Yawˇshuˆ 1:9 - Akha

⁹ Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ lehˇ, ngaˇ nawˬ-ahˇ ehˇ-eu dawˬ heu dawˬ-ahˇ taˬ ngehˇ. Guˆ-eu jeˬ maˬ ehˇ, gʼaˬ baˬ-eu jeˬ maˬ ehˇ, nawˬ-euˬ nui ma laꞈ kʼoeˇ taˬ bi pyeuꞈ doˆ laˇ. Aˬ jeˬ miˇ neh ehˇ naˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, nawˇ kʼaˇ iˇ kʼaˇ laˇ gaˇ nawˬ nehˬ-ehˇ jawˇ ma.”

Yawˇshuˆ 1:9 Referans Kwoze

Aˇ dahˬ 28:15

Haw taˬ-awˬ, ngaˇ nawˬ nehˬ-ehˇ jawˇ-awˇ, nawˇ kʼaˇ iˇ kʼaˇ laˇ gaˇ nawˬ-ahˇ ngaˇ haw piˇ-eu laꞈ kʼoeˇ, miˇ kʼahˬ heu kʼahˬ-ahˇ, nawˬ-ahˇ paˇ bi gʼoꞈ keuˆ laˇ ma. Nawˬ-ahˇ ngaˇ saˇ jaˇ dzaˬ taˬ-euˬ dawˬ heu deuˬ maˬ mˇ byah jiˇ kʼoeˇ keuˆ ni, ngaˇ nawˬ-ahˇ maˬ byehˇ dzeh.”

Dawˬmehˬ 20:1

“Nawˬ-ahˇ muiˇ-eu deuˬ-ahˇ guiˇ deuˆ-iˇ-eu lehˇ nawˇ doˆ-iˇ-awˇ, naw maꞈ naˆ maˬ tseˇ myaˬ dzehˬ-eu mahˬ laˆ lawˬ deuˬ hawˇ-eu guiˇ guiˇ maꞈ deuˬ-ahˇ ya mawˇ ngeh, taˬ guˆ. Iˇjiˇtuˆ miˇ kʼahˬ laꞈ kʼoeˇ neh nawˬ-ahˇ ka kʼoꞈ doˆ laꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a.

Jaceuq 46:7

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.

Iˇsaˬyaˇ 43:5

Taˬ guˆ. Ngaˇ nawˬ nehˬ-ehˇ jawˇ ma. “Nahˇ ma doˆ kʼehˬ ga kʼehˬ jawˇ byoˆ taˬ-euˬ, nawˬ-euˬ tsawˇ haˬ-ahˇ ngaˇ sheuˬ kʼoꞈ laꞈ ma.

Yaˇ kʼaˬ daˇ 6:14

Kʼoeˇ ngeh, Sahˬpaˬ Miˬyehˇ dawˬ biꞈ-awˇ ehˇ-eu, “Nawˬ-eu gʼaˬ-ahˇ gʼoe-eu laꞈ kʼoeˇ iˇ-awˇ, Miˇdiˬyaˬ tsawˇ haˬ-euˬ aˬ laꞈ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ ka kʼoꞈ doˆ-iˇ-awˬ. Ngaˬ-euˬ gʼawˇ mawˇ nawˬ-ahˇ pyehˬ gʼeh-eu ma.”

2 Saˬmeuˬlaˆ 13:28

Aˬbaˇsaˬloˬ-aˬ, aˬ yawꞈ-euˬ zaˬ kʼaˆ deuˬ-ahˇ heu loꞈ-ehˇ mehˬ gahˇ taˬ-euˬ meh. “Aˬmaˬnoˬ gʼaˬ aˬ geu ngeh dzaˬ yehꞈ dawˇ yehꞈ nga loˇ lehˇ yaw muiˬ paˬ-ehˇ haw coeˇ taˬ-awˇ, aˬ yawꞈ-ahˇ sehꞈ-awˬ lehˇ ngaˇ ehˇ naˇ, tiˬ poˆ tehꞈ-ehˇ sehꞈ-awˬ. Tiˬ jeˬ-iˬ taˬ guˆ. Yawˬ jeˬ na luꞈ ngaˇ kamˬ ma. Maˬ nyi naˬ ni nui ma yaw tsehˆ tsehˆ-ehˇ noeˬ-awˇ mˇ-awˬ.”

