Yawˇshuˆ 10:32 - Akha

³² Guiˇ deuˆ-eu nyiˬ nah tiˬ nah keuˆ laˇ ngeh, Iˇsaˬleˬlaˆ tsawˇ haˬ deuˬ-ahˇ, Laˬkiˇshaˆ meuˬ kʼoeˇ taˆ Sahˬpaˬ Miˬyehˇ bi gʼaˬ leˇ-euˬ meh. Liˇbaˬnahˬ meuˬ-ahˇ aˬ yawꞈ maꞈ jahˇ nehˬ-euˬ loꞈ-ehˇ, meuˬ kʼoeˇ meuˬ laꞈ kʼoeˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni sehꞈ-euˬ meh.

Yawˇshuˆ 10:32 Referans Kwoze

Yawˇshuˆ 10:31

Kʼoeˇ naˇ, Yawˇshuˆ hawˇ-eu aˬ yawꞈ-euˬ guiˇ maꞈ Liˇbaˬnahˬ meuˬ-ahˇ neh luˆ-iˇ-awˇ, Laˬkiˇshaˆ meuˬ-ahˇ jawˬ lahˇ-awˇ deuˆ-euˬ meh.

Yawˇshuˆ 10:33

Laˬkiˇshaˆ meuˬ-ahˇ caw ba-eu lehˇ, Geˬzeuˬ sahˬ paˬ Hawˇlamˬ laˇ-euˬ meh. Ehˇ kʼawꞈ, aˬ yawꞈ hawˇ-eu aˬ yawꞈ-euˬ guiˇ maꞈ-ahˇ Yawˇshuˆ deuˆ gʼaˬ-awˇ, dawˬ tawˆ luꞈ-ahˇ sehꞈ jiˇ nehˬ-euˬ meh.

Iˇsaˬyaˇ 37:8

Aˬshuˇliˆ sahˬ paˬ Laˬkiˇshaˆ meuˬ-ahˇ byehˇ dzeh yaꞈ-awˇ, dawˬ peh jaˆ-eu Liˇbaˬnahˬ meuˬ-ahˇ guiˇ deuˆ luꞈ-eu gaˇ kawˆ, Aˬshuˇliˆ tsawˇ haˬ yaw huiˬ yaw mahˇ kʼoeˇ gʼaˬ ya siˬ-awˇ, sahˬ paˬ jawˇ gaˇ le-awˇ mehˬ bawˬ mˇ leˇ-euˬ meh.

Doˆ-iˇ 17:13

Kʼoeˇ loꞈ-ehˇ jahˇ-awˇ, Aˬmaˬlehˇ guiˇ maꞈ-ahˇ, Yawˇshuˆ guiˇ deuˆ gʼaˬ-euˬ meh.

Dawˬmehˬ 7:2

Tsawˇ jeuˬ kʼoeˇ deuˬ naw maꞈ-euˬ laꞈ-ahˇ ahˇ le ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-awˇ, aˬ yawꞈ maꞈ dawˬ tawˆ luꞈ-ahˇ naw maꞈ ya sehꞈ meh. Aˬ yawꞈ maꞈ nehˬ-ehˇ saˇ jaˇ taˬ dzaˬ.

Yawˇshuˆ 10:28

Kʼoeˇ ngeh nah, Maˬgeˬdaˬ meuˬ-ahˇ Yawˇshuˆ deuˆ-awˇ, meuˬ kʼoeˇ meuˬ-euˬ sahˬ paˬ-ahˇ nyehꞈ-euˬ meh. Meuˬ laꞈ kʼoeˇ kʼaˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni, yawˬ gʼaˬ na luꞈ-ahˇ sehꞈ-euˬ meh. Yeˬliˇkoˇ sahˬ paˬ-ahˇ jahˇ nehˬ-euˬ loꞈ-ehˇ, Maˬgeˬdaˬ sahˬ paˬ-ahˇ aˬ yawꞈ jahˇ nehˬ-euˬ meh.

Yawˇshuˆ 11:12

Sahˬpaˬ Miˬyehˇ-euˬ zaˬ kʼaˆ Moˇseˬ neh dawˬ biꞈ taˬ-euˬ loꞈ-ehˇ, meuˬ kʼoeˇ deuˬ hawˇ-eu sahˬ paˬ kʼoeˇ deuˬ dawˬ tawˆ luꞈ-ahˇ Yawˇshuˆ deuˆ gʼaˬ-awˇ, tsawˇ haˬ yawˬ gʼaˬ na luꞈ-ahˇ sehꞈ jiˇ nehˬ-euˬ meh.