Yawˇshuˆ 12:1 - Akha

¹ Yawˇdaˬ lawˇ baˬ nahˇ ma doˆ kʼehˬ paw, Aˬnoˬ deh kʼawꞈ-ahˇ neh Yawˇdaˬ deh kʼawꞈ caw caw-ehˇˬ, laꞈ taˆ paw Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ-awˇ jawˇ luꞈ-eu meh. Sahˬ paˬ nyiˬ gʼaˬ-ahˇ aˬ yawꞈ maꞈ deuˆ gʼaˬ-euˬ meh.

Yawˇshuˆ 12:1 Referans Kwoze

Yaˇ kʼaˬ daˇ 11:18

Kʼoeˇ gaˇ neh naˇ, bawˇ tsahˬ bawˇ dahˇ caw caw-ehˇ aˬ yawꞈ maꞈ paˇ iˇ gʼeh-awˇ, Eˬdoˬ miˇ kʼahˬ hawˇ-eu Mawˇbaˆ miˇ kʼahˬ-ahˇ gaˇ jaw jaw-awˇ, Aˬnoˬ lawˇ baˬ-euˬ nui baˬ paw, Mawˇbaˆ miˇ kʼahˬ-euˬ nahˇ ma doˆ kʼehˬ paw dzeˇ laˇ doˆ-euˬ meh. Aˬ yawꞈ maꞈ kʼoeˇ gaˇ sehˬ gʼawˆ gʼawˆ-awˇ jawˇ-euˬ meh. Aˬnoˬ lawˇ baˬ aˬ yawꞈ maꞈ maˬ tsehˆ doˆ-aˬ. Aˬ jeˬ miˇ neh ehˇ naˇ, kʼoeˇ-aˬ, Mawˇbaˆ miˇ kʼahˬ-euˬ miˇ kaˬ pyeuꞈ-eu meh.

Yawˇshuˆ 1:15

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇsaˬleˬlaˆ tsawˇ haˬ kʼoeˇ deuˬ-ahˇ biꞈ taˬ-euˬ Yawˇdaˬ lawˇ baˬ nahˇ ma ga kʼehˬ paw jaˆ-eu miˇ kʼahˬ kʼoeˇ kʼahˬ-ahˇ aˬ yawꞈ maꞈ za gʼaˬ ngeh keuˆ ni, aˬ yawꞈ maꞈ-ahˇ ya caw ba meh. Iˇsaˬleˬlaˆ tsawˇ jeuˬ dawˬ tawˆ luꞈ jawˇ duˬ dah leˇ gʼaˬ jiˇ naˇ, Sahˬpaˬ Miˬyehˇ-euˬ zaˬ kʼaˆ Moˇseˬ neh naw maꞈ-ahˇ biꞈ-euˬ, Yawˇdaˬ lawˇ baˬ nahˇ ma doˆ kʼehˬ paw jaˆ-eu naw maꞈ-euˬ miˇ kʼahˬ heu kʼahˬ-ahˇ gʼoꞈ le-awˇ jawˇ-awˬ.”

Bawˇtsahˬ 21:24

Ehˇ kʼawꞈ, aˬ yawꞈ maꞈ tsawˇ haˬ gʼawˬ mya ni Iˇsaˬleˬlaˆ tsawˇ haˬ neh bi deuˆ sehꞈ-awˇ, aˬ yawꞈ maꞈ-euˬ miˇ kʼahˬ Aˬnoˬ lawˇ baˬ-ahˇ neh Jaˬboˆ lawˇ baˬ-ahˇ keuˆ ni Iˇsaˬleˬlaˆ tsawˇ haˬ deuˬ neh bi deuˆ geuꞈ-euˬ meh. Aˬmoˬ tsawˇ jeuˬ-euˬ miˇ kaˬ-ahˇ keuˆ ni tehꞈ-ehˇ Iˇsaˬleˬlaˆ tsawˇ haˬ deuˬ guiˇ deuˆ keuˆ-euˬ meh. Aˬ jeˬ miˇ neh ehˇ naˇ, Aˬmoˬ miˇ kʼahˬ-ahˇ guiˇ guiˇ maꞈ gʼawˬ mya ni loꞈ tsoeˬ taˬ-euˬ meh,

