬ-ahˇ tiˬ jeˬ paˬ jahˇ kʼoꞈ-eu lehˇ gʼeh te loˇ. Jahˇ kʼoꞈ ma lehˇ ngeuˇ naˇ, naw maꞈ neh kʼaˇ jahˇ-euˬ jeˬ naw maꞈ-euˬ uˬ duˬ kʼoeˇ taˆ yaw kawˇ-ehˇ paˇ keuˆ le ni ngaˇ jahˇ poˆ ma.

1 Saˬmeuˬlaˆ 27:8

Aˇ nah aˇ yamˬ kʼoeˇ yamˬ laꞈ kʼoeˇ, miˇ tsaˬ kʼoeˇ tsahˇ-ahˇ gʼawˬ myahˇ ni jawˇ keuˆ laꞈ-euˬ tsawˇ haˬ deuˬ pyeuꞈ-eu, Geˬshuˇlaˆ tsawˇ jeuˬ, Geˬlaˬziˇ tsawˇ jeuˬ, Aˬmaˬlehˇ tsawˇ jeuˬ kʼoeˇ deuˬ-ahˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ guiˇ deuˆ-euˬ meh. Shuˇyaˆ meuˬ-ahˇ neh Iˇjiˇtuˆ miˇ kʼahˬ-ahˇ tuˆ ni, aˬ yawꞈ maꞈ-euˬ miˇ kʼahˬ-ahˇ Daˬbiˇ guiˇ deuˆ-euˬ meh.

Yaˇ kʼaˬ daˇ 3:1

Kʼoeˇ naˇ, Kaˬnaˬ miˇ kʼahˬ laꞈ kʼoeˇ guiˇ maˬ deuˆ haw-euˬ Iˇsaˬleˬlaˆ tsawˇ haˬ deuˬ-ahˇ lawˬ haw-eu gʼaˇ duˬ, tsawˇ jeuˬ tiˬ paˆ na deuˬ-ahˇ Sahˬpaˬ Miˬyehˇ maˬ teh doˆ ni bi dzeˇ yaꞈ-euˬ meh.

2 Saˬmeuˬlaˆ 15:8

Suˇliˆ miˇ kʼahˬ Geˬshuˇlaˆ meuˬ-ahˇ ngaˇ jawˇ luꞈ ngeh, Sahˬpaˬ Miˬyehˇ ngaˬ-ahˇ Yeˬluˇsaˬlehˬ meuˬ-ahˇ sheuˬ kʼoꞈ gʼeh nehˬ laꞈ naˇ, Heˬbyoˬ meuˬ-ahˇ le-awˇ aˬ yawꞈ-ahˇ uˬ duˬ tahˬ leˇ ma lehˇ, ngaˬ neh saˇ jaˇ dzaˬ taˬ-euˬ jaˆ-eu ma.”

2 Saˬmeuˬlaˆ 3:3

Gaˬlaˬmeˬlaˇ meuˬ-ahˇ jawˇ-eu Naˬbaˬlaˇ-euˬ miˬ coeˬ Aˬbiˇgeˬlaˆ o neh dehꞈ le-euˬ Ciˇleh, Geˬshuˇlaˆ sahˬ paˬ Taˬlaˬmehˇ-euˬ aˬ buˇ Mawˇkah o neh dehꞈ le-euˬ Aˬbaˇsaˬloˬ,

Yawˇshuˆ 13:13

Ehˇ kʼawꞈ, Geˬshuˇlaˆ tsawˇ jeuˬ hawˇ-eu Mawˇkah tsawˇ jeuˬ-ahˇ Iˇsaˬleˬlaˆ tsawˇ haˬ deuˬ maˬ teh doˆ-a. Aˬ yawꞈ maꞈ iˬ nah keuˆ ni Iˇsaˬleˬlaˆ miˇ kʼahˬ laꞈ kʼoeˇ jawˇ luꞈ-eu meh.

Yawˇshuˆ 12:5

Aˬ yawꞈ-euˬ miˇ kʼahˬ-aˬ, Heˬlaˬmoˬ gawˬ jawˬ, Saˬleˬkaˬ meuˬ, Geˬshuˇlaˆ meuˬ hawˇ-eu, Mawˇkah meuˬ-euˬ miˇ kaˬ-ahˇ keuˆ ni jaˆ-eu Baˬshaˬ gahˬ kaˬ, Giˇlaˆ miˇ kʼahˬ tiˬ paˆ hawˇ-eu, Heˬshaˬboˬ sahˬ paˬ Siˇhoˬ-euˬ miˇ kʼahˬ-ahˇ keuˆ ni meh.

Aˇ dahˬ 26:1

Aˬbyaˬhaˬ-euˬ ziˇ-ahˇ keuˆ le-euˬ mehꞈ-eu shuꞈ-eu kʼoeˇ poˆ dzeuˇ-awˇ, miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ tiˬ poˆ paˇ keuˆ le-euˬ meh. Iˇtsaˆ-aˬ, Geˬlawˬ meuˬ-ahˇ, Piˇliˇtiˆ sahˬpaˬ Aˬbiˇmaˬlehˆ jawˇ gaˇ le-euˬ meh.

Aˇ dahˬ 10:14

Paˬdaˬluˇ tsawˇ jeuˬ, Kaˬsaˬluˇ tsawˇ jeuˬ hawˇ-eu, Piˇliˇtiˆ tsawˇ jeuˬ deuˬ-euˬ aˬ da yaw dzahˇ pyeuꞈ-eu Kaˬtawˇleˬ tsawˇ jeuˬ heu deuˬ meh.

Dawˬmehˬ 3:14

Maˬnaˇseˬ tsawˇ jeuˬ Yaˬiˇlaˆ tsawˇ haˬ deuˬ-aˬ, Aˬgawˆ lehˇ kʼawꞈ kuˇ-eu Baˬshaˬ miˇ gahˬ gahˬ lah ni geuꞈ-euˬ meh. Kʼoeˇ-aˬ, Geˬshuˇlaˆ meuˬ hawˇ-eu Mawˇkah meuˬ-ahˇ keuˆ ni meh. Yaˬiˇlaˆ-aˬ, kʼoeˇ gaˇ jaˆ-eu pu deuˬ-ahˇ aˬ yawꞈ-euˬ tsawˇ myahˇ biꞈ-awˇ, iˬ nah keuˆ ni Yaˬiˇlaˆ-euˬ pu deuˬ lehˇ aˬ cawˬ kuˇ luꞈ-eu meh.)

Zeˬpaˬniˇ 2:5

Laˆ shaˆ lawˇ deh tiˬ li jawˇ-eu, naw maꞈ Piˇliˇtiˆ tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Sahˬpaˬ Miˬyehˇ yaˇ kʼaˬ daˇ-awˇ, tiˬ gʼaˬ-iˬ maˬ bi dzeuˇ-iˇ ni, laˆ cawˆ nehˬ gaˇ ya daˬ tehꞈ-a.