Yawˇshuˆ 1:18 - Akha

¹⁸ Nawˇ uˆ lahˇ-eu uˬ moˆ maˬ jawˇ mawꞈ-ehˇ, nawˬ-euˬ ehˇ dawˬ-ahˇ maˬ naˇ haˬ geuꞈ-eu tsawˇ haˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ.”

Yawˇshuˆ 1:18 Referans Kwoze

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

1 Gawˇliˬtu 16:13

Yaw beuˇ beuˇ-ehˇ jawˇ-awˬ. Jah-eu jeˬ laꞈ kʼoeˇ ziꞈ dah ni yawꞈ tehˬ taˬ-awˬ. Nui ma kʼaˬ duˬ ni taˬ-awˬ. Gʼaˬ tiˬ byah ni bi ahˇ-awˬ.

Eˇzaˬlaˬ 10:4

Gaˇ heu hmˬ nawˬ-euˬ aˬ laꞈ laꞈ kʼoeˇ jaˆ-eu loꞈ-ehˇ nawˇ mˇ gʼeh-awˬ. Nga maꞈ nawˬ-eu mehˬ nah caw teh ma.”

Yawˇshuˆ 1:9

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ lehˇ, ngaˇ nawˬ-ahˇ ehˇ-eu dawˬ heu dawˬ-ahˇ taˬ ngehˇ. Guˆ-eu jeˬ maˬ ehˇ, gʼaˬ baˬ-eu jeˬ maˬ ehˇ, nawˬ-euˬ nui ma laꞈ kʼoeˇ taˬ bi pyeuꞈ doˆ laˇ. Aˬ jeˬ miˇ neh ehˇ naˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, nawˇ kʼaˇ iˇ kʼaˇ laˇ gaˇ nawˬ nehˬ-ehˇ jawˇ ma.”

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

1 Saˬmeuˬlaˆ 11:12

Kʼoeˇ ngeh, Iˇsaˬleˬlaˆ tsawˇ haˬ deuˬ Saˬmeuˬlaˆ-ahˇ heu loꞈ-ehˇ ehˇ nehˬ-euˬ meh. “Sawˇluˆ-ahˇ aˬ dui-euˬ sahˬ paˬ bi geuꞈ-eu maˬ tsaˬ-a lehˇ ehˇ-eu tsawˇ haˬ kʼoeˇ deuˬ aˬ gaˇ jawˇ ta. Tsawˇ haˬ kʼoeˇ deuˬ nga maꞈ-ahˇ a nehˬ laꞈ-awˬ. Nga maꞈ sehꞈ dzeh jiˇ ma.”

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’

Dawˬmehˬ 17:12

Yaˇ kʼaˬ daˇ-eu deuˬ-euˬ dawˬ-ahˇ maˬ ehˇ, kʼoeˇ gaˇ piˇ ma geuꞈ luꞈ-eu gʼaˬ-euˬ dawˬ-ahˇ maˬ ehˇ, maˬ naˇ haˬ geuꞈ-eu tsawˇ haˬ-ahˇ ya sehꞈ meh. Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ haˬ deuˬ laꞈ kʼoeˇ maˬ muiˬ maˬ jaˬ-eu jeˬ maˬ bi jaˆ ni naw maꞈ yuˇ dzeh-awˬ.

Yawˇshuˆ 1:17

Moˇseˬ-euˬ ehˇ dawˬ-ahˇ nga maꞈ aˬ myah luꞈ naˇ haˬ geuꞈ-euˬ loꞈ-ehˇ, nawˬ-euˬ ehˇ dawˬ-ahˇ kʼawꞈ, naˇ haˬ geuꞈ ma. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ Moˇseˬ nehˬ-ehˇ jawˇ-euˬ loꞈ-ehˇ, nawˬ nehˬ-ehˇ kʼawꞈ jawˇ luꞈ-uˇ.

Yawˇshuˆ 2:1

Kʼoeˇ ngeh, Kaˬnaˬ miˇ kʼahˬ-ahˇ bi kʼoeˬ sho haw leˇ-awˇ, Yeˬliˇkoˇ meuˬ-ahˇ yaw muiˬ paˬ-ehˇ bi pyehˆ tseˇ haw leˇ-eu gʼaˇ duˬ, Aˬkaˬshaˇ lehˇ kuˇ-eu jawˇ duˬ-ahˇ neh tsawˇ haˬ nyiˬ gʼaˬ Yawˇshuˆ pyehˬ gʼeh-euˬ meh. Meuˬ kʼoeˇ meuˬ-ahˇ aˬ yawꞈ nyaꞈ le keuˆ ngeh, Laˬhaˇ lehˇ myahˇ-euˬ meh maˬ laˇ tiˬ gʼaˬ-euˬ nymˇ-ahˇ yaꞈ-euˬ meh.