Gʼaˬkʼehˇ 4:19

Ehˇ kʼawꞈ, Beˬtuˆluˆ hawˇ-eu Yoˇhaˬ aˬ nyaꞈ ehˇ-eu, “Naw maꞈ-euˬ ehˇ dawˬ naˇ haˬ-eu hawˇ-eu Miˬyehˇ-euˬ ehˇ dawˬ naˇ haˬ-eu heu nyiˬ jeˬ, Miˬyehˇ mehˬ shi aˬ geu jeˬ tsaˬ dzehˬ ta lehˇ naw maꞈ shaˇnoeˬ haw sheˇ.

Dawˬmehˬ 31:28

Gaˇ kawˆ heu deuˬ ngaˇ dzawˇ mehˬ nehˬ nya ni, naw maꞈ-euˬ tsawˇ jeuˬ aˬ yawꞈ jeuˬ yawꞈ-euˬ aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ-ahˇ kuˇ uiˬ-awˬ. Aˬ yawꞈ maꞈ-euˬ mehˬ shi saˇ kiˇ bi geuꞈ-eu gʼaˇ duˬ, mˬ hawˇ-eu miˇ-ahˇ ngaˇ kuˇ-eu ma.

Dawˬmehˬ 1:21

Haw yawˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ mehˬ shi miˇ kʼahˬ heu kʼahˬ bi jaˆ taˬ-euˬ ngaˇ. Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ ehˇ taˬ-euˬ loꞈ-ehˇ, miˇ kʼahˬ heu kʼahˬ-ahˇ jawˇ leˇ-awˬ. Nyi naˬ nyi naˬ-ehˇ taˬ paˇ jawˇ. Maˬ guˆ ni le-awˬ lehˇ naw maꞈ-ahˇ ngaˇ ehˇ-euˬ ma.

Yawˇshuˆ 1:10

Kʼoeˇ naˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-ahˇ Yawˇshuˆ heu loꞈ-ehˇ dawˬ biꞈ-euˬ meh.

Yawˇshuˆ 1:17

Moˇseˬ-euˬ ehˇ dawˬ-ahˇ nga maꞈ aˬ myah luꞈ naˇ haˬ geuꞈ-euˬ loꞈ-ehˇ, nawˬ-euˬ ehˇ dawˬ-ahˇ kʼawꞈ, naˇ haˬ geuꞈ ma. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ Moˇseˬ nehˬ-ehˇ jawˇ-euˬ loꞈ-ehˇ, nawˬ nehˬ-ehˇ kʼawꞈ jawˇ luꞈ-uˇ.

Yawˇshuˆ 8:1

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Yehˇ dawˬ tawˆ luꞈ sheuˬ-awˇ, Aˬiˇ meuˬ-ahˇ guiˇ deuˆ leˇ-awˬ. Guˆ-eu nui ma maˬ ehˇ, gʼaˬ baˬ-eu nui ma maˬ ehˇ, taˬ bi ahˇ. Ngaˇ nawˬ-ahˇ Aˬiˇ sahˬ paˬ-ahˇ bi gʼaˬ leˇ ma. Aˬ yawꞈ-euˬ tsawˇ haˬ, aˬ yawꞈ-euˬ meuˬ hawˇ-eu, aˬ yawꞈ-euˬ miˇ kʼahˬ-aˬ, nawˬ-euˬ pyeuꞈ laˇ tehꞈ-a.

Yawˇshuˆ 10:8

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ maꞈ-ahˇ taˬ guˆ. Aˬ yawꞈ maꞈ-ahˇ nawˬ-euˬ aˬ laꞈ laꞈ kʼoeˇ ngaˇ a nehˬ taˬ-euˬ ma. Aˬ yawꞈ maꞈ tiˬ gʼaˬ-iˬ nawˬ-ahˇ guiˇ maˬ deuˆ gʼaˬ nya-a.”

