Yawˇshuˆ 13:14 - Akha

¹⁴ Leˬbiˇ tsawˇ jeuˬ-ahˇ Moˇseˬ miˇ kʼahˬ maˬ biˇ nehˬ-a. Moˇseˬ-ahˇ Sahˬpaˬ Miˬyehˇ ehˇ nehˬ taˬ-euˬ loꞈ-ehˇ, lawˇ duˬ kʼoeˇ taˆ dzah puiˆ-awˇ Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ nehˬ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ jaˆ-eu meh.

Yawˇshuˆ 13:14 Referans Kwoze

Dawˬmehˬ 12:19

Naw maꞈ-euˬ miˇ kʼahˬ laꞈ kʼoeˇ naw maꞈ kʼaˇ jawˇ kʼoeˇ keuˆ ni, Leˬbiˇ tsawˇ haˬ deuˬ-ahˇ naw maꞈ maˬ ya byehˇ dzeh ni yahˇ-awˬ.

Dawˬmehˬ 12:12

Naw maꞈ-euˬ zaˬ deuˬ, naw maꞈ-euˬ zaˬ kʼaˆ deuˬ hawˇ-eu, naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ nehˬ-ehˇ tiˬ kawˆ loꞈ-ehˇ, kʼoeˇ gaˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ. Leˬbiˇ tsawˇ haˬ deuˬ miˇ kʼahˬ maˬ baw-eu gaˇ noeˬ keuˆ-awˬ.

Dawˬmehˬ 10:9

Kʼoeˇ miˇ neh, Leˬbiˇ tsawˇ jeuˬ-aˬ, Iˇsaˬleˬlaˆ tsawˇ jeuˬ nui deuˬ loꞈ-ehˇ miˇ kʼahˬ maˬ za-a. Aˬ yawꞈ maꞈ za-euˬ jeˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, Sahˬpaˬ Miˬyehˇ gʼaˇ duˬ piˇ ma geuꞈ-eu kʼoeˇ meh.)

Yawˇshuˆ 13:13

Ehˇ kʼawꞈ, Geˬshuˇlaˆ tsawˇ jeuˬ hawˇ-eu Mawˇkah tsawˇ jeuˬ-ahˇ Iˇsaˬleˬlaˆ tsawˇ haˬ deuˬ maˬ teh doˆ-a. Aˬ yawꞈ maꞈ iˬ nah keuˆ ni Iˇsaˬleˬlaˆ miˇ kʼahˬ laꞈ kʼoeˇ jawˇ luꞈ-eu meh.

Yawˇshuˆ 13:15

Luˇbeˬ tsawˇ jeuˬ-ahˇ Moˇseˬ miˇ kʼahˬ biˇ nehˬ-awˇ, biꞈ tsehˆ tsehˆ nehˬ-euˬ meh.

Yawˇshuˆ 13:33

Ehˇ kʼawꞈ, Leˬbiˇ tsawˇ jeuˬ-ahˇ Moˇseˬ miˇ kʼahˬ maˬ biˇ nehˬ-a. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ nehˬ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ jaˆ meh lehˇ, aˬ yawꞈ maꞈ-ahˇ Moˇseˬ ehˇ nehˬ-euˬ meh.

Yeˬsaˬgeˬlaˇ 44:29

Dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ hawˇ-eu, dziˇ dzoˆ tsoeˬ-eu lawˇ-eu jeˬ-aˬ, piˇ ma deuˬ-ahˇ oꞈ-eu dzaˇ pyeuꞈ-awˇ, Iˇsaˬleˬlaˆ miˇ kʼahˬ laꞈ kʼoeˇ ngaˬ-ahˇ kʼaˇ damˬ taˬ-eu jeˬ dawˬ tawˆ luꞈ, aˬ yawꞈ maꞈ-ahˇ oꞈ-eu meh.

Yawˇshuˆ 18:7

Ehˇ kʼawꞈ, Leˬbiˇ tsawˇ jeuˬ-aˬ, naw maꞈ loꞈ-ehˇ miˇ kʼahˬ jeˬ biˇ maˬ oꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ jeˬ biˇ-aˬ, Sahˬpaˬ Miˬyehˇ-euˬ piˇ ma geuꞈ-eu kʼoeˇ meh. Gaˆ tsawˇ jeuˬ, Luˇbeˬ tsawˇ jeuˬ hawˇ-eu nahˇ ma doˆ kʼehˬ paw jawˇ-eu Maˬnaˇseˬ tsawˇ jeuˬ deuˬ-aˬ, Sahˬpaˬ Miˬyehˇ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ taˬ-euˬ Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ za gʼaˬ-euˬ meh.”

Yeˬsaˬgeˬlaˇ 44:28

“Piˇ ma deuˬ-ahˇ oꞈ-eu jeˬ biˇ-aˬ, ngaˇ ma. Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ-ahˇ tiˬ jeˬ-iˬ maˬ ya biˇ nehˬ-a. Aˬ yawꞈ maꞈ-euˬ myawˬ gahˬ-aˬ ngaˇ ma.