Yawˇshuˆ 10:10 - Akha

¹⁰ Iˇsaˬleˬlaˆ tsawˇ haˬ deuˬ-euˬ mehˬ shi, Aˬmawˇliˆ tsawˇ haˬ deuˬ-ahˇ Sahˬpaˬ Miˬyehˇ bi tsawˬ guˆ-iˇ-euˬ meh. Giˇbyoˬ meuˬ-ahˇ, Iˇsaˬleˬlaˆ tsawˇ haˬ deuˬ aˬ yawꞈ maꞈ-ahˇ deuˆ sehꞈ-awˇ, Behˬhawˇleuˬ meuˬ dawˬ peh gawˬ jawˬ gʼaˬ lahˇ paw teh ka gʼeh-awˇ, laꞈ oˆ paw pyawˬ-ahˇ jaˆ-eu Aˬzeˬkaˬ meuˬ hawˇ-eu Maˬgeˬdaˬ meuˬ-ahˇ keuˆ ni deuˆ deuˆ-ehˇ teh-euˬ meh.

Yawˇshuˆ 10:10 Referans Kwoze

Jaceuq 18:14

Aˬyawꞈkaˆmyaˬbeuˆgʼeh leꞈ-awˇ, muiˇ-eu deuˬ-ahˇteh byaˆ-euˬmeh. Mˬjeˬtsawˬtehˆtehˆgʼeh leꞈ-awˇ, guˆ-iˇ-awˇbi cehˆbyaˆ-euˬmeh.

Yawˇshuˆ 16:5

Heu-aˬ, Eˇpaˬleˬ tsawˇ jeuˬ-euˬ miˇ kʼahˬ pyeuꞈ-eu meh. Aˬ yawꞈ maꞈ-euˬ miˇ kaˬ-aˬ, Aˬtaˬyoˆaˬdaˬlaˆ meuˬ-ahˇ neh, nahˇ ma doˆ kʼehˬ paw Behˬhawˇleuˬ laꞈ taˆ meuˬ paw le gʼeh leꞈ-euˬ meh.

Yawˇshuˆ 16:3

Kʼoeˇ naˇ, nahˇ ma ga kʼehˬ paw Yaˬpaˬlehˆ tsawˇ haˬ deuˬ jawˇ-eu gahˬ kaˬ iˇ gʼeh-awˇ, Behˬhawˇleuˬ laꞈ oˆ meuˬ-ahˇ iˇ gʼeh-euˬ meh. Kʼoeˇ gaˇ neh naˇ, Geˬzeuˬ meuˬ paw iˇ-awˇ, Gʼahˇ ceh-euˬ iˬ ma laˆ shaˆ-ahˇ iˇ dahˬ-euˬ meh.

Iˇsaˬyaˇ 28:21

Sahˬpaˬ Miˬyehˇ aˬ yawꞈ-euˬ nui kʼahˇ byah laˇ ni, Peˬlaˬzmˬ gawˬ jawˬ hawˇ-eu Giˇbyoˬ deh kʼawꞈ-ahˇ deuˆ-euˬ loꞈ-ehˇ, aˬ yawꞈ guiˇ paˇ deuˆ-awˇ, maˬ noeˬ miˇ coeˇ gaˇ keuˆ ni mˇ keuˆ-awˇ, maˬ noeˬ doˆ coeˇ-eu jeˬ mˇ byah tehꞈ-a.

Yaˇ kʼaˬ daˇ 4:15

Baˬyehˇ hawˇ-eu aˬ yawꞈ-euˬ guiˇ maꞈ deuˬ guiˇ deuˆ-iˇ ngeh, Siˇseˬlaˇ hawˇ-eu aˬ yawꞈ-euˬ mahˬ laˆ lawˬ dawˬ tawˆ luꞈ-ahˇ maˬ ehˇ, aˬ yawꞈ-euˬ tsawˇ haˬ deuˬ-ahˇ maˬ ehˇ, Sahˬpaˬ Miˬyehˇ laˆ bahˬ laˆ lahˇ nehˬ-euˬ meh. Siˇseˬlaˇ-aˬ, aˬ yawꞈ-euˬ mahˬ laˆ lawˬ-ahˇ neh tsawˬ ka-awˇ, kuiˇ zoˬ cehˆ-euˬ meh.