2 Laˬsaˬbaˬ 15:7

Ehˇ kʼawꞈ, naw maꞈ gʼaˬ byehˆ maˬ byehˆ ni, nui ma kʼaˬ duˬ ni taˬ-awˬ. Naw maꞈ neh mˇ-euˬ gaˇ baˬ da neh guiˬ lahˬ za tehꞈ-a.”

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Aˇ dahˬ 39:2

Yoˇsehˆ nehˬ-ehˇ Sahˬpaˬ Miˬyehˇ jawˇ-eu miˇ neh, Yoˇsehˆ kʼaˇ mˇ kʼaˇ shaˇ-eu gaˇ dawˬ tawˆ luꞈ huiˬ laˇ mahˇ laˇ luꞈ-eu meh. Aˬ yawꞈ-ahˇ zeuˇ-euˬ Iˇjiˇtuˆ tsawˇ haˬ yaw huiˬ yaw mahˇ kʼoeˇ gʼaˬ-euˬ nymˇ-ahˇ aˬ yawꞈ jawˇ luꞈ-eu meh.

Aˇ dahˬ 39:3

Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ guiˬ lahˬ biꞈ luꞈ-eu miˇ neh, Yoˇsehˆ kʼaˇ mˇ kʼaˇ shaˇ-eu jeˬ guiˬ lahˬ baw gaˇ, yaw huiˬ yaw mahˇ kʼoeˇ gʼaˬ ya mawˇ-euˬ meh.

Dawˬmehˬ 31:23

Kʼoeˇ naˇ, Nuˬ-eu aˬ li Yawˇshuˆ-ahˇ Sahˬpaˬ Miˬyehˇ dawˬ ngehˬ-awˇ ehˇ nehˬ-eu, “Yaw haˇ yawˬ ha nui jah ahˇ-awˇ, nui ma kʼaˬ duˬ ni taˬ-awˬ. Ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ Iˇsaˬleˬlaˆ tsawˇ haˬ deuˬ-ahˇ nawˇ ya sheuˬ uˇ gʼeh tehꞈ-a. Nawˬ nehˬ-ehˇ ngaˇ jawˇ ma.”

Yawˇshuˆ 1:18

Nawˇ uˆ lahˇ-eu uˬ moˆ maˬ jawˇ mawꞈ-ehˇ, nawˬ-euˬ ehˇ dawˬ-ahˇ maˬ naˇ haˬ geuꞈ-eu tsawˇ haˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ.”

Yawˇshuˆ 3:7

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Iˇsaˬleˬlaˆ tsawˇ haˬ dawˬ tawˆ luꞈ, nawˬ-ahˇ huiˬ-eu tsawˇ haˬ tiˬ gʼaˬ loꞈ-ehˇ taˬ huiˬ taˬ mahˇ-awˇ, Moˇseˬ nehˬ-ehˇ ngaˇ jawˇ-euˬ loꞈ-ehˇ nawˬ nehˬ-ehˇ kʼawꞈ ngaˇ jawˇ-eu gaˇ kawˆ aˬ yawꞈ maꞈ ya siˬ duˬ ni, iˬ nah ngaˇ mˇ ma.

Yawˇshuˆ 6:27

Kʼoeˇ naˇ, Yawˇshuˆ nehˬ-ehˇ Sahˬpaˬ Miˬyehˇ jawˇ-awˇ, Yawˇshuˆ tsawˇ myahˇ doˆ-eu gaˇ kawˆ miˇ kʼahˬ kʼoeˇ kʼahˬ doe ni Yawˇshuˆ tsawˇ myahˇ doˆ-euˬ meh.

