Yawˇlaˆ 2:23 - Akha

²³ “Ziˇoˬ zaˬ-oˇ, laˬ kʼaˬ cehˇ-awˬ. Naw maꞈ jah-eu Miˬyehˇ pyeuꞈ-eu, Sahˬpaˬ Miˬyehˇ laꞈ kʼoeˇ cehˇ-awˬ. Aˬ yawꞈ tsaˬ-eu dawˇ-eu miˇ neh, naꞈ ngeh loˬ-eu uˬ yehˇ kʼoeˇ bahˬ. Tiˬ byah tiˬ loꞈ biꞈ laꞈ-euˬ meh. Naꞈ ngeh mya ngeh loˬ-eu uˬ yehˇ, dzeuˇ laˇ ngeh biꞈ laꞈ-euˬ loꞈ-ehˇ, yamˬ law tsaˬ ni biꞈ laꞈ-euˬ meh.

Yawˇlaˆ 2:23 Referans Kwoze

Piˇliˇpiˆ 4:4

Aˬ myah luꞈ Sahˬpaˬ Yeˬsuˇ laꞈ kʼoeˇ laˬ kʼaˬ cehˇ-awˬ. Ngaˇ tiˬ poˆ paˇ ehˇ ma. Laˬ kʼaˬ cehˇ-awˬ.

Uˬ duˬ 26:4

dzaˬ la gʼo cehˇ deuˬ bi muiˬ laˇ-awˇ, aˇ siˬ aˇ bawˇ deuˬ aˇ siˬ bi siˬ laˇ-eu gʼaˇ duˬ, aˇ yamˬ tsaˬ tsaˬ ni uˬ yehˇ bi yehˇ le ma.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Dawˬmehˬ 11:14

Naw maꞈ kʼoeˇ loꞈ-ehˇ mˇ naˇ, dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, yehˇ gʼahˇ ahˇ dahˬ beh ngeh maˬ ehˇ, yehˇ gʼahˇ jiˇ le ngeh maˬ ehˇ, kʼaˇ loˬ-eu loꞈ-ehˇ, miˇ kʼahˬ kʼoeˇ kʼahˬ laꞈ kʼoeˇ uˬ yehˇ bi yehˇ le tehꞈ-a.

Iˇsaˬyaˇ 41:16

Aˬ yawꞈ maꞈ-ahˇ dzeh diˇ-awˇ, jaˬ lehˇ neh bi baw byoˆ gʼeh-awˇ, jaˬ lehˇ lehˇ ma neh bi hehˇ dzaˬ tehꞈ-a. Kʼoeˇ naˇ, ngaˇ naw maꞈ-euˬ Miˬyehˇ pyeuꞈ-eu miˇ neh, naw maꞈ laˬ kʼaˬ ya cehˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, naw maꞈ ja ceuˬ tehꞈ-a.

Jaceuq 149:2

Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.

Piˇliˇpiˆ 3:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Sahˬpaˬ Yeˬsuˇ laꞈ kʼoeˇ laˬ kʼaˬ cehˇ-awˬ. Boꞈ dzeuˇ yaꞈ-euˬ jeˬ-ahˇ paˇ boꞈ poˆ-eu gʼaˇ duˬ ngaˇ nymˇ gawˬ maˬ gawˬ. Kʼoeˇ-aˬ, naw maꞈ guˆ kʼaˇ za-eu jeˬ bi teˬ-iˇ-eu gʼaˇ duˬ ma.

Zaˬkaˬliˇ 10:1

Yeˇ gʼahˇ jiˇ taw uˬ yehˇ jaˆ ni, Sahˬpaˬ Miˬyehˇ-ahˇ shaˇ geuꞈ-awˬ. Jaˬ lehˇ lehˇ ma hawˇ-eu mˬ dmˇ, Sahˬpaˬ Miˬyehˇ neh beh-euˬ meh. Uˬ yehˇ aˬ yawꞈ neh bi yehˇ-awˇ, tsawˇ haˬ-euˬ yaˇ yawˬ kawˬ na luꞈ, nyoeˇ laˇ ni aˬ yawꞈ jahˇ-eu meh.

Jaceuq 28:7

SahˬpaˬMiˬyehˇngaˬ-euˬgʼaˇduˬ, gʼaˬhawˇ-eu dehˬdaˬduˬpyeuꞈ-awˇ, aˬyawꞈ-ahˇngaˇgʼoe-eu laꞈkʼoeˇ, ngaˬ-euˬnui ma ziꞈdah jaˆma. Yawꞈcaw ba gaˇnui kʼahˇshiˇ-awˇ, laˬkʼaˬcehˇ-eu caˇdawˬcaˇ-awˇ, aˬyawꞈ-ahˇ ngaˇja ceuˬ-eu ma.

