Yawˇshuˆ 10:36 - Akha

³⁶ Kʼoeˇ naˇ, Yawˇshuˆ hawˇ-eu aˬ yawꞈ-euˬ guiˇ maꞈ deuˬ Eˇgaˬloˬ meuˬ-ahˇ neh luˆ-iˇ-awˇ, gawˬ jawˬ gawˬ duˇ paw le daˆ-awˇ, Heˬbyoˬ meuˬ-ahˇ deuˆ-euˬ meh.

Yawˇshuˆ 10:36 Referans Kwoze

Yaˇ kʼaˬ daˇ 1:10

Giˇliˇyaˆaˬbaˬ meuˬ lehˇ kuˇ-eu Heˬbyoˬ meuˬ-ahˇ jawˇ-eu Kaˬnaˬ tsawˇ haˬ deuˬ jawˇ gaˇ aˬ yawꞈ maꞈ le-awˇ, guiˇ deuˆ leˇ-euˬ meh. Sheˬshaiˇ aˇ jeuˬ, Aˬhiˇmaˬ aˇ jeuˬ hawˇ-eu, Taˬlaˬmehˇ aˇ jeuˬ-ahˇ, kʼoeˇ gaˇ aˬ yawꞈ maꞈ deuˆ gʼaˬ-euˬ meh.

Yawˇshuˆ 15:13

Yawˇshuˆ-ahˇ Sahˬpaˬ Miˬyehˇ dawˬ biꞈ nehˬ-euˬ loꞈ-ehˇ, Yuˇdaˆ tsawˇ jeuˬ Yeˬpuˬnehˇ-euˬ aˬ li Gaˬlehˆ-ahˇ Yuˇdaˆ miˇ kʼahˬ laꞈ kʼoeˇ jaˆ-eu Heˬbyoˬ meuˬ biꞈ-euˬ meh. Heˬbyoˬ meuˬ-aˬ, Aˬnaˬkaˆ-euˬ aˬ da Aˬbaˬ-euˬ meuˬ pyeuꞈ-eu meh.

Bawˇtsahˬ 13:22

Miˇ kʼahˬ kʼoeˇ kʼahˬ-euˬ laꞈ oˆ dzaˬ-ahˇ jeˬ huˬ le-awˇ, huiˬ dui goˇ dui dui-eu Aˬnaˬkaˆ tsawˇ jeuˬ-euˬ zaˬ deuˬ uˆ deuˬ pyeuꞈ-eu Aˬhiˇmaˬ aˇ jeuˬ, Sheˬshaiˇ aˇ jeuˬ hawˇ-eu Taˬlaˬmehˇ aˇ jeuˬ deuˬ jawˇ-eu Heˬbyoˬ meuˬ-ahˇ le keuˆ-euˬ meh. (Heˬbyoˬ meuˬ-aˬ, Iˇjiˇtuˆ miˇ kʼahˬ laꞈ kʼoeˇ jaˆ-eu Zoˇnaˆ meuˬ taꞈ-ehˇ shiꞈ kʼoꞈ huˬ-ehˇ teˬ taˬ-euˬmeuˬ pyeuꞈ-eu meh.)

1 Laˬsaˬbaˬ 12:23

Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, Sawˇluˆ-euˬ jawˇ duˬ-ahˇ Daˬbiˇ sahˬ paˬ pyeuꞈ laˇ ni, Daˬbiˇ Heˬbyoˬ meuˬ-ahˇ jawˇ luꞈ ngeh, yaw muiˬ paˬ-ehˇ dzaw nya taˬ-euˬ yehˇ gʼawˬ mya gʼaˬ aˬ yawꞈ-euˬ guiˇ maꞈ laꞈ kʼoeˇ uˇ laˇ-euˬ meh. Yehˇ kʼoeˇ deuˬ heu myaˆ ni byah-eu meh.

