Yawˇshuˆ 10:13 - Akha

¹³ Muiˇ-eu deuˬ-ahˇ Iˇsaˬleˬlaˆ tsawˇ haˬ deuˬ maˬ deuˆ gʼaˬ kʼoeˇ keuˆ ni, nahˇ ma hawˇ-eu ba la maˬ jiˆ-iˇ ni naˬ-euˬ meh. Jaˬshaˬ sahˬ boꞈ laꞈ kʼoeˇ gaˇ kawˆ kʼoeˇ boꞈ taˬ-euˬ meh. Tiˬ nah nah ga-ehˇ nahˇ ma maˬ ga ahˇ ni, mˬ-euˬ gʼahˇ ceh naˬ leˇ taˬ-awˇ jaˆ-euˬ meh.

Yawˇshuˆ 10:13 Referans Kwoze

Haˬbaˬkuˆ 3:11

Nawˬ-euˬ kaˆ myaˬ mˬ myawꞈ myawꞈ-awˇ, nawˬ-euˬ gahˬ naˇ guiˇ guiˇ laˇ gaˇ, ba la nahˇ ma naˬ leˇ-euˬ meh.

Iˇsaˬyaˇ 38:8

Sahˬ paˬ Aˬkaˆ neh jahˇ taˬ-euˬ dawˬ dzm dawˬ tehꞈ kʼoeˇ taˆ, dawˬ dzm dawˬ tehꞈ tseˇ tehꞈ-ahˇ keuˆ ni, naˇ kʼah paw jeˬ-ehˇ naˇ shmˇ shmˇ kʼoꞈ le ni Sahˬpaˬ Miˬyehˇ jahˇ tehꞈ-a.” Kʼoeˇ ngeh, dawˬ dzm dawˬ tehꞈ tseˇ tehꞈ-ahˇ keuˆ ni naˇ shmˇ shmˇ kʼoꞈ le-euˬ meh.

Yawˇshuˆ 10:14

Dzeuˇ laˇ-euˬ mehˬ nah paw maˬ ehˇ, aˬ kaˇ dehꞈ daˆ leꞈ-eu mehˬ hu paw maˬ ehˇ, tsawˇ haˬ zaˬ tiˬ gʼaˬ-euˬ ehˇ dawˬ-ahˇ Sahˬpaˬ Miˬyehˇ naˇ haˬ geuꞈ nehˬ-euˬ aˇ nah kʼoeˇ nah loꞈ-ehˇ gʼeh-eu aˇ nah tiˬ nah-iˬ maˬ jaˆ haw-aˬ. Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ paw pyawˬ-awˇ guiˇ deuˆ-euˬ meh.

Yaˇ kʼaˬ daˇ 16:28

Kʼoeˇ ngeh, Saˬsoˬ heu loꞈ-ehˇ guiˬ lahˬ shaˇ-euˬ meh. “Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-ahˇ taˬ ngehˇ nehˬ laꞈ. Miˬyehˇ-oˇ, ngaˬ-euˬ myaˆ nuiˆ nyiˬ nuiˆ luꞈ laˇ behꞈ nehˬ laꞈ-eu Piˇliˇtiˆ tsawˇ haˬ deuˬ-ahˇ heu tiˬ poˆ tehꞈ-ehˇ ngaˇ jahˇ kʼoꞈ nehˬ-eu gʼaˇ duˬ, ngaˬ-euˬ gʼaˬ kʼoeˇ deuˬ ngaˬ-ahˇ tiˬ poˆ paˇ biꞈ nehˬ laꞈ siˬ.”

Luˇkaꞈ 18:7

Toˆ-ehˇ ngeuˇ naˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ shaˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ-euˬ gʼaˇ duˬ, Miˬyehˇ yaˇ kʼaˬ maˬ daˇ nehˬ-aˇ loˇ. Aˬ yawꞈ nyi naˬ nyi naˬ-ehˇ jawˇ tehꞈ-a loˇ.

Yawˇlaˆ 3:15

Nahˇ ma ba la zahˇ tsui iˇ-awˇ, aˬ guiˇ yaw shehꞈ maˬ paˇ bya meh.

