Yawˇshuˆ 1:8 - Akha

⁸ Nawˇ uˬ duˬ kʼaˇ tahˬ ngeh, Zahˇ dawˬ kʼoꞈ dawˬ sahˬ boꞈ-ahˇ maˬ ngehˇ ni gui-awˬ. Uˬ ciꞈ nah gʼahˇ maˬ ehˇ, maˬ byehˇ ni gui-eu laꞈ kʼoeˇ, kʼoeˇ gaˇ kʼaˇ boꞈ taˬ-euˬ yawˬ jeˬ na luꞈ-ahˇ naˇ haˬ geuꞈ-awˬ. Kʼoeˇ loꞈ-ehˇ jahˇ naˇ, nawˇ baw le za le-awˇ, mˇ-eu shaˇ-eu yawˬ jeˬ na luꞈ laꞈ kʼoeˇ, guiˬ lahˬ baw tehꞈ-a.

Yawˇshuˆ 1:8 Referans Kwoze

Jaceuq 119:15

Nawˇ mehˬ-eu tsoˆ-eu dawˬ-ahˇ ngaˇ dzaw geuꞈ-awˇ, nawˬ-euˬ gaˇ ma-ahˇ ngaˇ shaˇ sawˇ ma.

Jaceuq 19:14

Ka kʼoꞈyaw sahˇ SahˬpaˬMiˬyehˇ, ngaˬ-euˬlo guˇpyeuꞈ-eu gʼaˬ-oˇ, ngaˬ-euˬnui noeˬnui duˇ hawˇ-eu, ngaˬneh ngehˬ-euˬtmˇ-euˬ dawˬdeuˬ, nawˇgeuꞈnya-eu jeˬbi pyeuꞈlaꞈ.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

Dawqdaq 3:1

Ngaˬ li-oˇ, ngaˇ mehˬ-eu tsoˆ-eu dawˬ-ahˇ naˇ haˬ geuꞈ-awˇ, ngaˬ neh mehˬ-euˬ jeˬ maˬ ngehˇ ni mˇ-awˬ.

Dawˬmehˬ 29:9

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, baw le za le ni, dawˬ ma saˇ jaˇ dawˬ heu deuˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ-awˬ.

Yoˇhaˬ 14:21

Ngaˬ neh biꞈ-euˬ dawˬ-ahˇ ya gaˬ-euˬ loꞈ-ehˇ naˇ haˬ geuꞈ-eu tsawˇ haˬ-aˬ, ngaˬ-ahˇ gaˬ-eu tsawˇ haˬ meh. Ngaˬ-ahˇ kʼaˇ gaˬ-eu tsawˇ haˬ-ahˇ ngaˬ Da gaˬ tehꞈ-a. Ngaˇ kʼawꞈ aˬ yawꞈ-ahˇ gaˬ-awˇ, ngaˇ aˬ suˇ gʼaˬ pyeuꞈ-eu gaˇ kawˆ a yawꞈ-ahˇ bi siˬ bi mawˇ ma.”

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Maꞈtehˬ 7:24

“Ngaˬ neh mehˬ-euˬ dawˬ-ahˇ ya gaˬ-awˇ naˇ haˬ geuꞈ-eu tsawˇ haˬ yawˬ gʼaˬ na luꞈ, kʼaˬ lo kʼoeˇ taˆ nymˇ tsoˆ-eu noeˬ dahˇ doe-eu tsawˇ haˬ-ahˇ duˇ-eu meh.

Jaceuq 119:11

Nawˬ-ahˇ ngaˇ maˬ ya mˇ bahˬ ni, nawˬ-euˬ zahˇ dawˬ kʼoꞈ dawˬ nui ma laꞈ kʼoeˇ pi ma.

Jaceuq 119:97

Nawˬ-euˬ zahˇ dawˬ kʼoꞈ dawˬ-ahˇ ngaˇ aˇ naˆ ni gaˬ-eu nga. Nah ga-ehˇ zahˇ dawˬ kʼoꞈ dawˬ-ahˇ shaˇ noeˬ luꞈ-eu ma.

