Yawˇshuˆ 10:4 - Akha

⁴ “Ngaˇ jawˇ gaˇ oe-awˇ, Giˇbyoˬ meuˬ-ahˇ guiˇ deuˆ-iˇ gaˇ caw ba le-awˬ. Aˬ jeˬ miˇ neh ehˇ naˇ, kʼoeˇ gaˇ jawˇ-eu tsawˇ haˬ deuˬ, Yawˇshuˆ hawˇ-eu Iˇsaˬleˬlaˆ tsawˇ haˬ deuˬ nehˬ-ehˇ saˇ jaˇ dzaˬ-euˬ meh.”

Yawˇshuˆ 10:4 Referans Kwoze

Yawˇshuˆ 9:15

Giˇbyoˬ meuˬ-ahˇ jawˇ-eu tsawˇ haˬ deuˬ-ahˇ maˬ sehꞈ ni bi jawˇ-eu gʼaˇ duˬ, cawˬ cawˬ taꞈ-eu saˇ jaˇ Yawˇshuˆ dzaˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ kʼawꞈ, saˇ jaˇ ziꞈ ma lehˇ kamˬ-eu meh.

Yawˇshuˆ 10:1

Yeˬliˇkoˇ meuˬ hawˇ-eu Yeˬliˇkoˇ sahˬ paˬ-ahˇ jahˇ nehˬ-euˬ loꞈ-ehˇ, Aˬiˇ meuˬ-ahˇ kʼawꞈ Yawˇshuˆ deuˆ gʼaˬ-awˇ, geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-euˬ uˬ taꞈ, Aˬiˇ sahˬ paˬ-ahˇ kʼawꞈ sehꞈ-euˬ gaˇ kawˆ Yeˬluˇsaˬlehˬ sahˬ paˬ Aˬdoˬniˇzeˬdehˇ ya gaˬ-euˬ meh. Giˇbyoˬ meuˬ-ahˇ jawˇ-eu tsawˇ haˬ deuˬ kʼawꞈ, Iˇsaˬleˬlaˆ tsawˇ haˬ deuˬ nehˬ-ehˇ saˇ jaˇ dzaˬ-awˇ, aˬ yawꞈ maꞈ nehˬ-ehˇ jawˇ luꞈ-eu gaˇ kawˆ aˬ yawꞈ ya gaˬ-euˬ meh.

Panmaeq 16:14

Yaw sahˇ kʼoeˇ deuˬ-aˬ, zahˬ leˇ paˬ-ehˇ gʼeh-eu jeˬ mˇ mehˬ-eu nehꞈ kʼoeˇ deuˬ-euˬ yaw sahˇ pyeuꞈ-eu meh. Baoˬ huiˬ-eu Miˬyehˇ-euˬ Aˇnah-ahˇ guiˇ deuˆ-eu gʼaˇ duˬ, miˇ tsaˬ kʼoeˇ taˆ kʼaˇ jawˇ-eu sahˬ paˬ deuˬ kuˇ dzoeˇ-eu lehˇ yaw sahˇ kʼoeˇ smˬ sahˇ iˇ-euˬ meh.

1 Beˬtuˆluˆ 4:4

Ehˇ kʼawꞈ, Miˬyehˇ-ahˇ maˬ siˬ nya-eu tsawˇ haˬ kʼoeˇ deuˬ kʼaˇ dehꞈ mawꞈ-eu dehꞈ gaˇ nymˬ-mˇ naw maꞈ maˬ keuˬ leˇ-eu miˇ neh, aˬ yawꞈ maꞈ zahˬ leˇ-awˇ naw maꞈ-ahˇ yehˬ bawˬ sehˇ lu-ehˇ ehˇ-eu meh.

