Yawˇshuˆ 13:11 - Akha

¹¹ Giˇlaˆ meuˬ maˬ ehˇ, Geˬshuˇlaˆ hawˇ-eu Mawˇkah gahˬ kaˬ maˬ ehˇ, Heˬlaˬmoˬ gawˬ jawˬ jawˬ lah ni maˬ ehˇ, Saˬleˬkaˬ-ahˇ keuˆ ni ahˇ-eu Baˬshaˬ gahˬ kaˬ dawˬ tawˆ luꞈ maˬ ehˇ, miˇ kʼahˬ kʼoeˇ kʼahˬ laꞈ kʼoeˇ jaˆ-eu meh.

Yawˇshuˆ 13:11 Referans Kwoze

1 Laˬsaˬbaˬ 2:23

Ehˇ kʼawꞈ, Geˬshuˇlaˆ miˇ kʼahˬ hawˇ-eu Aˬlamˬ miˇ kʼahˬ-aˬ, Yaˬiˇlaˆ pu, Jeˇnaˆ pu hawˇ-eu, dawˬ peh jaˆ-eu meuˬ deuˬ ahˇ leˇ-ehˇ, kʼoeˇ gaˇ jaˆ-eu meuˬ koꞈ tseˇ meuˬ-ahˇ deuˆ gʼaˬ-euˬ meh. Kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ, Giˇlaˆ-euˬ aˬ da Maˬkiˬlaˇ-euˬ zaˬ deuˬ uˆ deuˬ tehꞈ meh.

Aˇ dahˬ 37:25

Aˬ yawꞈ maꞈ kʼoeˇ loꞈ-ehˇ jahˇ gʼaˬ-awˇ hawˬ dzaˬ luꞈ ngeh, Iˇshaˬmeˬlaˇ tsawˇ haˬ tiˬ muˇ, Giˇlaˆ miˇ kʼahˬ paw neh oe-awˇ, Iˇjiˇtuˆ miˇ kʼahˬ-ahˇ iˇ luꞈ gaˇ aˬ yawꞈ maꞈ ya mawˇ-euˬ meh. Tsawˇ haˬ kʼoeˇ deuˬ-aˬ, tsiˇ yaw saw jeˬ hawˇ-eu aˇ poeˬ kʼaˆ-eu dzaˇ muiˇ dzaˇ sawˇ tawˬ luꞈ-eu law taw deuˬ teh luꞈ-eu meh.

Bawˇtsahˬ 32:29

“Gaˆ tsawˇ jeuˬ hawˇ-eu Luˇbeˬ tsawˇ jeuˬ Yawˇdaˬ lawˇ baˬ tsehˆ doˆ-awˇ Sahˬpaˬ Miˬyehˇ uˆ lahˇ-euˬ uꞈ moˆ guiˇ deuˆ-eu laꞈ kʼoeˇ, aˬ yawꞈ maꞈ caw ba-eu baˬ da neh miˇ kʼahˬ kʼoeˇ kʼahˬ-ahˇ naw maꞈ deuˆ za gʼaˬ naˇ, aˬ yawꞈ maꞈ-ahˇ Giˇlaˆ miˇ kʼahˬ biꞈ nehˬ-awˬ.

Dawˬmehˬ 3:10

Baˬshaˬ meuˬ-ahˇ jawˇ-eu sahˬ paˬ Awˇgaˆ-euˬ miˇ kʼahˬ dawˬ tawˆ luꞈ-ahˇ aˬ dui maꞈ deuˆ za-euˬ ma. Miˇ kʼahˬ kʼoeˇ-aˬ, yaw goˇ-ahˇ jaˆ-eu deh saˇ kʼoeˇ taˆ tsoˆ taˬ-euˬ meuˬ deuˬ, Giˇlaˆ hawˇ-eu Baˬshaˬ gahˬ kaˬ nahˇ ma doˆ kʼehˬ paw jaˆ saˬ saˬ-iˇ-euˬ Saˬleˇkaˬ hawˇ-eu Eˬdiˇliˇ meuˬ-ahˇ keuˆ ni meh.”