Maꞈtehˬ 7:21

“Ngaˬ-ahˇ ‘Sahˬ paˬ-oˇ, Sahˬ paˬ-oˇ’ lehˇ kʼaˇ kuˇ-eu tsawˇ haˬ yawˬ gʼaˬ na luꞈ, mˬ taˆ Miˇkʼahˬ-ahˇ ya uˇ leˇ-eu maˬ ngeuˇ-a. Mˬ kʼoeˇ taˆ jawˇ-eu ngaˬ Da nui ma tsaˬ-eu jeˬ mˇ-eu tsawˇ haˬ deuˬ tehꞈ-ehˇ ya uˇ leˇ-eu meh.

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Yawˇshuˆ 1:7

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˇ, ngaˬ-euˬ zaˬ kʼaˆ Moˇseˬ neh nawˬ-ahˇ biꞈ-euˬ Zahˇ dawˬ kʼoꞈ dawˬ dawˬ tawˆ luꞈ-ahˇ, maˬ ngehˇ ni caw teh-awˬ.

Dawˬmehˬ 30:14

Kʼoeˇ-aˬ, nawˬ nehˬ-ehˇ jaˆ luꞈ-eu meh. Kʼoeˇ-ahˇ, nawˇ siˬ nya-awˇ ehˇ nya-eu meh. Teu miˇ neh nymˬ-mˇ naˇ haˬ geuꞈ-awˬ.

Dawˬmehˬ 5:29

Aˬ yawꞈ maꞈ aˬ myah luꞈ kʼoeˇ loꞈ-ehˇ tehꞈ-ehˇ nui ma taˬ-awˇ, aˬ myah luꞈ ngaˬ-ahˇ taˬ huiˬ taˬ mahˇ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ-ahˇ naˇ haˬ geuꞈ naˇ, aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ mˬ maˬ maˬ byaˆ zaˇ ziˇ yaw muiˬ paˬ-ehˇ ya dehꞈ dzaˬ tehꞈ-a.

Jaceuq 119:99

Nawˇ mehˬ nehˬ tsoˆ nehˬ laꞈ-euˬ dawˬ-ahˇ ngaˇ shaˇ sawˇ geuꞈ-eu miˇ neh, ngaˬ-ahˇ mehˬ-eu tsoˆ-eu deuˬ naˆ maˬ tseˇ ngaˇ noeˬ siˬ noeˬ mawˇ nya-eu ma.

Iˇsaˬyaˇ 59:21

Kʼoeˇ naˇ, naw maꞈ nehˬ-ehˇ ngaˇ dawˬ ma saˇ jaˇ dzaˬ ma. Mˬ maˬ maˬ byaˆ zaˇ ziˇ naw maꞈ bi geuꞈ tsehˆ-eu gʼaˇ duˬ, ngaˬ-euˬ baoˬ hawˇ-eu ngaˬ-euˬ dawˬ deuˬ, naw maꞈ-ahˇ ngaˇ biꞈ gʼaˬ-euˬ ma. Nymˬ-mˇ neh aˇ dahˬ beh-awˇ ngaˬ-euˬ dawˬ-ahˇ naw maꞈ ya naˇ haˬ geuꞈ-awˇ, naw maꞈ-euˬ zaˬ hawˇ-eu oeˬ paˬ oeˬ ma deuˬ-ahˇ kʼawꞈ, mˬ maˬ maˬ byaˆ zaˇ ziˇ jiˇ ni ya mehˬ daˆ leꞈ meh.”

Dawˬmehˬ 5:32

“Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ maˬ ngehˇ ni mˇ-awˬ. Aˬ yawꞈ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ ni tiˬ dawˬ-iˬ taˬ byehˇ.

Dawˬmehˬ 31:11

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu jawˇ duˬ-ahˇ Iˇsaˬleˬlaˆ tsawˇ haˬ deuˬ uˬ duˬ tahˬ laˇ ngeh, zahˇ dawˬ kʼoꞈ dawˬ heu gui mehˬ nehˬ-awˬ.

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.

Maꞈtehˬ 12:35

Tsawˇ muiˬ-aˬ, yawˬ ha neh jeˬ hmˬ taˬ-euˬ yaw muiˬ jeˬ beuˬ doˆ laꞈ-awˇ, tsawˇ doeˇ-aˬ, yawˬ ha neh jeˬ hmˬ taˬ-euˬ yaw doeˇ jeˬ beuˬ doˆ laꞈ tehꞈ-a.

