Yawˇshuˆ 12:3 - Akha

³ Gaˬliˬlehˇ lah-ahˇ neh Yawˇdaˬ deh kʼawꞈ caw caw-ehˇ, Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu Behˬjaˬshiˇmoˇ meuˬ-ahˇ neh Piˇsaˬgaˬ gawˬ jawˬ-ahˇ keuˆ ni, miˇ kʼahˬ kʼoeˇ kʼahˬ tehꞈ meh.

Yawˇshuˆ 12:3 Referans Kwoze

Dawˬmehˬ 3:17

Aˬ yawꞈ maꞈ-euˬ miˇ kaˬ nahˇ ma ga kʼehˬ paw dzeˇ dzaˬ-aˬ, Yawˇdaˬ lawˇ baˬ-ahˇ keuˆ ni pyeuꞈ-awˇ, laꞈ taˆ paw jaˆ-eu Gaˬliˬlehˇ lah-ahˇ neh aˇ dahˬ beh-awˇ, laꞈ oˆ paw jaˆ-eu Shiˇ-eu iˬ ma laˆ shaˆ-ahˇ neh nahˇ ma doˆ kʼehˬ paw jaˆ-eu Piˇsaˬgaˬ gawˬ jawˬ dawˬ dahˬ-ahˇ keuˆ ni meh.

Yawˇshuˆ 13:20

Behˬpyawˇ meuˬ, Piˇsaˬgaˬ gawˬ jawˬ baˬ gʼa deuˬ hawˇ-eu, Behˬjaˬshiˇmoˇ meuˬ heu deuˬ kʼawꞈ, miˇ kʼahˬ kʼoeˇ kʼahˬ laꞈ kʼoeˇ ahˇ-eu meh.

Yawˇshuˆ 11:2

laꞈ taˆ paw pyawˬ-ahˇ, gawˬ jawˬ gawˬ duˇ deuˬ-ahˇ jawˇ-eu sahˬ paˬ deuˬ-ahˇ maˬ ehˇ, Gaˬliˬlehˇ lah laꞈ oˆ paw Yawˇdaˬ deh kʼawꞈ-ahˇ jawˇ-eu sahˬ paˬ deuˬ-ahˇ maˬ ehˇ, gawˬ jawˬ dawˬ dahˬ-ahˇ jawˇ-eu sahˬ paˬ deuˬ-ahˇ maˬ ehˇ, iˬ ma laˆ shaˆ lawˇ deh paw Dawˇlaˆ meuˬ-euˬ dawˬ peh jawˇ-eu sahˬ paˬ deuˬ-ahˇ maˬ ehˇ, dawˬ tsaꞈ tsaꞈ ahˇ gʼeh-euˬ meh.

Dawˬmehˬ 4:49

Laꞈ oˆ paw Shiˇ-eu Iˬ ma laˆ shaˆ-ahˇ neh aˇ dahˬ beh-awˇ, nahˇ ma doˆ kʼehˬ paw Piˇsaˬgaˬ gawˬ jawˬ-ahˇ keuˆ ni Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu gahˬ kaˬ kʼoeˇ deuˬ kʼawꞈ, miˇ kʼahˬ kʼoeˇ kʼahˬ-ahˇ taꞈ-euˬ meh.

Yoˇhaˬ 6:1

Kʼoeˇ naˇ, Gaˬliˬlehˇ lah-euˬ nui baˬ-ahˇ Yeˬsuˇ tsehˆ-iˇ-euˬ meh. (Gaˬliˬlehˇ lah-ahˇ Deˬbeˬliˇ lah lehˇ kʼawꞈ kuˇ-eu meh.)

Yawˇshuˆ 15:5

Nahˇ ma doˆ kʼehˬ paw-euˬ miˇ kaˬ-aˬ, Shiˇ-eu iˬ ma laˆ shaˆ caw caw-ehˇ, Yawˇdaˬ lawˇ baˬ yoeˇ ahˇ le gaˇ keuˆ ni meh. Laꞈ taˆ paw pyawˬ miˇ kaˬ-aˬ, kʼoeˇ gaˇ neh aˇ dahˬ beh-awˇ,

Yawˇshuˆ 15:2

Laꞈ oˆ paw dzeˇ dzaˬ miˇ kaˬ-aˬ, Shiˇ-eu Iˬ ma laˆ shaˆ lah dahˬ-ahˇ neh,

Yawˇshuˆ 3:16

iˇ cuꞈ yoeˇ-eu naˬ leˇ-awˇ, Zaˬleˬdaˬ dawˬ peh jaˆ-eu Aˬdaˬ meuˬ-ahˇ keuˆ ni dahˬ goˇ daˆ leꞈ-euˬ meh. Shiˇ-eu iˬ ma laˆ shaˆ paw yoeˇ ka-eu iˇ cuꞈ tsiˇ jaˆ ni tsiˇ leˇ-awˇ, Iˇsaˬleˬlaˆ tsawˇ haˬ deuˬ Yeˬliˇkoˇ meuˬ dawˬ peh lawˇ baˬ tsehˆ doˆ nya-euˬ meh.

