Yawˇshuˆ 10:40 - Akha

⁴⁰ Miˇ kʼahˬ kʼoeˇ kʼahˬ kʼahˬ lah ni-ahˇ Yawˇshuˆ deuˆ gʼaˬ-euˬ meh. Gawˬ jawˬ gawˬ duˇ-ahˇ jawˇ-eu sahˬ paˬ deuˬ-ahˇ maˬ ehˇ, nahˇ ma doˆ kʼehˬ paw jaˆ-eu gawˬ jawˬ baˬ gʼa deuˬ-ahˇ jawˇ-eu sahˬ paˬ deuˬ-ahˇ maˬ ehˇ, nahˇ ma doˆ kʼehˬ paw jaˆ-eu deh ga deuˬ-ahˇ jawˇ-eu sahˬ paˬ deuˬ-ahˇ maˬ ehˇ, laꞈ oˆ paw pyawˬ-ahˇ, gui coˇ ni gʼeh-eu miˇ kʼahˬ-ahˇ jawˇ-eu sahˬ paˬ deuˬ-ahˇ maˬ ehˇ, aˬ yawꞈ deuˆ gʼaˬ-euˬ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ tiˬ gʼaˬ-iˬ maˬ bi dzeuˇ-iˇ ni aˬ yawꞈ sehꞈ-euˬ meh.

Yawˇshuˆ 10:40 Referans Kwoze

Jaceuq 9:17

Miˬyehˇ-ahˇbyehˇdzeh-euˬtsawˇjeuˬ, haiˬ-eu tsawˇhaˬkʼoeˇdeuˬdawˬtawˆ, shiˇ-eu miˇkʼahˬ-ahˇkeuˆtehꞈ-a.

1 Sahˬpaˬ 15:29

Aˬ yawꞈ sahˬ paˬ pyeuꞈ laˇ-euˬ nehˬ-ehˇ tiˬ poˆ tehꞈ-ehˇ, Yeˬyawˇbamˬ-euˬ miˬ sawˇ zaˬ dawˬ tawˆ luꞈ-ahˇ sehꞈ-euˬ meh. Shiˇloˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu aˬ yawꞈ-euˬ zaˬ kʼaˆ Aˬhiˇyaˬ-ahˇ Sahˬpaˬ Miˬyehˇ gʼoe-awˇ ehˇ taˬ-euˬ loꞈ-ehˇ, Yeˬyawˇbamˬ-euˬ miˬ sawˇ zaˬ dawˬ tawˆ luꞈ, tiˬ gʼaˬ-iˬ maˬ dzeuˇ-iˇ ni bi sehꞈ jiˇ-euˬ meh.

Yawˇshuˆ 10:37

Meuˬ kʼoeˇ meuˬ-ahˇ aˬ yawꞈ maꞈ deuˆ gʼaˬ-awˇ, meuˬ kʼoeˇ meuˬ-euˬ sahˬ paˬ hawˇ-eu kʼoeˇ gaˇ jawˇ-eu tsawˇ haˬ yawˬ gʼaˬ na luꞈ maˬ ehˇ, meuˬ kʼoeˇ meuˬ-euˬ dawˬ peh jaˆ-eu meuˬ deuˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ maˬ ehˇ, sehꞈ jiˇ-euˬ meh. Eˇgaˬloˬ meuˬ-ahˇ jahˇ nehˬ-euˬ loꞈ-ehˇ, meuˬ kʼoeˇ meuˬ-ahˇ kʼawꞈ, geuꞈ-eu jeˬ maˬ ahˇ gaˇ keuˆ ni YawˇShuˆ laˆ luˬ laˆ seˇ nehˬ-euˬ meh. Kʼoeˇ gaˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni sehꞈ jiˇ nehˬ-euˬ meh.