Yawˇshuˆ 15:35

Jaˬmuˆ meuˬ, Aˬduˬlamˬ meuˬ, Sawˇkoˬ meuˬ, Aˬzeˬkaˬ meuˬ,

Yawˇshuˆ 10:11

Iˇsaˬleˬlaˆ tsawˇ haˬ deuˬ-euˬ mehˬ shi Aˬmawˇliˆ tsawˇ haˬ deuˬ gʼaˬ lahˇ caw caw-ehˇ cehˆ ka gʼeh ngeh, Aˬzeˬkaˬ meuˬ-ahˇ keuˆ ni, huiˬ dui dui-eu uˬ yehˇ aˇ siˬ aˬ yawꞈ maꞈ kʼoeˇ taˆ bi ga deh-euˬ meh. Iˇsaˬleˬlaˆ tsawˇ haˬ deuˬ neh sehꞈ-euˬ naˆ maˬ tseˇ, uˬ yehˇ aˇ siˬ bi ga deh-awˇ shiˇ-euˬ myaˬ dzehˬ-eu meh.

Yeˬlaˬmiˇ 34:7

Kʼoeˇ ngeh, Baˬbuˇloˬ sahˬ paˬ-euˬ guiˇ maꞈ deuˬ meuˬ kʼoeˇ meuˬ-ahˇ guiˇ deuˆ luꞈ-eu meh. Yuˇdaˆ meuˬ nui deuˬ laꞈ kʼoeˇ, aˬ cawˬ neh maˬ bi deuˆ gʼaˬ dah-ehˇ ziꞈ dah ni dzeˇ luꞈ-eu meuˬ-aˬ, Laˬkiˇshaˆ meuˬ hawˇ-eu Aˬzeˬkaˬ meuˬ kʼoeˇ nyiˬ meuˬ tehꞈ meh. Kʼoeˇ nyiˬ meuˬ-ahˇ kʼawꞈ, guiˇ maꞈ kʼoeˇ deuˬ guiˇ deuˆ luꞈ-eu meh.

Jaceuq 78:55

Aˬ yawꞈ-euˬ tsawˇ haˬ deuˬ le uˇ gʼeh-eu nehˬ-ehˇ, kʼoeˇ gaˇ jawˇ luꞈ-eu tsawˇ haˬ deuˬ-ahˇ teh dzeh-awˇ, tsawˇ haˬ kʼoeˇ deuˬ-euˬ miˇ kʼahˬ Iˇsaˬleˬlaˆ tsawˇ jeuˬ deuˬ-ahˇ biˇ nehˬ-eu laꞈ kʼoeˇ, aˬ yawꞈ maꞈ-euˬ nymˇ kʼoeˇ deuˬ aˬ yawꞈ-euˬ tsawˇ haˬ deuˬ-ahˇ aˬ yawꞈ biꞈ-euˬ meh.

Jaceuq 44:3

Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

2 Laˬsaˬbaˬ 14:12

Aˬsaˬ hawˇ-eu Yuˇdaˆ guiˇ maꞈ guiˇ deuˆ-iˇ ngeh, Suˬdaˬ guiˇ maꞈ-ahˇ Sahˬpaˬ Miˬyehˇ deuˆ gʼaˬ-awˇ, Suˬdaˬ tsawˇ haˬ deuˬ cehˆ byaˆ-euˬ meh.

1 Saˬmeuˬlaˆ 13:18

Nyiˬ muˇ tiˬ muˇ-aˬ, Behˬhawˇleuˬ meuˬ paw le-awˇ, smˬ muˇ tiˬ muˇ-aˬ, Zeˬbaiˬ deh kʼawꞈ hawˇ-eu bawˇ tsahˬ bawˇ dahˇ-euˬ laꞈ taˆ yaw goˇ-ahˇ jaˆ-eu miˇ kaˬ paw le-euˬ meh.

Yawˇshuˆ 21:22

Giˇbaˬzeˬ meuˬ hawˇ-eu, Behˬhawˇleuˬ meuˬ heu deuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh.

