Yawˇshuˆ 11:6 - Akha

⁶ Yawˇshuˆ-ahˇ Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ taˬ guˆ. Ni shawˬ nah heu yamˬ-ahˇ, Iˇsaˬleˬlaˆ tsawˇ jeuˬ gʼaˇ duˬ, aˬ yawꞈ maꞈ dawˬ tawˆ luꞈ-ahˇ ngaˇ sehꞈ ma. Naw maꞈ aˬ yawꞈ maꞈ-euˬ mahˬ deuˬ-ahˇ kuiˇ guˬ yuˇ-awˇ, aˬ yawꞈ maꞈ-euˬ mahˬ laˆ lawˬ deuˬ-ahˇ miˬ dzaˬ ya keuˬ dzeh meh.”

Yawˇshuˆ 11:6 Referans Kwoze

Yawˇshuˆ 10:8

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ maꞈ-ahˇ taˬ guˆ. Aˬ yawꞈ maꞈ-ahˇ nawˬ-euˬ aˬ laꞈ laꞈ kʼoeˇ ngaˇ a nehˬ taˬ-euˬ ma. Aˬ yawꞈ maꞈ tiˬ gʼaˬ-iˬ nawˬ-ahˇ guiˇ maˬ deuˆ gʼaˬ nya-a.”

2 Saˬmeuˬlaˆ 8:4

Mahˬ dziˬ luꞈ-eu yehˇ tiˬ heˇ shiꞈ yaˇ gʼaˬ hawˇ-eu, kuiˇ zoˬ cah-eu yehˇ nyiˬ muiˇ gʼaˬ-ahˇ Daˬbiˇ nyehꞈ mi-euˬ meh. Mahˬ laˆ lawˬ tiˬ yaˇ laˇ bi gʼeu-eu gʼaˇ duˬ loˬ-eu mahˬ deuˬ tehꞈ-ehˇ aˬ yawꞈ yuˇ-awˇ, dzeˇ-eu mahˬ dawˬ tawˆ luꞈ-ahˇ aˬ yawꞈ kuiˇ guˬ yuˇ-euˬ meh.

1 Saˬmeuˬlaˆ 11:9

“Ni shawˬ nah nah loˆ maˬ ceh laˇ mi naˆ-ehˇ ka kʼoꞈ laˇ ma lehˇ, naw maꞈ-euˬ tsawˇ haˬ deuˬ-ahˇ ehˇ nehˬ leˇ-awˬ” lehˇ, Jaˬbehˆ meuˬ-ahˇ neh oe-awˇ dawˬ tsaꞈ tsaꞈ le-euˬ tsawˇ haˬ kʼoeˇ deuˬ-ahˇ aˬ yawꞈ maꞈ ehˇ nehˬ-euˬ meh. Jaˬbehˆ meuˬ-ahˇ jawˇ-eu tsawˇ haˬ deuˬ dawˬ kʼoeˇ dawˬ-ahˇ ya gaˬ ngeh, laˬ kʼaˬ cehˇ dui dui-eu meh.

Yawˇshuˆ 11:9

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ kʼoeˇ deuˬ-ahˇ Yawˇshuˆ jahˇ nehˬ-euˬ meh. Aˬ yawꞈ maꞈ-euˬ mahˬ deuˬ-ahˇ kuiˇ guˬ yuˇ-awˇ, aˬ yawꞈ maꞈ-euˬ mahˬ laˆ lawˬ deuˬ-ahˇ miˬ dzaˬ keuˬ puiˆ dzeh-euˬ meh.

Hawˇseˬ 14:3

Aˬshuˇliˆ miˇ kʼahˬ nga maꞈ-ahˇ, ka kʼoꞈ nehˬ nya-eu maˬ ngeuˇ-a. Guiˇ deuˆ-eu dziˬ mahˬ kʼoeˇ deuˬ kʼawꞈ, nga maꞈ-ahˇ maˬ haw piˇ nya-a. Tahˬ pahˬ aˬ ma mawˇ kawˇ deuˬ-ahˇ, nga maꞈ-euˬ Miˬyehˇ ngeuˇ ma lehˇ, tiˬ jawˇ-iˬ maˬ paˇ kuˇ poˆ ma. Uˬ duˬ tahˬ shaˇ kʼaˇ maˬ za-ehˇ, shaˬ laˇ taˬ-euˬ tsawˇ haˬ deuˬ-ahˇ, Sahˬpaˬ Miˬyehˇ nawˇ ya mawˇ ngeh, gʼawˬ shaˬ gaˬ nehˬ laꞈ-eu meh” lehˇ, Miˬyehˇ-ahˇ guiˬ lahˬ shaˇ leˇ-awˬ.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 30:16

Naw maꞈ mahˬ paˬ yaw kawˇ dziˬ-awˇ, muiˇ-eu deuˬ-ahˇ cehˆ dzeuˇ-eu lehˇ leh jeh luꞈ meh. Maꞈ cehˆ-ehˇ maˬ gʼeh nya-eu miˇ neh, naw maꞈ mˇ-eu tsaˬ meh. Ehˇ kʼawꞈ, naw maꞈ-euˬ mahˬ yaw kawˇ ma lehˇ noeˬ kʼawꞈ, naw maꞈ-ahˇ teh-eu deuˬ kawˇ dzehˬ meh.

Dawqdaq 20:7

Aˬ da yaw sui yaw dawˇ, zaˬ oeˬ jeˬ biˇ guiˬ lahˬ.