Yawˇshuˆ 10:35

Aˬ yawꞈ ngeh nah neh meuˬ kʼoeˇ meuˬ-ahˇ aˬ yawꞈ maꞈ deuˆ gʼaˬ-awˇ, Laˬkiˇshaˆ meuˬ-ahˇ jahˇ nehˬ yaꞈ-euˬ loꞈ-ehˇ, tiˬ gʼaˬ-iˬ maˬ bi dzeuˇ-iˇ ni sehꞈ-euˬ meh.

Yawˇshuˆ 9:24

Aˬ yawꞈ maꞈ ehˇ-eu, “Miˇ kʼahˬ heu kʼahˬ kʼahˬ lahˬ ni naw maꞈ-ahˇ biꞈ-awˇ, naw maꞈ laˇ uˇ-eu nehˬ-ehˇ miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ deuˬ-ahˇ sehꞈ-eu gʼaˇ duˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ yawꞈ-euˬ zaˬ kʼaˆ Moˇseˬ-ahˇ dawˬ biꞈ taˬ-euˬ aˬ diˇ aˬ maˇ ngeuˇ meh lehˇ nga maꞈ ya siˬ duˬ-euˬ miˇ neh, kʼoeˇ loꞈ-ehˇ mˇ-euˬ ma. Naw maꞈ-ahˇ nga maꞈ guˆ dui dui-awˇ, nga maꞈ ya shiˇ gaˇ kʼahˬ lahˇ-eu miˇ neh, kʼoeˇ loꞈ-ehˇ mˇ-euˬ ma.

Yawˇshuˆ 8:27

Sahˬpaˬ Miˬyehˇ neh Yawˇshuˆ-ahˇ ehˇ nehˬ-euˬ loꞈ-ehˇ, meuˬ laꞈ kʼoeˇ jaˆ-eu myawˬ gahˬ hawˇ-eu jeˬ zaˬ deuˬ-ahˇ Iˇsaˬleˬlaˆ tsawˇ haˬ deuˬ yuˇ geuꞈ-euˬ meh.

Yawˇshuˆ 8:2

Yeˬliˇkoˇ meuˬ hawˇ-eu Yeˬliˇkoˇ sahˬ paˬ-ahˇ nawˬ neh jahˇ nehˬ-euˬ loꞈ-ehˇ, Aˬiˇ meuˬ hawˇ-eu Aˬiˇ sahˬ paˬ-ahˇ jahˇ nehˬ-awˬ. Ehˇ kʼawꞈ, nymˬ-mˇ poˆ-aˬ, kʼoeˇ gaˇ jaˆ-eu myawˬ gahˬ deuˬ hawˇ-eu jeˬ zaˬ deuˬ naw maꞈ geuꞈ-awˬ. Meuˬ kʼoeˇ meuˬ-euˬ naˇ kʼah paw neh le-awˇ, maˬ noeˬ maˬ duˇ-ehˇ jawˇ gaˇ ja pyuˬ ni guiˇ deuˆ leˇ-eu gʼaˇ duˬ lehˬ hmˬ-awˬ.”

Yawˇshuˆ 6:17

Meuˬ hawˇ-eu meuˬ laꞈ kʼoeˇ kʼaˇ jaˆ-eu yawˬ jeˬ na luꞈ, Sahˬpaˬ Miˬyehˇ-ahˇ lawˇ nehˬ-eu jeˬ loꞈ-ehˇ sawˇ-awˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni ya laˆ luˬ ya laˆ seˇ nehˬ meh. Meh maˬ laˇ Laˬhaˇ hawˇ-eu aˬ yawꞈ-euˬ nymˇ jiˇ-ahˇ tehꞈ-ehˇ maˬ laˆ luˬ maˬ laˆ seˇ nehˬ ni ya taˬ nehˬ meh. Aˬ jeˬ miˇ neh ehˇ naˇ, aˬ dui neh bi kʼoeˬ sho haw leˇ-euˬ tsawˇ haˬ-ahˇ aˬ yawꞈ sheuˬ zaꞈ nehˬ-euˬ meh.

