Yawˇshuˆ 10:12 - Akha

¹² Aˬmawˇliˆ tsawˇ haˬ deuˬ kʼoeˇ taˆ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ bi gʼaˬ leˇ ngeh nah, Sahˬpaˬ Miˬyehˇ-ahˇ Yawˇshuˆ dawˬ ngehˬ cawˬ-euˬ meh. Iˇsaˬleˬlaˆ tsawˇ haˬ deuˬ mehˬ shi Yawˇshuˆ ehˇ-eu, “Nahˇ ma-oˇ, Giˇbyoˬ meuˬ kʼoeˇ taˆ naˬ-awˬ. Ba la-oˇ, Aiˬjaˬloˬ deh kʼawꞈ kʼoeˇ taˆ naˬ-awˬ.”

Yawˇshuˆ 10:12 Referans Kwoze

Haˬbaˬkuˆ 3:11

Nawˬ-euˬ kaˆ myaˬ mˬ myawꞈ myawꞈ-awˇ, nawˬ-euˬ gahˬ naˇ guiˇ guiˇ laˇ gaˇ, ba la nahˇ ma naˬ leˇ-euˬ meh.

Iˇsaˬyaˇ 38:8

Sahˬ paˬ Aˬkaˆ neh jahˇ taˬ-euˬ dawˬ dzm dawˬ tehꞈ kʼoeˇ taˆ, dawˬ dzm dawˬ tehꞈ tseˇ tehꞈ-ahˇ keuˆ ni, naˇ kʼah paw jeˬ-ehˇ naˇ shmˇ shmˇ kʼoꞈ le ni Sahˬpaˬ Miˬyehˇ jahˇ tehꞈ-a.” Kʼoeˇ ngeh, dawˬ dzm dawˬ tehꞈ tseˇ tehꞈ-ahˇ keuˆ ni naˇ shmˇ shmˇ kʼoꞈ le-euˬ meh.

Iˇsaˬyaˇ 60:20

Shaˬ zahˬ naꞈ-eu nawˬ-euˬ aˇ nah aˇ yamˬ dzeuˇ-awˇ, Sahˬpaˬ Miˬyehˇ pyeuꞈ-eu ngaˇ-aˬ, mˬ maˬ maˬ byaˆ zaˇ ziˇ nawˬ-euˬ yaw shehꞈ pyeuꞈ-awˇ, nahˇ ma hawˇ-eu ba la maˬ tseˇ gmˬ ma.

Iˇsaˬyaˇ 28:21

Sahˬpaˬ Miˬyehˇ aˬ yawꞈ-euˬ nui kʼahˇ byah laˇ ni, Peˬlaˬzmˬ gawˬ jawˬ hawˇ-eu Giˇbyoˬ deh kʼawꞈ-ahˇ deuˆ-euˬ loꞈ-ehˇ, aˬ yawꞈ guiˇ paˇ deuˆ-awˇ, maˬ noeˬ miˇ coeˇ gaˇ keuˆ ni mˇ keuˆ-awˇ, maˬ noeˬ doˆ coeˇ-eu jeˬ mˇ byah tehꞈ-a.

Jaceuq 19:4

miˇkʼahˬdoe ni kʼawˇteˇdoˆ-awˇ, mˬdzeˇmiˇdzeˇ gaˬkeuˆ-eu meh. Nahˇma mˬtaˆbi jawˇ-eu lehˇ, Miˬyehˇneh nymˇtsoˆnehˬ-euˬmeh.

Yawˇshuˆ 10:13

Muiˇ-eu deuˬ-ahˇ Iˇsaˬleˬlaˆ tsawˇ haˬ deuˬ maˬ deuˆ gʼaˬ kʼoeˇ keuˆ ni, nahˇ ma hawˇ-eu ba la maˬ jiˆ-iˇ ni naˬ-euˬ meh. Jaˬshaˬ sahˬ boꞈ laꞈ kʼoeˇ gaˇ kawˆ kʼoeˇ boꞈ taˬ-euˬ meh. Tiˬ nah nah ga-ehˇ nahˇ ma maˬ ga ahˇ ni, mˬ-euˬ gʼahˇ ceh naˬ leˇ taˬ-awˇ jaˆ-euˬ meh.

Jaceuq 148:3

Nahˇ ma ba la dawˬ tawˆ luꞈ aˬ yawꞈ-ahˇ ja ceuˬ-awˬ. Aˬ guiˇ kʼaˇ tsehˬ-eu dawˬ tawˆ luꞈ aˬ yawꞈ-ahˇ ja ceuˬ-awˬ.