Bawˇtsahˬ 21:13

Kʼoeˇ naˇ, aˬ yawꞈ maꞈ paˇ doˆ-iˇ-awˇ, Aˬmawˇliˆ miˇ kʼahˬ-ahˇ keuˆ ni jaˆ tawꞈ-eu bawˇ tsahˬ bawˇ dahˇ laꞈ kʼoeˇ, Aˬnoˬ lawˇ baˬ-euˬ laꞈ taˆ paw pyawˬ-ahˇ jawˇ naˬ-euˬ meh. (Aˬnoˬ lawˇ baˬ-aˬ, Mawˇbaˆ miˇ kʼahˬ hawˇ-eu Aˬmawˇliˆ miˇ kʼahˬ-euˬ miˇ kaˬ pyeuꞈ-eu meh.)

Iˇsaˬyaˇ 16:2

Bahˬ-ahˇ uˇ-eu bi teh doˆ-euˬ aˇ jiˇ loꞈ-ehˇ, Mawˇbaˆ tsawˇ haˬ deuˬ Aˬnoˬ lawˇ baˬ lawˇ dzeˇ, gʼoꞈ laˆ gʼoꞈ dmˇ-ehˇ cah-awˇ dawˬ luꞈ meh.

Jaceuq 133:3

Heˬlaˬmoˬ gawˬ jawˬ-ahˇ ga-eu ceuˬ, Ziˇoˬ gawˬ duˇ kʼoeˇ taˆ ga le-euˬ gaˇ duˇ-eu meh. Kʼoeˇ loꞈ-ehˇ dehꞈ taꞈ jawˇ taꞈ-eu jeˬ kʼoeˇ taˆ, mˬ maˬ maˬ byaˆ zaˇ ziˇ ziꞈ-eu guiˬ lahˬ yaw dzahˇ, Sahˬpaˬ Miˬyehˇ biꞈ ma lehˇ saˇ jaˇ dzaˬ taˬ-euˬ meh.

Yawˇshuˆ 22:4

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-ahˇ, nui saˇ za-eu jeˬ aˬ yawꞈ biꞈ gʼaˬ-euˬ meh. Kʼoeˇ miˇ neh, naw maꞈ geuꞈ ma lehˇ shaˇ-euˬ loꞈ-ehˇ, Sahˬpaˬ Miˬyehˇ-euˬ zaˬ kʼaˆ Moˇseˬ neh naw maꞈ-ahˇ biꞈ gʼaˬ-euˬ miˇ kʼahˬ pyeuꞈ-eu, Yawˇdaˬ lawˇ baˬ-euˬ nahˇ ma doˆ kʼehˬ paw baˬ-ahˇ jaˆ-eu naw maꞈ-euˬ miˇ kʼahˬ-ahˇ gʼoꞈ-iˇ-awˬ.

Yawˇshuˆ 11:17

Miˇ kʼahˬ kʼoeˇ-aˬ, laꞈ oˆ paw pyawˬ-ahˇ Eˬdoˬ meuˬ dawˬ peh jaˆ-eu Haˬlaˆ gawˬ jawˬ-ahˇ neh, laꞈ taˆ paw pyawˬ-ahˇ Heˬlaˬmoˬ gawˬ jawˬ-euˬ laꞈ oˆ Leˬbaˬnoˬ deh kʼawꞈ-ahˇ jaˆ-eu Baˬlaˇgaˆ meuˬ-ahˇ keuˆ ni meh. Miˇ kʼahˬ heu kʼahˬ laꞈ kʼoeˇ jawˇ-eu sahˬ paˬ deuˬ nehˬ-ehˇ Yawˇshuˆ guiˇ gʼawˬ myahˇ ni deuˆ-euˬ meh. Ehˇ kʼawꞈ, aˬ yawꞈ maꞈ dawˬ tawˆ luꞈ-ahˇ aˬ yawꞈ nyehꞈ-awˇ sehꞈ jiˇ-euˬ meh.