Dawˬmehˬ 7:24

Aˬ yawꞈ maꞈ-euˬ sahˬ paˬ naw maꞈ-euˬ laꞈ-ahˇ ahˇ le ni aˬ yawꞈ jahˇ tehꞈ-a. Sahˬpaˬ kʼoeˇ deuˬ-ahˇ naw maꞈ sehꞈ-awˇ, aˬ cawˬ aˬ yawꞈ maꞈ-ahˇ ya ngehˇ jiˇ gaˇ keuˆ tehꞈ-a. Tsawˇ haˬ tiˬ gʼaˬ-iˬ naw maꞈ-ahˇ maˬ laˆ tsoeˬ nya-eu uˬ taꞈ, yawˬ gʼaˬ na luꞈ-ahˇ naw maꞈ laˆ luˬ laˆ seˇ nehˬ tehꞈ-a.

Yawˇshuˆ 18:21

Beˬyaˬmiˬ tsawˇ jeuˬ deuˬ za-euˬ meuˬ deuˬ-aˬ, Yeˬliˇkoˇ meuˬ, Behˬhawˇgaˬlaˇ meuˬ, Eˬmehˇkeˬziˇ meuˬ,

Yawˇshuˆ 12:8

Gawˬ jawˬ gawˬ duˇ deuˬ maˬ ehˇ, nahˇ ma ga kʼehˬ paw jaˆ-eu gʼaˬ lawˬ deuˬ maˬ ehˇ, Yawˇdaˬ deh kʼawꞈ hawˇ-eu kʼoeˇ-euˬ gawˬ jawˬ dawˬ dahˬ deuˬ maˬ ehˇ, nahˇ ma doˆ kʼehˬ paw jaˆ-eu gawˬ jawˬ baˬ gʼa deuˬ maˬ ehˇ, laꞈ oˆ paw pyawˬ-ahˇ jaˆ-eu gui coˇ ni gʼeh-eu miˇ kʼahˬ maˬ ehˇ, miˇ kʼahˬ kʼoeˇ kʼahˬ laꞈ kʼoeˇ ahˇ-eu meh. Miˇ kʼahˬ kʼoeˇ kʼahˬ-aˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Kaˬnaˬ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu, Yeˬbuˇ tsawˇ jeuˬ deuˬ jawˇ-euˬ meh.

Dawˬmehˬ 1:7

Lehˬ hmˬ-awˇ mehˬ hu paw doˆ-iˇ-awˬ. Aˬmoˬ miˇ kʼahˬ gawˬ jawˬ gawˬ duˇ hawˇ-eu, kʼoeˇ-euˬ tahˬ gʼoꞈ tahˬ jawˇ jaˆ-eu gahˬ kaˬ pyeuꞈ-eu Yawˇdaˬ lawˇ baˬ deh kʼawꞈ-ahˇ maˬ ehˇ, gawˬ jawˬ gawˬ duˇ hawˇ-eu deh ga deuˬ-ahˇ maˬ ehˇ, laꞈ oˆ paw pyawˬ-ahˇ jaˆ-eu gahˬ kaˬ-ahˇ maˬ ehˇ, Gʼahˇ ceh-euˬ iˬ ma laˆ shaˆ lawˇ deh-ahˇ keuˆ ni maˬ ehˇ, naw maꞈ iˇ-awˬ. Kaˬnaˬ miˇ kʼahˬ-ahˇ maˬ ehˇ, Kaˬnaˬ miˇ kʼahˬ le dzeuˇ-awˇ jaˆ-eu Leˬbaˬnoˬ miˇ kʼahˬ gawˬ jawˬ deuˬ hawˇ-eu Uˇpaˬlaˇ lawˇ baˬ baˬ ma-ahˇ keuˆ ni maˬ ehˇ, iˇ gʼeh-awˬ.