Yawˇshuˆ 15:41

Geˬdeˬlawˇ meuˬ, Behˬdaˬgoˬ meuˬ, Neˬmaˬ meuˬ, Maˬgeˬdaˬ meuˬ, heu tseˇ koꞈ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

Yawˇshuˆ 12:16

Maˬgeˬ daˬ meuˬ, Beˬdeˬlaˇ meuˬ,

Yawˇshuˆ 11:8

Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ-ahˇ tsawˇ haˬ kʼoeˇ deuˬ kʼoeˇ taˆ bi gʼaˬ leˇ-euˬ meh. Iˇsaˬleˬlaˆ tsawˇ haˬ deuˬ aˬ yawꞈ maꞈ-ahˇ deuˆ deuˆ-ehˇ teh-awˇ, laꞈ taˆ paw Miˇsaˬleˬpawˇmeˬ meuˬ hawˇ-euˬ Siˇdoˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw Miˇzaˬpaˬ deh kʼawꞈ-ahˇ keuˆ ni maˬ ehˇ, teh keuˆ gʼeh-euˬ meh. Muiˇ-eu deuˬ tiˬ gʼaˬ-iˬ maˬ dehꞈ-ehˇ pyeuꞈ-iˇ ngeh keuˆ ni, maˬ naˬ leˇ ni guiˇ deuˆ-euˬ meh.

Yawˇshuˆ 10:28

Kʼoeˇ ngeh nah, Maˬgeˬdaˬ meuˬ-ahˇ Yawˇshuˆ deuˆ-awˇ, meuˬ kʼoeˇ meuˬ-euˬ sahˬ paˬ-ahˇ nyehꞈ-euˬ meh. Meuˬ laꞈ kʼoeˇ kʼaˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni, yawˬ gʼaˬ na luꞈ-ahˇ sehꞈ-euˬ meh. Yeˬliˇkoˇ sahˬ paˬ-ahˇ jahˇ nehˬ-euˬ loꞈ-ehˇ, Maˬgeˬdaˬ sahˬ paˬ-ahˇ aˬ yawꞈ jahˇ nehˬ-euˬ meh.

Dawˬmehˬ 7:23

Naw maꞈ-ahˇ muiˇ-eu tsawˇ haˬ kʼoeˇ deuˬ naw maꞈ-euˬ laꞈ-ahˇ ahˇ le ni Sahˬpaˬ Miˬyehˇ jahˇ-awˇ, aˬ yawꞈ maꞈ luˬ-iˇ seˇ-iˇ ngeh keuˆ ni laˆ bahˬ laˆ baˆ nehˬ tehꞈ-a.

Yawˇshuˆ 10:9

Yawˇshuˆ hawˇ-eu aˬ yawꞈ-euˬ guiˇ maꞈ deuˬ Giˇlaˇgaˬlaˇ-ahˇ neh Giˇbyoˬ meuˬ-ahˇ uˬ ciꞈ miˇ lah-ehˇ le-awˇ, Aˬmawˇliˆ tsawˇ haˬ deuˬ maˬ noeˬ-euˬ gaˇ, ja pyuˬ ni guiˇ deuˆ-euˬ meh.

1 Saˬmeuˬlaˆ 17:1

Piˇliˇtiˆ tsawˇ haˬ deuˬ guiˇ deuˆ-eu gʼaˇ duˬ lehˬ hmˬ-awˇ, Yuˇdaˆ miˇ kʼahˬ Sawˇkoˬ meuˬ-ahˇ uiˬ leˇ taˬ-euˬ meh. Sawˇkoˬ meu hawˇ-eu Aˬzeˬkaˬ meuˬ yaw kaˬ-ahˇ jaˆ-eu Eˇpeˇdaˬmeˬ lehˇ kuˇ-eu jawˇ duˬ-ahˇ, aˬ yawꞈ maꞈ taˆ tsoˆ-awˇ naˬ luꞈ-eu meh.

2 Saˬmeuˬlaˆ 22:15

Aˬ yawꞈ-ahˇ muiˇ-eu tsawˇ haˬ-ahˇ, kaˆ myaˬ pyehˬ-awˇ teh byaˆ nehˬ-awˇ. mˬ myawꞈ myawꞈ-awˇ bi cehˆ-eu meh.