Yawˇshuˆ 21:13

Buˬ-iˇ law-iˇ-eu meuˬ tiˬ meuˬ pyeuꞈ-eu Heˬbyoˬ meuˬ uˬ taꞈ, meuˬ heu deuˬ kʼawꞈ, piˇ ma Aˬloˬ-euˬ zaˬ deuˬ uˆ deuˬ-ahˇ biˇ oꞈ nehˬ-euˬ meh. Liˇbaˬnahˬ meuˬ,

Yawˇshuˆ 15:54

Hmˇtahˬ meuˬ, Heˬbyoˬ meuˬ, Ziˇawˆ meuˬ, heu gʼoeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

Yawˇshuˆ 10:5

Aˬmawˇliˆ sahˬ paˬ deuˬ pyeuꞈ-eu Yeˬluˇsaˬlehˬ sahˬ paˬ, Heˬbyoˬ sahˬ paˬ, Jaˬmuˆ sahˬ paˬ, Laˬkiˇshaˆ sahˬ paˬ hawˇ-eu, Eˇgaˬloˬ sahˬ paˬ heu ngaˬ gʼaˬ gm leˇ-awˇ, Giˇbyoˬ meuˬ-ahˇ jawˬ lahˇ-awˇ guiˇ deuˆ-euˬ meh.

Yawˇshuˆ 10:3

Kʼoeˇ miˇ neh, Heˬbyoˬ sahˬ paˬ Hoˬhamˬ, Jaˬmuˆ sahˬ paˬ Piˇlamˬ, Laˬkiˇshaˆ sahˬ paˬ Jaˬpiˇyaˬ hawˇ-eu, Eˇgaˬloˬ sahˬ paˬ Deˬbeuˬ heu deuˬ jawˇ gaˇ sahˬ paˬ Aˬdoˬniˇzeˬdehˇ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh.

Aˇ dahˬ 13:18

Kʼoeˇ naˇ, Aˬbyaˬ luˆ-iˇ-awˇ, Heˬbyoˬ meuˬ dawˬ peh jaˆ-eu Mamˬliˬ aˇ bawˇ bawˇ yaˇ dawˬ peh sehˬ gʼawˆ gʼawˆ-awˇ jawˇ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ kʼoeˇ gaˇ aˬ yawꞈ tsoˆ-euˬ meh.

Yawˇshuˆ 10:35

Aˬ yawꞈ ngeh nah neh meuˬ kʼoeˇ meuˬ-ahˇ aˬ yawꞈ maꞈ deuˆ gʼaˬ-awˇ, Laˬkiˇshaˆ meuˬ-ahˇ jahˇ nehˬ yaꞈ-euˬ loꞈ-ehˇ, tiˬ gʼaˬ-iˬ maˬ bi dzeuˇ-iˇ ni sehꞈ-euˬ meh.

Yawˇshuˆ 10:37

Meuˬ kʼoeˇ meuˬ-ahˇ aˬ yawꞈ maꞈ deuˆ gʼaˬ-awˇ, meuˬ kʼoeˇ meuˬ-euˬ sahˬ paˬ hawˇ-eu kʼoeˇ gaˇ jawˇ-eu tsawˇ haˬ yawˬ gʼaˬ na luꞈ maˬ ehˇ, meuˬ kʼoeˇ meuˬ-euˬ dawˬ peh jaˆ-eu meuˬ deuˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ maˬ ehˇ, sehꞈ jiˇ-euˬ meh. Eˇgaˬloˬ meuˬ-ahˇ jahˇ nehˬ-euˬ loꞈ-ehˇ, meuˬ kʼoeˇ meuˬ-ahˇ kʼawꞈ, geuꞈ-eu jeˬ maˬ ahˇ gaˇ keuˆ ni YawˇShuˆ laˆ luˬ laˆ seˇ nehˬ-euˬ meh. Kʼoeˇ gaˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni sehꞈ jiˇ nehˬ-euˬ meh.

Yaˇ kʼaˬ daˇ 1:20

Moˇseˬ neh dawˬ biꞈ taˬ-euˬ loꞈ-ehˇ, Gaˬlehˆ-ahˇ Heˬbyoˬ meuˬ biꞈ-euˬ meh. Meuˬ kʼoeˇ meuˬ laꞈ kʼoeˇ jawˇ-eu Aˬnaˬkaˆ-euˬ zaˬ deuˬ uˆ deuˬ pyeuꞈ-eu aˇ jeuˬ smˇ jeuˬ-ahˇ aˬ yawꞈ teh doˆ-euˬ meh.

2 Laˬsaˬbaˬ 11:10

Zoˇlahˬ meuˬ, Aiˬjaˬloˬ meuˬ hawˇ-eu Heˬbyoˬ meuˬ heu deuˬ meh.