Yawˇshuˆ 12:18 - Akha

¹⁸ Aˬpyehˇ meuˬ, Laˬshaˬloˬ meuˬ,

Yawˇshuˆ 12:18 Referans Kwoze

Iˇsaˬyaˇ 33:9

Miˇ kʼahˬ ngoeˇ doˆ laˇ-awˇ gʼaˬ baˬ-iˇ luꞈ meh. Leˬbaˬnoˬ sahˬ kʼaˆ nyoeˬ-iˇ-awˇ, miˇ muiˬ muiˬ-eu Shaˬloˬ deh kʼawꞈ, kʼaˇ shuiꞈ deh yaˇ pyeuꞈ-iˇ-euˬ meh. Baˬshaˬ miˇ tsaˬ hawˇ-eu Gaˬlaˬmeˬlaˇ gawˬ jawˬ, aˇ bawˇ aˇ paꞈ ga jiˇ-euˬ meh.

1 Saˬmeuˬlaˆ 4:1

Aˇ nah aˇ yamˬ kʼoeˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ-eu gʼaˇ duˬ, Piˇliˇtiˆ tsawˇ haˬ deuˬ uiˬ leˇ taˬ-euˬ meh. Kʼoeˇ miˇ neh, Iˇsaˬleˬlaˆ tsawˇ haˬ deuˬ kʼawꞈ, aˬ yawꞈ maꞈ-ahˇ guiˇ deuˆ-iˇ-eu lehˇ doˆ-iˇ-euˬ meh. Iˇsaˬleˬlaˆ tsawˇ haˬ deuˬ Eˇbaˬneˬzaˬ lehˇ kuˇ-eu jawˇ duˬ-ahˇ taˆ tsoˆ-awˇ jawˇ-awˇ, Piˇliˇtiˆ tsawˇ haˬ deuˬ Aˬpyehˇ meuˬ-ahˇ taˆ tsoˆ-awˇ jawˇ-euˬ meh.

Yawˇshuˆ 19:30

Uˇmaˬ meuˬ, Aˬpyehˇ meuˬ, Leˬhawˇbaˆ meuˬ heu deuˬ ahˇ leˇ-ehˇ, meuˬ nyiˬ tseˇ nyiꞈ meuˬ hawˇ-eu meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-aˬ, miˇ kʼahˬ heu kʼahˬ laꞈ kʼoeˇ jaˆ-eu meuˬ deuˬ pyeuꞈ-eu meh.

Yawˇshuˆ 13:4

Kaˬnaˬ miˇ kʼahˬ kʼahˬ lah ni hawˇ-eu, Aˬmawˇliˆ miˇ kaˬ Aˬpyehˇ meuˬ-ahˇ keuˆ ni jaˆ-eu (Siˇdoˬ tsawˇ jeuˬ-ahˇ taꞈ-eu) Meˬlahˬ miˇ kʼahˬ maˬ ehˇ,

Yawˇshuˆ 12:19

Maˬdoˬ meuˬ, Haˬzawˇ meuˬ,

1 Saˬmeuˬlaˆ 29:1

Yeˬzaˬleˬlaˇ deh kʼawꞈ-ahˇ jaˆ-eu iˇ cuꞈ iˇ beuˆ dawˬ peh Iˇsaˬleˬlaˆ tsawˇ haˬ deuˬ taˆ tsoˆ-awˇ jawˇ ngeh, Piˇliˇtiˆ tsawˇ haˬ deuˬ yehˇ dawˬ tawˆ luꞈ-ahˇ, Aˬpyehˇ meuˬ-ahˇ sheuˬ keuˆ laꞈ-euˬ meh.

2 Sahˬpaˬ 13:17

“Suˇliˆ miˇ kʼahˬ paw pyawˇ-ehˇ jaˆ-eu laˇ gʼoˆ gʼoˆ zaˬ pah-awˬ” lehˇ Eˇliˇshehˇ ehˇ ngeh, aˬ yawꞈ pah-awˇ, “Beuˆ-awˬ” lehˇ Eˇliˇshehˇ ehˇ ngeh, aˬ yawꞈ beuˆ-euˬ meh. Sahˬ paˬ kaˆ beuˆ gʼaˬ-euˬ nehˬ-ehˇ Eˇliˇshehˇ heu loꞈ-ehˇ ehˇ-eu meh. “Nawˇ-aˬ, Suˇliˆ miˇ kʼahˬ-ahˇ gʼaˬ leˇ-eu Sahˬpaˬ Miˬyehˇ-euˬ kaˆ myaˬ meh. Suˇliˆ tsawˇ haˬ deuˬ-ahˇ nawˇ guiˇ deuˆ gʼaˬ ngeh keuˆ ni, Aˬpyehˇ meuˬ-ahˇ aˬ yawꞈ maꞈ nehˬ-ehˇ nawˇ ya deuˆ ceh ceh tehꞈ-a.”