Yawˇshuˆ 11:3

Yawˇdaˬ lawˇ baˬ kʼoeˇ baˬ heu baˬ-ahˇ jawˇ-eu Kaˬnaˬ tsawˇ haˬ deuˬ-ahˇ maˬ ehˇ, Aˬmawˇliˆ tsawˇ haˬ deuˬ-ahˇ maˬ ehˇ, Heˇtaˆ tsawˇ haˬ deuˬ-ahˇ maˬ ehˇ, Paˬyehˆ tsawˇ haˬ deuˬ-ahˇ maˬ ehˇ, gawˬ jawˬ gawˬ duˇ-ahˇ jawˇ-eu Yeˬbuˇ tsawˇ haˬ deuˬ-ahˇ maˬ ehˇ, Miˇzaˬpaˬ miˇ kʼahˬ Heˬlaˬmoˬ gawˬ jawˬ dawˬ dahˬ-ahˇ jawˇ-eu Hiˇbiˇ tsawˇ haˬ deuˬ-ahˇ maˬ ehˇ, aˬ yawꞈ dawˬ tsaꞈ tsaꞈ ahˇ gʼeh-euˬ meh.

Dawˬmehˬ 4:48

Miˇ kʼahˬ kʼoeˇ kʼahˬ-aˬ, Aˬnoˬ deh kʼawꞈ-euˬ mehˬ dzaˬ-ahˇ jaˆ-eu Aˬyawˬ meuˬ-ahˇ neh Siˬyahˬ lehˇ kuˇ-eu Heˬlaˬmoˬ gawˬ jawˬ-ahˇ doˆ ni meh.

Dawˬmehˬ 2:24

“Mawˇbaˆ miˇ kʼahˬ-ahˇ aˬ dui maꞈ tsehˆ doˆ dzeuˇ gʼaˬ ngeh, Sahˬpaˬ Miˬyehˇ ehˇ-eu, ‘Iˇ-awˇ, Aˬnoˬ lawˇ baˬ tsehˆ-awˬ. Heˬshaˬboˬ meuˬ-ahˇ jawˇ-eu Aˬmoˬ sahˬ paˬ Siˇhoˬ hawˇ-eu aˬ yawꞈ-euˬ miˇ kʼahˬ naw maꞈ-ahˇ ngaˇ biꞈ-eu ma. Aˬ yawꞈ-ahˇ guiˇ deuˆ-awˇ, aˬ yawꞈ-euˬ miˇ kʼahˬ deuˆ geuꞈ-awˬ.

Bawˇtsahˬ 32:19

Yawˇdaˬ lawˇ baˬ-euˬ kʼoeˇ baˬ-ahˇ kʼaˇ jaˆ-eu jeˬ nga maꞈ tiˬ jeˬ-iˬ maˬ geuꞈ. Aˬ jeˬ miˇ neh ehˇ naˇ, Yawˇdaˬ lawˇ baˬ-euˬ nahˇ ma doˆ kʼehˬ paw baˬ pyeuꞈ-eu heu baˬ-ahˇ nga maꞈ jeˬ biˇ za gʼaˬ-euˬ ma.”

Bawˇtsahˬ 32:33

Kʼoeˇ naˇ, Aˬmawˇliˆ sahˬ paˬ Siˇhoˬ-euˬ miˇ kʼahˬ dawˬ tawˆ luꞈ hawˇ-eu Baˬshaˬ sahˬ paˬ Awˇgaˆ-euˬ miˇ kʼahˬ dawˬ tawˆ luꞈ maˬ ehˇ, miˇ kʼahˬ kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ deuˬ hawˇ-eu kʼoeˇ-euˬ gahˬ kaˬ deuˬ maˬ ehˇ, Gaˆ tsawˇ jeuˬ, Luˇbeˬ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ-ahˇ Moˇseˬ biꞈ nehˬ-euˬ meh.