Doˆ-iˇ 34:12

Naw maꞈ le uˇ-eu miˇ kʼahˬ laꞈ kʼoeˇ jawˇ-eu tsawˇ haˬ deuˬ nehˬ-ehˇ saˇ jaˇ taˬ dzaˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, naw maꞈ bi shiˇ-eu gʼaˇ duˬ lahˇ ju kʼmˇ gaˇ duˇ-eu meh.

Yawˇshuˆ 10:39

Meuˬ kʼoeˇ meuˬ hawˇ-eu, meuˬ kʼoeˇ meuˬ-euˬ sahˬ paˬ-ahˇ maˬ ehˇ, dawˬ peh jaˆ-eu meuˬ dawˬ tawˆ luꞈ-ahˇ maˬ ehˇ, aˬ yawꞈ deuˆ gʼaˬ-awˇ, kʼoeˇ gaˇ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ sehꞈ-euˬ meh. Heˬbyoˬ meuˬ-ahˇ maˬ ehˇ, Liˇbaˬnahˬ meuˬ hawˇ-eu Liˇbaˬnahˬ sahˬ paˬ-ahˇ maˬ ehˇ, aˬ yawꞈ neh jahˇ nehˬ-euˬ loꞈ-ehˇ, Deˬbeuˬ meuˬ hawˇ-eu Deˬbeuˬ sahˬ paˬ-ahˇ jahˇ nehˬ-euˬ meh.

Yawˇshuˆ 11:16

Gawˬ jawˬ gʼaˬ lawˬ deuˬ maˬ ehˇ, laꞈ oˆ pyawˬ hawˇ-eu laꞈ taˆ pyawˬ-ahˇ jaˆ-eu miˇ kʼahˬ maˬ ehˇ, Goˬsheˬ gahˬ kaˬ hawˇ-eu kʼoeˇ-euˬ laꞈ oˆ paw jaˆ-eu gui coˇ ni gʼeh-eu miˇ kʼahˬ maˬ ehˇ, Yawˇdaˬ deh kʼawꞈ maˬ ehˇ, miˇ kʼahˬ kʼahˬ lah ni Yawˇshuˆ deuˆ za-euˬ meh.

Bawˇtsahˬ 13:17

Tsawˇ haˬ kʼoeˇ deuˬ-ahˇ pyehˬ gʼeh ngeh, Moˇseˬ heu loꞈ-ehˇ tsaꞈ nehˬ-awˇ pyehˬ gʼeh-euˬ meh. “Heu gaˇ neh laꞈ taˆ paw le gʼeh leꞈ-awˇ, Kaˬnaˬ miˇ kʼahˬ laꞈ oˆ dzaˬ-ahˇ le uˇ-awˇ, gawˬ jawˬ gawˬ duˇ jaˆ-eu yaw goˇ paw paˇ daˆ leˇ-awˬ.

Dawˬmehˬ 2:34

Kʼoeˇ ngeh, meuˬ yawˬ meuˬ na luꞈ-ahˇ aˬ dui deuˆ gʼaˬ-eu laꞈ kʼoeˇ, laˆ luˬ laˆ seˇ nehˬ-awˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ maˬ ehˇ, tiˬ gʼaˬ-iˬ maˬ bi dzeuˇ-iˇ ni, dawˬ tawˆ luꞈ-ahˇ sehꞈ-euˬ ma.

Neˬhaˬmiˇ 9:24

Kaˬnaˬ miˇ kʼahˬ-ahˇ aˬ yawꞈ maꞈ deuˆ gʼaˬ-euˬ meh. kʼoeˇ gaˇ jawˇ-eu tsawˇ haˬ deuˬ-ahˇ nawˇ gʼaˬ-euˬ meh. Kaˬnaˬ sahˬ paˬ hawˇ-eu miˇ kʼahˬ zaˬ deuˬ kʼoeˇ taˆ, kʼaˇ jahˇ mawꞈ-eu jeˬ jahˇ nehˬ nya-eu baoˬ, nawˬ-euˬ tsawˇ haˬ deuˬ-ahˇ nawˇ biꞈ-euˬ meh.