Yawˇlaˆ 2:10

Aˬ yawꞈ maꞈ mehˬ hu paw le ngeh, miˇ tsaˬ tahˬ kʼawˇ miˇ luˆ luˆ-awˇ, mˬ nyeh nyeh-ehˇ pyeuꞈ laˇ-eu meh. Nahˇ ma ba la zahˇ-iˇ jiˇ-awˇ, aˬ guiˇ yaw shehꞈ maˬ paˇ bya meh.

Jaceuq 148:3

Nahˇ ma ba la dawˬ tawˆ luꞈ aˬ yawꞈ-ahˇ ja ceuˬ-awˬ. Aˬ guiˇ kʼaˇ tsehˬ-eu dawˬ tawˆ luꞈ aˬ yawꞈ-ahˇ ja ceuˬ-awˬ.

Jaceuq 19:4

miˇkʼahˬdoe ni kʼawˇteˇdoˆ-awˇ, mˬdzeˇmiˇdzeˇ gaˬkeuˆ-eu meh. Nahˇma mˬtaˆbi jawˇ-eu lehˇ, Miˬyehˇneh nymˇtsoˆnehˬ-euˬmeh.

Iˇsaˬtaˆ 8:13

Aˇ nah kʼoeˇ nah keuˆ laˇ ngeh, aˬ yawꞈ maꞈ-ahˇ sehꞈ laˇ-eu tsawˇ haˬ deuˬ-ahˇ deuˆ ceh ceh-eu gʼaˇ duˬ, Yuˇdaˆ tsawˇ haˬ deuˬ lehˬ hmˬ dah taˬ nya ni, sahˬ boꞈ kʼoeˇ taꞈ-ahˇ zahˇ dawˬ kʼoꞈ dawˬ tiˬ hmˬ loꞈ-ehˇ ya bi tsaꞈ gaˬ-awˇ, miˇ kʼahˬ yawˬ kʼahˬ na luꞈ-ahˇ jawˇ-eu tsawˇ haˬ yawˬ gʼaˬ na luꞈ-ahˇ ya bi gaˬ doe-iˇ meh.”

2 Saˬmeuˬlaˆ 1:18

Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ caˇ dawˬ heu bymˇ caˇ nya laˇ ni ya mehˬ nehˬ meh lehˇ aˬ yawꞈ ehˇ-eu meh. (Jaˬshaˬ sahˬ boꞈ laꞈ kʼoeˇ, caˇ dawˬ heu bymˇ boꞈ ahˇ taˬ-euˬ meh.)

Iˇsaˬyaˇ 24:23

Baoˬ huiˬ-eu Sahˬpaˬ Miˬyehˇ uˆ lahˇ-eu miˇ neh, ba la yaw zahˇ zahˇ iˇ-awˇ, nahˇ ma yaw shehꞈ maˬ bya-ehˇ pyeuꞈ-iˇ tehꞈ-a. Ziˇoˬ gawˬ jawˬ-ahˇ aˬ yawꞈ maꞈ nuiˇ-awˇ, Yeˬluˇsaˬlehˬ meuˬ-ahˇ uˆ lahˇ ngeh jawˇ, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-euˬ yaw shehꞈ kʼahˬ sehˇ ya mawˇ tehꞈ-a.

Yaˇ kʼaˬ daˇ 5:2

Sahˬpaˬ Miˬyehˇ-ahˇ ja ceuˬ-awˬ. Iˇsaˬleˬlaˆ tsawˇ haˬ deuˬ guiˇ deuˆ-eu noeˬ tsehˆ taˬ-awˇ, Nui ma keuˆ-eu laꞈ kʼoeˇ deuˆ-euˬ meh.

Yawˇshuˆ 10:11

Iˇsaˬleˬlaˆ tsawˇ haˬ deuˬ-euˬ mehˬ shi Aˬmawˇliˆ tsawˇ haˬ deuˬ gʼaˬ lahˇ caw caw-ehˇ cehˆ ka gʼeh ngeh, Aˬzeˬkaˬ meuˬ-ahˇ keuˆ ni, huiˬ dui dui-eu uˬ yehˇ aˇ siˬ aˬ yawꞈ maꞈ kʼoeˇ taˆ bi ga deh-euˬ meh. Iˇsaˬleˬlaˆ tsawˇ haˬ deuˬ neh sehꞈ-euˬ naˆ maˬ tseˇ, uˬ yehˇ aˇ siˬ bi ga deh-awˇ shiˇ-euˬ myaˬ dzehˬ-eu meh.