Yawˇshuˆ 13:8

Luˇbeˬ tsawˇ jeuˬ, Gaˆ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ-aˬ, Sahˬpaˬ Miˬyehˇ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ-euˬ Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ za-euˬ meh.

Jaceuq 89:12

Miˇ tsaˬ tahˬ kʼawˇ laꞈ oˆ pyawˬ laꞈ taˆ pyawˬ baw ni nawˬ neh beh taˬ-euˬ meh. Taˬbawˬ gawˬ jawˬ hawˇ-eu Heˬlaˬmoˬ gawˬ jawˬ, laˬ kʼaˬ tiˬ cehˇ nawˬ-ahˇ ja ceuˬ luꞈ meh.

Jaceuq 136:21

Sahˬ paˬ kʼoeˇ deuˬ-euˬ miˇ kʼahˬ aˬ yawꞈ-eu tsawˇ jeuˬ-ahˇ aˬ yawꞈ biꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ meh.

Bawˇtsahˬ 21:21

Iˇsaˬleˬlaˆ tsawˇ haˬ deuˬ Aˬmawˇliˆ sahˬ paˬ Siˇhoˬ jawˇ gaˇ tsawˇ haˬ pyehˬ gʼeh-awˇ, heu loꞈ-ehˇ dawˬ tsaꞈ bi tsaꞈ leˇ-euˬ meh.

Bawˇtsahˬ 32:32

Yawˇdaˬ lawˇ baˬ nahˇ ma doˆ kʼehˬ heu gaˇ nga maꞈ jeˬ biˇ za ni, Sahˬpaˬ Miˬyehˇ uˆ lahˇ-eu uˬ moˆ Kaˬnaˬ miˇ kʼahˬ-ahˇ nga maꞈ le uˇ-awˇ guiˇ deuˆ leˇ ma.”

Dawˬmehˬ 2:32

Siˇhoˬ-aˬ, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, aˬ dui maꞈ-ahˇ guiˇ deuˆ-eu lehˇ Yaˬhaˇ meuˬ dawˬ peh oe-euˬ meh.

Dawˬmehˬ 3:1

“Kʼoeˇ naˇ, laꞈ taˆ paw pyawˬ-ahˇ Baˬshaˬ paw aˬ dui maꞈ daˆ leˇ-awˇ, sahˬ paˬ Awˇgaˆ aˬ dui maꞈ-ahˇ guiˇ deuˆ le-eu lehˇ aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ Eˬdiˇliˇ meuˬ dawˬ peh oe-euˬ meh.

Dawˬmehˬ 4:44

Miˬyehˇ-euˬ zahˇ dawˬ kʼoꞈ dawˬ hawˇ-eu mehˬ nehˬ tsoˆ nehˬ-euˬ jeˬ, Iˇsaˬleˬlaˆ tsawˇ haˬ deuˬ-ahˇ Moˇseˬ biꞈ nehˬ-euˬ meh.

1 Sahˬpaˬ 4:19

Uˇliˆ-euˬ aˬ li Geˬbeuˬ-aˬ, Aˬmoˬ sahˬ paˬ Siˇhoˬ hawˇ-eu Baˬshaˬ sahˬ paˬ Awˇgaˆ aˬ nyaꞈ neh uˆ lahˇ-euˬ miˇ kʼahˬ pyeuꞈ-eu Giˇlaˆ gahˬ kaˬ-ahˇ haw-eu pyaˆ-eu gʼaˬ geuꞈ-euˬ meh. Sahˬ paˬ sahˬ ma kʼoeˇ tseˇ nyiꞈ gʼaˬ uˬ taꞈ, miˇ kʼahˬ kʼahˬ lah ni kʼoeˇ taˆ haw-eu pyaˆ-eu tiˬ gʼaˬ paˇ bi jawˇ-euˬ meh.