Yawˇshuˆ 10:14 - Akha

¹⁴ Dzeuˇ laˇ-euˬ mehˬ nah paw maˬ ehˇ, aˬ kaˇ dehꞈ daˆ leꞈ-eu mehˬ hu paw maˬ ehˇ, tsawˇ haˬ zaˬ tiˬ gʼaˬ-euˬ ehˇ dawˬ-ahˇ Sahˬpaˬ Miˬyehˇ naˇ haˬ geuꞈ nehˬ-euˬ aˇ nah kʼoeˇ nah loꞈ-ehˇ gʼeh-eu aˇ nah tiˬ nah-iˬ maˬ jaˆ haw-aˬ. Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ paw pyawˬ-awˇ guiˇ deuˆ-euˬ meh.

Yawˇshuˆ 10:14 Referans Kwoze

Dawˬmehˬ 1:30

‘Tsawˇ haˬ kʼoeˇ deuˬ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ sheuˬ gʼeh-awˇ, Iˇjiˇtuˆ miˇ kʼahˬ laꞈ kʼoeˇ aˬ yawꞈ neh mˇ-euˬ gaˇ naw maꞈ ya mawˇ-euˬ loꞈ-ehˇ, tsawˇ haˬ kʼoeˇ deuˬ-ahˇ kʼawꞈ, naw maꞈ gʼaˇ duˬ aˬ yawꞈ guiˇ deuˆ tehꞈ-a.

Doˆ-iˇ 14:14

Naw maꞈ tiˬ jeˬ-iˬ jahˇ-eu maˬ loˬ-a. Naw maꞈ gʼaˇ duˬ Sahˬpaˬ Miˬyehˇ guiˇ deuˆ tehꞈ-a.”

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.

Yawˇshuˆ 23:3

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh, naw maꞈ gʼaˇ duˬ aˬ cawˬ tsawˇ jeuˬ heu deuˬ dawˬ tawˆ luꞈ-ahˇ jahˇ nehˬ-euˬ yawˬ jeˬ na luꞈ naw maꞈ ya mawˇ-euˬ meh. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ gʼaˇ duˬ guiˇ deuˆ-euˬ meh.

Luˇkaꞈ 17:6

Sahˬpaˬ Yeˬsuˇ ehˇ-eu, “Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, boeˬ dzaˇ aˇ bawˇ heu bawˇ-ahˇ, ‘Nawˬ-euˬ duˬ ciˇ dawˬ tawˆ luꞈ gʼawˇ doˆ gʼeh-awˇ, iˬ ma laˆ shaˆ-ahˇ dehꞈ-iˇ-awˬ’ lehˇ ehˇ nehˬ ngeh, boeˬ dzaˇ heu bawˇ naw maꞈ-euˬ dawˬ naˇ haˬ tehꞈ-a.

Iˇsaˬyaˇ 38:8

Sahˬ paˬ Aˬkaˆ neh jahˇ taˬ-euˬ dawˬ dzm dawˬ tehꞈ kʼoeˇ taˆ, dawˬ dzm dawˬ tehꞈ tseˇ tehꞈ-ahˇ keuˆ ni, naˇ kʼah paw jeˬ-ehˇ naˇ shmˇ shmˇ kʼoꞈ le ni Sahˬpaˬ Miˬyehˇ jahˇ tehꞈ-a.” Kʼoeˇ ngeh, dawˬ dzm dawˬ tehꞈ tseˇ tehꞈ-ahˇ keuˆ ni naˇ shmˇ shmˇ kʼoꞈ le-euˬ meh.

Yawˇshuˆ 10:15

Kʼoeˇ naˇ, Yawˇshuˆ hawˇ-eu aˬ yawꞈ-euˬ guiˇ maꞈ deuˬ, Giˇlaˇgaˬlaˇ taˆ-ahˇ gʼoꞈ-iˇ-euˬ meh.

Doˆ-iˇ 14:25

Aˬ yawꞈ maꞈ-euˬ mahˬ laˆ lawˬ aˇ beuˆ suꞈ-iˇ-awˇ, maˬ teh gahˇ nya ni bi pyeuꞈ-iˇ-euˬ meh. “Sahˬpaˬ Miˬyehˇ Iˇsaˬleˬlaˆ tsawˇ haˬ paw jawˇ-awˇ, aˬ dui-ahˇ guiˇ deuˆ luꞈ-eu nga. Aˬ dui maꞈ heu gaˇ neh doˆ-iˇ kaˇ-euˇ” lehˇ, Iˇjiˇtuˆ tsawˇ haˬ deuˬ ehˇ-eu meh.

Zaˬkaˬliˇ 14:3

Kʼoeˇ naˇ, Sahˬpaˬ Miˬyehˇ doˆ-iˇ-awˇ, aˇ hu ba guiˇ deuˆ haw-euˬ loꞈ-ehˇ, tsawˇ jeuˬ kʼoeˇ deuˬ-ahˇ guiˇ deuˆ tehꞈ-a.