Bawˇtsahˬ 31:2

“Naw maꞈ-ahˇ miˬyehˇ nui gʼaˬ-ahˇ uˬ duˬ tahˬ ni jahˇ nehˬ laꞈ-euˬ Miˇdiˬyaˬ tsawˇ haˬ deuˬ-ahˇ kʼehˬ nehˬ-awˬ. Kʼoeˇ loꞈ-ehˇ jahˇ kʼoꞈ nehˬ gʼaˬ naˇ, nawˇ ya shiˇ-eu aˇ nah aˇ yamˬ keuˆ le tehꞈ-a.”

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.

Panmaeq 8:12

Kʼoeˇ naˇ, mˬ taˆ gʼaˬ kʼehˇ oeˬ gʼaˬ tiˬ gʼaˬ daˇ heh baw ngeh, nahˇ ma smˬ paˆ tiˬ paˆ, ba la smˬ paˆ tiˬ paˆ hawˇ-eu, aˬ guiˇ smˬ bymˇ tiˬ bymˇ-ahˇ zaw leˇ-awˇ, nahˇ ma, ba la , aˬ guiˇ kʼoeˇ deuˬ-euˬ yaw shehꞈ smˬ bymˇ tiˬ bymˇ teˬ-iˇ-euˬ meh. Nah gʼahˇ smˬ bymˇ tiˬ bymˇ hawˇ-eu, uˬ ciꞈ smˬ bymˇ tiˬ bymˇ yaw bya maˬ bya ni pyeuꞈ-iˇ-euˬ meh.

Panmaeq 6:12

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ shiꞈ hmˬ tiˬ hmˬ-ahˇ ngawˬ paˆ gaˇ ngaˇ mawˇ-euˬ ma. Kʼoeˇ ngeh, miˇ luˆ luˆ dui dui laˇ-awˇ ‘nahˇ ma myahˬ naˆ-euˬ saˬ paˇ loꞈ-ehˇ zahˇ-iˇ-awˇ, ba la shiˬ loꞈ-ehˇ neˇ laˇ-euˬ meh.

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.

Gʼaˬkʼehˇ 2:20

Yaw shehꞈ kʼahˬ sehˇ huiˬ dui dui-eu, SahˬpaˬMiˬyehˇ-euˬ aˇ nah kʼoeˇ, miˇ kʼoeˇ taˆ maˬ keuˆ le nmˇ kaˬ, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Bawˇtsahˬ 21:14

Kʼoeˇ miˇ neh, Sahˬpaˬ Miˬyehˇ-euˬ Guiˇ deuˆ-eu Sahˬ boꞈ laꞈ kʼoeˇ, Suˇpahˇ gahˬ kaˬ-ahˇ jaˆ-eu Gʼaˬhehˇbaˬ meuˬ hawˇ-eu deh kʼawꞈ deuˬ maˬ ehˇ, Aˬnoˬ lawˇ baˬ hawˇ-eu deh kʼawꞈ deuˬ maˬ ehˇ,

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Yawˇlaˆ 2:31

Guˆ dui dui laˇ paˬ-ehˇ gʼeh-eu, Sahˬpaˬ Miˬyehˇ-euˬ Aˇ nah kʼoeˇ, keuˆ le-eu lehˇ gʼeh-eu mehˬ hu, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

2 Sahˬpaˬ 20:10

Heˬsaˬgiˇ ehˇ-eu, “Naˇ shmˇ-ahˇ mehˬ hu paw shiꞈ tehꞈ bi iˇ-euˬ-aˬ, yaw awˬ tehꞈ-a. Naˇ kʼah paw shiꞈ tehꞈ bi gʼoꞈ laˇ-awˬ.”

Yawˇbaˆ 9:7

Nahˇ ma maˬ bi doˆ laˇ ni aˬ yawꞈ laˆ naˬ nya-awˇ, uˬ ciꞈ paw aˬ guiˇ maˬ bi tsehˬ ni jahˇ nya-eu meh.