Yawˇshuˆ 10:41 - Akha

⁴¹ Laꞈ oˆ paw pyawˬ-ahˇ jaˆ-eu Kaˬdeˬshaˇbaˬneˬ meuˬ-ahˇ neh Goˬsheˬ gahˬ kaˬ dawˬ tawˆ luꞈ ahˇ leˇ-ehˇ, iˬ ma laˆ shaˆ lawˇ deh dawˬ peh Gaˬzaˬ meuˬ-ahˇ keuˆ ni maˬ ehˇ, laꞈ taˆ paw pyawˬ-ahˇ, Giˇbyoˬ meuˬ-ahˇ keuˆ ni maˬ ehˇ, Yawˇshuˆ guiˇ deuˆ keuˆ-euˬ meh.

Yawˇshuˆ 10:41 Referans Kwoze

Yawˇshuˆ 11:16

Gawˬ jawˬ gʼaˬ lawˬ deuˬ maˬ ehˇ, laꞈ oˆ pyawˬ hawˇ-eu laꞈ taˆ pyawˬ-ahˇ jaˆ-eu miˇ kʼahˬ maˬ ehˇ, Goˬsheˬ gahˬ kaˬ hawˇ-eu kʼoeˇ-euˬ laꞈ oˆ paw jaˆ-eu gui coˇ ni gʼeh-eu miˇ kʼahˬ maˬ ehˇ, Yawˇdaˬ deh kʼawꞈ maˬ ehˇ, miˇ kʼahˬ kʼahˬ lah ni Yawˇshuˆ deuˆ za-euˬ meh.

Yawˇshuˆ 15:51

Goˬsheˬ meuˬ, Hawˇloˬ meuˬ, Giˇloˬ meuˬ, heu tseˇ tiꞈ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

Dawˬmehˬ 9:23

Kʼoeˇ naˇ, aˬ yawꞈ neh naw maꞈ-ahˇ biꞈ-euˬ miˇ kʼahˬ-ahˇ jawˇ leˇ-awˬ lehˇ, Kaˬdeˬshaˇ Baˬneˬ lehˇ kuˇ-eu jawˇ duˬ-ahˇ neh naw maꞈ-ahˇ bi le ngeh kʼawꞈ, naw maꞈ aˬ yawꞈ-ahˇ puiˬ-euˬ meh.

Aˇ dahˬ 10:19

Kaˬnaˬ tsawˇ jeuˬ heu deuˬ-aˬ, Siˇdoˬ meuˬ-ahˇ neh laꞈ oˆ paw Gaˬzaˬ meuˬ dawˬ peh jaˆ-eu Geˬlawˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw, Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ heu deuˬ hawˇ-eu, Laˬshaˬ meuˬ dawˬ peh jaˆ-eu Zeˬbaiˬ meuˬ-ahˇ keuˆ ni maˬ ehˇ, jawˇ byah jiˇ-euˬ meh.

Gʼaˬkʼehˇ 8:26

SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ Piˇliˇpuˆ-ahˇ ehˇ-eu, “Lehˬ hmˬ-awˇ, laꞈ oˆ paw pyawˬ-ahˇ jaˆ-eu Yeˬluˇsaˬlehˬ meuˬ-ahˇ neh Gaˬzaˬ meuˬ-ahˇ iˇ-eu gaˇ ma kʼoeˇ kahˇ-ahˇ iˇ-awˬ.” (Gaˇ ma kʼoeˇ kahˇ nymˬ-mˇ maˬ paˇ cah ni byehˇ-euˬ meh.)

Zaˬkaˬliˇ 9:5

Kʼoeˇ loˇ pyeuꞈ laˇ-euˬ gaˇ mawˇ ngeh, Aˬshaˇgaˬloˇ meuˬ guˆ-iˇ-awˇ, Gaˬzaˬ meuˬ shaˬ zahˬ naꞈ leˇ-awˇ, Eˇkaˬloˬ meuˬ laˇ baˇ-iˇ-awˇ, noeˬ tmˬ-euˬ jeˬ byoˆ jiˇ tehꞈ-a. Gaˬzaˬ meuˬ sahˬ paˬ maˬ baw-ehˇ, Aˬshaˇgaˬloˇ byoˆ-iˇ tehꞈ-a.