Yawˇbaˆ 9:7

Nahˇ ma maˬ bi doˆ laˇ ni aˬ yawꞈ laˆ naˬ nya-awˇ, uˬ ciꞈ paw aˬ guiˇ maˬ bi tsehˬ ni jahˇ nya-eu meh.

Dawˬmehˬ 4:19

Muˇ juˇ juˇ-eu mehˬ nah caw teh-awˇ, mˬ kʼoeˇ taˆ ya mawˇ-eu nahˇ ma, ba la hawˇ-eu aˬ guiˇ deuˬ-ahˇ uˬ duˬ maˬ ya tahˬ ni yahˇ-awˬ. Kʼoeˇ deuˬ-aˬ, aˬ cawˬ tsawˇ jeuˬ deuˬ uˬ duˬ bi tahˬ-eu lehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ taˬ-euˬ jeˬ pyeuꞈ-eu meh.

Zaˬkaˬliˇ 2:13

Tsawˇ haˬ yawˬ gʼaˬ na luꞈ Sahˬpaˬ Miˬyehˇ mehˬ shi ciˬ cuˇ ni jawˇ-awˬ. Aˬ jeˬ miˇ neh ehˇ naˇ, aˬ yawꞈ-euˬ muiˬ-eu shawˇ-eu jawˇ duˬ-ahˇ neh aˬ yawꞈ luˆ laˇ-awˇ oe luꞈ meh.

Haˬbaˬkuˆ 2:20

Ehˇ kʼawꞈ huiˬ-eu Sahˬpaˬ Miˬyehˇ, yawꞈ-euˬ muiˬ-eu nymˇ shawˇ pyeuꞈ-eu, Uˬ duˬ tahˬ nymˇ laꞈ kʼoeˇ jawˇ meh. Miˇ tsaˬ zaˬ yawˬ gʼaˬ yawˬ na luꞈ, aˬ yawꞈ mehˬ shi ciˬ cuˇ jawˇ-awˬ.

Jaceuq 74:16

Nah hawˇ-eu miˇ-ahˇ nawˬ neh beh-awˇ, nahˇ ma hawˇ-eu ba la-ahˇ nawˇ ciꞈ tsaˬ taˬ-euˬ meh.

Yawˇshuˆ 19:42

Shaˬlaˬbeˬ meuˬ, Aiˬjaˬloˬ meuˬ, Iˇdaˬlahˬ meuˬ,

Aˬmoˆ 8:9

Nah loˆ ceh ngeh nahˇ ma ga ahˇ-awˇ, nah gʼahˇ nah gaˆ-ahˇ zahˇ tsui ni ngaˇ bi pyeuꞈ laˇ-eu aˇ yamˬ peh le luꞈ meh lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yaˇ kʼaˬ daˇ 12:12

Kʼoeˇ naˇ, aˬ yawꞈ shiˇ-awˇ, Zeˬbuˬluˬ miˇ kʼahˬ Aiˬjaˬloˬ meuˬ-ahˇ aˬ yawꞈ-ahˇ baꞈ pahˬ-euˬ meh.

Yaˇ kʼaˬ daˇ 5:20

Mˬ kʼoeˇ taˆ cah luꞈ-eu aˬ guiˇ deuˬ, Siˇseˬlaˇ-ahˇ guiˇ deuˆ-euˬ meh.

1 Saˬmeuˬlaˆ 14:31

Kʼoeˇ ngeh nah, Miˇkaˬmaˆ meuˬ-ahˇ neh Aiˬjaˬloˬ meuˬ-ahˇ keuˆ ni guiˇ deuˆ keuˆ-awˇ, Iˇsaˬleˬlaˆ tsawˇ haˬ deuˬ neh Piˇliˇtiˆ tsawˇ haˬ deuˬ-ahˇ deuˆ gʼaˬ-euˬ meh. Kʼoeˇ ngeh, Iˇsaˬleˬlaˆ tsawˇ haˬ deuˬ hawˬ mehꞈ mehꞈ dui dui-awˇ, gʼaˬ baˬ laˇ taˬ-euˬ meh.

2 Saˬmeuˬlaˆ 2:12

Aˬbaˬnaˬ hawˇ-eu Iˇshaˬbawˇshehˆ-euˬ gaˇ mˇ-eu yaw huiˬ yaw mahˇ deuˬ, Maˬhaˬneˬ meuˬ-ahˇ neh Giˇbyoˬ meuˬ-ahˇ iˇ-euˬ meh.

