Yawˇshuˆ 12:24 - Akha

²⁴ Teuˇzaˬ meuˬ, heu deuˬ laꞈ kʼoeˇ jawˇ-eu sahˬ paˬ dawˬ tawˆ luꞈ smˬ tseˇ tiꞈ gʼaˬ-ahˇ sehꞈ-euˬ meh.

Yawˇshuˆ 12:24 Referans Kwoze

2 Sahˬpaˬ 15:14

Gaˬdiˬ-euˬ aˬ li Meˬnaˇheˬ-aˬ, Teuˇzaˬ meuˬ-ahˇ neh Saˬmaˬliˆ meuˬ-ahˇ le-awˇ, Shaˬlmˬ-ahˇ sehꞈ-awˇ, aˬ yawꞈ-euˬ dah zaˇ sahˬ paˬ geuꞈ-euˬ meh.

1 Sahˬpaˬ 16:23

Yuˇdaˆ sahˬ paˬ Aˬsaˬ uˆ lahˇ-eu smˬ tseˇ tiꞈ kʼoꞈ tiˬ kʼoꞈ-ahˇ, Awˇmaˬliˇ gʼaˬ Iˇsaˬleˬlaˆ sahˬ paˬ pyeuꞈ laˇ-awˇ, tseˇ nyiꞈ kʼoꞈ uˆ lahˇ-euˬ meh. Yaw beh koꞈ kʼoꞈ laꞈ kʼoeˇ, Teuˇzaˬ meuˬ-ahˇ jawˇ-awˇ uˆ lahˇ-euˬ meh.

Dawˬmehˬ 7:24

Aˬ yawꞈ maꞈ-euˬ sahˬ paˬ naw maꞈ-euˬ laꞈ-ahˇ ahˇ le ni aˬ yawꞈ jahˇ tehꞈ-a. Sahˬpaˬ kʼoeˇ deuˬ-ahˇ naw maꞈ sehꞈ-awˇ, aˬ cawˬ aˬ yawꞈ maꞈ-ahˇ ya ngehˇ jiˇ gaˇ keuˆ tehꞈ-a. Tsawˇ haˬ tiˬ gʼaˬ-iˬ naw maꞈ-ahˇ maˬ laˆ tsoeˬ nya-eu uˬ taꞈ, yawˬ gʼaˬ na luꞈ-ahˇ naw maꞈ laˆ luˬ laˆ seˇ nehˬ tehꞈ-a.

2 Laˬsaˬbaˬ 34:1

Yawˇshiˆ-aˬ, yehꞈ kʼoꞈ kʼawˆ ngeh Yuˇdaˆ miˇ kʼahˬ-ahˇ uˆ lahˇ-eu sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ smˬ tseˇ tiꞈ kʼoꞈ uˆ lahˇ-euˬ meh.

1 Sahˬpaˬ 14:17

Yeˬyawˇbamˬ-euˬ miˬ zaˬ-aˬ, Teuˇzaˬ meuˬ-ahˇ gʼoꞈ leˇ-euˬ meh. Aˬ yawꞈ-euˬ nymˇ-ahˇ gʼoꞈ uˇ leˇ-eu nehˬ-ehˇ, aˬ yawꞈ-euˬ aˬ li shiˇ tsehˆ-euˬ meh.

Neˬhaˬmiˇ 9:24

Kaˬnaˬ miˇ kʼahˬ-ahˇ aˬ yawꞈ maꞈ deuˆ gʼaˬ-euˬ meh. kʼoeˇ gaˇ jawˇ-eu tsawˇ haˬ deuˬ-ahˇ nawˇ gʼaˬ-euˬ meh. Kaˬnaˬ sahˬ paˬ hawˇ-eu miˇ kʼahˬ zaˬ deuˬ kʼoeˇ taˆ, kʼaˇ jahˇ mawꞈ-eu jeˬ jahˇ nehˬ nya-eu baoˬ, nawˬ-euˬ tsawˇ haˬ deuˬ-ahˇ nawˇ biꞈ-euˬ meh.

Jaceuq 135:11

Aˬmawˇ liˆ sahˬ paˬ Siˇhoˬ, Baˬshaˬ sahˬ paˬ Awˇgaˆ hawˇ-eu, Kaˬnaˬ miˇ kʼahˬ-ahˇ jawˇ-eu sahˬ paˬ dawˬ tawˆ luꞈ-ahˇ, aˬ yawꞈ sehꞈ jiˇ-euˬ meh.