1 Sahˬpaˬ 9:17

Kʼoeˇ ngeh jawˇ, meuˬ kʼoeˇ meuˬ-ahˇ Sawˇlaˬmoˬ neh paˇ tsoˆ muiˬ-euˬ meh.) Kʼoeˇ naˇ, tsawˇ haˬ paˆ-awˇ myawˬ kʼaˆ bi mˇ-eu laꞈ kʼoeˇ, Sawˇlaˬmoˬ neh tsoˆ muiˬ-euˬ meuˬ deuˬ-a, Behˬhawˇleuˬ laꞈ oˆ meuˬ,

Jaceuq 68:14

Zaˬlaˬmoˬ gawˬ jawˬ-ahˇ jawˇ-eu sahˬ paˬ deuˬ-ahˇ, Baoˬ huiˬ-eu Miˬyehˇ teh byaˆ nehˬ ngeh, kʼoeˇ gaˇ neh bi ga le-euˬ meh.

Yaˇ kʼaˬ daˇ 4:16

Baˬyehˇ-aˬ, mahˬ laˆ lawˬ kʼoeˇ deuˬ hawˇ-eu yehˇ kʼoeˇ deuˬ-ahˇ, Gawˇiˆ miˇ kʼahˬ Haˬloˇshehˆ meuˬ-ahˇ keuˆ ni teh-awˇ, Siˇseˬlaˇ-euˬ guiˇ guiˇ maꞈ maꞈ lah-ehˇ, tiˬ gʼaˬ-iˬ maˬ law-iˇ ni bi sehꞈ jiˇ-euˬ meh.

Yaˇ kʼaˬ daˇ 5:20

Mˬ kʼoeˇ taˆ cah luꞈ-eu aˬ guiˇ deuˬ, Siˇseˬlaˇ-ahˇ guiˇ deuˆ-euˬ meh.

2 Laˬsaˬbaˬ 25:13

Kʼoeˇ ngeh, Aˬmaˬziˇ neh guiˇ deuˆ gaˇ maˬ sheuˬ gʼeh-ehˇ bi gʼoꞈ leˇ-euˬ Iˇsaˬleˬlaˆ yehˇ kʼoeˇ deuˬ, Saˬmaˬliˆ meuˬ hawˇ-eu Behˬhawˇleuˬ meuˬ yaw kaˬ-ahˇ jaˆ-eu Yuˇdaˆ meuˬ deuˬ-ahˇ guiˇ deuˆ-awˇ, tsawˇ haˬ smˬ heˇ gʼaˬ sehꞈ-awˇ, pyuˇ shuiˇ myawˬ gahˬ gʼawˬ mya ni yuˇ geuꞈ gʼeh-euˬ meh.

Iˇsaˬyaˇ 30:30

Sahˬpaˬ Miˬyehˇ-aˬ, baoˬ huiˬ-eu aˬ yawꞈ-euˬ dawˬ tsawˇ haˬ yawˬ gʼaˬ na luꞈ-ahˇ bi gaˬ-awˇ, aˬ yawꞈ nui ma pehˇ-eu jeˬ aˇ naˆ ni guˆ laˇ paˬ-ehˇ gʼeh-eu gaˇ kawˆ, tsawˇ haˬ yawˬ gʼaˬ na luꞈ-ahˇ bi siˬ bi mawˇ tehꞈ-a. Miˬ dzaˬ miˬ lmˇ doˆ le-awˇ miˬ dzaˬ doꞈ luꞈ-eu mˬ dmˇ ya mawˇ-eu uˬ taꞈ, uˬ yehˇ aˇ siˬ ga le-awˇ, mˬ jeˬ jaˬ lehˇ oe tehꞈ-a.

Zaˬkaˬliˇ 14:3

Kʼoeˇ naˇ, Sahˬpaˬ Miˬyehˇ doˆ-iˇ-awˇ, aˇ hu ba guiˇ deuˆ haw-euˬ loꞈ-ehˇ, tsawˇ jeuˬ kʼoeˇ deuˬ-ahˇ guiˇ deuˆ tehꞈ-a.