Yawˇshuˆ 10:25

Kʼoeˇ naˇ, aˬ yawꞈ-euˬ yaw huiˬ yaw mahˇ deuˬ-ahˇ Yawˇshuˆ ehˇ nehˬ-eu, “Guˆ-eu nui ma maˬ-ehˇ, gʼaˬ baˬ-eu nui ma maˬ ehˇ, naw maꞈ laꞈ kʼoeˇ taˬ bi ahˇ. Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ dawˬ tawˆ luꞈ-ahˇ, Sahˬpaˬ Miˬyehˇ heu loꞈ-ehˇ jahˇ nehˬ tehꞈ-a.”

1 Saˬmeuˬlaˆ 10:7

Kʼoeˇ loꞈ-ehˇ pyeuꞈ laˇ naˇ, Miˬyehˇ neh nawˬ-ahˇ kʼaˇ bi mˇ laꞈ-euˬ loꞈ-ehˇ mˇ-awˬ.

1 Laˬsaˬbaˬ 28:20

Aˬ yawꞈ-euˬ aˬ li Sawˇlaˬmoˬ-ahˇ sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ gʼeh-awˬ. Gaˇ mˇ-eu dawꞈ leˇ-awˇ, aˬ jeˬ pyeuꞈ kʼawꞈ maˬ byehˇ dzeh ni mˇ daˆ leꞈ-awˬ. Ngaˇ gʼoe luꞈ-eu Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a. Aˬ yawꞈ nawˬ-ahˇ maˬ byehˇ dzeh-ehˇ, aˬ yawꞈ-euˬ Uˬ duˬ tahˬ nymˇ nymˇ ma tsoˆ gaˇ taꞈ leˇ-eu yawˬ jeˬ na luꞈ-ahˇ nawˇ mˇ jiˇ ngeh keuˆ ni, nawˬ nehˬ-ehˇ aˬ yawꞈ jawˇ tehꞈ-a.

Iˇsaˬyaˇ 8:12

“Tsawˇ haˬ kʼoeˇ deuˬ nehˬ-ehˇ nawˇ mehˬ bawˬ taˬ gm. Aˬ yawꞈ maꞈ guˆ-eu jeˬ-ahˇ nawˇ taˬ guˆ.

Daˬyeˬlaˇ 10:19

“Miˬyehˇ nawˬ-ahˇ gaˬ-eu meh. Kʼoeˇ miˇ neh, nawˇ tiˬ jeˬ-ahˇ-iˬ noeˬ shaˬ-awˇ taˬ guˆ” lehˇ aˬ yawꞈ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ ngeh, ngaˇ gʼaˬ paˇ ahˇ dzehˬ laˇ-awˇ, heu loꞈ-ehˇ ehˇ-euˬ ma. “Yaw huiˬ yaw mahˇ gʼaˬ-oˇ, nawˇ ngaˬ-ahˇ dzawˇ nehˬ paˬ-ehˇ gʼeh-eu jeˬ dzawˇ nehˬ laꞈ-awˬ. Nawˬ neh ngaˬ-ahˇ gʼaˬ bi ahˇ dzehˬ laˇ-euˬ miˇ-a.”

Haˬgaiˇ 2:4

Ehˇ kʼawꞈ, naw maꞈ tiˬ gʼaˬ-iˬ nui ma taꞈ cawˆ. Zeˬluˇbaˬbeˬlaˇ-oˇ, Piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ-oˇ, Miˇ kʼahˬ zaˬ dawˬ tawˆ luꞈ-oˇ, nui ma taˬ cawˆ. Naw maꞈ nehˬ-ehˇ ngaˇ jawˇ ma.

Haˬgaiˇ 2:5

Iˇjiˇtuˆ miˇ kʼahˬ laꞈ kʼoeˇ naw maꞈ doˆ laˇ ngeh neh, naw maꞈ nehˬ-ehˇ aˬ myah luꞈ ngaˇ jawˇ ma lehˇ saˇ jaˇ dzaˬ taˬ-euˬ ma. Iˬ nah keuˆ ni naw maꞈ nehˬ-ehˇ ngaˇ jawˇ luꞈ ma. Teu miˇ neh taˬ guˆ.