Bawˇtsahˬ 21:20

Baˬmo-ahˇ neh naˇ, Mawˇbaˆ miˇ kʼahˬ-ahˇ jaˆ-eu deh kʼawꞈ-ahˇ aˬ yawꞈ maꞈ iˇ-euˬ meh. Deh kʼawꞈ kʼoeˇ kʼawꞈ-aˬ, bawˇ tsahˬ bawˇ dahˇ dawˬ peh jaˆ-eu Piˇsaˬgaˬ gawˬ jawˬ uˬ du-euˬ laꞈ oˆ paw dzeˇ jaˆ-eu meh.

Aˇ dahˬ 19:25

Meuˬ kʼoeˇ nyiˬ meuˬ hawˇ-eu gaˇ dahˬ gaˇ dzeˇ deh ga dawˬ tawˆ luꞈ maˬ ehˇ, kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ maˬ ehˇ, yaw dehꞈ kʼaˇ dehꞈ-eu jeˬ dawˬ tawˆ luꞈ hawˇ-eu sahˬ lahˬ aˇ bawˇ dawˬ tawˆ luꞈ maˬ ehˇ, Sahˬpaˬ Miˬyehˇ neh laˆ cawˆ jiˇ-euˬ meh.

Aˇ dahˬ 14:3

Sahˬ paˬ heu ngaˬ gʼaˬ gm leˇ-awˇ, Siˇdmˬ deh ga ga ma-ahˇ, aˬ yawꞈ maꞈ-euˬ guiˇ maꞈ deuˬ-ahˇ tiˬ gaˇ tehꞈ-ehˇ kuˇ uiˬ taˬ-euˬ meh. Kʼoeˇ ngeh yamˬ-ahˇ, Siˇdmˬ deh ga ga ma-aˬ, nymˬ-mˇ Shiˇ-euˬ iˬ ma laˆ shaˆ jaˆ luꞈ-eu kʼoeˇ tsahˇ nyiˬ paˆ-ehˇ jaˆ-euˬ meh.

Luˇkaꞈ 5:1

Tiˬ nah-aˬ, Geˬneˬsaˬlehˇ lah lah dzeˇ Yeˬsuˇ yawꞈ luꞈ ngeh, Miˬyehˇ-euˬ dawˬ kawˬ naˇ haˬ-eu gʼaˇ duˬ, tsawˇ haˬ aˇ maꞈ maꞈ ma aˬ yawꞈ jawˇ gaˇ tah uˇ le luꞈ-eu meh.

1 Sahˬpaˬ 15:20

Aˬsaˬ neh ehˇ-euˬ dawˬ-ahˇ sahˬ paˬ Beˬhaˬdaˇ nui ma tsaˬ-awˇ, aˬ yawꞈ-euˬ guiˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, aˬ yawꞈ-euˬ guiˇ maꞈ deuˬ pyehˬ gʼeh-awˇ, Iˇsaˬleˬlaˆ miˇ kʼahˬ-ahˇ jaˆ-eu meuˬ deuˬ-ahˇ guiˇ bi deuˆ-iˇ-euˬ meh. Aˬ yawꞈ maꞈ-aˬ, Iˇyoˬ meuˬ, Daˬ meuˬ, Aˬbeˬlaˆbehˬmawˇkah meuˬ, Gaˬliˬlehˇ lah gahˬ kaˬ hawˇ-eu, Naˬtaˬliˇ miˇ kʼahˬ kʼahˬ lah ni-ahˇ deuˆ gʼaˬ-euˬ meh.

Yeˬsaˬgeˬlaˇ 25:9

miˇ kʼahˬ kʼoeˇ kʼahˬ-euˬ myaˆ pyawˬ naˇ mehˇ pyeuꞈ-eu Behˬjaˬshiˇmoˇ meuˬ, Baˬlaˇmyoˬ meuˬ, Kiˇlaˬdeˬ meuˬ heu deuˬ ahˇ leˇ-ehˇ, meuˬ heu deuˬ loꞈ-ehˇ miˇ kaˬ caw caw-ehˇ kʼaˇ jaˆ-eu meuˬ deuˬ-ahˇ, guiˇ bi deuˆ le ma.

Bawˇtsahˬ 34:11

Sheˬpamˬ-ahˇ neh naˇ, laꞈ oˆ paw Aˬiˇnaˆ meuˬ-euˬ nahˇ ma doˆ kʼehˬ paw jaˆ-eu Haˬlaˬbeˬlaˇ meuˬ-ahˇ keuˆ ni iˇ gʼeh-awˇ, Gaˬliˬlehˇ lah-euˬ nahˇ ma doˆ kʼehˬ paw jaˆ-eu gawˬ jawˬ deuˬ-ahˇ daˆ doˆ leˇ-eu meh.