Iˇsaˬyaˇ 30:23

Naw maꞈ neh siˬ yoeˬ kʼaˇ sehˬ-euˬ gaˇ, Sahˬpaˬ Miˬyehˇ uˬ yehˇ bi yehˇ le-awˇ, bi dehꞈ muiˬ laˇ-eu laꞈ kʼoeˇ, dzaˬ la gʼo cehˇ za dui dui le-eu uˬ taꞈ, naw maꞈ-euˬ mawˇ nyoˬ jeˬ kaˇ deuˬ gʼaˇ duˬ, jeˬ zaˬ gaˆ kʼahˬ jeˇ dui dui tehꞈ-a.

Dawˬmehˬ 32:2

Ngaˬ-euˬ dawˬ mehˬ uˬ yehˇ yehˇ-awˇ, ngaˬ-euˬ dawˬ tsoˆ ceuˬ ga ga-awˬ. Jaˆ gaˆ koeˇ taˆ yehˇ muˆ muˆ-awˇ, sahˬ lahˬ kʼoeˇ taˆ yehˇ ma ma-awˬ.

Dawˬmehˬ 28:12

Tsawˇ jeuˬ gʼawˬ mya jeuˬ nawˬ-ahˇ ya shaˇ ngaˬ ya shaˇ paˇ laˇ kʼawꞈ, aˬ cawˬ tsawˇ jeuˬ-ahˇ nawˇ ya shaˇ paˇ-iˇ gaˇ maˬ bi keuˆ ni, mˬ kʼoeˇ taˆ guiˬ lahˬ yaw dzahˇ laˇ gʼoˆ aˬ yawꞈ pah-awˇ, aˇ yamˬ tsaˬ tsaˬ ni uˬ yehˇ bi yehˇ le-awˇ, nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ nawˬ-ahˇ guiˬ lahˬ biꞈ nehˬ laꞈ tehꞈ-a.

Piˇliˇpiˆ 3:3

Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.

Zaˬkaˬliˇ 10:7

Iˇsaˬleˬlaˆ tsawˇ haˬ deuˬ-aˬ, gʼaˬ kʼaˆ-eu yehˇ-ahˇ duˇ leˇ-awˇ, aˬ gaꞈ dzaˇ uiˇ dawˇ-eu loꞈ-ehˇ, laˬ kʼaˬ cehˇ-eu jeˬ oꞈ tehꞈ-a. Aˬ yawꞈ maꞈ gʼaˬ leˇ-euˬ gaˇ kawˆ, zaˬ deuˬ uˆ deuˬ maˬ ngehˇ leˇ-ehˇ, Sahˬpaˬ Miˬyehˇ mˇ-euˬ gaˇ-ahˇ, laˬ kʼaˬ cehˇ nui kʼahˇ shiˇ tehꞈ-a.

Yeˬlaˬmiˇ 5:24

Tsahˬ gaˆ uˬ yehˇ hawˇ-eu jawˇ la uˬ yehˇ biꞈ-awˇ, naw maꞈ-ahˇ ngaˇ aˬ yawꞈ kʼoꞈ yawꞈ cehˇ bi yehˬ dzaˬ-euˬ kʼawꞈ, ngaˬ-ahˇ taˬ huiˬ ma lehˇ naw maꞈ tiˬ pawꞈ-iˬ maˬ noeˬ-a.

Jaceuq 104:34

Ngaˇ laˬ kʼaˬ cehˇ-eu jeˬ aˬ yawꞈ jawˇ gaˇ neh doˆ le-euˬ miˇ neh, ngaˬ-euˬ caˇ dawˬ-ahˇ aˬ yawꞈ nui ma tsaˬ luꞈ-uˇ.

Yeˬlaˬmiˇ 3:3

Kʼoeˇ baˬ da neh uˬ yehˇ maˬ yehˇ le-ehˇ, iˇ cuꞈ iˇ beuˆ maˬ doˆ le ni tsiˇ leˇ-euˬ meh. Ehˇ kʼawꞈ, nawˇ meh maˬ laˇ-euˬ jawˬ gʼehˇ maˬ byehˇ-ehˇ, shaꞈ dawˇ-eu maˬ baw-a.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 30:21

Naw maꞈ gaˇ oˆ gaˇ taˆ cah lehˬ iˇ lehˬ ngeh, “Gaˇ ma heu gaˇ dahˇ meh. Gaˇ ma-ahˇ cah-awˬ” lehˇ, naw maꞈ-euˬ naˇ kʼah aˬ yawꞈ jawˇ-awˇ ehˇ tehꞈ-a.

Dawqdaq 16:15

Sahˬ paˬ myaˆ pyawˬ shiˬ-eu dehꞈ-eu saꞈ laˇ pyeuꞈ-awˇ, aˬ yawꞈ nui ma tsaˬ-eu jeˬ-aˬ, jawˇ la-ahˇ uˬ yehˇ bi yehˇ le-eu mˬ dmˇ-ahˇ duˇ-eu meh.