Jaceuq 46:11

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 46:9

Miˇ tsaˬ kʼoeˇ taˆ guiˇ kʼaˇ deuˆ gaˇ aˬ yawꞈ laˆ naˬ-eu meh. Kaˆ hawˇ-eu gahˬ-ahˇ aˬ yawꞈ ngawˬ kʼehꞈ ngawˬ kʼoeˆ-awˇ, dehˬ daˬ duˬ-ahˇ miˬ dzaˬ dzah dzeh-eu meh.

2 Laˬsaˬbaˬ 20:16

Naw maꞈ-ahˇ daˇ-eu jeˬ maˬ ngeuˇ-a. Ni shawˬ nah Ziˇzaˆ gʼaˬ lahˇ-ahˇ neh aˬ yawꞈ maꞈ doˆ laˇ-eu nehˬ-ehˇ, aˬ yawꞈ maꞈ-ahˇ deuˆ-iˇ-awˬ. Yeˬyoeˬlaˇ bawˇ tsahˬ bawˇ dahˇ paw tahˬ leˇ-eu deh kʼawꞈ mehˬ dzaˬ-ahˇ, aˬ yawꞈ maꞈ-ahˇ naw maꞈ ya tahˬ puˬ tehꞈ-a.

Yawˇshuˆ 3:5

Iˇsaˬleˬlaˆ tsawˇ haˬ deuˬ-ahˇ Yawˇshuˆ ehˇ nehˬ-eu, “Yawˬ haˇ yawˬ ha laˆ muiˬ laˆ shawˇ-eu zahˇ jahˇ-awˬ. Aˬ jeˬ miˇ neh ehˇ naˇ, ni shawˬ nah Sahˬpaˬ Miˬyehˇ naw maꞈ-ahˇ kʼaˆ jeˬ-ehˇ gʼeh-eu jeˬ mˇ mehˬ nehˬ laꞈ tehꞈ-a.”

Dawˬmehˬ 7:16

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ laꞈ-ahˇ bi ahˇ le-euˬ tsawˇ jeuˬ dawˬ tawˆ luꞈ-ahˇ, naw maꞈ laˆ luˬ laˆ seˇ nehˬ-awˬ. Aˬ yawꞈ maꞈ-ahˇ gʼawˬ shaˬ taˬ gaˬ. Aˬ yawꞈ maꞈ-euˬ miˬyehˇ deuˬ-ahˇ uˬ duˬ taˬ tahˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, naw maꞈ-ahˇ lahˇ ju kʼmˇ gaˇ duˇ-eu meh.

Yawˇshuˆ 11:5

Sahˬ paˬ heu deuˬ dawˬ tawˆ luꞈ-euˬ guiˇ guiˇ maꞈ deuˬ gm leˇ-awˇ, Iˇsaˬleˬlaˆ tsawˇ jeuˬ-ahˇ guiˇ deuˆ-eu gʼaˇ duˬ, Meˬloˬ lawˇ gawˆ-ahˇ oe-awˇ, taˆ tsoˆ-awˇ jawˇ-euˬ meh.

Yawˇshuˆ 11:7

Kʼoeˇ naˇ, Yawˇshuˆ hawˇ-eu aˬ yawꞈ-euˬ tsawˇ haˬ deuˬ, tsawˇ haˬ kʼoeˇ deuˬ maˬ noeˬ-euˬ gaˇ, Meˬloˬ lawˇ gawˆ-ahˇ le-awˇ guiˇ deuˆ-euˬ meh.

Yaˇ kʼaˬ daˇ 7:9

Kʼoeˇ ngeh miˇ, Giˇdoˬ-ahˇ Sahˬpaˬ Miˬyehˇ dawˬ biꞈ-euˬ meh. “Tuˇ-awˬ, taˆ kʼoeˇ taˆ-ahˇ guiˇ deuˆ-iˇ-awˬ. Nawˬ-ahˇ ngaˇ bi gʼaˬ leˇ ma.

Yeˬsaˬgeˬlaˇ 39:9

Iˇsaˬleˬlaˆ meuˬ deuˬ laꞈ kʼoeˇ jawˇ-eu tsawˇ haˬ deuˬ doˆ le-awˇ, byehˇ dzeh taˬ-euˬ guiˇ deuˆ-eu keu ka deuˬ gʼoˆ-awˇ, miˬ dzaˬ geuꞈ tehꞈ-a. Dehˬ daˬ duˬ, kaˆ myaˬ, gahˬ hawˇ-eu, diˬ duˇ deuˬ aˬ yawꞈ maꞈ gʼoˆ uiˬ-awˇ miˬ dzaˬ geuꞈ ngeh, shiꞈ kʼoꞈ keuˆ ni doꞈ loꞈ tehꞈ-a.

Naˬhmˬ 2:13

Dawˬ tawˆ kʼoeˇ taˆ Sahˬpaˬ Miˬyehˇ, Niˇnaˬbeˬ-ahˇ heu loˇ ehˇ meh. “Mahˬ laˆ lawˬ deuˬ ngaˇ keuˬ dzeh-awˇ, yehˇ deuˬ guiˇ bi deuˆ sehꞈ jiˇ ma. Aˬ cawˬ-ahˇ nawˬ neh ceh geuꞈ-euˬ, yawˬ jeˬ na luꞈ ngaˇ yuˇ kʼoꞈ ma. Miˇ tsaˬ kʼoeˇ taˆ nawˇ baoˬ huiˬ-euˬ, kʼawˇ taꞈ kʼawˇ teˇ maˬ paˇ doˆ meh.”

2 Sahˬpaˬ 6:16

“Taˬ guˆ. Aˬ dui jawˇ paw jawˇ-eu deuˬ aˬ yawꞈ maꞈ myaˆ maˬ tseˇ myaˬ ma” lehˇ Eˇliˇshehˇ ehˇ-eu meh.

Jaceuq 46:10

“Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.