Jaceuq 40:10

Nawˬ-euˬyaw tsaˬyaw dawˇkʼoeˇ-ahˇ, nui ma laꞈkʼoeˇmaˬzaꞈtaˬ-ehˇ, nawˇsaˇjaˇziꞈ-eu jeˬhawˇ-eu, nawˬ-euˬka kʼoꞈ-eu jeˬgaˇkawˆ, maˬtsehˆleˇni ja mehˬ-eu ma. Nawˬ-euˬgʼoeˇ-eu gaˬ-eu hawˇ-eu, nawˬ-euˬyaw tsaˬyaw dawˇgaˇkawˆ, tsawˇhaˬaˇmaꞈkʼoeˇdeuˬmehˬshi, ngaˬneh laˆzaꞈtaˬ-euˬmaˬjaˆ.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Panmaeq 22:14

Yawˬ ha-euˬ pehˇ kʼahˬ pehˇ mahˇ yaw muiˬ paˬ-ehˇ tsiˬ shawˇ-eu baˬ da neh dehꞈ-eu saꞈ laˇ aˇ bawˇ-euˬ aˇ siˬ ya dzaˬ-awˇ, meuˬ kʼoeˇ meuˬ-euˬ lahˇ kʼehˬ-ahˇ neh meuˬ-ahˇ ya uˇ leˇ-eu aˬ kawˬ-aˬ za-euˬ tsawˇ haˬ deuˬ-aˬ, guiˬ lahˬ huiˬ-eu meh.

Aˇ dahˬ 24:63

Uˬ ciꞈ uˬ taw paw ui cuiˆ yaw naꞈ-ehˇ, deh ga paw gaˇ ma cah baˇ-iˇ-eu lehˇ aˬ yawꞈ iˇ luꞈ ngeh, law taw kʼoeˇ deuˬ gʼoꞈ le luꞈ gaˇ ya mawˇ-euˬ meh.

Dawˬmehˬ 31:24

Miˬyehˇ-euˬ zahˇ dawˬ kʼoꞈ dawˬ-ahˇ, sahˬ boꞈ tiˬ taꞈ laꞈ kʼoeˇ Moˇseˬ boꞈ-euˬ meh. Dawˬ tiˬ dawˬ tehꞈ-ehˇ kʼawꞈ maˬ ya ngehˇ yaꞈ-eu gʼaˇ duˬ, yahˇ dui dui-eu laꞈ kʼoeˇ boꞈ-euˬ meh.

Yawˇshuˆ 8:34

Kʼoeˇ naˇ, Zahˇ dawˬ kʼoꞈ dawˬ sahˬ boꞈ laꞈ kʼoeˇ kʼaˇ boꞈ taˬ-euˬ loꞈ-ehˇ, guiˬ lahˬ biꞈ-eu dawˬ deuˬ maˬ ehˇ, yaˬ kʼehˇ yaˬ-eu dawˬ deuˬ maˬ ehˇ, Zahˇ dawˬ kʼoꞈ dawˬ dawˬ tawꞈ luꞈ-ahˇ Yawˇshuˆ guˇ-awˇ gui-euˬ meh.

Dawˬmehˬ 5:1

Iˇsaˬleˬlaˆ tsawˇ haˬ dawˬ tawˆ luꞈ-ahˇ Moˇseˬ kuˇ uiˬ-awˇ ehˇ nehˬ-eu, “Iˇsaˬleˬlaˆ tsawˇ haˬ deuˬ-oˇ, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ-awˇ dzaw geuꞈ-eu laꞈ kʼoeˇ, yaw muiˬ paˬ-ehˇ caw teh-awˬ.

Dawˬmehˬ 29:8

Aˬ yawꞈ nyaꞈ-euˬ miˇ kʼahˬ aˬ dui yuˇ-awˇ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ-ahˇ biꞈ nehˬ-euˬ ma.

2 Laˬsaˬbaˬ 26:5

Guiˬ lahˬ saꞈ laˇ paw taꞈ leˇ-awˇ, aˬ yawꞈ-ahˇ nui noeˬ nui duˇ biꞈ-eu gʼaˬ pyeuꞈ-eu Zaˬkaˬliˇ kʼaˇ dehꞈ kʼoeˇ keuˆ ni, Sahˬpaˬ Miˬyehˇ-ahˇ aˬ yawꞈ saˇ jaˇ ziꞈ-awˇ, Miˬyehˇ aˬ yawꞈ-ahˇ guiˬ lahˬ biꞈ nehˬ-euˬ meh.