Yawˇshuˆ 12:7 - Akha

⁷ Leˬbaˬnoˬ deh kʼawꞈ-ahˇ jaˆ-eu Baˬlaˇ gaˆ meuˬ-ahˇ neh aˇ dahˬ beh-awˇ, laꞈ oˆ paw Eˬdoˬ meuˬ dawˬ peh jaˆ-eu Haˬlaˆ gawˬ jawˬ-ahˇ keuˆ ni jaˆ-eu miˇ kʼahˬ-ahˇ kʼaˇ jawˇ-eu sahˬ paˬ dawˬ tawˆ luꞈ-ahˇ, Yawˇshuˆ hawˇ-eu Iˇsaˬleˬlaˆ tsawˇ haˬ deuˬ neh deuˆ gʼaˬ-euˬ meh. Miˇ kʼahˬ kʼoeˇ, Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ nehˬ-awˇ, bi geuꞈ tsehˆ tsehˆ-euˬ meh.

Yawˇshuˆ 12:7 Referans Kwoze

Yawˇshuˆ 11:17

Miˇ kʼahˬ kʼoeˇ-aˬ, laꞈ oˆ paw pyawˬ-ahˇ Eˬdoˬ meuˬ dawˬ peh jaˆ-eu Haˬlaˆ gawˬ jawˬ-ahˇ neh, laꞈ taˆ paw pyawˬ-ahˇ Heˬlaˬmoˬ gawˬ jawˬ-euˬ laꞈ oˆ Leˬbaˬnoˬ deh kʼawꞈ-ahˇ jaˆ-eu Baˬlaˇgaˆ meuˬ-ahˇ keuˆ ni meh. Miˇ kʼahˬ heu kʼahˬ laꞈ kʼoeˇ jawˇ-eu sahˬ paˬ deuˬ nehˬ-ehˇ Yawˇshuˆ guiˇ gʼawˬ myahˇ ni deuˆ-euˬ meh. Ehˇ kʼawꞈ, aˬ yawꞈ maꞈ dawˬ tawˆ luꞈ-ahˇ aˬ yawꞈ nyehꞈ-awˇ sehꞈ jiˇ-euˬ meh.

Yawˇshuˆ 11:23

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Miˇ kʼahˬ kʼoeˇ kʼahˬ Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ-awˇ, tsawˇ jeuˬ aˬ yawꞈ jeuˬ yawꞈ gʼaˇ duˬ, dehˬ biˇ nehˬ-euˬ meh.

Yawˇshuˆ 9:1

Yawˇdaˬ lawˇ baˬ nahˇ ma ga kʼehˬ paw jaˆ-eu gawˬ jawˬ gʼaˬ lawˬ hawˇ-eu, Gʼahˇ ceh-euˬ iˬ ma laˆ shaˆ lawˇ deh caw caw-ehˇ laꞈ taˆ paw pyawˬ-ahˇ jaˆ-eu Leˬbaˬnoˬ gawˬ jawˬ-ahˇ keuˆ ni jawˇ luꞈ-eu sahˬ paˬ deuˬ pyeuꞈ-eu, Heˬtaˆ sahˬ paˬ, Aˬmawˇliˆ sahˬ paˬ, Kaˬnaˬ sahˬ paˬ, Paˬyehˆ sahˬ paˬ, Hiˇbiˇ sahˬ paˬ hawˇ-eu Yeˬbuˇ sahˬ paˬ kʼoeˇ deuˬ dawˬ tawˆ luꞈ, Iˇsaˬleˬlaˆ tsawˇ haˬ guiˇ deuˆ gʼaˬ-euˬ gaˇ kawˆ ya siˬ-euˬ meh.

Yawˇshuˆ 3:17

Iˇsaˬleˬlaˆ tsawˇ haˬ deuˬ gui coˇ ni gʼeh-eu miˇ tsaˬ-ahˇ nawˬ-awˇ lawˇ baˬ tsehˆ luꞈ ngeh, aˬ yawꞈ maꞈ dawˬ tawˆ luꞈ maˬ tsehˆ doˆ jiˇ kʼoeˇ keuˆ ni, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ gui coˇ ni gʼeh-eu lawˇ baˬ gʼahˇ ceh yawꞈ luꞈ-eu meh.