Yaˬkoˆ 4:4

Miˬyehˇ-ahˇ saˇ jaˇ maˬ ziꞈ-eu tsawˇ haˬ deuˬ-oˇ, miˇ tsaˬ heu-ahˇ cawˬ cawˬ taꞈ-eu jeˬ-aˬ, Miˬyehˇ-ahˇ muiˇ-eu jeˬ pyeuꞈ-eu meh lehˇ naw maꞈ maˬ siˬ nya te loˇ. Miˇ tsaˬ heu-ahˇ cawˬ kʼaˇ cawˬ taꞈ mawꞈ-eu tsawˇ haˬ-aˬ, Miˬyehˇ-ahˇ muiˇ-eu tsawˇ haˬ pyeuꞈ laˇ ni mˇ gaˇ duˇ-eu meh.

2 Tiˆmoˇseˬ 3:12

Yeˬsuˇ Ka li laꞈ kʼoeˇ Miˬyehˇ-ahˇ yaw zeu baw baw-ehˇ kʼaˇ dehꞈ-eu tsawˇ haˬ yawˬ gʼaˬ na luꞈ kʼehˬ-eu kʼaˆ-eu jeˬ-ahˇ ya daˬ tehꞈ-a.

Gʼaˬkʼehˇ 21:28

Aˬ yawꞈ maꞈ guˇ-awˇ ehˇ-eu, “Iˇsaˬleˬlaˆ tsawˇ haˬ deuˬ-oˇ, caw ba le-awˬ. Tsawˇ haˬ heu gʼaˬ yawˬ gaˇ na luꞈ iˇ doe-awˇ, Iˇsaˬleˬlaˆ tsawˇ haˬ maˬ ehˇ, Moˇseˬ-euˬ Zahˇ dawˬ kʼoꞈ dawˬ maˬ ehˇ, Uˬ duˬ tahˬ nymˇ nymˇ ma heu maˬ ehˇ, maˬ tsaˬ-a lehˇ mehˬ mehˬ-ehˇ cah-eu meh. Nymˬ-mˇ poˆ jawˇ-aˬ, Uˬ duˬ tahˬ nymˇ nymˇ ma laꞈ kʼoeˇ keuˆ ni aˬ cawˬ tsawˇ jeuˬ paˇ sheuˬ ahˇ laꞈ-awˇ, muiˬ-eu shawˇ-eu jawˇ duˬ-ahˇ laˆ jawꞈ laˇ-euˬ ngaˇ.”

Yoˇhaˬ 15:19

Naw maꞈ miˇ tsaˬ heu-ahˇ taꞈ naˇ, miˇ tsaˬ heu naw maꞈ-ahˇ aˬ yawꞈ-euˬ zaˬ loꞈ-ehˇ gaˬ tehꞈ-a. Ehˇ kʼawꞈ, miˇ tsaˬ heu-euˬ laꞈ kʼoeˇ neh naw maꞈ-ahˇ ngaˇ tseˇ doˆ gʼaˬ-euˬ ma. Miˇ tsaˬ heu-ahˇ naw maꞈ maˬ paˇ taꞈ meh. Kʼoeˇ miˇ neh, miˇ tsaˬ zaˬ deuˬ naw maꞈ-ahˇ muiˇ-eu meh.

Maꞈtehˬ 16:24

Kʼoeˇ naˇ, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Tsawˇ haˬ aˬ geu gʼaˬ maˬ kaˬ, ngaˬ-euˬ mehˬ nah caw teh laˇ mawꞈ naˇ, yawˬ ha-euˬ nui kʼahˇ ya byehˇ dzeh-eu uˬ taꞈ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah ya laˇ meh.

Yawˇshuˆ 10:5

Aˬmawˇliˆ sahˬ paˬ deuˬ pyeuꞈ-eu Yeˬluˇsaˬlehˬ sahˬ paˬ, Heˬbyoˬ sahˬ paˬ, Jaˬmuˆ sahˬ paˬ, Laˬkiˇshaˆ sahˬ paˬ hawˇ-eu, Eˇgaˬloˬ sahˬ paˬ heu ngaˬ gʼaˬ gm leˇ-awˇ, Giˇbyoˬ meuˬ-ahˇ jawˬ lahˇ-awˇ guiˇ deuˆ-euˬ meh.