Yawˇnaˆ 2:4 - Akha

⁴ Nawˬ-euˬ myaˆ pyawˬ maˬ ya mawˇ gaˇ, nawˇ ngaˬ-ahˇ byehˇ dzeh nehˬ laꞈ-awˇ, nawˬ-euˬ Uˬ duˬ tahˬ nymˇ yaw shawˇ, maˬ paˇ ya mawˇ haw-eu miˇ-a.

Yawˇnaˆ 2:4 Referans Kwoze

Jaceuq 31:22

“Ngaˬ-ahˇteh dzeh laꞈ-euˬngaˇ” lehˇ, ngaˇguˆ-eu laꞈkʼoeˇ ehˇ-euˬma. Ehˇ kʼawꞈ, caw ba laꞈlehˇguˇngeh, nawˇnaˇhaˬgeuꞈnehˬlaꞈ-euˬmeh.

Jaceuq 5:7

Ehˇkʼawꞈ huiˬdui myaˬdui dui-eu, nawˬ-euˬgʼoeˇ-eu gaˬ-eu baˬda, nawˬ-euˬnymˇ-ahˇngaˇlaˇnya-awˇ, Uˬduˬtahˬnymˇnymˇshawˇlaꞈkʼoeˇ, nawˬ-ahˇyaw zeu baw nehˬlaˇ-awˇ, awˆbyaˆ-awˇ uˬduˬtahˬ-eu ma.

Iˇsaˬyaˇ 38:17

Ngaˇ nui ma naˇ luꞈ-eu saˇ laˇ miˇ-a. Guˆ-eu gaˆ-eu jeˬ dawˬ tawˆ luꞈ laꞈ kʼoeˇ, ngaˬ-euˬ saꞈ laˇ-ahˇ nawˇ ka kʼoꞈ doˆ nehˬ laꞈ-awˇ, ngaˬ-euˬ iˬ baˇ dawˬ tawˆ pyehˬ dzeh nehˬ laꞈ-euˬ meh.

2 Laˬsaˬbaˬ 6:38

Miˇ kʼahˬ kʼoeˇ kʼahˬ laꞈ kʼoeˇ aˬ yawꞈ maꞈ aˬ diˇ aˬ maˇ iˬ baˇ noeˬ poˆ-awˇ, nga maꞈ-euˬ aˬ poeˬ aˬ bawˇ deuˬ-ahˇ nawˬ neh biꞈ taˬ-euˬ miˇ kʼahˬ heu kʼahˬ, nawˬ neh tseˇ doˆ taˬ-euˬ meuˬ heu meuˬ hawˇ-eu, nawˬ-euˬ gʼaˇ duˬ ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ jaˆ-eu paw aˬ yawꞈ maꞈ ciˬ pyawˇ-awˇ nawˬ-ahˇ guiˬ lahˬ shaˇ ngeh,

Daˬyeˬlaˇ 6:10

Zahˇ sahˇ kʼoꞈ kʼoeˇ hmˬ-ahˇ laꞈ ma dehˬ gʼaˬ-euˬ gaˇ kawˆ Daˬyeˬlaˇ ya siˬ ngeh, iˇ kahˇ gʼoꞈ-iˇ-euˬ meh. Aˬ yawꞈ-euˬ nymˇ kʼoeˇ taˆ tiˆ-ahˇ, Yeˬluˇsaˬlehˬ meuˬ paw pyawˇ-eu laˇ gʼoˆ zaˬ dahˇ-eu meh. Aˬ myah luꞈ aˬ yawꞈ kʼaˇ mˇ haw-euˬ loꞈ-ehˇ, laˇ gʼoˆ zaˬ pah taˬ-euˬ mehˬ shi pawˬ tsuiꞈ pawˬ dmˬ dmˬ-awˇ, tiˬ nah smˬ poˆ Miˬyehˇ-ahˇ uˬ duˬ tahˬ-euˬ meh.

Yeˬlaˬmiˇ 7:15

Naw maꞈ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-ahˇ ngaˬ neh teh dzeh nehˬ-euˬ loꞈ-ehˇ, naw maꞈ-ahˇ kʼawꞈ maˬ mawˇ laˇ gaˇ ngaˇ teh dzeh ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 37:11

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-aˬ, shaˬ yoeˬ heu deuˬ-ahˇ duˇ-eu meh. Aˬ yawꞈ maꞈ-euˬ shaˬ yoeˬ koˆ jiˇ-awˇ, noeˬ tmˬ kʼaˇ maˬ paˇ za-eu uˬ taꞈ, geuꞈ-eu jeˬ tiˬ pawꞈ-iˬ maˬ paˇ ahˇ miˇ-a lehˇ, aˬ yawꞈ maꞈ ehˇ luꞈ meh.

