Yawˇshuˆ 11:21 - Akha

²¹ Kʼoeˇ ngeh yamˬ-ahˇ, gawˬ jawˬ gawˬ duˇ doe ni jaˆ-eu meuˬ deuˬ pyeuꞈ-eu Heˬbyoˬ meuˬ, Deˬbeuˬ meuˬ hawˇ-eu Aˬnaˬbaˆ meuˬ-ahˇ maˬ ehˇ, Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ gawˬ jawˬ gawˬ duˇ doe ni maˬ ehˇ, Yawˇshuˆ le-awˇ, kʼoeˇ gaˇ jawˇ-eu Aˬnaˬkaˆ lehˇ kuˇ-eu huiˬ dui goˇ dui dui-eu tsawˇ jeuˬ-ahˇ laˆ luˬ laˆ seˇ nehˬ-euˬ meh. Aˬ yawꞈ maꞈ hawˇ-eu aˬ yawꞈ maꞈ-euˬ meuˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni, Yawˇshuˆ neh laˆ luˬ laˆ seˇ nehˬ-euˬ meh.

Yawˇshuˆ 11:21 Referans Kwoze

Dawˬmehˬ 9:2

Aˬ yawꞈ maꞈ-euˬ meuˬ deuˬ huiˬ dui dui-awˇ, meuˬ meuˬ lahˇ kʼawꞈ mˬ-ahˇ tuˆ-eu meh.

Dawˬmehˬ 1:28

Aˬ jeˬ miˇ neh kʼoeˇ gaˇ le-eu ehˇ te. Nga maꞈ guˆ dui dui nya. Kʼoeˇ gaˇ jawˇ-eu tsawˇ haˬ deuˬ-aˬ, aˬ dui maꞈ naˆ maˬ tseˇ goˇ dzehˬ-awˇ, gʼaˬ kʼaˆ dzehˬ-eu uˬ taꞈ, mˬ-ahˇ tuˆ ni meuˬ meuˬ lahˇ gawˬ taˬ-euˬ meuˬ deuˬ laꞈ kʼoeˇ jawˇ-eu meh lehˇ, aˬ dui maꞈ neh bi kʼoeˬ sho haw leˇ-euˬ tsawˇ haˬ deuˬ tsaꞈ gaˬ le-euˬ maˬ ngeuˇ-a loˇ. Huiˬ dui goˇ dui dui-eu tsawˇ haˬ deuˬ-ahˇ aˬ yawꞈ maꞈ mawˇ yaꞈ-euˬ ma lehˇ ehˇ-eu maˬ ngeuˇ-a loˇ’ lehˇ naw maꞈ ehˇ-eu meh.

Panmaeq 6:2

Ngaˇ haw gʼeh ngeh, mahˬ mahˬ pyuˇ tiˬ mawˇ mawˇ-euˬ ma. Mahˬ dziˬ luꞈ-eu gʼaˬ kaˆ tiˬ kahˇ baꞈ luꞈ-awˇ, aˬ yawꞈ-ahˇ shuiˇ uˬ kʼoˆ biꞈ nehˬ-awˇ, gʼaˬ leˇ-euˬ tsawˇ haˬ loꞈ-ehˇ guiˇ deuˆ gʼaˬ-eu gʼaˇ duˬ mahˬ dziˬ-awˇ doˆ-iˇ-euˬ meh.

Aˬmoˆ 2:9

“Ehˇ kʼawꞈ, ngaˬ-euˬ tsawˇ haˬ deuˬ-oˇ, shuˬ liˇ aˇ bawˇ loꞈ-ehˇ goˇ-awˇ tsuiꞈ kaˆ aˇ bawˇ loꞈ-ehˇ deuˇ-eu Aˬmawˇliˆ tsawˇ haˬ deuˬ-ahˇ, naw maꞈ gʼaˇ duˬ ngaˇ laˆ luˬ laˆ seˇ nehˬ jiˇ-euˬ ma.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Yeˬlaˬmiˇ 3:23

Gawˬ duˇ uˬ du kʼaˇ ngeuˇ gaˇ lawˇ ciꞈ zaˬ deuˬ uˬ duˬ tahˬ-eu jeˬ, nga maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ nya. Iˇsaˬleˬlaˆ-ahˇ caw ba-euˬ jeˬ-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ neh doˆ le-eu tehꞈ meh.

Yaˇ kʼaˬ daˇ 1:20

Moˇseˬ neh dawˬ biꞈ taˬ-euˬ loꞈ-ehˇ, Gaˬlehˆ-ahˇ Heˬbyoˬ meuˬ biꞈ-euˬ meh. Meuˬ kʼoeˇ meuˬ laꞈ kʼoeˇ jawˇ-eu Aˬnaˬkaˆ-euˬ zaˬ deuˬ uˆ deuˬ pyeuꞈ-eu aˇ jeuˬ smˇ jeuˬ-ahˇ aˬ yawꞈ teh doˆ-euˬ meh.

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.

Dawˬmehˬ 2:21

Aˬ yawꞈ maꞈ-aˬ, Aˬnaˬkaˆ tsawˇ haˬ deuˬ loꞈ-ehˇ goˇ-eu meh. Tsawˇ haˬ behˇ-awˇ baoˬ huiˬ-eu tsawˇ jeuˬ pyeuꞈ-eu meh. Ehˇ kʼawꞈ, aˬ yawꞈ maꞈ-euˬ miˇ kʼahˬ laꞈ kʼoeˇ Aˬmoˬ tsawˇ haˬ deuˬ bi jawˇ-eu gʼaˇ duˬ, aˬ yawꞈ maꞈ-ahˇ Sahˬpaˬ Miˬyehˇ laˆ luˬ laˆ seˇ nehˬ-euˬ meh.

Bawˇtsahˬ 13:33

Aˬnaˬkaˆ-euˬ zaˬ deuˬ uˆ deuˬ pyeuꞈ-eu huiˬ dui goˇ dui dui-eu tsawˇ haˬ deuˬ-ahˇ kʼawꞈ nga maꞈ mawˇ yaꞈ-euˬ ma. Aˬ dui yawˬ haˇ yawˬ ha paˇ haw ngeh, nyehˇ bahˇ hui ni tehꞈ-ehˇ ahˇ gaˇ duˇ nya. Aˬ yawꞈ maꞈ aˬ dui-ahˇ paˇ haw law hawˇ kʼawꞈ, kʼoeˇ hui tehꞈ nga lehˇ duˇ tehꞈ-a.”