1 Sahˬpaˬ 3:5

Kʼoeˇ ngeh miˇ aˬ yawꞈ yuꞈ maˆ maˆ-eu laꞈ kʼoeˇ, Sahˬpaˬ Miˬyehˇ aˬ yawꞈ jawˇ gaˇ doˆ le-awˇ, “Nawˇ ngaˬ-ahˇ aˬ geu jeˬ shaˇ mawꞈ te” lehˇ ehˇ le-euˬ meh.

1 Saˬmeuˬlaˆ 6:17

Piˇliˇtiˆ tsawˇ haˬ deuˬ-aˬ, Aˬshaˬdoˇ meuˬ, Gaˬzaˬ meuˬ, Aˬshaˇgaˬloˇ meuˬ, Gaˬdaˇ meuˬ hawˇ-eu, Eˇkaˬloˬ meuˬ heu ngaˬ meuˬ, tiˬ meuˬ-euˬ mawˇ kawˇ tiˬ kawˇ doˇ-ehˇ, aˬ yawꞈ maꞈ-euˬ iˬ baˇ aˇ poeˬ shuiˇ maˇ cuˬ maˇ lu mawˇ kawˇ ngaˬ hmˬ Sahˬpaˬ Miˬyehˇ-ahˇ biꞈ gʼeh-euˬ meh.

Yaˇ kʼaˬ daˇ 16:21

Piˇliˇtiˆ tsawˇ haˬ deuˬ aˬ yawꞈ-ahˇ paꞈ-awˇ, aˬ yawꞈ-euˬ myaˆ nuiˆ kʼeuꞈ doˆ nehˬ-euˬ meh. Aˬ yawꞈ maꞈ aˬ yawꞈ-ahˇ Gaˬzaˬ meuˬ-ahˇ sheuˬ gʼeh-awˇ, guiˬ shuiˇ aˇ caˆ bi daˬ-awˇ, paꞈ kuˆ laꞈ kʼoeˇ lo lehˬ bi lehˬ-euˬ meh.

Yaˇ kʼaˬ daˇ 16:1

Tiˬ nah-aˬ, Piˇliˇtiˆ tsawˇ haˬ-euˬ meuˬ pyeuꞈ-eu Gaˬzaˬ meuˬ-ahˇ Saˬsoˬ iˇ-awˇ, meh maˬ laˇ tiˬ gʼaˬ nehˬ-ehˇ yuꞈ taꞈ-euˬ meh.

Yawˇshuˆ 10:12

Aˬmawˇliˆ tsawˇ haˬ deuˬ kʼoeˇ taˆ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ bi gʼaˬ leˇ ngeh nah, Sahˬpaˬ Miˬyehˇ-ahˇ Yawˇshuˆ dawˬ ngehˬ cawˬ-euˬ meh. Iˇsaˬleˬlaˆ tsawˇ haˬ deuˬ mehˬ shi Yawˇshuˆ ehˇ-eu, “Nahˇ ma-oˇ, Giˇbyoˬ meuˬ kʼoeˇ taˆ naˬ-awˬ. Ba la-oˇ, Aiˬjaˬloˬ deh kʼawꞈ kʼoeˇ taˆ naˬ-awˬ.”

Yawˇshuˆ 10:2

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ gaˇ kawˆ kʼoeˇ ya gaˬ ngeh, guˆ dui dui-iˇ-euˬ meh. Aˬ jeˬ miˇ neh ehˇ naˇ, Giˇbyoˬ meuˬ-aˬ, sahˬ paˬ baw-eu meuˬ yawˬ meuˬ na luꞈ loꞈ-ehˇ huiˬ-eu meuˬ tiˬ meuˬ pyeuꞈ-eu uˬ taꞈ, Aˬiˇ meuˬ naˆ maˬ tseˇ huiˬ-awˇ, kʼoeˇ gaˇ jawˇ-eu tsawˇ haˬ deuˬ-aˬ, guiˇ deuˆ-eu yaw nya meh.

