Yawˇshuˆ 12:2 - Akha

² Tiˬ gʼaˬ-aˬ, Heˬshaˬboˬ meuˬ-ahˇ jawˇ-awˇ uˆ lahˇ-euˬ Aˬmawˇliˆ sahˬ paˬ Siˇhoˬ meh. Aˬ yawꞈ-euˬ miˇ kʼahˬ-aˬ, Aˬnoˬ deh kʼawꞈ uˬ gʼmˬ-ahˇ jaˆ-eu Aˬyawˬ meuˬ hawˇ-eu deh kʼawꞈ-euˬ gʼahˇ ceh jaˆ-eu meuˬ-ahˇ neh, Aˬmoˬ miˇ kʼahˬ-euˬ miˇ kaˬ pyeuꞈ-eu Jaˬboˆ lawˇ baˬ-ahˇ keuˆ ni meh. Kʼoeˇ-aˬ, Giˇlaˆ miˇ kʼahˬ tiˬ paˆ ehˇ gʼaˬ ni pyeuꞈ-eu meh.

Yawˇshuˆ 12:2 Referans Kwoze

Aˇ dahˬ 32:22

Yaˬkoˆ-aˬ, aˬ yawꞈ-euˬ miˬ zaˬ nyiˬ gʼaˬ, ma nyiˇ nyiˬ gʼaˬ hawˇ-eu, aˬ yawꞈ-euˬ zaˬ tseˇ tiꞈ gʼaˬ sheuˬ-awˇ, kʼoeˇ ngeh miˇ Jaˬboˆ lawˇ baˬ tsehˆ-euˬ meh.

Jaceuq 135:11

Aˬmawˇ liˆ sahˬ paˬ Siˇhoˬ, Baˬshaˬ sahˬ paˬ Awˇgaˆ hawˇ-eu, Kaˬnaˬ miˇ kʼahˬ-ahˇ jawˇ-eu sahˬ paˬ dawˬ tawˆ luꞈ-ahˇ, aˬ yawꞈ sehꞈ jiˇ-euˬ meh.

Neˬhaˬmiˇ 9:22

Aˬ yawꞈ maꞈ-euˬ dawˬ peh jaˆ-eu miˇ kʼahˬ hawˇ-eu, dawˬ peh jawˇ-eu tsawˇ jeuˬ deuˬ-ahˇ, aˬ yawꞈ maꞈ gʼaˬ leˇ ni nawˇ caw ba nehˬ-euˬ meh. Siˇhoˬ uˆ lahˇ-euˬ Heˬshaˬboˬ miˇ kʼahˬ hawˇ-eu, Awˇgaˆ sahˬ paˬ geuꞈ-awˇ dzoeˬ-eu Baˬshaˬ miˇ kʼahˬ, aˬ yawꞈ maꞈ neh deuˆ gʼaˬ-euˬ meh.

Yaˇ kʼaˬ daˇ 11:22

Laꞈ oˆ paw Aˬnoˬ lawˇ baˬ-ahˇ neh, laꞈ taˆ paw Jaˬboˆ lawˇ baˬ-ahˇ keuˆ ni maˬ ehˇ, nahˇ ma doˆ kʼehˬ paw bawˇ tsahˬ bawˇ dahˇ-ahˇ neh nahˇ ma ga kʼehˬ paw Yawˇdaˬ lawˇ baˬ-ahˇ keuˆ ni maˬ ehˇ, kʼaˇ jaˆ-eu Aˬmawˇliˆ tsawˇ haˬ-euˬ miˇ kʼahˬ dawˬ tawˆ luꞈ, Iˇsaˬleˬlaˆ tsawˇ haˬ deuˬ yuˇ geuꞈ-euˬ meh.

Yaˇ kʼaˬ daˇ 11:13

Yeˬpaˬtaˆ neh dawˬ tsaꞈ bi tsaꞈ gaˬ-iˇ-euˬ tsawˇ haˬ deuˬ-ahˇ Aˬmoˬ sahˬ paˬ ehˇ nehˬ-eu, “Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Aˬnoˬ lawˇ baˬ-ahˇ neh Jaˬboˆ lawˇ baˬ hawˇ-eu Yawˇdaˬ lawˇ baˬ-ahˇ keuˆ ni jaˆ-eu ngaˬ-euˬ miˇ kʼahˬ yuˇ geuꞈ-euˬ meh. Tiˬ jeˬ-iˬ maˬ laˆ bahˬ ni, miˇ kʼahˬ kʼoeˇ iˬ nah ngaˬ-ahˇ ya biꞈ kʼoꞈ laꞈ meh.”

1 Laˬsaˬbaˬ 5:8

Beˬlaˬ, Beˬlaˬ-euˬ aˬ bawˇ-aˬ, Yawˇlaˆ-euˬ aˬ li Sheˬmaˬ pyeuꞈ-awˇ, Beˬlaˬ-euˬ aˬ da-aˬ, Sheˬmaˬ-euˬ aˬ li Aˬzaˬzaˇ pyeuꞈ-eu meh. Aˇ jeuˬ heu jeuˬ-aˬ, Aˬyawˬ meuˬ hawˇ-eu kʼoeˇ-euˬ laꞈ taˆ paw pyawˬ jeˬ-ehˇ, Neˬboˬ hawˇ-eu Baˬlaˇmyoˬ meuˬ-ahˇ keuˆ ni jaˆ-eu gahˬ kaˬ laꞈ kʼoeˇ jawˇ-euˬ meh.

Yeˬlaˬmiˇ 48:19

Aˬyawˬ meuˬ-ahˇ jawˇ-eu tsawˇ haˬ deuˬ-oˇ, gaˇ ma gaˇ dzeˇ loꞈ-awˇ, cehˆ byoˆ luꞈ-eu tsawˇ haˬ deuˬ-ahˇ, gaˇ kawˆ naˇ haˬ duˬ-awˬ.

Dawˬmehˬ 1:4

Heˬshaˬboˬ meuˬ-ahˇ jawˇ-eu Aˬmoˬ tsawˇ jeuˬ-euˬ sahˬpaˬ Siˇhoˬ hawˇ-eu, Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-eu Baˬshaˬ miˇ kʼahˬ-euˬ sahˬpaˬ Awˇgaˆ aˬ nyaꞈ-ahˇ Moˇseˬ gʼaˬ leˇ gʼaˬ miˇ tsa, aˇ nah hawˇ-eu aˬ yawꞈ maꞈ-ahˇ kʼoeˇ loꞈ-ehˇ ehˇ nehˬ-euˬ meh.