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Iˇsaˬyaˇ 49:14

Ehˇ kʼawꞈ, Yeˬluˇsaˬlehˬ tsawˇ haˬ ehˇ-eu, “Sahˬpaˬ Miˬyehˇ nga maꞈ-ahˇ byehˇ dzeh laꞈ-euˬ meh. Nga maꞈ-ahˇ aˬ yawꞈ ngehˇ-euˬ meh.”

1 Sahˬpaˬ 9:7

ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, ngaˬ neh biꞈ taˬ-euˬ miˇ kʼahˬ laꞈ kʼoeˇ maˬ paˇ bi jawˇ ma. Ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, ngaˬ neh bi muiˬ bi shawˇ laˇ-euˬ Uˬ duˬ tahˬ nymˇ nymˇ ma heu nymˇ-ahˇ kʼawꞈ, ngaˇ byehˇ dzeh yaꞈ ma. Yawˬ gaˇ na luꞈ jawˇ-eu tsawˇ haˬ deuˬ Iˇsaˬleˬlaˆ tsawˇ haˬ-ahˇ yehˬ bawˬ-ehˇ ehˇ niˇ gʼa-awˇ, yaw zeu maˬ baw ni ja bu ja doeˇ tehꞈ-a.

1 Sahˬpaˬ 8:48

Miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ maꞈ aˬ diˇ aˬ maˇ iˬ baˇ noeˬ poˆ-awˇ, nga maꞈ-euˬ aˬ poeˬ aˬ bawˇ deuˬ-ahˇ nawˬ neh biꞈ taˬ-euˬ miˇ kʼahˬ heu kʼahˬ-ahˇ, nawˬ neh tseˇ doˆ taˬ-euˬ meuˬ heu meuˬ hawˇ-eu, nawˬ-euˬ gʼaˇ duˬ ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ jaˆ-eu paw aˬ yawꞈ maꞈ ciˬ pyawˇ-awˇ nawˬ-ahˇ guiˬ lahˬ shaˇ ngeh,

Yawˇnaˆ 2:7

Ngaˇ shiˇ leˇ-eu myaꞈ leˇ luꞈ-awˇ, nawˬ-ahˇ ngaˇ guiˬ lahˬ shaˇ ngeh jawˇ, muiˬ-eu shawˇ-eu Uˬ duˬ tahˬ nymˇ, laꞈ kʼoeˇ jawˇ-awˇ nawˇ gaˬ-euˬ meh.

Jaceuq 42:8

Uˬciꞈpaw ngaˇcaˇdawˬcaˇ-awˇ, ngaˬ-ahˇbi dehꞈ-eu gʼaˬpyeuꞈ-eu, Miˬyehˇ-ahˇguiˬlahˬshaˇnya ni, tiˬjawˇ-iˬmaˬtsehˆleˇnya-eu, SahˬpaˬMiˬyehˇ-euˬgaˬ-eu jeˬ, nah gʼahˇpaw mehˬnehˬlaꞈluꞈ-uˇ.

Jaceuq 88:6

Naꞈ dui dui-eu lmˬ bymˇ lo kʼahˬ laꞈ kʼoeˇ, zahˇ tsui ni gʼeh-eu duˬ kʼahˬ laꞈ kʼoeˇ, ngaˬ-ahˇ nawˇ biˬ ahˇ-euˬ meh.

Jaceuq 88:7

Nawˇ nui ma pehˇ-eu jeˬ ngaˬ-euˬ kʼoeˇ taˆ kah suiˇ ni ciˬ tehˬ taˬ-awˇ, iˇ luˆ dzeh-eu loꞈ-ehˇ ciˬ tahˬ ciˬ tuˆ nehˬ laꞈ-eu meh.

Ngoeˇ dawˬ 3:54

Uˬ duˬ iˇ cuꞈ dahˬ pymˬ laꞈ-awˇ, ya shiˇ miˇ-a lehˇ noeˬ-euˬ ma.