Yawˇshuˆ 10:16 - Akha

¹⁶ Aˬmawˇliˆ tsawˇ jeuˬ sahˬ paˬ kʼoeˇ ngaˬ gʼaˬ cehˆ buˬ-awˇ, Maˬgeˬdaˬ lo kʼahˬ laꞈ kʼoeˇ dzuˇ zaꞈ luꞈ-eu meh.

Yawˇshuˆ 10:16 Referans Kwoze

Panmaeq 6:15

Kʼoeˇ naˇ, miˇ kʼahˬ sahˬ paˬ deuˬ maˬ ehˇ, uˆ lahˇ-eu sahˬ paˬ sahˬ ma deuˬ maˬ ehˇ, guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ maˬ ehˇ, smˇ muiˬ muiˬ-awˇ baoˬ ahˇ-eu tsawˇ haˬ deuˬ maˬ ehˇ, nui deuˬ maˬ ehˇ, zaˬ kʼaˆ deuˬ hawˇ-eu zaˬ kʼaˆ maˬ ngeuˇ-eu deuˬ maˬ ehˇ, gawˬ jawˬ kʼoeˇ taˆ jaˆ-eu lo kʼahˬ lo guˇ doe ni cehˆ zaꞈ jiˇ-euˬ meh.

Miˇkaˬ 7:17

Aˇ lawˇ loꞈ-ehˇ kʼaˬ lehˇ tsahˬ-ahˇ aˬ yawꞈ maꞈ joe tehꞈ-a. Aˬ yawꞈ maꞈ guˆ-awˇ yaw dzuˬ dzuˬ-eu laꞈ kʼoeˇ, ziꞈ dah ni gʼeh-eu aˬ yawꞈ maꞈ-euˬ taˆ nymˇ laꞈ kʼoeˇ neh doˆ le tehꞈ-a. Aˬ yawꞈ maꞈ guˆ dui dui-eu laꞈ kʼoeˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ ahˇ tahˬ shaˇ laˇ tehꞈ-a.

Aˬmoˆ 9:2

Shiˇ-eu miˇ kʼahˬ paw, duˬ kʼahˬ kʼahˬ-awˇ uˇ byoˆ-iˇ kʼawꞈ, ngaˇ teh mi ma. Mˬ kʼoeˇ taˆ cehˆ daˆ-eu deuˬ-ahˇ kʼawꞈ, ngaˇ gʼeu ka ma.

1 Saˬmeuˬlaˆ 24:8

Daˬbiˇ gʼeh, Sawˇluˆ-euˬ mehˬ nah lo kʼahˬ laꞈ nyiˇ iˇ doˆ gʼeh-awˇ, “Ngaˬ-euˬ sahˬ paˬ-oˇ” lehˇ guˇ gaˬ nehˬ-euˬ meh. Sawˇluˆ naˇ kʼah paw gʼawˇ pyawˇ haw ngeh, Daˬbiˇ miˇ tsa awˆ byaˆ-awˇ yaw zeu baw nehˬ-euˬ meh.

1 Saˬmeuˬlaˆ 24:3

Gaˇ ma gaˇ dzeˇ jaˆ-eu yawˇ yawˇ kuˆ dawˬ peh lo kʼahˬ tiˬ kʼahˬ-ahˇ aˬ yawꞈ iˇ keuˆ-awˇ, lo kʼahˬ laꞈ kʼoeˇ uˇ leˇ-awˇ gʼaˬ doeˇ naˬ dah leˇ-euˬ meh. Aˬ yawꞈ gʼaˬ doeˇ naˬ dah leˇ-euˬ lo kʼahˬ kʼoeˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ dzuˇ zaꞈ luꞈ-eu lo kʼahˬ-ahˇ zaˬ leˇ-awˇ, lo kʼahˬ-euˬ laꞈ kʼoeˇ gʼawˬ mahˇ ni naꞈ gaˇ aˬ yawꞈ maꞈ dzuˇ zaꞈ luꞈ-eu meh.

1 Saˬmeuˬlaˆ 13:6

Kʼoeˇ naˇ, kʼaˆ dui dui-eu guiˇ maꞈ pyehˬ gʼeh-awˇ, Iˇsaˬleˬlaˆ tsawˇ haˬ deuˬ-ahˇ teh byaˆ jiˇ-euˬ meh. Iˇsaˬleˬlaˆ tsawˇ haˬ tiˬ paˆ na deuˬ-aˬ, lo kʼahˬ lo byoe doe ni maˬ ehˇ, lo guˇ uˬ gʼmˬ-ahˇ maˬ ehˇ, lo guˇ kʼahˬ naꞈ kʼaˇ jaˆ gaˇ maˬ ehˇ, dzuˇ zaꞈ luꞈ-eu meh.

Yaˇ kʼaˬ daˇ 6:2

Miˇdiˬyaˬ tsawˇ haˬ deuˬ-aˬ, Iˇsaˬleˬlaˆ tsawˇ haˬ deuˬ naˆ maˬ tseˇ kʼaˆ dzehˬ-eu miˇ neh, Iˇsaˬleˬlaˆ tsawˇ haˬ deuˬ, lo kʼahˬ deuˬ-ahˇ hawˇ-eu, gawˬ jawˬ gawˬ duˇ doe ni cehˆ yaꞈ-awˇ jawˇ-euˬ meh.

Yawˇshuˆ 10:5

Aˬmawˇliˆ sahˬ paˬ deuˬ pyeuꞈ-eu Yeˬluˇsaˬlehˬ sahˬ paˬ, Heˬbyoˬ sahˬ paˬ, Jaˬmuˆ sahˬ paˬ, Laˬkiˇshaˆ sahˬ paˬ hawˇ-eu, Eˇgaˬloˬ sahˬ paˬ heu ngaˬ gʼaˬ gm leˇ-awˇ, Giˇbyoˬ meuˬ-ahˇ jawˬ lahˇ-awˇ guiˇ deuˆ-euˬ meh.

Yawˇshuˆ 10:15

Kʼoeˇ naˇ, Yawˇshuˆ hawˇ-eu aˬ yawꞈ-euˬ guiˇ maꞈ deuˬ, Giˇlaˇgaˬlaˇ taˆ-ahˇ gʼoꞈ-iˇ-euˬ meh.

Yawˇshuˆ 10:17

Aˬ yawꞈ maꞈ dzuˇ zaꞈ luꞈ-eu aˬ cawˬ mawˇ-awˇ, Yawˇshuˆ-ahˇ ehˇ gaˬ laˇ-euˬ meh.

Jaceuq 68:12

Sahˬ paˬ deuˬ hawˇ-eu aˬ yawꞈ maꞈ-euˬ guiˇ maꞈ deuˬ cehˆ byaˆ luꞈ meh lehˇ ja gaˬ-eu meh. Iˇ kahˇ jawˇ-eu zaˬ miˬ zaˬ deuˬ, guiˇ deuˆ za-euˬ myawˬ gahˬ biˇ geuꞈ-eu meh.

Jaceuq 68:13

Aˬ dahˇ guiˇ nyiˬ ni shuiˇ yaw taˬ-awˇ, gʼawˇ mawˇ pyuˇ yaw taˬ-euˬ kʼaˬ kʼoeˬ mawˇ kawˇ deuˬ aˬ yawꞈ maꞈ biˇ geuꞈ-eu meh. (Aˬ jeˬ miˇ neh naw maꞈ tiˬ paˆ na deuˬ, aˬ cawˬ guiˇ deuˆ-eu tehˬ gʼa luꞈ ngeh, yawˇ kuˆ laꞈ kʼoeˇ jawˇ byoˆ yaꞈ te.)