Bawˇtsahˬ 34:4

Kʼoeˇ gaˇ neh naˇ, Aˬkaˬlaˬbeˬ gʼaˬ lahˇ-ahˇ neh iˇ gʼeh-awˇ, Ziˇnaˆ bawˇ tsahˬ bawˇ dahˇ iˇ dzeuˇ-awˇ, Kaˬdeˬshaˇbaˬneˬ-ahˇ keuˆ ni meh. Kʼoeˇ gaˇ neh naˇ, nahˇ ma ga kʼehˬ paw pyawˬ-ehˇ laꞈ taˆ paw pyawˬ-ahˇ paˇ le gʼeh leꞈ-awˇ, Haˬzaˇaˬdaˇ le dzeuˇ-awˇ, Aˬzaˬmoˬ-ahˇ keuˆ ni iˇ gʼeh-eu meh.

Bawˇtsahˬ 32:8

Naw maꞈ-euˬ aˬ da deuˬ-ahˇ Kaˬdeˬshaˇbaˬneˬ-ahˇ neh miˇ kʼahˬ kʼoeˇ kʼahˬ-ahˇ ngaˇ bi kʼoeˬ sho haw leˇ ngeh, aˬ yawꞈ maꞈ kʼoeˇ loꞈ-ehˇ jahˇ-euˬ meh.

Bawˇtsahˬ 13:26

Paˬlaˬ bawˇ tsahˬ bawˇ dahˇ laꞈ kʼoeˇ, Kaˬdeˬshaˇ lehˇ kuˇ-eu jawˇ duˬ-ahˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ jawˇ gaˇ aˬ yawꞈ maꞈ gʼoꞈ keuˆ le-euˬ meh. Aˬ yawꞈ maꞈ neh kʼaˇ ya mawˇ yaꞈ-euˬ jeˬ gaˇ kawˆ dzawˇ mehˬ-awˇ, aˬ yawꞈ maꞈ neh yuˇ kʼoꞈ leꞈ-euˬ aˇ siˬ deuˬ kʼawꞈ, mehˬ nehˬ-euˬ meh.

Dawˬmehˬ 1:19

“Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ dui mˇ-euˬ ma. Siˇnaˆ gawˬ jawˬ-ahˇ neh aˬ dui maꞈ doˆ le-awˇ, Aˬmoˬ miˇ kʼahˬ gawˬ jawˬ gawˬ duˇ-ahˇ keuˆ ni, guˆ laˇ paˬ-ehˇ gʼeh-eu jeˇ dui dui-eu bawˇ tsahˬ bawˇ dahˇ laꞈ kʼoeˇ aˬ dui maꞈ cah-awˇ, Kaˬdeˬshaˇbaˬneˬ-ahˇ aˬ dui maꞈ laˇ keuˆ-euˬ ma.

Dawˬmehˬ 2:23

Gʼahˇ ceh-euˬ Iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ-ahˇ, Gaˬlaˬdeˬ iˇ jaw lahˇ-ahˇ neh oe-euˬ tsawˇ haˬ deuˬ jawˇ-eu meh. Yaw beh kʼoeˇ gaˇ jawˇ luꞈ-eu Aˬbymˬ tsawˇ jeuˬ-ahˇ aˬ yawꞈ maꞈ laˆ luˬ laˆ seˇ nehˬ-awˇ, tsawˇ jeuˬ kʼoeˇ jeuˬ-euˬ miˇ kʼahˬ dawˬ tawˆ luꞈ, laꞈ oˆ paw Gaˬzaˬ meuˬ-ahˇ keuˆ ni aˬ yawꞈ maꞈ jawˇ byah gʼeh-euˬ meh.)

Yawˇshuˆ 11:22

Iˇsaˬleˬlaˆ miˇ kʼahˬ laꞈ kʼoeˇ Aˬnaˬkaˆ tsawˇ jeuˬ tiˬ gʼaˬ-iˬ maˬ jawˇ ni pyeuꞈ-iˇ-euˬ meh. Ehˇ kʼawꞈ, Gaˬzaˬ meuˬ, Gaˬdaˇ meuˬ hawˇ-eu, Aˬshaˬdoˇ meuˬ-ahˇ ui cuiˆ na dzeˇ yaꞈ-euˬ meh.