2 Sahˬpaˬ 20:11

Iˇsaˬyaˇ Sahˬpaˬ Miˬyehˇ-ahˇ guiˬ lahˬ shaˇ ngeh, sahˬ paˬ Aˬkaˆ neh tsoˆ taˬ-euˬ dawˬ dzm kʼoeˇ taˆ, naˇ shmˇ kʼoeˇ naˇ kʼah paw shiꞈ tehꞈ jiˆ gʼoꞈ laˇ ni Sahˬpaˬ Miˬyehˇ jahˇ nehˬ-euˬ meh.

Yeˬlaˬmiˇ 28:1

Zeˬdaˬkiˇ sahˬ paˬ geuꞈ luꞈ-eu oeˬ kʼoꞈ aˬ yawꞈ kʼoꞈ, ba la yaw beh siˬ-ahˇ, Giˇbyoˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu, Aˬzuˆ-euˬ aˬ li Haˬnaˬniˇyaˆ-aˬ, Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ dawˬ ngehˬ cawˬ laˇ-euˬ meh. Piˇ ma deuˬ hawˇ-eu tsawˇ haˬ gʼawˬ mya ni jawˇ-eu mehˬ shi aˬ yawꞈ ngaˬ-ahˇ heu loꞈ-ehˇ ehˇ-eu meh.

Aˬmoˆ 2:9

“Ehˇ kʼawꞈ, ngaˬ-euˬ tsawˇ haˬ deuˬ-oˇ, shuˬ liˇ aˇ bawˇ loꞈ-ehˇ goˇ-awˇ tsuiꞈ kaˆ aˇ bawˇ loꞈ-ehˇ deuˇ-eu Aˬmawˇliˆ tsawˇ haˬ deuˬ-ahˇ, naw maꞈ gʼaˇ duˬ ngaˇ laˆ luˬ laˆ seˇ nehˬ jiˇ-euˬ ma.

Yawˇshuˆ 21:24

Aiˬjaˬloˬ meuˬ hawˇ-eu, Gaˬdaˇleˬmoˬ meuˬ heu deuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh.

1 Saˬmeuˬlaˆ 12:18

Kʼoeˇ naˇ, Saˬmeuˬlaˆ guiˬ lahˬ shaˇ-awˇ, kʼoeˇ ngeh nah laꞈ kʼoeˇ Sahˬpaˬ Miˬyehˇ mˬ jeˬ bi jeˬ le-awˇ, uˬ yehˇ bi yehˇ le-euˬ meh. Kʼoeˇ ngeh jawˇ, tsawˇ haˬ dawˬ tawˆ luꞈ, Sahˬpaˬ Miˬyehˇ hawˇ-eu Saˬmeuˬlaˆ-ahˇ guˆ laˇ taˬ-euˬ meh.

2 Sahˬpaˬ 20:9

Iˇsaˬyaˇ ehˇ-eu, “Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ byah laˇ-eu gaˇ kawˆ, aˬ yawꞈ nawˬ-ahˇ saˇ kiˇ mehˬ nehˬ laꞈ tehꞈ-a. Haw sheˇ. Dawˬ dzm dawˬ tehꞈ-ahˇ jaˆ-eu naˇ shmˇ kʼoeˇ, mehˬ hu paw shiꞈ tehꞈ bi iˇ-eu loˇ, maˬ ngeuˇ naˇ, naˇ kʼah paw shiꞈ tehꞈ bi gʼoꞈ kʼoꞈ laˇ-eu loˇ lehˇ, nawˇ ehˇ sheˇ.”

2 Sahˬpaˬ 20:10

Heˬsaˬgiˇ ehˇ-eu, “Naˇ shmˇ-ahˇ mehˬ hu paw shiꞈ tehꞈ bi iˇ-euˬ-aˬ, yaw awˬ tehꞈ-a. Naˇ kʼah paw shiꞈ tehꞈ bi gʼoꞈ laˇ-awˬ.”

1 Laˬsaˬbaˬ 8:13

Beˬliˇyaˆ hawˇ-eu Sheˬmaˬ-aˬ, Aiˬjaˬloˬ meuˬ-ahˇ jawˇ-eu aˇ jeuˬ aˇ ca deuˬ-euˬ aˬ yuiꞈ aˬ tsu pyeuꞈ-awˇ, Gaˬdaˇ meuˬ-ahˇ jawˇ-eu tsawˇ haˬ deuˬ-ahˇ teh pawˇ-euˬ meh.

2 Laˬsaˬbaˬ 11:10

Zoˇlahˬ meuˬ, Aiˬjaˬloˬ meuˬ hawˇ-eu Heˬbyoˬ meuˬ heu deuˬ meh.