Jaceuq 32:11

Tsaˬeu dawˇ-eu tsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Nui ma dawˇ-eu tsawˇhaˬdeuˬ-oˇ, laˬkʼaˬcehˇdui dui-awˇguˇ-awˬ.

Yawˇbaˆ 33:23

Tsawˇ haˬ zaˬ-ahˇ haw-eu pyaˆ-eu Miˬyehˇ-euˬ mˬ taˆ gʼaˬ kʼehˇ aˇ heˇ aˇ muiˇ gʼaˬ jawˇ-eu laꞈ kʼoeˇ, tiˬ gʼaˬ na aˬ yawꞈ-ahˇ ngehˬ gʼeh le law nmˇ-aˬ,

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Aˬmoˆ 4:7

Naw maꞈ dzaˬ la gʼo cehˇ ka taˬ-euˬ iˇ cuꞈ loˬ dui dui ngeh ngaˇ mˬ gʼmˇ bi gʼmˇ-euˬ ma. Meuˬ tiˬ meuˬ-ahˇ uˬ yehˇ bi yehˇ le-awˇ, yawˬ meuˬ yawˬ-ahˇ maˬ bi yehˇ le ni ngaˇ jahˇ-euˬ ma. Deh yaˇ tiˬ kawˬ-ahˇ uˬ yehˇ yehˇ shehˬ kʼawꞈ, yawˬ kawˬ yawˬ gui coˇ ni jaˆ-eu meh.

Ngoeˇ dawˬ 4:2

Ziˇoˬ-euˬ aˬ li zaˬ guˬ deuˬ, shuiˇ loꞈ-ehˇ poeˬ-euˬ lawˬ-euˬ kʼawꞈ, shaˬ jehˆ tehˆ-euˬ miˇ tsaˬ oeˬ lahˬ, poeˬ sawˇ lawˬ maˬ baw gaˇ duˇ meh.

Zaˬkaˬliˇ 9:13

Yuˇdaˆ miˇ kʼahˬ kaˆ poˆ geuꞈ-awˇ, Iˇsaˬleˬlaˆ kaˆ myaˬ geuꞈ ma. Ziˇoˬ tsawˇ haˬ mi cehˇ geuꞈ-awˇ, Heˬlaˬshaˆ tsawˇ jeuˬ-ahˇ deuˆ ma.”

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

Jaceuq 84:6

Baˬkaˬ deh kʼawꞈ-ahˇ aˬ yawꞈ maꞈ le tsehˆ ngeh, lawˇ gawˆ gawˆ zaˬ myaˬ-eu jawˇ duˬ pyeuꞈ laˇ-awˇ, naꞈ-eu uˬ yehˇ baˬ da neh lah gʼawˬ mya ni jaˆ luꞈ meh.

1 Sahˬpaˬ 8:36

mˬ kʼoeˇ taˆ jawˇ-awˇ aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ. Sahˬ paˬ-ahˇ maˬ ehˇ, Iˇsaˬleˬlaˆ tsawˇ haˬ deuˬ-ahˇ maˬ ehˇ, nawˇ iˬ baˇ pyehˬ nehˬ-awˇ, yaw tsaˬ yaw dawˇ jeˬ mˇ ni mehˬ nehˬ tsoˆ nehˬ-awˬ. Sahˬpaˬ Miˬyehˇ-oˇ, kʼoeˇ naˇ, nawˬ-euˬ tsawˇ jeuˬ-ahˇ nawˬ neh biꞈ tsehˆ tsehˆ nehˬ-euˬ miˇ kʼahˬ heu kʼahˬ kʼoeˇ taˆ, uˬ yehˇ bi yehˇ le-awˬ.

Yawˇbaˆ 37:13

Tsawˇ haˬ zaˬ-ahˇ kʼehˬ-eu gʼaˇ duˬ maˬ ehˇ, aˬ yawꞈ maꞈ-ahˇ bi muiˬ leˇ-eu gʼaˇ duˬ maˬ ehˇ, miˇ tsaˬ kʼoeˇ taˆ aˬ yawꞈ uˬ yehˇ pyehˬ leꞈ nya-eu meh.

Jaceuq 147:8

Mˬ kʼoeˇ taˆ mˬ dmˇ-ahˇ aˬ yawꞈ sheu taw-awˇ, miˇ tsaˬ kʼoeˇ taˆ uˬ yehˇ bi yehˇ le-eu laꞈ kʼoeˇ, gawˬ duˇ uˬ du yaˇ moꞈ bi dehꞈ laˇ-eu meh.

Yeˬsaˬgeˬlaˇ 34:26

“Aˬ yawꞈ maꞈ-ahˇ ngaˇ guiˬ lahˬ biꞈ-awˇ, ngaˬ-euˬ muiˬ-eu shawˇ-eu gawˬ duˇ jawˬ jawˬ-ehˇ bi jawˇ ma. Aˇ yamˬ tsaˬ ni, aˬ yawꞈ maꞈ gʼaˇ duˬ ngaˇ uˬ yehˇ bi yehˇ le ma.