Yawˇshuˆ 12:6 - Akha

⁶ Sahˬ paˬ heu nyiˬ gʼaˬ-ahˇ Moˇseˬ hawˇ-eu Iˇsaˬleˬlaˆ tsawˇ haˬ deuˬ deuˆ gʼaˬ-euˬ meh. Sahˬpaˬ Miˬyehˇ-euˬ zaˬ kʼaˆ Moˇseˬ-aˬ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu, Maˬnaˇseˬ tsawˇ jeuˬ tiˬ paˆ-ahˇ, sahˬ paˬ kʼoeˇ nyiˬ gʼaˬ-euˬ miˇ kʼahˬ biꞈ-euˬ meh.

Yawˇshuˆ 12:6 Referans Kwoze

Bawˇtsahˬ 32:33

Kʼoeˇ naˇ, Aˬmawˇliˆ sahˬ paˬ Siˇhoˬ-euˬ miˇ kʼahˬ dawˬ tawˆ luꞈ hawˇ-eu Baˬshaˬ sahˬ paˬ Awˇgaˆ-euˬ miˇ kʼahˬ dawˬ tawˆ luꞈ maˬ ehˇ, miˇ kʼahˬ kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ deuˬ hawˇ-eu kʼoeˇ-euˬ gahˬ kaˬ deuˬ maˬ ehˇ, Gaˆ tsawˇ jeuˬ, Luˇbeˬ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ-ahˇ Moˇseˬ biꞈ nehˬ-euˬ meh.

Bawˇtsahˬ 32:29

“Gaˆ tsawˇ jeuˬ hawˇ-eu Luˇbeˬ tsawˇ jeuˬ Yawˇdaˬ lawˇ baˬ tsehˆ doˆ-awˇ Sahˬpaˬ Miˬyehˇ uˆ lahˇ-euˬ uꞈ moˆ guiˇ deuˆ-eu laꞈ kʼoeˇ, aˬ yawꞈ maꞈ caw ba-eu baˬ da neh miˇ kʼahˬ kʼoeˇ kʼahˬ-ahˇ naw maꞈ deuˆ za gʼaˬ naˇ, aˬ yawꞈ maꞈ-ahˇ Giˇlaˆ miˇ kʼahˬ biꞈ nehˬ-awˬ.

Bawˇtsahˬ 32:32

Yawˇdaˬ lawˇ baˬ nahˇ ma doˆ kʼehˬ heu gaˇ nga maꞈ jeˬ biˇ za ni, Sahˬpaˬ Miˬyehˇ uˆ lahˇ-eu uˬ moˆ Kaˬnaˬ miˇ kʼahˬ-ahˇ nga maꞈ le uˇ-awˇ guiˇ deuˆ leˇ ma.”

Yawˇshuˆ 14:3

Iˇsaˬleˬlaˆ tsawˇ jeuˬ nyiˬ jeuˬ uˬ taꞈ tiˬ paˆ-ahˇ, Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ Moˇseˬ biꞈ nehˬ gʼaˬ-euˬ meh. Ehˇ kʼawꞈ, tsawˇ jeuˬ kʼoeˇ deuˬ-ahˇ miˇ kʼahˬ biˇ nehˬ-euˬ loꞈ-ehˇ, Leˬbiˇ tsawˇ jeuˬ-ahˇ aˬ yawꞈ miˇ kʼahˬ maˬ biˇ nehˬ-a.

Yawˇshuˆ 18:7

Ehˇ kʼawꞈ, Leˬbiˇ tsawˇ jeuˬ-aˬ, naw maꞈ loꞈ-ehˇ miˇ kʼahˬ jeˬ biˇ maˬ oꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ jeˬ biˇ-aˬ, Sahˬpaˬ Miˬyehˇ-euˬ piˇ ma geuꞈ-eu kʼoeˇ meh. Gaˆ tsawˇ jeuˬ, Luˇbeˬ tsawˇ jeuˬ hawˇ-eu nahˇ ma doˆ kʼehˬ paw jawˇ-eu Maˬnaˇseˬ tsawˇ jeuˬ deuˬ-aˬ, Sahˬpaˬ Miˬyehˇ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ taˬ-euˬ Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ za gʼaˬ-euˬ meh.”

Yawˇshuˆ 22:4

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-ahˇ, nui saˇ za-eu jeˬ aˬ yawꞈ biꞈ gʼaˬ-euˬ meh. Kʼoeˇ miˇ neh, naw maꞈ geuꞈ ma lehˇ shaˇ-euˬ loꞈ-ehˇ, Sahˬpaˬ Miˬyehˇ-euˬ zaˬ kʼaˆ Moˇseˬ neh naw maꞈ-ahˇ biꞈ gʼaˬ-euˬ miˇ kʼahˬ pyeuꞈ-eu, Yawˇdaˬ lawˇ baˬ-euˬ nahˇ ma doˆ kʼehˬ paw baˬ-ahˇ jaˆ-eu naw maꞈ-euˬ miˇ kʼahˬ-ahˇ gʼoꞈ-iˇ-awˬ.

1 Sahˬpaˬ 4:19

Uˇliˆ-euˬ aˬ li Geˬbeuˬ-aˬ, Aˬmoˬ sahˬ paˬ Siˇhoˬ hawˇ-eu Baˬshaˬ sahˬ paˬ Awˇgaˆ aˬ nyaꞈ neh uˆ lahˇ-euˬ miˇ kʼahˬ pyeuꞈ-eu Giˇlaˆ gahˬ kaˬ-ahˇ haw-eu pyaˆ-eu gʼaˬ geuꞈ-euˬ meh. Sahˬ paˬ sahˬ ma kʼoeˇ tseˇ nyiꞈ gʼaˬ uˬ taꞈ, miˇ kʼahˬ kʼahˬ lah ni kʼoeˇ taˆ haw-eu pyaˆ-eu tiˬ gʼaˬ paˇ bi jawˇ-euˬ meh.