Yawˇnaˆ 4:6 - Akha

⁶ Kʼoeˇ ngeh, Sahˬpaˬ Miˬyehˇ pyeuꞈ-eu Miˬyehˇ-aˬ, Yawˇnaˆ yaw saˇ saˇ-ehˇ naˬ nya ni naˇ shmˇ bi shmˇ-eu gʼaˇ duˬ aˇ bawˬ tiˬ bawˬ aˬ yawꞈ kʼoeˇ taˆ bi dehꞈ laˇ-euˬ meh. Yawˇnaˆ-aˬ, aˇ bawˬ kʼoeˇ bawˬ-ahˇ nui kʼahˇ shiˇ dui dui-eu meh.

Yawˇnaˆ 4:6 Referans Kwoze

1 Gawˇliˬtu 7:30

Tsawˇ ngoeˇ ngoeˇ luꞈ-eu tsawˇ haˬ deuˬ kʼawꞈ, maˬ noeˬ shaˬ-eu loꞈ-ehˇ jawˇ-awˬ. Uiˇ luꞈ-eu tsawˇ haˬ deuˬ kʼawꞈ, laˬ kʼaˬ maˬ cehˇ-eu loꞈ-ehˇ jawˇ-awˬ.

Luˇkaꞈ 10:20

Ehˇ kʼawꞈ, nehꞈ deuˬ naw maꞈ-euˬ dawˬ-ahˇ naˇ haˬ gaˇ laˬ kʼaˬ taˬ cehˇ. Mˬ kʼoeˇ taˆ naw maꞈ-euˬ tsawˇ myahˇ boꞈ ahˇ taˬ-euˬ gaˇ laˬ kʼaˬ cehˇ-awˬ.”

Yawˇnaˆ 1:17

Yawˇnaˆ-ahˇ iˇ cuꞈ-ahˇ biˬ puꞈ-eu nehˬ-ehˇ ngaˬ shaˬ shaˬ ma tiˬ mawˇ-ahˇ Sahˬpaˬ Miˬyehˇ dawˬ biꞈ-awˇ Yawˇnaˆ-ahˇ bi myoꞈ ahˇ-euˬ meh. Yawˇnaˆ-aˬ, smˬ nah smˬ miˇ kʼeuˆ ni ngaˬ shaˬ shaˬ ma kʼoeˇ mawˇ-euˬ uˬ maˆ laꞈ kʼoeˇ jawˇ-euˬ meh.

Iˇsaˬyaˇ 39:2

Baˬbuˇloˬ sahˬ paˬ neh pyehˬ gʼeh leꞈ-euˬ tsawˇ kaˬ kʼoeˇ deuˬ-ahˇ Heˬsaˬgiˇ yaw muiˬ paˬ-ehˇ ha geuꞈ-awˇ, aˬ yawꞈ-euˬ pyuˇ shuiˇ myawˬ gahˬ deuˬ jeˬ hmˬ taˬ-euˬ gaˇ sheuˬ haw nehˬ-euˬ meh. Aˬ yawꞈ-euˬ pyuˇ hawˇ-eu shuiˇ deuˬ, aˬ yawꞈ-euˬ tsiˇ yaw saw gʼawˬ mya jeˬ hawˇ-eu, aˬ yawꞈ-euˬ guiˇ deuˆ-eu keu ka deuˬ mehˬ nehˬ-euˬ meh. Aˬ yawꞈ-euˬ myawˬ jeˬ hmˬ-eu nymˇ deuˬ hawˇ-eu, aˬ yawꞈ-euˬ miˇ kʼahˬ laꞈ kʼoeˇ kʼaˇ jaˆ-eu yawˬ jeˬ na luꞈ, tiˬ jeˬ-iˬ maˬ bi dzeuˇ-iˇ ni mehˬ nehˬ jiˇ-euˬ meh.

Iˇsaˬtaˆ 5:9

Haˬmaˬ-aˬ, dzaˬ byawˇ kʼoeˇ dzaˬ gʼaˬ ngeh jawˇ, nui ma saˇ lehˆ ni laˬ kʼaˬ cehˇ cehˇ-ehˇ doˆ-iˇ-euˬ meh. Ehˇ kʼawꞈ, sahˬ paˬ-euˬ nymˇ gʼoˆ kʼehˬ-ahˇ Mawˬdaˬkehˇ-ahˇ ya mawˇ-awˇ, aˬ yawꞈ iˇ tsehˆ gʼeh luꞈ gaˇ Mawˬdaˬkehˇ tsawˬ tuˇ-awˇ yaw zeu maˬ baw nehˬ-euˬ miˇ neh, Mawˬdaˬkehˇ-ahˇ aˬ yawꞈ nui ma pehˇ-euˬ meh.

Aˬmoˆ 6:13

Loˇdeˬbaˬ‘Loˇdeˬbaˬ’ lehˇ ehˇ-eu dawˬ tsuiꞈ-aˬ, ‘Jaˬ myawꞈ’ lehˇ ehˇ mawꞈ-eu meh.* meuˬ-ahˇ deuˆ gʼaˬ ma lehˇ naw maꞈ kʼahˬ sehˇ jehˆ-eu meh. Kaˬneˬ‘Kaˬneˬ’ lehˇ ehˇ-eu-aˬ, ‘uˬ coeˇ’-ahˇ ehˇ-eu meh. Dawˬ tsuiꞈ-aˬ, ‘gʼaˬ kʼaˆ-eu’ lehˇ ehˇ mawꞈ-euˬ meh.* meuˬ-ahˇ deuˆ gʼaˬ nya ni nga maꞈ gʼaˬ kʼaˆ luꞈ ma lehˇ naw maꞈ lmˬ-eu meh.

Dawqdaq 23:5

Nawˬ-euˬ pyuˇ shuiˇ myawˬ gahˬ myaˆ tiˬ miˆ laꞈ kʼoeˇ tehꞈ-ehˇ byoˆ jiˇ nya meh. Kʼaˬ dzeˇ loꞈ-ehˇ aˬ dahˇ tsoꞈ laˇ-awˇ zaw byoˆ gʼeh nya-eu meh. -8-

Yawˇnaˆ 4:5

Yawˇnaˆ-aˬ, meuˬ-euˬ nahˇ ma doˆ kʼehˬ paw iˇ doˆ gʼeh-awˇ nuiˇ-euˬ meh. Aˬ yawꞈ sehˬ gʼawˆ gʼawˆ zaˬ gʼawˆ-awˇ, kʼoeˇ-euˬ naˇ shmˇ laꞈ kʼoeˇ nuiˇ-awˇ, Niˇnaˬbeˬ meuˬ aˬ joˆ-ehˇ pyeuꞈ laˇ gaˇ haw-eu lehˇ loꞈ luꞈ-eu meh.

Yawˇnaˆ 4:7

Ehˇ kʼawꞈ, yawˬ nah yawˬ mˬ bya laˇ ngeh, aˬ juˬ tiˬ mawˇ-ahˇ Miˬyehˇ kʼehˇ-awˇ, aˇ bawˬ kʼoeˇ bawˬ-ahˇ bi dzaˬ sehꞈ-euˬ meh.

Yawˇbaˆ 7:2

Zaˬ kʼaˆ tiˬ gʼaˬ naˇ shmˇ ya awˆ gaˇ noeˬ tmˬ luꞈ gaˇ duˇ-awˇ, gʼaˬ mahˇ mahˇ zaˬ tiˬ gʼaˬ nah poeˬ biꞈ laꞈ gaˇ dawˬ luꞈ gaˇ duˇ-eu meh.