Dawˬmehˬ 2:4

Iˇsaˬleˬlaˆ tsawˇ haˬ-ahˇ heu loꞈ-ehˇ mehˬ nehˬ tsoˆ nehˬ-awˬ. Naw maꞈ nehˬ-ehˇ paˬ gʼawˬ gʼawˬ-iˇ taˬ-euˬ naw maꞈ-euˬ aˇ jeuˬ aˇ ca pyeuꞈ-eu Iˇsawˇ-euˬ zaˬ deuˬ uˆ deuˬ-euˬ miˇ kʼahˬ pyeuꞈ-eu Eˬdoˬ miˇ kʼahˬ gawˬ jawˬ gawˬ duˇ-ahˇ naw maꞈ ya le tsehˆ-eu aˇ yamˬ tsaˬ laˇ-euˬ meh. Aˬ yawꞈ maꞈ naw maꞈ-ahˇ guˆ tehꞈ-a.

Dawˬmehˬ 2:1

“Kʼoeˇ naˇ, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Aˬgaˬbaˬ iˬ ma laˆ shaˆ lahˇ gʼoꞈ paw dahˇ ka gʼeh-euˬ gaˇ ma caw caw-ehˇ, bawˇ tsahˬ bawˇ dahˇ paw aˬ dui maꞈ paˇ gʼoꞈ poˆ-iˇ-awˇ, Eˬdoˬ miˇ kʼahˬ gawˬ jawˬ gawˬ duˇ-ahˇ gʼawˬ myahˇ ni cah cah-ehˇ jawˇ-euˬ ma.

Aˇ dahˬ 36:30

Diˇshoˬ tsawˇ jeuˬ, Eˇzaˬ tsawˇ jeuˬ, Diˇshaˬ tsawˇ jeuˬ heu deuˬ meh.

Aˇ dahˬ 36:20

Eˬdoˬ miˇ kʼahˬ laꞈ kʼoeˇ jawˇ dahˬ beh-euˬ tsawˇ jeuˬ deuˬ-euˬ aˬ da yaw dzahˇ gʼaˬ-aˬ, Hawˇlaˆ tsawˇ jeuˬ pyeuꞈ-eu Siˇyaˆ meh.

Aˇ dahˬ 36:8

Kʼoeˇ miˇ neh, gawˬ jawˬ gawˬ duˇ gʼawˬ mya ni jaˆ-eu Eˬdoˬ miˇ kʼahˬ paw Iˇsawˇ jawˇ daˆ leˇ-euˬ meh.

Aˇ dahˬ 32:3

Yaˬkoˆ-aˬ, aˬ yawꞈ oe luꞈ-eu gaˇ kawˆ Eˬdoˬ miˇ kʼahˬ-ahˇ jawˇ-eu aˬ yawꞈ-euˬ aˇ doˆ Iˇsawˇ-ahˇ bi tsaꞈ gaˬ-iˇ-eu gʼaˇ duˬ, aˬ yawꞈ-euˬ zaˬ kʼaˆ deuˬ-ahˇ mehˬ hu paw kʼehˇ gʼeh-euˬ meh.

Aˇ dahˬ 14:6

Eˬdoˬ meuˬ-euˬ gawˬ jawˬ gawˬ duˇ doe ni jawˇ-eu Hawˇlaˆ tsawˇ jeuˬ-ahˇ maˬ ehˇ, deuˆ gʼaˬ jiˇ-awˇ, bawˇ tsahˬ bawˇ dahˇ dawˬ peh jaˆ-eu Eˇpaˬlaˬ meuˬ-ahˇ keuˆ ni teh keuˆ gʼeh-euˬ meh.

Jaceuq 135:11

Aˬmawˇ liˆ sahˬ paˬ Siˇhoˬ, Baˬshaˬ sahˬ paˬ Awˇgaˆ hawˇ-eu, Kaˬnaˬ miˇ kʼahˬ-ahˇ jawˇ-eu sahˬ paˬ dawˬ tawˆ luꞈ-ahˇ, aˬ yawꞈ sehꞈ jiˇ-euˬ meh.