Yawˇshuˆ 10:24 - Akha

²⁴ Sahˬ paˬ kʼoeˇ deuˬ-ahˇ Yawˇshuˆ jawˇ gaˇ sheuˬ keuˆ laꞈ ngeh, Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ kuˇ uiˬ-awˇ, aˬ yawꞈ nehˬ-ehˇ le-euˬ yaw huiˬ yaw mahˇ deuˬ-ahˇ, “Sahˬ paˬ teu deuˬ-euˬ kawˬ lahˇ-ahˇ aˬ kuiˇ neh nawˬ tehˬ-awˬ” lehˇ ehˇ nehˬ ngeh, aˬ yawꞈ maꞈ nawˬ tehˬ-euˬ meh.

Yawˇshuˆ 10:24 Referans Kwoze

Lormav 16:20

Aˬ dui nui saˇ oꞈ duˬ pyeuꞈ-eu Miˬyehˇ-aˬ, gʼawˬ myahˇ maˬ gʼeh-ehˇ nehꞈ Saˬdaˬ-ahˇ laˆ cawˆ-awˇ naw maꞈ-euˬ aˬ kuiˇ pehˬ zaˬ uˬ moˆ bi jawˇ tehꞈ-a. Aˬ dui-euˬ Sahˬpaˬ Yeˬsuˇ-euˬ guiˬ lahˬ yaw dzahˇ naw maꞈ kʼoeˇ taˆ jaˆ luꞈ-uˇ.

Maˬlaˬkiˇ 4:3

Ngaˇ luˆ laˇ ngeh nah, maˬ tsaˬ maˬ dawˇ-eu tsawˇ haˬ deuˬ-ahˇ naw maꞈ gʼaˬ leˇ-awˇ, aˬ yawꞈ maꞈ-aˬ, naw maꞈ-euˬ aˬ kuiˇ pehˬ zaˬ uˬ moˆ jaˆ-eu kʼaˬ lehˇ-ahˇ duˇ tehꞈ-a.

Jaceuq 110:5

Sahˬpaˬ Miˬyehˇ nawˬ-euˬ aˇ maˇ paw jawˇ-awˇ, aˬ yawꞈ nui ma pehˇ laˇ ngeh, miˇ kʼahˬ sahˬ paˬ deuˬ-ahˇ deuˆ gʼaˬ tehꞈ-a.

Jaceuq 110:1

Ngaˬ-euˬ sahˬ paˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-ahˇ muiˇ-eu deuˬ-ahˇ nawˇ aˬ kuiˇ neh nawˬ tehˬ nya ni ngaˇ jahˇ gʼaˬ ngeh keuˆ ni, ngaˬ-euˬ aˇ maˇ paw nuiˇ tawˬ-awˬ.”

Jaceuq 107:40

Aˬ yawꞈ maꞈ-ahˇ kʼehˬ-eu deuˬ-ahˇ aˬ yawꞈ bye-awˇ, kʼaˇ shuiꞈ deh ga ga ma laꞈ kʼoeˇ, iˇ tsaˬ laˇ tsaˬ maˬ siˬ ni bi shaˬ-euˬ meh.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.

Jaceuq 91:13

Aˇ laˬ jaˬ shiˇ hawˇ-eu aˇ lawˇ-ahˇ nawˇ tsawˬ nawˬ nawˬ tehꞈ-a. Guˆ laˇ paˬ-ehˇ gʼeh-eu aˇ laˬ jaˬ shiˇ hawˇ-eu doꞈ kʼaˆ-eu aˇ lawˇ-ahˇ, nawˇ kʼoeˇ loꞈ-ehˇ tsawˬ nawˬ nawˬ tehꞈ-a.

Jaceuq 18:40

Muiˇ-eu deuˬ-ahˇnawˇteh byaˆ-awˇ, ngaˬ-ahˇbye-eu tsawˇhaˬdeuˬ-ahˇ, ngaˇlaˆluˬlaˆseˇnehˬ-euˬma.

Yaˇ kʼaˬ daˇ 8:20

Kʼoeˇ naˇ, aˬ yawꞈ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Yeˬdeuˬ-ahˇ, “Aˬ yawꞈ nyaꞈ-ahˇ sehꞈ-awˬ” lehˇ aˬ yawꞈ ehˇ nehˬ-euˬ meh. Ehˇ kʼawꞈ, aˬ li kʼoeˇ li, zaˬ pyeuꞈ-eu miˇ neh, mi cehˇ maˬ gʼeu doˆ-ehˇ, guˆ-eu laꞈ kʼoeˇ nyi naˬ nyi naˬ-ehˇ jawˇ-euˬ meh.

HeˬByehˇ 1:13

‘Nawˇ aˬ kuiˇ bi cawˬ daˆ-eu lehˇ, nawˬ-euˬ aˬ kuiˇ pehˬ zaˬ uˬ moˆ, muiˇ-eu deuˬ ngaˇ sheuˬ taˬ ngeh keuˆ, ngaˬ-euˬ aˇ maˇ paw nuiˇ-awˬ’lehˇ, mˬ taˆ gʼaˬ kʼehˇ tiˬ gʼaˬ-ahˇ-iˬ, Miˬ yehˇ ehˇ nehˬ-euˬ maˬ jaˆ-a.”

2 Saˬmeuˬlaˆ 22:41

Muiˇ-eu deuˬ naˇ kʼahˇ ciꞈ pyawˇ-awˇ, cehˆ byaˆ jiˇ ni nawˇ jahˇ-euˬ meh. Ngaˬ-ahˇ bye-eu tsawˇ haˬ kʼoeˇ deuˬ, ngaˇ laˆ luˬ laˆ seˇ nehˬ-euˬ ma.

Iˇsaˬyaˇ 51:23

Naw maꞈ-ahˇ gaˇ ma doe ni bi ga-awˇ, kʼaˬ lehˇ-ahˇ nawˬ-eu loꞈ-ehˇ naw maꞈ kʼoeˇ taˆ nawˬ-awˇ cah-eu, naw maꞈ-ahˇ kʼehˬ-eu tsawˇ haˬ kʼoeˇ deuˬ-ahˇ, kʼmˬ maˬ kʼoeˇ ngaˇ ciˬ nehˬ-awˇ bi dawˇ ma.”

2 Saˬmeuˬlaˆ 22:39

Aˬ yawꞈ maꞈ-ahˇ dawꞈ lah nehˬ-awˇ, yaw kʼaˆ-ehˇ lehˬ naˇ nehˬ-euˬ ma. Aˬ yawꞈ maꞈ maˬ tuˇ laˇ coeˇ-ehˇ, ngaˬ-euˬ aˬ kuiˇ uˬ moˆ ga meh.