Yawˇshuˆ 11:3

Yawˇdaˬ lawˇ baˬ kʼoeˇ baˬ heu baˬ-ahˇ jawˇ-eu Kaˬnaˬ tsawˇ haˬ deuˬ-ahˇ maˬ ehˇ, Aˬmawˇliˆ tsawˇ haˬ deuˬ-ahˇ maˬ ehˇ, Heˇtaˆ tsawˇ haˬ deuˬ-ahˇ maˬ ehˇ, Paˬyehˆ tsawˇ haˬ deuˬ-ahˇ maˬ ehˇ, gawˬ jawˬ gawˬ duˇ-ahˇ jawˇ-eu Yeˬbuˇ tsawˇ haˬ deuˬ-ahˇ maˬ ehˇ, Miˇzaˬpaˬ miˇ kʼahˬ Heˬlaˬmoˬ gawˬ jawˬ dawˬ dahˬ-ahˇ jawˇ-eu Hiˇbiˇ tsawˇ haˬ deuˬ-ahˇ maˬ ehˇ, aˬ yawꞈ dawˬ tsaꞈ tsaꞈ ahˇ gʼeh-euˬ meh.

Yawˇshuˆ 13:2

Za paˬ-ehˇ gʼeh-eu miˇ kʼahˬ kʼoeˇ-aˬ, Piˇliˇtiˆ miˇ kʼahˬ, Geˬshuˇlaˆ miˇ kʼahˬ hawˇ-eu,

Yawˇshuˆ 13:10

Miˇ kʼahˬ kʼoeˇ kʼahˬ-aˬ, Aˬmoˬ meuˬ-euˬ miˇ kaˬ-ahˇ keuˆ ni jaˆ-awˇ, Heˬshaˬboˬ meuˬ-ahˇ jawˇ-awˇ uˆ lahˇ-euˬ Aˬmawˇliˆ tsawˇ jeuˬ sahˬ paˬ Siˇhoˬ-euˬ meuˬ dawˬ tawˆ luꞈ ahˇ-eu meh.

Yawˇshuˆ 13:25

Aˬ yawꞈ maꞈ-euˬ miˇ kʼahˬ laꞈ kʼoeˇ, Yaˬzeuˬ meuˬ, Giˇlaˆ miˇ kʼahˬ-ahˇ jaˆ-eu meuˬ dawˬ tawˆ luꞈ hawˇ-eu, Laˬbah meuˬ-euˬ nahˇ ma doˆ kʼehˬ paw Aˬyawˬ meuˬ-ahˇ keuˆ ni jaˆ-eu Aˬmoˬ miˇ kʼahˬ tiˬ paˆ ahˇ leˇ-euˬ meh.

Yawˇshuˆ 17:5

Kʼoeˇ miˇ neh, Maˬnaˇseˬ tsawˇ jeuˬ-aˬ, Yawˇdaˬ lawˇ baˬ nahˇ ma doˆ kʼehˬ paw za taˬ-euˬ Giˇlaˆ hawˇ-eu Baˬshaˬ meuˬ uˬ taꞈ, tseˇ bymˇ paˇ za dzehˬ-euˬ meh.

1 Laˬsaˬbaˬ 5:11

Gaˆ-euˬ tsawˇ jeuˬ-aˬ, Luˇbeˬ tsawˇ jeuˬ jawˇ-eu laꞈ taˆ paw pyawˬ-ahˇ jaˆ-eu Baˬshaˬ miˇ kʼahˬ-ahˇ jawˇ-awˇ, nahˇ ma doˆ kʼehˬ paw Saˬleˇkaˬ meuˬ-ahˇ keuˆ ni jawˇ keuˆ-euˬ meh.

1 Saˬmeuˬlaˆ 13:7

Tiˬ paˆ na deuˬ-aˬ, Yawˇdaˬ lawˇ baˬ cehˆ tsehˆ-awˇ, Gaˆ miˇ kʼahˬ hawˇ-eu Giˇlaˆ miˇ kʼahˬ-ahˇ cehˆ uˇ leˇ-euˬ meh. Sawˇluˆ-aˬ, Giˇlaˇgaˬlaˇ meuˬ-ahˇ jawˇ luꞈ-awˇ, aˬ yawꞈ mehˬ nah caw teh-eu deuˬ dawˬ tawˆ luꞈ yaw dzuˬ dzuˬ luꞈ-eu meh.